قصه جديده

بإن فى ناس حواليكى بتحبك وتصرى على رايك تبقى انانية وستين انانية كمان...
لورا بصتله ودمعة نزلت من عنيها من غير ما تحس..دى اول مرة سيف يكلمها كدا و يزعقلها كدا..ديما هو بيكون سندها ومصدر قوتها وبيدعمها..لكن بيتخلى عنها ف اكتر وقت هى محتاجة دعمه..
لورا بدومع بعد إذنكم..سابتهم وطلعت اوضتها..
امجد ايه اللى انت عملته ده..ازاى تجرحها كدا..انت عارف ان الكلام ده لو من اى حد مش هيأثر فيها غير لما يبقى منك انت..
سيف سيبها يا بابا هى لازم تفوق..لانها كدا بتدمر حياتها وحياتنا..انا خاېف عليها وعايزها تبعد عن كل ده..

دخلت لورا تاخد شاور وكل اللى حصل ده بيتكرر قدام عنيها..وبتفكر ف كلام سيف..وانها كانت ممكن ټموت امبارح فعلا..و يا ترى فعلا ممكن يأذوا اهلها..مين اصلا اللى عمل كدا..اسئلة كتير لكن مفيش اى إجابة تريحها..طلعت ولبست بيجامتها وراحت ناحية سريرها وافتكرت خالد ونظراته والصدفة الغريبة اللى جمعتهم....حطت لورا دماغها ع المخدة ونااامت لانها فعلا محتاجة للنوم يمكن تصحى وتلاقى ان ده كله كابوس مش اكتر..
خالد رايح جاى هيتجنن ومتضايق اووى..
علي اقعد بقا يا ابنى جبتلى حول..مالك بس متعصب ليه
خالد بضيق لورا مقالتش الحقيقة..اللى كانوا بيطاردوها دول مكانوش قطاع طرق ابدااا..
علي باستفهام عرفت منين بقاا
خالد كان باين عليهم..دول كانوا شبه لاعبين كمال الاجسام..ده غير انهم كانوا لابسين بدل كمان..لا لا انا متأكد ان فى حاجة مستخبية ف الحوار

ده...
علي بضحك شكلك مهتم بالدكتورة اوى..
خالد بصله وسرح لحظة وافتكر عنيها اول ما شافته..فعلا عنيها من اول مرة شافها بعد ما فاق ف المستشفى عاملة زى المجرات اللى بتلف ف الفضاء...عنيها مميزة اووى..
علي بصوت عالى اييه روحت فييين
خالد بانتباه هه لا ابدا..وبعدين بلاش هبل..انا بس مهتم لأن داليا الله يرحمها كانت شغالة ف نفس معهد الابحاث اللى هى شغالة فيه..وحاسس ان فى علاقة بين قتل داليا ومحاولة قتل الدكتورة..
علي بصله وابتسم وسكت..
خالد كأنه افتكر حاجة صحيح يا علي انت مقولتليش تعرف لورا ازاى..
علي حكاله انهم اتقابلوا وإنها هى اللى خليتهم يقدروا يوصلوله وكل حاجة....عدى الليل على ابطالنا وكل واحد نايم ودماغه صاحية بتسأل مليون سؤال وسؤال..
يجى النهار وتصحى لورا و تروح تطمن على فريدة..
لورا صباح العسل يا مامتى..
فريدة بابتسامة صباح النور عليكى حبيبتى..
لورا عاملة ايه بقا النهاردة
فريدة بابتسامة بخير الحمدلله..انتى عاملة ايه..رجلك لسة بټوجعك
لورا بسيط مش اوى متقلقيش انتى انا توماام جداا..
لورا فريدة ويدخل سيف..لورا تبص لسيف نظرة عتاب..
لورا انا هنزل اكلم لينا يا ماما علشان اطمن عليها..
قامت لورا وجات جمب سيف و كانت هتقع..مسكها سيف لكن هى سحبت ايدها ونزلت من غير ما تبصله..نزلت لورا اتصلت على لينا وحكتلها اللى حصل..وقالتلها انها مش هتيجى المعهد يومين كدا ولا حاجة لحد ما تتحسن..تعمل لنفسها نسكافيه مع إنها متعودة سيف هو اللى يعمله..جه سيف..
سيف خليكى انتى انا هعمل..
لورا بصتله لا ميرسى انا انانية ومش عايزة مساعدة حد..وشدت الكوباية من ايده..
سيف بلاش رخامة بقا انتى عارفة انى خاېف عليكى..وكمان ده مش معناه انك مش غلطانة..
لورا حطت الكوباية وبصتله لا والله..ده انتى شردتنى امبارح وجاى تقولى خاېف..لا متشكرة بجد على
خۏفك...
سيف مسك ايدها بالراحة افهمى يا غبية انتى عارفة انك روحى مش اختى و فعلا انا عايزك تبعدى عن القلق ده خلينا نكمل حياتنا بهدوء احنا مش عايزين مشاكل..وانا مش مستعد اخسر حد من عيلتى ابداا..
لورا انا عارفة انك خاېف عليا لكن يا سيف لما هنعيش حياتنا وڼموت من غير ما نفيد البشرية بأى حاجة مع اننا عندنا الفرصة علشان نفيدهم..لو كل العلماء والباحثين اللى ماتوا بسبب اكتشافاتهم وابحاثهم كانوا قالوا زيك كدا كان زمان العالم مكان بدائى..كان زمان مفيش اكتشافات خلت حياتنا اسهل بكتير..الحياة والمۏت دى بتاعت ربنا..لكن طول ما احنا فينا الروح وموجودين ف العالم ده لازم نحاول ونقع ونقوم وننجح ونفشل ونجرب اهم حاجة اننا مهما حصل ما نستسلم لليأس..لازم ننشر النور ونخليه يطغى على الظلام..لازم نقف ونواجه اللى بيحاولوا يسرقوا تعبنا وياخدوه لنفسهم..افتكر كلامى ديما وخاصة كلمتى دى..احنا مش ضعفاء..
سيف اعتذر لاخته وساب الامور تمشى زى ما ربنا عايز..اخر النهار سيف اخد لورا وراحوا يغيروا على چروحها وكمان يطمنوا على رجلها..دخلت اوضة الكشف وسيف قعد برا..
لورا قامت تشوف الدكتورة فين لكن لقيت ايد اتحطت على بوقها وحد بيقولها هششش ولا صوت..
لورا اټصدمت لما شافت الحد ده وحاولت تتكلم لكن مقدرتش...
يا ترى مين الحد ده
يا ترى سيف معاه حق ف كلامه ولا لورا صح
يا ترى طريق لورا هيمشى بسلاسة ولا هتواجه مصاعب اكبر
توقعاتكم يا حلوين
الحلقة 12...
لورا قامت تشوف الدكتورة فين لكن لقيت ايد اتحطت على بوقها وحد بيقولها هشششش ولا صوت..لورا اټصدمت لما شافت الحد ده وحاولت تتكلم لكن مقدرتش...
سيف قاعد برا مستنيها ومش حاسس بأى حاجة...
عند أمجد..
أمجد الو..ازيك يا صاحبى عامل ايه..انا محتاج اقابلك ضرورى..تمام