قصه جديده

مش عارف بس حاسس حاجة غريبة..
لورا لفت وقعدت على طرف الكرسى وايدها على وشه..
لورا حلو ولا وحش التغيير
ماركوس لا جميل..
لورا قولى رحلتك كانت عاملة ايه
ماركوس كانت ممتعة..
لورا اتمنى تكون مواجهتش مشاكل..
ماركوس شدها عليه محدش يقدر..
لورا بتحاول تهرب بيبى يلا ادخل خد شاور وانتعش وغير هدومك وتعالى..
ماركوس معاكى حق.....قام ماركوس فعلا دخل الحمام وهى قعدت حطت ايدها على قلبها ونفسها عالى..خالد كان سامعها وخاف لحسن تجيلها نوبة الربو تانى..
خالد پخوف حبيبتى البخاخة معاكى طلعيها بسرعة وخديها..اهدى..انا معاكى
طلعت لورا البخاخة فعلا واخدتها وهديت..

خالد انتى كويسة
لورا كويسة..
خالد لازم تعرفى اكبر قدر ممكن من المعلومات لإن الحقنة اللى اخدتيها مفعولها بينتهى بعد 6 ساعات من دلوقتى..حاولى تشغليه وتتكلمى معاه..هتلاقى ف شنطتك ازازة صغيرة دى تحاولى تحطيها ف مشروبه بأى طريقة الساعة بالضبط..هتخليه ينام وانتى تخرجى من عندك بهدوء..
لورا تمام..
هنا ماركوس خرج من الحمام فجأة ولورا سكتت..
ماركوس كنتى بتقولى حاجة
لورا بقلق كنت بقولك اتاخرت ليه
ماركوس ابتسم وقعد جمبها وحط ايده على كتفها..
لورا بيبى انت بتثق فيا
ماركوس اكيد..
لورا بتحبنى
ماركوس لو مكنتش بحبك كنت قتلتك يومها..لكن انتى عملتى فيا حاجة غريبة..
ضحكت لورا بدلع وانا كمان بحبك..
ماركوس اول ما نرجع هتجوزك ونكون سوا ديما..
داليا كانت سامعة كل ده واتفاجئت لما عرفت انه بيحبها مش مجرد واحدة ف حياته وخلاص..
لورا بفرحة بجدد..ده احلى خبر ممكن اسمعه ف حياتى..
سكتت فجأة وبان على وشها الحزن..
ماركوس مالك حبيبتى..زعلتى ليه
لورا لأنك بتقول انك بتحبنى ومع ذلك مش بترضى تحكيلى عن شغلك وحياتك الحب مبنى على الثقة وانت المفروض تثق فيا وتقولى كل حاجة..انا حاسة انك شايل حمل وهم كبير احكيلى يمكن ترتاح..
ماركوس انتى اول مرة تتكلمى بالطريقة دى..واول مرة اعرف انك بتهتمى بحوار الثقة والحب اوى كدا..
لورا يمكن لإنى كنت حاسة انك مش بتحبنى وانى مجرد واحدة وخلاص..لكن انا بحبك من زمان وبحبك جداا كمان..احكيلى خلينا نتشارك همنا سوا.
ماركوس اتنهد بعمق اسألى وانا هجاوبك على اى سؤال
لورا مثلا خلينا نبدأ بالحاجة اللى خلتك تبقى كدا..يعنى ايه اللى دخلك العالم ده
لورا طبعا مكنش يهمها تعرف اى حاجة من دى لكن حاولت تستدرجه واحدة واحدة لانه كان هيقلق لو سألته عطول على موضوع الباحثين وكدا..
داليا مراتك ذكية اوى..
خالد ابتسم مش مرات ظابط..
ماركوس بدا يحكى للورا وهى بتسأله لحد ما وصلت لسؤالها المهم..
لورا لما جابونى من مصر وبعتوا

معايا الفلاشة..مفهمتش بردو ليه انا..افتكرت الاول علشان تعملوا عليا تجارب لكن كان فى ناس كتير محبوسين وبيتعمل عليهم تجارب..ليه انا
ماركوس الهدف مكنش انتى..انا بجرب ابحاثى على اشخاص من كل مكان..لان جيناتنا بتتأثر بطبيعة البيئة والبلد اللى بنكون فيها..ده اللى خلاهم بعتوكى هنا لإنى كنت طالب منهم واحدة او واحد مصرى..طبعا كان حظى حلو وجيتى انتى والظابط كمان..لكن محدش فيكم نجحت عليه التجارب..
لورا معنى كلامك يا بيبى انك ليك ناس ف كل العالم
ماركوس بالظبط..
لورا يا ترى كلهم بقا باحثين ودكاترة زى دكتور محمود..
ماركوس باستغراب محمود مين
لورا اللى بعتنى..
ماركوس استغرب لكن سكت وقالها انتى بتنسى كتير..
لورا باستفهام مش فاهمة
ماركوس مش مهم..هجاوبك على سؤالك..اه كلهم دكاترة وباحثين كبار..
لورا وقدرت تخليهم معاك ازاى
ماركوس الفلوس بتعمل كل حاجة بيبى..
لورا بتتواصل معاهم ازاى بقا..او بتتقابلو كلكم ولا ايه
ماركوس اكيد بنتقابل كلنا اصلا انا هنا
لاننا هنتقابل هنا..
لورا كلكم كلكم..
ماركوس اه كلنا..هنتقابل علشان هعرض عليهم حاجة ومحتاج مساعدتهم وبعدها بقا نشوف حكاية الظابط ده ومراته..
لورا حاجة ايه
ماركوس كفاية اسئلة بقا..
لورا بحزن مصطنع انت زهقت من كلامى
ماركوس لا طبعا بس احنا بقالنا كتير بنتكلم وانا مش شايف ان ده ليه لازمة..
لورا ده ليه لازمة بالنسبالى لانى كدا هحس اننا كيان واحد..مش بنخاف من بعض..
ماركوس حاضر يا ديانا كنتى بتقولى ايه
لورا كنت بقولك حاجة ايه اللى هتعرضها عليهم
ماركوس ابدا مجرد بكتريا اكتشفناها..ليها القدرة على اختراق اوعية الډم وټدمير كرات الډم الحمراء بشراسة لانها بتتغذى عليها..عايز مساعدتهم ان كل واحد ياخد عينة لبلده وينشرها بأى طريقة..لانى لقيت العلاج بتاعها..
طبعا لما ناس كتير تبقى مصاپة هيبدأوا يبحثوا عن علاج..هنا هظهر انا باعتبارى المنقذ وهديهم العلاج..طبعا ده ف مقابل فلوس متقدريش تعديها..
لورا كانت مصډومة من كلامه وخالد كمان..
ماركوس ايه سرحانة ف ايه
لورا بانتباه لا ابداا..المهم هتتقابلوا امتى وفين وهتاخدنى معاك ولا لا
ماركوس بضحك بالراحة شوية دى كلها اسئلة..اولا هنتقابل بكرة..ثانيا هنتقابل ف....وقالها المكان..ثالثا بقا اكيد هاخدك معايا لانك كدا بقيتى واحدة مننا رسميا...
الوقت بيعدى وخلاص النهار بدا يطلع والساعة بقت..
ماركوس هقوم اجيب مشروب..اجيبلك معايا
لورا اه طبعا من امتى بتشرب لوحدك..
بصلها ماركوس وابتسم ابتسامة هى مقدرتش تفهمها..وفعلا راح جاب كاسين..لورا اخدت واحد ومش عارفة تعمل ايه لانها مش بتشرب اصلا..قامت لورا راحت ناحيته ووقفت قدامه بدلع وكانت بتكلمه ومن غير ما يحس دلقت الكاس..قام ماركوس وجاب تانى وهى بتاخد منه وبتتصرف فيهم لكن مش بتشرب..
خالد قال للورا انها لازم تخرج من هناك