قصه جديده

ودانه....ومناخيره....وبوقه وهما بيطلعوا دخان يا لهوي هيبقى ترند بن الشاذلي .

ردت عليها ورد امممممممم تبقى عملت نصيبه وكارثه وربنا يسترها

ضحكت وهي وتميل براسها على كتفها احكيلك واكسب فيكى ثواب..

هو اصر ندخل مطعم قال ايه اول مره يدخلوا وعاوز يدخلو معايا وأنا فى الاصل هطق منه...

سيرته ومشيت معاه وانا جوايا بستحلفله.. داخلنا وقاعدنا ..

بس شهاده لله مطعم ايه بقي حاجه كده اوبها..

قوووم ايه عشان انا غلبانه هو جاله تليفون شغل.. قلت حلو عشان انفذ خطتي...

قمت وطلبت اكل يكفي جيش

وفضلت امثل اني مش لاقيه بطاقه الهويه بتاعتي...

ولما رجع بقيت اقول له بنرفزة دور معاك وعملت نفسى مټعصبه وكده عشان اسبك التمثيليه..

وهو يتنرفز ويحلف اني اخذتها هي والعقد ...

واخر ما زهق طلع محفظته وقال لي اتاكدي بنفسك انها مش معايا...

ويدوب اخذتها من هنا وتليفونه رن ثاني...

ما هو اصل انا بحب دونجوان عصره واوانه...

قمت اخذتها وقبل ما اخرج دفعت إكراميه محترمه للجرسونات عشان يظبطوه وخرجت من الباب الخلفى .

ظلت تضحك بهيستريا هي و ورد 

حتى وقعوا على نجيلة الجنينه..

سعلت ورد تستجمع انفاسها هاتفه 

يالهوي علي اللي هيعمله فيكي يا صفا يبقى عشان كده زياد قال لي في مشكله مع يونس وضيعتي عليا الغداء معاه بس احسن هما الاثنين يستاهلو .

عادت صبا من عملها لتنصدم من هيئتهم واصوات ضحكاتهم العاليه...

انضمت لهم وهي تضع اشيائها على المنضده الموضوعه بالجنينه وتقترب منهم بخطوات سريعه ..

همست في أذنها ېخرب بيتك يونس هيموتك..

في المطعم ما كانوش مصدقين ان هو من عيله الشاذلي...

وكانوا عايزين يطلبوا ليه الشرطه لحد ما يعقوب و زياد راحوا له ودفعوا مبلغ خرافي.. بسبب الاكل اللي طلبتيه..

ليه الهبل دا يعقوب بيقول اكل يكفي كتيبه....

وبعد ماحلوها مع المطعم... 

احتارو هيعملوا بالاكل ايه يعقوب اتصل على طنط ابرار وحكى لها اللى حصل ..

اقترحت عليه يروح دار المسنين والجمعيات الخيريه اللي بتزورهم وهي اتصلت وظبطت معاهم كل حاجة...

بس يعقوب بيقول من عصبيته كسر زجاج عربيته .

هتفت صفا وهي ترفع حاجبها بسعادة من فعلتها يستاهل عشان ثاني مره ميتحدنيش.

نظر ورد وصبا الى بعضهم بذهول من حديثها حتي قطعت عليهم نظرات الاندهاش وهتفت 

والمرة الجايه العقاپ هيبقي اقوي واشرس واكملت بتحدي بس هو يصبر عليا ابن الشاذلي .

حاولت صبا رسم الهدوء من تصرفات اختها المجنونه وما ستعانيه على يد المتغطرس الآخر وهتفت 

يالا ياحلوه منك ليها عشان تلاقيهم جهزو الغداء ومستنينا.. وبعدين يبقى لينا كلام تانى .. فى الوقعه المهببه اللى عملتيها...

هبطت كريمه وبجورها جلال وجلسوا على مائده الطعام ..

دلفت الفتيات بمرح هاتفين 

لا سلام على طعام صح ياجدو

هتف الجد والجده 

حبايب القلب ربنا يسعدكم .. يالا الاكل النهارده برعاية عمتكم فهيمه ..

جلس الجميع والتفوا حول المائده يتراسها الحاج محمد والحجه فردوس

ابتسم جلال وهو ينظر الى الطعام بتقييم وقام وانحنى وطبعة قبلة علي مقدمه رأس فهيمه قائلا 

تسلم ايدك يا ام ورد علي العظمة دي..

ابتسمت له بسعاده وفرح 

ربنا يخليك يا جلال بالف هنا يا اخويا ووضعت حمامة في فمه 

تطعمه..

ظلت البنات تسقف وتصفر على هذا المشهد الذي لم يشاهدوه منذ زمن .

هتفت كريمه الله على حب الاخوات اتعلموا كلكم منهم 

ونظرت لهم بحب هاتفة 

ربنا

يخليكم لبعض وتفضل سندها العمر كله يا جلال بعد بابا الحج أمن الجميع على كلامها

ظل الجميع ياكل بشهيه مفتوحه وطمأنينة تغمر الجميع...

انتهت ورد من طعامها واستقامت هاتفه 

الحمد لله بعد اذنكم هطلع ارتاح شويه...

نظرت لها الحاجه فردوس ثم الى الحج محمد الذي هز راسه لها ان يحثها على الحديث تكلمت وهي تنظر الى ورد 

ابوكي عاوز يشوفك عشان تعبان وجهزي نفسك لو كده تعالوا معانا وقولي ل زياد ونسافر مع بعض .

اكفهر وجه فهيمه والقت المعلقه في انائها بعصبيه مما اصدر صوت مزعج اثار ڠضب والدها واستقامت هاتفه 

هي ما لهاش اب وامسكتها من ذراعها تهزها پغضب ... اياكي تفكري تروحي له سمعتي حتي لو ماټ مش هتروحي .

سحبت ورد يدها منها بعصبيه هاتفه والدموع تنهمر من عينيها كانت تبكي وكأنها لم تبكى طوال عمرها 

مش كفايةانحرمت منه العمر كله انا طول عمري بمثل اني سعيده عشان ابقي زي بنات خالي اللي عندهم اب بيحبهم ويسعدهم.. 

بس مهما حاولت اداري انا ناقصني ابويا ... انا محتاجه ابويا... محتاجه اب اخاڤ منه ...اشوف زغرته ليه لما اغلط ...ضحكته لما اعمل حاجه صح ...

محتاجه ابويا ...احضنه لما الدنيا تيجي عليا ... 

محتاجه ابويا اتكلم معاه ...اخاڤ منه...احس بحنيته ...اللي هي لما اكون زعلانه يصالحني...

انا عارفه انك حاولتي تعوضيني بس انا فعلا عشت عمري كله ادور عليه...

انا ببقي نفسي اهرب من اي مكان بيجمع اي بنت بابوها..

انا فعلا تعبت وانتي مش حاسه بيا.. رغم ان كان المفروض انتي الوحيدة اللي تحسى بياا ...

انا فعلا تعبت يا ماما....

كان يسمعها الجميع وهم يبكون كانت كلماتها تقطع قلوبهم جميعا علي هذه المسكينه التي حاولوا