قصه كامله

خير يا دكتور 
الدكتور فاق الحمدالله بس احنا هنخليه فى العنايهساعه تحت الملاحظه وبعد كده هيطلع على اوضه عادى 
مليكه طب يا دكتور صحته عامله ايه
الدكتور هو اكيد هيكون ضعفان شويه مع طبعآ الكسر اللى فى دراعه بس كل ده مش مشكله الحمدالله ان هو فاق حمدالله على سلامته 
مليكه الله يسلمك 
ومشى الدكتور ودخلت مليكه عند فهد 
مليكه قعدت على الكرسى اللى قصاد السرير وقالت حمدالله على سلامتك 
فهد بتعب الله يسلمك
مليكه مرتاح كده ولا تحب احط ليك المخده 
فهد حطى المخده وراه ضهرى 
مليكه قامت جابت المخده ومسكت راس فهد علشان تحط ليه المخده وكانت قريبه جدآ من فهد 
فهد بتعب مليكه 
مليكه نعم 
فهد انا كنت عايزه اقولك ان محصلش حاجه ما بينى وبين 
مليكه قطعته وقالت ششش متتعبش نفسك بالكلام انت لسه تعبان انا عرفت كل حاجه من باسم استريح انت بس دلوقتى 
فهد بص فى عيون مليكه وقال مليكه انا بحبك ومستحيل افكر ابص لواحده تانيه انت بقيتى كل حياتى 
مليكه مش وقته الكلام ده يا فهد استريح دلوقتى 
فهد تعرفى انك واحشتينى اوى المده دى 
مليكه ط ط طب ممكن تساعدنى شويه علشان اعرف احط ليك المخده
فهد ههههههه حاضر 
مليكه بتضحك ليه
فهد بضحك على كسوفك منى ووشك اللى بيحمر من اقل كلمه ده 
مليكه طب انا هقف كده كتير 
فهد عايزه الحق انا مستمتع كتير بقربك ليا الصراحه دخل باسم 
باسم حمدالله على السلامه يا بطل 
فهد يخربيت رخمتك بتيجى فى اوقات غلط الصراحه
باسم ياعم ارحم نفسك انت فى ايه ولا ايه انت فيك نفس 
مليكه اتكسفت وقالت عن اذنكم وخرجت وسابتهم 
باسم بغمزه البت طلعت واقعه فيك على الاخر 
فهد ملكش دعوه انت اطلع منها 
باسم كده دى اخرتها ده انا السبب فى رجوعها ليك 
فهد افتكر مروه وقال صح ياباسم حد عرف حاجه عن موضوع مروه
باسم لا مفيش غير مليكه بس 
فهد انت قولتلها ايه 
باسم قولتلها على كل حاجه عن علاقتكم القديمه وعن موضوع عدى 
فهد بزعل انا مش عارف ايه هيحصل لما فارس هيعرف 
باسم على فكره هى بره كلهم بره 
فهد كلهم مين 
باسم نانا وفارس والشيطانه ومامت مليكه واخواتها الاتنين وابن عمها 
فهد طب وامى وبابا
باسم احم امك من يوم ما عرفت الخبر وهى تعبانه وعايشه بالمهدأ وابوك لما عرف الخبر كان تعبان وممنوع من الحركه وصمم يجى ليك المستشفى وتعب ومحجوز فى المستشفى 
فهد ايه ساعدنى يا باسم اقوم بسرعه
باسم تقوم فين يا فهد انت لسه تعبان 
فهد هروح ابص على ابويه وامى 
باسم اصبر بس لما تتنقل للاوضه العاديه ابقى روحلهم
فهد خلاص يا باسم هقوم لوحدى وقام بصعوبه من على السرير بس داخ وكان هيقع 
باسم طلع يجرى عليه ومسكه وقال دماغك نشفه انت لسه تعبان يا فهد
فهد زق باسم وسند على الحيطه ومشى وخرج من العنايه وكان كلهم متجمعين قصاد العنايه اول ما شافو فهد طلعو يجرو عليه واطمنه عليه 
مروه حمدالله على السلام يا فهد 
فهد اتغاظ اول ما شفها ولسه هيرد عليها 
مليكه جت ومسكت دراع فهد وقالت الله يسلمك يا مروه
مروه اتغاظت من مسكت مليكه لفهد وقالت ده احنا كنا ھنموت علشانك
مليكه كلك واجب يا حبيبتى وبصت لفهد وقالت تعال يا حبيبى اوصلك مكان ماانت رايح 
فهد فرح اوى من قرب مليكه بى ولما ندته بكلمة حبيبى 
مروه كانت ھتموت من الغيظ وقالت لنفسها كده والله لهوريكى يا مليكه وفهد هيكون ليا ولابنه بس 
فهد كان ماشى وحاطط ايده على كتف مليكه ومستمتع اوى بقرب مليكه ليه وغمض عينه وشم ريحة شعر مليكه 
مليكه كانت متوتره من قرب فهد ليها ومن نظراته عليها وقالت ه ه هو انت رايح فين 
فهد ها رايح اطمن على ابويه وامى 
مليكه على فكره هما دلوقتى احسن وانت فى العنايه وتعبان كنت بخرج ابص عليهم واطمن وارجع تانى عندك 
فهد بحب ربنا يخليكى ليا بجد انتى اكبر نعمه ربنا بعتها ليا 
مليكه انا معملتش غير الواجب يا فهد امك وابوك فى مقام امى وابويه الله يرحمه ومسؤالين منى بالظبط زيهم ومقدرش اقصر فى حقهم 
فهد قربها ليه اكتر راسها وقال كل يوم بتثبتى ليا ان انا كنت صح لما اصرت عليكى 
مليكه اتكسفت ووشها احمر وبصت فى الارض وقالت ممكن تخف من عليا شويه اصلك بسم الله ما شاءالله تقيل اوى 
فهد هههههههههههههههه انتى اللى رفيعه وضعيفه 
ووصلو الاتنين لاوضت فريد 
مليكه وقفت وقالت ادخل ليه انت وانا هستناك هنا 
فهد ليه تعالى معايه جوه 
مليكه لالالا ادخل انت بس 
فهد بصلها وقال حاضر وفتح الباب ودخل عند فريد 
فى اوضت فريد 
دخل فهد الاوضه وكان فريد نايم 
فريد اول ما حس بالباب اتفتح صحى من نومه وبص لاقه فهد فرح اوى وقال ابنى حبيبى حمدالله على سلامتك انت فؤقت امته
فهد قعد جمبه على السرير ومسك ايده وبسها وقال الله يسلمك يا بابا ليه يا بابا تعبت نفسك اكتر وجيت هنا 
فريد وانا كنت هتعب اكتر لو كنت انا فى اسكندريه وانتى مرمى هنا ما بين الحياه والمۏت
فهد ربنا يخليك لينا يا بابا 
فريد انت عامل ايه دلوقتى 
فهد الحمدالله كويس مفيش غير الكسر اللى فى دراعى 
فريد ربنا ما يورينى فيكم حاجه وحشه ابدآ لا انت ولا اخوك فارس
فهد ويخليك لينا يارب
فريد فهد ايه حصل ما بينك وبين مرات اخوك هنا فى الغردقه
فهد ق ق قصدك ايه يا بابا
فريد فهد انا تعبان ومش قادر اتكلم ليه مديت ايدك على مروه
فهد مين اللى قالك هى 
فريد لا يا فهد عدى اللى قال ليا 
فهد ما هو كل اللى حصل بسبب عدى يا بابا
فريد مش فاهم قصدك ايه
فهد هقولك وحكى ليه كل حاجه كانت ما بينه وبين مروه وان عدى ابنه
فريد پصدمه مروه يعنى البنت اللى كانت سبب فى شقلبت حياتك وتغيرها للاسوأ هى مروه مرات اخوك وكمان عدى يبقى ابنك مش ابن فارس
فهد مروه دى شيطانه فى صورة انسان وممكن تعمل كل حاجه فى سبيل توصل للى هى عايزه والفلوس 
فريد بس كده حياتك مع مليكه مش هتبقى سهله
فهد لا يا بابا مليكه عرفت كل حاجه باسم قالها وهى عقلها كبير ووقفت جمبى وسندتنى ومبعدتش عنى بجد انا ربنا كرمنى بواحده لو عشت عمرى كله مش هعرف الاقى ضوفرها يا بابا 
فريد ربنا يخليكم لبعض ويسعدكم بس مروه كده مش هتسبكم فى حالكم 
فهد حبى لمليكه اقوى من اى حد يجى ويفكر يهده
فريد وناوى تحكى لاخوك فارس الحقيقه امته
فهد مش عارف بس انا لو روحت وحكيت ليه مش هيصدق وهى شيطانه ملعونه هتقنعه ان انا اللى بكدب وهى اللى صح وهتفرقنا عن بعض 
فريد انت فى دماغك حاجه وعايز تعملها 
فهد ايوه يا بابا هخلى فارس يسمع الحقيقه بودنه من مروه نفسها 
فريد ربنا يكفينا شړ شياطين الانس 
وفى الوقت ده خبطت مليكه على الباب ودخلت وقالت 
مليكه ممكن ادخل لو مش هيضيقكم
فريد

تعالى يا بنتى انتى تنورينى يكفى سؤالك عليا بأستمرار واهتمامك بالكل 
مليكه ايه ده ايه ده بقى يا عم الحاج فى حد يشكر بنته على وقفتها جمبه 
لا انا كده زحلانه 
فريد ههههههههههههه لا كله الا زعل بنتى 
مليكه لا انا مش سهله مش هسمحك كده علطول 
فريد اطلبى اللى انتى عايزه وانا انفذه ليكى علطول 
مليكه وعد
فريد وعد 
مليكه اممممم ماشى انا عايزاك تقوم تخف بسرعه متنساش انك وعدينى 
فريد يا بنتى اطلبى حاجه ليكى انتى 
مليكه ممكن اقولك بابا 
فريد طبعآ يا بنتى هو انا اطول يكون عند بنوته زى القمر كده 
مليكه ربنا يخليك يا بابا بس على الله ناس تقدر وبصت لفهد 
فهد كان بيسمع الكلام وهو مبسوط اوى من تقرب مليكه لاهله وسرحان فى براءة مليكه وبعدين قال بغمزه لا انا مقدر ونص تحبى اوريكى 
مليكه اتكسفت وبصت فى الارض
فريد ههههههه يا ولد كسفتها 
فهد مش جديد عليها الكسوف دى بتتكسف من خيالها 
مليكه والله ماشى يا فهد 
فهد قلب وروح فهد 
فريد لالالا كده قلبى ضعيف ومش هيتحمل الرومانسيه دى روحو بقى شوفو هتروحو فين 
مليكه ههههههههه ايه يا بابا طنط سهير مش رومانسيه معاك ولا ايه
فريد طنطك مش فالحه غير ايه رأيك فى الفستان ده يا فريد شوفت اللى حصل فى النادى يا فريد فقط لا غير بس رغم كده بحبها ومقدرش استغنا عنها ما هى برضه ام الولاد
مليكه حلاوتك يا جامد ده انت ابو الرومانسيه
فريد امشى يا بت من هنا وخدى جوزك معاكى 
مليكه ماشى احنا هنروح لام الاولاد وهنقولها على الكلمتين الحلوين اللى قولتهم فى حقها 
فريد ابقى طمنينى عليها يا مليكه 
مليكه من عيون مليكه 
فهد امشى يا اختى قدامى مع الكل راديو وتيجى لحد عندى وتبقى تمثال 
مليكه ههههههههههههههه
وخرجت مليكه مع فهد راحو اوضت سهير 
فريد ربنا يسعدكم ويبعد عنكم شړ ولاد الحړام 
فى اوضت سهير 
دخل فهد ومليكه وكان فارس ومروه قعدين معاها 
سهير ابنى حبيبى عامل ايه دلوقتى 
فهد كويس الحمدالله 
سهير لو كان جرالك حاجه كنت مۏت فيها 
مليكه بعد الشړ عليكى يا طنط ربنا يخليكم لبعض 
مروه فهد يا طنط قوى ورجع لكل اللى بيحبو ولا ايه رايك يا فهد 
مليكه طبعآ رجع لكل اللى بيحبوه من قلبهم رجع لمامته ولابوه ولا اخوه ولباسم وليا انا الحمدالله 
سهير ربنا يعلم يا ابنى كنت بدعى ليك علطول يقومك بالسلامه 
فهد منه لله اللى كان السبب
فارس انت عرفت ان الحاډثه دى كانت بفعل فاعل 
فهد لا مين قالك
فارس الظابط جه هنا وسألنا كام سؤال وبعدين قالنا هيبلغنا الجديد لحد امبارح بس اتصل بيا وقالى ان اللى لعب فى الفرامل واحد اسمه جيسيون كان بينتقم منك علشان انت ضړبته ومسكوه ورحلو على بلده 
فهد ومليكه جيسيون هو اللى وراه كل ده
مروه يلا بقى قدر ولطف يا فهد 
فهد بصلها بقرف ومردش عليها 
مليكه الحمدالله ربنا بعده عننا عقبال اللى فى بالى يارب
مروه فهمت ان عليها واتغاظت اوى
فهد كتم ضحكته على طريقة مليكه 
مليكه مش محتاجه حاجه يا طنط 
سهير من غير نفس شكرآ
مروه ولو احتاجت حاجه انا جمبها هتطلب منى انا مش من اى حد تانى 
مليكه على العموم انا موجوده لو احتاجتى اى حاجه نادى وقولى يا مليكه هتلاقينى عندك علطول 
سهير لنفسها اشتغلنا فى المحلسه وشغل الشحاته وبصت لفهد وقالت اعمل حسابك هتطلع من هنا على الفيلا 
فهد ان شاءالله
مليكه يلا يا حبيبى على العنايه غلط اصلا اللى انت بتعمله ده المفروض متخرجش من العنايه ولا تتحرك غير لما الدكتور يقولك لكن الكلام ده يتقال لمين لواحد دماغه انشف من الحجر يلا يا اخويه يلا
فهد انا يكفينى اكون جمبك وشايفك بعينى مش عايز حاجه من الدنيا خلاص
مروه كانت وقفه متغاظه وقالت اه صح يا فهد ده عدى ھيموت ويشوفك الولد بيعتبرك زى ابوه وما هو