روايه كاملة
المحتويات
لتضحك هند بشدة على مظهره ابتسم هو ابتسامة صفراء و انزل هند أرضا و اتجه نحو ليلي التي دخلت المطبخ..
كانت مولية ظهرها له ببطء حتى لا تشعر به و سكب إناء اللبن عليها..
صړخت هي بتقزز و هي تقول
يع يا فارس يع..
لبن!!
ضحك هو على مظهرها و هي تكاد تبكي مثل الأطفال و تدبدب بقدميها أرضا..
سمع صوت دقات الباب قالت
دة مازن.. انا هروح افتح!!
نظرت له بدهشة.. هو أخبرها انه سيأتي وحده للجلوس مع فارس
فلم جاءت نور معه!!
انتي هتفضل متنحة كدة كتير.. و بعدين انتي عاملة كدة لية!
قالتها نور بتساؤل.. فكادت ليلي أن ترد لكن صوت فارس سبقها حينما قال
يلا يا ليلى كل دة بتفتحي الباب!!
مين اللي معاكي دة يا ليلى.. اوعي كدة!!
ازاحتها نور لتدلف بينما هتف مازن بها قائلا
اصبري يا نور عشان افهمك!!
دلفوا للداخل لتقف نور أمام فارس پصدمة قائلة
فارس.. ازاي يعني!
مازن قائلا...
قولتلك اصبري هفهمك..
______________________________________
تململت في الفراش و هي تشعر به ينهض ليحرمها من الدافئة..
انت رايح فين يا يوسف مش كل يوم على الحال دة!!
نظر لها بلا مبالاة و لم يجيبها فبكت هي پقهر و قالت
انت مش جايب واحدة من الشارع يا يوسف تقضي معاها وقت لطيف انا مراتك دة انت ناقص ترميلي فلوس في وشي و تخرج!!
لفت جسدها بالغطاء و هي تقول
نكد!... انا كدة نكد يا يوسف خلاص طلقني و سيبني في حالي ارجع لشغلي و حياتي و انت عيش مع مراتك التانية في سعادة يا يوسف!!
بلاش الكلام الخايب دة.. و اعملي حسابك مفيش شغل من هنا و رايح حتى لو رجعنا مصر!!
لم يترك لها فرصة الاعتراض و تركها و خرج لتبكي و هي تقول
دلفت منيرة و هي تري حالتها البائسة تلك.. و هي تجلس على الفراش بجانبها قائلة
خرج و سابك تاني!!
ايوة.. بيعاملني على اني واحدة رخيصة جايبها من الشارع انا تعبت يا منيرة.. و لا هو عايز يطلقني و يخصني من العڈاب دة.. و لا عايز ينسى اللي فات و يبدأ معايا صفحة جديدة..
ازاي يعني انتي عارفة يوسف ممكن يتجنن عليا!!
لا صدجيني هو هيتعصب شوي بس مش هيجربلك الا برضاكي.. و ساعتها بجا انتي لازم تتجننيه كيف ما بتجولو في مصر.. شوج و لا تدوج..
و انا كدة هستفاد اية !
هتعرفيه جيمتك.. هتخليه يرمح وراكيأجولك على حاجة بس تبجي سر بيناتنا!!
قولي..
هو ما جربش لريم.. و هي اللي جالتلي إكدة بيدخل عندها الصبح يجعد في البلكونة و يخرج يجعد معاكي بالليل.. عارفة معناته اية الكلام دية!!
آية!
أنه اتجوزها عشان يجهرك كيف ما جهرتيه بس هو عاشجك انتي بس.. و مش رايد حد غيرك و انتي بجا لازم تسيطري عليه و تخليه يرمح عليكي!!
صمتت هنا مفكرة في حديث منيرة.. لتردف الأخري
يلا اتصبحي إكدة و البسي خلاجاتك و انزلي عشان ناكلوا مع بعض!!
اعتلت الصدمة ملامح نور و هي تقول
يعني انتم كنتوا مخبيين عليا كل دة!
مش دة المهم دلوقتي يا نور.. المهم أن انتي و فارس و هند لازم تسافروا ليوسف النهاردة..
قالها مازن لترد نور
طيب فارس و هند عشان معرضين هنا للخطړ طيب انا لية!
تنهد مازن
و هو ينظر إلى فارس الصامت و قال
في حاجات كتير هتوضح الايام الجاية يا نور.. بس اللي اقدر اقولهولك دلوقتي أن اللي بيحصلك مرتبط بنسبة كبيرة باللي بيحصل لفارس و ليلي!!
طيب و ليلي لية مش هتسافر معانا!
ليلي لو سافرت معاكم هيشكوا أن في حاجة غلط.. عشان كدة لازم هي تفضل هنا و تتواصل معاهم عشان توصلنا بيهم!
و انا مش هعرض حياة مراتي للخطړ يا مازن!
يا
فارس افهم ليلي هيتعين عليها حراسة من بعيد.. هي الوحيدة اللي هتقدر توصلنا ليهم.. و وجودك هنا مش هيفيد بحاجة بالعكس دة هيعقد الأمور أكتر صدقني ليلي هتبقي في أمان.. و انت و نور لازم تسافروا دلوقتي عشان الوقت اللي بيمر دة مش في صالحنا نهائي!
نظرت له ليلي نظرة مشجعة و قالت و هي تربت على يده
اسمع كلام مازن يا فارس.. انت لو اتعرف انك عايش هيقتلوك انت و هند إنما أنا هما محتاجيني و مش هيأذوني.. في الصعيد انت هتكون في أمان أكتر و انتي يا نور لازم تبعدي شوية عن اللي بيحصل دة و
متابعة القراءة
