روايه

اللي يتسال بجد طالما محمد مش هيستفاد حاجه لو عرف انها مراته ليه بيعمل كده وليه عايز يوقع بينهم !
الفصل 24
حلقه 24
صمت تام يخيم علي المكان ! قلوب تحطمت وأمال تدمرت وعشق أصبح كالرماد الراقد الذي أزاحه الهواء في كل اتجاه 
نهض عمار في محاوله منه لأستجماع عقله وأفكاره ولما جسده في تلك الحاله من الأرتخاء شعر وكأنه كان في حرب ناريه وانهمرت عليه الأمطار فاطفئها 

نظر حوله فوجد بثينه تنظر له بملامح مرتعده ووجهها به علامات غريبه وهي تنظر أمامها
نقل عمار بصره الي الناحيه الأخري فوجد زينه تقف أمامه في حاله اڼهيار تام ! تنظر له بنظرات لم يستطع تفسيرها ولا يعلم أين هو وبأي سبب أتي 
ما أن رأته زينه يرتدي ملابسه حتي أسرعت في اڼهيار تام وخرجت من ذلك المكان !
لم يكد عمار أن يرتدي سترته العلويه حتي رأها تخرج من المكان فأسرع خلفها وبينما هو يخرج من المخرن حتي فوجئ بكل من العقيد منصور ومعه محمد ومعتز وطارق وأمير وعمرو توقف عمار فجأه وهو ينظر إليهم ولا يدري ماذا يفعل أو ماذا حدث
نظر لطيف زينه التي كانت تعدوا بقوه شديده من أمامه ولم يفق الا علي صوت العقيد منصور وهو ينظر لها بكراهيه 
أقبضوا عليه 
رمقهم عمار پغضب واستنكار شديد وصړخ بهم 
يقبضوا علي مين انتوا أتجننتوا نظر لمعتز هو في أي يا معتز إيه اللي حصل انا مش فاهم حاجه إيه كل اللي بيحصل حوليا ده 
نظر عمار لأعقاب زينه مره أخري فنفضهم بعيدا عنه وأسرع يعدوا بكل قوته وقلبه يدق پعنف شديد وهو لا يري أمامه جيدا من الظلام حتي هوي من فرط سرعته وأخذ يتدحرج أرضا الي أن توقف وارطمت رأسه بشيئا صلبا حاول عمار جاهدا أن يفتح عينيه ولكن لم يستطع فعلها ! لفظ اسم زينه بضعف شديد واغمض عينيه 
أسرع معتز خلفه وكذلك باقي الفريق في حين تسلل محمد من بينهم بخبث وانتصار شديد وذهب خلف زينه
حمله معتز وخلفه عمرو والبقيه وكل منهم كتم أسئلته بداخله ولم يتفوه بحرف في حين أسرعت بسنت وأتت إليهم لفحصه فتركوها معه وخرجوا جميعا 
توقف معتز امامهم وراي الحيره والشك داخل عيونهم جميعا ردد بدفاع شديد وهو لم يصدق ما حدث علي الاطلاق 
إيه النظرات اللي

انا شايفها في عينيكم دي انتو متعرفوش مين هو عمار المصري مش عمار اللي يعمل كده في حاجه غلط في الموضوع ! محدش فيكم يصدق اللي حصل انتو معاشرتهوش لكن أنا عاشرته وأعرفه
تقدم إليه عمرو وربت علي كتفه ليهدئ من روعه 
ساعات الواحد بيضعف يا معتز ! مفيش حد فينا مثالي وبعدين يمكن مكنش عامل حسابه أنه ممكن حد يدور وراه ويعرف مكانه 
أنتبه معتز لتلك النقطه وهو يتذكر محمد حينما اتي إليهم واخبرهم جميعا بأن ياتوا معه الي العقيد منصور وذهبوا جميعا الي المكان المتواجد به عمار ! فكيف عرف محمد بمكانه وكذلك زينه هي مازالت جديده هنا ولا تعرف ذلك المكان نظر معتز لعمرو وتحدث بثقه شديده وألم 
وعمار مبيضعفش حتي لو قدامه جيش من الحريم قالعين هدومهم ولا عمره كان ليه في الحاجات دي
أخرج هاتفه وقام بالاتصال باللواء نزيه لياتي مسرعا إليهم وبينما هو بطريقه أخبرتهم بسنت أنه بحاجه الي عمل اشاعه ضروريه 
ذهبوا به الي المشفي العسكري وقاموا بعمل تلك الأشعة والتي أكدت لهم أنه في حاله اغماء مؤقته نتيجه الأرتطام وأنه بعد ساعه او اثنين بالكثير سيعود مره اخري 
بعد مرور نصف ساعه وصل إليهم اللواء نزيه في حاله من الذعر الشديد بعدما أخبره معتز بموجز ما حدث خلال الهاتف
دلف مكتب العقيد منصور فوجدهم جميعا هناك نظر لمنصور بتعجب قليلا لوجوده فسأله
انت
مش لسه الأجازه بتاعتك مخلصتش وفاضلك يومين علي ما ترجع !
علي الرغم من التوتر الذي بدي واضحا عليه ولكنه تحدث ببعض العڼف 
وكويس اني مكملتش الاجازه وجيت عشان أشوف المهزله اللي بتحصل هنا دي !
أقترب منه اللواء نزيه پغضب وشك قليلا 
وانت مالك باللي بيحصل هنا ! وأزاي تقولهم يقبضوا علي عمار وبتهمه إيه أصلا 
تهمه إيه يعني إيه ده مقر وحدات الصاعقه بقي بيت دعاره وهو قواده لولا محمد اكتشفه وبلغني مكناش عرفناه علي حقيقته أنا عايز افهم واحد زي ده معاكم هنا أصلا بيعمل إيه 
أبتسم اللواء مرددا 
قلتلي اه محمد ! وياتري بقه محمد قفشه فين بيعمل كده 
ده اللي يفرق مع حضرتك 
أيوه ده اللي يفرق معايا ! نظر لمعتز كان عمار فين يا معتز 
نقل معتز بصره بين العقيد منصور وبين اللواء نزيه ثم هتف بشجاعه 
كان في المخازن اللي بين المستشفي والمقر يا فندم !!
أعاد ينظر لمنصور ببغض مرددا
يعني مكنش هنا في المقر ! امال بتقول ليه أنه حول المكان مش عارف لبتاع إيه 
نهض العقيد في ڠضب هاتفا 
وهو عشان مش جوه المقر يبقي مش غلطان ! إيه المبرر في كده 
المبرر ميخصكش عشان دي مش قضيتك ولا ليك صله فيها وبعدين فين محمد بقه أن شاء الله 
نظر الجميع حوله ولم يجدوه وبعد عده دقائق دلف إليهم انتبه له اللواء نزيه واقترب منه بشك 
انت كنت فين !!
استطاع محمد اخفاء قلقه وتوتره أمامه مرددا 
كنت في الحمام يا فندم
والله ! وعرفت أن عمار هناك إزاي 
انا معرفتش انا يدوبك شفت البشمهندسه زينه طالعه تجري وطلعت أجري وراها ومش عارف هي رايحه فين لحد ما صلت انا وهي للمكان ده وشفت القائد 
قطع كلامه وهو يتصنع الحرج الشديد فحثه اللواء علي التكمله فأضاف
شفته هو وواحده يعني فوق بعض وتقريبا كده كان خلص معاها أصلا ! بعدها جريت بسرعه عشان ابلغ حضرتك وملقتكش ف بلغت القائد منصور اللي كان بالصدفه سبحان الله لسه واصل وهو اللي اتصرف في الموضوع ده
مين البت اللي كانت معاه دي 
معرفش يا فندم !
أنسحب من المكان بعدما رمق محمد بنظره لم يستوعبها بعد ولكنها لم تطمنه ابدا وقبل أن ينخرج مال علي أذن منصور مرددا بټهديد صريح
أحسن لك تبعد عن عمار خالص عشان ده بالذات ممكن تتطربق فوق دماغك انت لأنك أكتر واحد عارف هو مين بالنسبه لنا مفهوم !
خرج من المكتب بعدما نادي علي معتز الذي خرج معه وخلفه كل من أمير وعمرو وطارق الذي بات كل منهم في حيره شديده وهم لا يعرفوا اي منهم علي حق 
وبينما اللواء ومعتز بطريقهم الي المشفي حتي بدأ معتز بالحديث في قلق 
يا فندم في حاجه غلط أنا متأكد ! القائد ميعملش كده ابدا 
انت هتعرفني مين هو عمار ولا إيه ده انا اللي مربيه
مقصدش يا فندم لكن خفت بصراحه تكون انت كمان مصدق ولو واحد ف الميه اللي بيحصل ده 
توقف اللواء نزيه في حيره ونظر لمعتز مرددا 
هو انت ليه يا معتز واثق فيه كده ! مش يمكن يكون فعلا ضعف وعمل كده بمزاجه !
توقف معتز بحرج قليلا ونظر للأرض مضيفا 
كنت في مره جايب واحده شقتي وكنت ناوي اني انام معاها ودي كانت اول مره اعملها قلت اجرب بس القائد
قفشني ووقف معايا تحت البيت وقالي كلام عمري ما نسيته قالي سكه الحريم اخرها خړاب هتضيعك وتخليك زي المدمن لازم كل شويه عايز واحده شكل عايز تجرب كل الأنواع لحد ما هتستنزف طاقتك ومش هيبقي عندك حاجه تقدمها للي تستاهل قالي هتقلل من تركيزك وهتخليك عدو شغلك وواحده واحده هتسحبك لسكه النهايه قالي لو حبيت في يوم من قلبك هتندم انك عرفت حد قبلها وزي ما انت عايز البنت اللي هتتجوزها تكون انت أول راجل في حياتها هي كمان بيبقي نفسها انها
تكون اول بنت في حياتك تخيل يبقي قلبك عايز واحده ومش شايف غيرها وهي رافضاك عشان حاجه زي دي الشرف مش بس للبنت الراجل لما بيبقي شريف الكل بيحترمه وبيعمل له ألف حساب ولما تحب وتتجوز هتندم وهتضرب نفسك بالقلم انك كنت بتفكر تعمل حاجه زي دي مع واحده تانيه غير اللي قلبك عايزها 
وقتها والله يا فندم ما عملت حاجه غير اني طلعت وطردت البت اللي كنت جايبها واستحقرت نفسي أوي ومن وقتها وانا مبفكرش في أي حاجه من دي 
أبتسم اللواء نزيه بفخر وربت علي كتف معتز 
راجل يا معتز 
تربيتك يا باشا
تنهد بضيق وهو يضيف 
فإزاي عايزني اصدق يا فندم حاجه زي دي وحتي لو كان في دماغه أنه يخون مراته اللي كلنا شفنا في عينيه حبهم لبعض هيجيبها معانا الكتيبه ويطلعها معانا المهمه دي فين المنطق يا فندم 
أشاح اللواء نزيه رأسه قليلا في تفكير 
تعالي نشوف عمار الأول هو اكيد عنده تفسير للي حصل
ثم ذهبوا معا الي عمار وبداخل كل منهم حيره كبيره وفضول اكبر حول معرفه ما حدث
حرك عمار رأسه يمينا ويسارا وهو يحاول تذكر أين هو وماذا حدث له نهض في مكانه فوجد بسنت بجواره تملكته الدهشه قليلا كونه في المشفي ولكن سرعان ما تذكر كل ما حدث واول ما خرج من فمه وقلبه يدق پخوف 
زينه !!
اقتربت منه بسنت بتوجس وحزن 
منعرفش هي فين للأسف ! انت ليه عملت كده يا عمار 
نظر إليها عمال پغضب وأنفعال 
عملت إيه انتي كمان هو في إيه مالكم كلكم 
نظر عمار للابره التي بيديه ونزعها پعنف وهو ينهض من مكانه وما أن وقف علي قدميه حتي دلف اللواء نزيه ومعه معتز ما ان رآهم عمار حتي صړخ بهم 
إيه جايين تتهموني انتوا كمان ولا جايين تقبضوا عليا
نظر له معتز بحزن في حين تحدث اللواء نزيه
لا ده ولا ده احنا جايين نطمن عليك ونفهم منك اللي حصل 
أمسك عمار رأسه بتفكير شديد وڠضب 
معرفش صدقني معرفش ! انا فجأه لقيت نفسي بفتح عيني ونايم علي الارض والزفته دي فوقي ومن منظرها ومنظري عرفت انا عملت ايه أو بمعني تاني إيه اللي ممكن يكون حصل بيننا ! ازاي معرفش لا فاكر ولا عارف حاجه والاسوء من ده كله إني لقيت زينه في وشي لا عارف اوضحلها ولا افهمها وانا أصلا مش فاهم ولا عارف هقولها ايه 
سأله اللواء نزيه بشك 
هو أنت إيه اللي وداك المخزن 
تذكر عمار أمر الرساله التي أتت له فأسرع يجيبه 
جاتلي رساله من بثينه بتقولي ان في تلاته خطڤوها وهي طالعه من المستشفي وحبسوها في المخزن ده وبيتهجموا عليها وأنها اول ما عرفت تطلع الموبايل وهما بره بعتتلي رساله علي طول رنيت عليها فتحت المكالمه وفعلا سمعت حد بيدخل عليها ورجاله حواليها فرحت لها وضربتهم وملحقتش حتي أمسكهم أو اقبض عليهم إلا ومحستش بنفسي ومش فاكر اي حاجه بعدها