قصه كامله

اعمل ايه بقى 
فتحت الدولاب اللى موجود لاقته كله هدوم لفهد بصت ليهم بقرف وقالت انا مستحيل احطهم على جسمى ورزعت الدولاب وقعدت على السرير تهز فى رجليها وتاكل فى ضوافرها وتبص على الدولاب وبعدين قالت 
مليكه ما هو مش قدامى غير ان البس اى حاجه من هدومه وخلاص لحد الصبح ادور على التليفون اتصل على مها تجيب ليا هدوم وقامت فتحت الدولاب وطلعت قميص من قمصانه ولبسته وكان طويل عليها واصل لحد ركبتها وواسع جدآ عليها ونامت على السرير واتغطت ونامت من كتر التعب 
فى اوضت فهد 
دخل اوضه وقفل الباب وراه بعصبيه وقال 
فهد غبيه عصبتنى وخلتنى كنت هعمل فيها حاجه اندم عليها العمر كله 
وبعدين سكت شويه وقال طب وانت زعلت عليها ليه 
قلبه علشان حبتها 
عقله لا انا اتجوزتها علشان ازلها 
قلبه لا انا بحبها بدليل ان خفت عليها وبرفض ان اقرب ليها او اذيها 
عقله لا حب ايه انت مستعد تحب تانى وفى الاخر تبعد وتسيبك 
قلبه بس الحب مش بأدينا وانا بفرح اوى لما تكون جنبى 
عقله خليك انت ضعيف بس انا مش هسمح بكده وهقف فى وش العلاقه دى 
قلبه وانا هعمل بكل طريقه واحافظ عليها وعلى حبها ومش هسمح انها تبعد عنى 
عقله تحدى بين وبينك انا همنع العلاقه دى تتم بأى طريقه 
قلبه وانا هحافظ عليها واحببها فيا وهخليها تستمر ونشوف مين كلمته هتمشى فى الاخر 
فهد حط ايده على ودنه وقال بس بس كفايه ارحمونى ونام على السرير وغمض عينه بس جت صورة مليكه قصاد عينه وهى بټعيط وبتترجى فيه يبعد عنها قام قعد تانى على السرير وۏلع سېجاره كوبى من بتوعه ووقف قصاد الشباك وقال 
فهد ليه يا مليكه ظهرتى فى حياتى ليه ما كنت عايش ومقضيها ليه جيتى دولوقتى وقلبتى كل حياتى ونفخ الدخان فى الهوا وقعد باصص من الشباك 
اشرقت شمس صباح يوم جديد بنورها الساطع فى سماء الاسكندريه لتنير اوضت فهد بخيوطها الصفراء
فهد قعد طول الليل صاحى وبيشرب فى السېجار بتاعه وبيفكر فى مليكه قام من على الكرسى وطفى السېجار بتاعه دخل الحمام اخد شاور ولبس البورنس وخرج من الحمام وافتكر ان هدومه فى اوضت مليكه فتح باب اوضه وخرج منها وراح على اوضت مليكه وفتح الباب براحه ودخل بص على السرير لاقه مليكه 
عليها مليكه فتحت عنيها 
مليكه شدت الغطا من ايد فهد وغطت نفسها وقالت ا ا انت عايز ايه وكنت بتشيل الغطا من عليا ليه 
فهد اتكلم بصعوبه وقال ك ك كنت بغطيك مش بشيل الغطا 
مليكه ك ك كداب انا كنت متغطيه كويس 
فهد والله انتى حره تصدقى ولا متصدقيش وسبها وراح على الدولاب فتحه وطلع هدوم ليه واخدها وطلع 
مليكه بنأدم وقح 
فى اوضت فهد 
دخل فهد وحدف الهدوم على السرير وقعد على حرف السرير واخد نفسه بصعوبه 
فهد هوف كنت هروح فيها 
وبعدين فاق وقال ايه يا فهد اعقل كده واهدا وركز فى شغلك وبس وسكت شويه وقال لا ما لو هى فضلت على المنظر ده هروح فيها ده الواحد ماسك نفسه بالعافيه وسكت تانى وقال ايه يا فهد مالك مش على بعضك كده عمرك ما كنت كده قال احسن حاجه اقوم البس واروح الشغل وهناك مش هفكر غير فى الشغل وبس وقام لبس هدومه وسرح شعره وخرج من اوضه بص نحيت باب اوضت مليكه وفتح باب الشقه ونزل 
مليكه اول ما سمعت صوت الباب اتقفل قامت من على السرير وطلعت تدور على التليفون بتعها وهى بدور اتفاجئت بالباب اتفتح ودخل فهد 
فهد سرح فى منظر مليكه 
مليكه اټصدمت لما دخل فهد من باب الشقه وشفها بالمنظر ده وقالت ا ا انت رجعت ليه 
فهد كان سرحان فى منظر مليكه 
مليكه بصوت عالى ا ا انت يا بنأدم مش بكلمك 
فهد قرب على مليكه اوى شششش صوت ميعلاش عليا وبص فى عنيها
مليكه حاولت تبعد عنه بس هو كان متحكم فيها ومنعها تتحرك 
فهد بلاش الحركات الكتير دى 
مليكه ط ط طب ابعد عنى 
فهد بعد عنها وقال ايه اللى انتى لابسه ده وتقولى مش عايزانى اقرب منك 
مليكه والله انا مش لابسه برضايا انا لابسه ڠصب عنى علشان حضرتك قطعت الفستان 
فهد انتى تطولى تلبسى حاجه من بتوعى 
مليكه ربعت ايديها قدام صدرها وقالت ايوه اطول واطول اطول من كده كمان 
فهد اللهم يطولك يا روح يابت اتعدلى فى الكلام معايه 
مليكه والله انا كده لو مكنش عجبك وبعدين انت رجعت ليه تانى 
فهد والله انا حر ارجع وقت ما احب مش هتمنعينى كمان من شقتى 
مليكه هوف سم وسابته ودخلت اوضتها 
فهد يارب هون ودخل اوضه اخد التليفون بتاعه ونزل تانى 
مليكه سمعت صوت الباب اتفتح بصت واتأكدت ان فهد نزل طلعت تانى تدور على تليفونها 
فى فيلا فريد المنشاوى 
كان فريد قاعد على السفره وحاطت عدى على رجله 
ونزلت مروه وفارس 
مروه صباح الخير 
سهير صباح النور 
فارس ايه يا بابا عرفت تنام امبارح من عدى 
فريد اول مره اعرف انام كده وانا واخده فى حضنى 
سهير من

امبارح مسكه ومش عايز يديه لحد 
مروه هههههههههه مش اول حفيد فى العيله ليه غلاوه خاصه بقى 
فارس عقبال فهد يارب 
سهير نفر من البنت الجربوعه دى 
فريد انا مش عارف ليه بتكرهيها مع ان البنت كويسه وغلبانه الصراحه انا حبتها ومكنتش هتمنى لفهد ابنى واحده احسن منها ربنا يسعدهم ويهنيهم يارب 
فارس وانا معاك فى الرأى يا بابا البنت شكلها غلبان خالص وبصراحه انا من بعد الحب اللى كان بيحبه فهد للبنت اللى قبلها انا قولت مستحيل فهد هيحب ويتجوز تانى 
مروه اول ما سمعت كده شرقت
فارس مالك يا حبيبتى خدى اشربى شوية مايه 
مروه شربت شوية مايه وقالت احم شرقت كنت ھموت 
فارس بعد الشړ عنك يا قلبى 
سهير قفلو بقى على سيرة البنت الجربوعه دى سيرتها شبه وشها البنت شرقت وكانت ھتموت 
مروه شكلها نحس باين من سيرتها 
سهير فعلا والله عندك حق 
عدى جدو عايز اشرب 
فريد من عنيا يا حبيبى 
فى شقة اسر 
صحيت مها من نومها و قامت من على سريرها دخلت الحمام اخدت شاور واتوضت وخرجت من حمامها لبست هدومها وادت فرضها وخرجت من الاوضه 
مها صباح الخير يا ماما 
فايزه صباح النور يا حبيبتى 
مها مالك 
فايزه مش عارفه فى ايه برن على اختك التليفون جرس ومحدش رد وبعدين اتقفل 
مها يمكن نايمه ولا حاجه والتليفون فصل شحن 
فايزه ممكن خاېفه ليكون الراجل ده عمل حاجه لاختك واذاها
مها لا ان شاءالله خير 
مى خير الله ما اجعله خير قلبى مرفرف زى الطير 
مها فايقه يا اختى وبتغنى وامك قلقانه على اختك 
مى يا مها يا حبيبتى من امته وانتو بتعرفو تنبسطو علطول قلقانين وزعلانين 
فايزه اقول عليكى ايه بس ربنا يهديكى يا شيخه 
مها اقعدى بقى وانتى ساكته 
مى فوزه فوزه 
فايزه اللهم يطولك يا روح عايزه ايه 
مى عايزه فلوس 
فايزه يا بنتى انتى مش بتشبعى فلوس انتى مش لسه واخده منى فلوس لما اخد معاش ابوكى 
مى الله وانتى هتعملى ايه بالمعاش مليكه واتجوزت واحد مدفعكمش ولا مليم عقبالى يا رب ومها وخطبها سبها هتعملى ايه بالفلوس بقى 
مها سابت اللقمه وقامت وقفت وقالت عن اذنكم هنزل انا اروح الجامعه علشان اتأخرت وفتحت الباب ونزلت 
فايزه بنت انتى معندكيش ډم كده جرحتى اختك وزعلتيها 
مى ويعنى انا قولت ايه مش فعلا خطبها سبها 
فايزه انتى منك لله يتحكم فيكى ربنا بمعرفته انا غلبت معاكى 
مى ماشى يا ستى المهم هاتى فلوس بقى 
فايزه يابنتى ارحمينى هجيب ليكى منين انتى ليه معندكيش لا احساس ولا ډم كده 
مى مفيش مفيش انا تعبت من ام الكلمه دى بقى ووقفت ومسكت شنطت ايديها ومشيت 
فايزه يارب اهدى مى بنت فايزه يا قادر يا كريم انك على كل شئ قدير
فى شركة فريد المنشاوى 
وصل فهد للشركه مع استغراب الكل من نزوله للشغل فى الصباحيه 
دخل فهد مكتبه وطلب السكرتيره 
فهد استاذ باسم وصل 
سهر ايوه يا فندم فى مكتبه 
فهد بلغيه ان انا عايزه حالا واطلبى ليا القهوه بتاعتى 
سهر حاضر يا فندم 
وقفلت مع فهد وبلغت باسم وطلبت القهوه لفهد 
وشويه ودخل باسم مكتب فهد 
باسم انت بتعمل ايه هنا انا مصدقتش نفسى ان انت نزلت النهارده 
فهد وانا هعمل ايه فى البيت 
باسم مش المفروض ان انت عريس 
فهد ما انت عارف اللى فيها ان ده جواز اڼتقام مش حب وغرام 
باسم يعنى 
فهد ايوه ملمستهاش 
باسم انت دماغك ايه يا شيخ جزمه انت وبتحبها وباين اوى فى عنيك ليه بقى الكبرياء ده 
فهد لا مش بحبها 
باسم والله ولما انت مش بتحبها اخترتها هى ليها امبارح فى الفرح وكان ممكن تكسرها وتذلها لما ترفضها قدام الكل 
فهد 
باسم انا اقولك علشان بتحبها وبتعشقها كمان وكلمة اڼتقام دى حجه علشان ترضى بيها تكبرك وغرورك مش اكتر بس انت اتجوزت مليكه علشان بتحبها اتنازل مره واحده عن غرورك واعترف بده حتى لو بينك وبين نفسك وحاول متتأخرش كتير بدل ما يسرقك الوقت وعقبال ما تيجى تفوق يبقى كل شئ راح من ايدك يا فهد 
فهد انت تعرف ان مروه رجعت امبارح 
باسم پصدمه ايه شوفتها فين 
فهد ههه فى فرحى 
باسم ازاى طب ما انا كنت هناك ازاى مشوفتهاش وايه رجعها تانى بعد السنين الطويله دى 
فهد المشكله مش فى رجوعها 
باسم امال فى ايه 
فهد المشكله انها تبقى مرات اخويه فارس 
باسم پصدمه اكبر ايه ط ط طب ازاى 
فهد مش عارف اتعرفو على بعض ازاى بس شكلها رجعه ومش ناويه على خير ابدآ وده شوفته بسهولا فى عنيها 
باسم فهد انت لسه بتحبها 
فهد وقف وۏلع سېجاره وقال اول ما شفتها اټصدمت واټصدمت اكتر لما عرفت انها مرات اخويه بس مش علشان بحبها لا علشان انا عارف وسختها صعبان عليا فارس ينخدع من واحده زى دى والمشكله ان هو جايب منها ولد وفارس طيب اوى وشكله بيحبها وانا خاېف عليه من غدرها بس مش اكتر
باسم عارف ليه 
فهد 
باسم علشان حب مليكه خرج حب مروه من قلبك مبقاش شايف قدامه غير مليكه وبس 
وفى الوقت ده السكرتيره دخلت القهوه لفهد واديته ظرف 
فهد ايه الظرف ده يا سهر 
سهر ده من الوفد حضرتك 
فهد اخده منها وقالها روحى انتى على مكتبك 
ومشيت سهر على مكتبها 
باسم تصدق نسينا خالص موضوع الوفد ده اللى جاى الغردقه 
فهد هما المفروض هيجو امته 
باسم يوصله بكره 
فهد طب والعمل 
باسم لازم انت تسافر ليهم وبما ان مليكه مديرة الحسابات ومراتك تروح معاك وانا هحصلكم بليل 
فهد لازم مليكه 
باسم عادى مش لازم بس قولت تيجى معانا بدل ما تبقى عروسه وتسبها لوحدها واهو منها شغل ومنها تقرب منها وتعمل شهر عسل وبصراحه فرصه حلوه اوى ليكم يعنى جت فى وقتها 
فهد اوك بس ما تيجى معانا 
باسم لا مش بحب اكون عزول