قصه كامله

روحو انتو وانا هحصلكم بليل 
فهد ماشى همشى انا علشان الحق اجهز وبعدين لسه هروح اشترى حاجات قبل ما اروح الشقه 
باسم خلاص ماشى ربنا معاك 
ومشى فهد وركب العربيه وراح على 
المول ودخل محل ملابس حريمى 
وبعد وقت طويل خرج من المحل ومعاه شنط نزل حطهم فى العربيه ومشى راح على الشقه
فى شقة فهد 
كانت مليكه بدور على تليفونها ومش لاقيه قعدت على الارض وقالت 
مليكه هيكون راح فين ياربى ليكون وقع منى امبارح تبقى مصېبه هكلم امى ازاى واطمنها عليه وهجيب هدومى ازاى ما انا مش هقعد كده علطول 
هعمل ايه بس منك لله يا فهد يا ابن ام فهد على الحوسه السوده دى اللى انا شيفاها وفى الوقت ده اتفتح الباب بتاع الشقه ودخل فهد 
مليكه قامت من على الارض ولسه هتدخل اوضتها 
فهد ثوانى عايزك 
مليكه وانا مش عايزه اتكلم معاك 
فهد بلاش تعصبينى امبارح شوفتى ايه اللى حصل 
مليكه نعم اتفضل عايز ايه 
فهد اولا جهزى نفسك علشان على بليل هنمشى هنروح الغردقه 
مليكه نعم نروح فين 
فهد الغردقه 
مليكه لا مش رايحه فى حته انا 
فهد انا مش رايح اتفسح انا رايح شغل وبما انك مديرة الحسابات لازم تكونى موجوده ساعة امضت العقد 
علشان كده لازم تكونى معايه 
مليكه افتكرت الموضوع ده لما كلمها باسم فيه قبل كده قالت اه فعلا استاذ باسم كان قايل ليا على الموضوع ده قبل كده 
فهد طب كويس انك عارفه 
مليكه طب هو استاذ باسم

هيجى معانا 
فهد اتغاظ من مليكه وقال اشمعنا 
مليكه لاعادى بسأل 
فهد ايوه بس هيوصل بعدينا
مليكه م م ماشى ولسه هتدخل الاوضه 
فهد خدى 
مليكه ايه ده 
فهد لبس وكل حاجه هتحتاجيها 
مليكه لا شكرآ مش عايزه منك حاجه 
فهد وهتروحى الغردقه ازاى بالهدوم دى وبص على جسمها 
مليكه بصت على نفسها وقالت لو سمحت ما تبصش كده عليا 
فهد خدى الشنط 
مليكه لا
فهد كده طب لوسمحتى انا عايز القميص بتاعى 
مليكه ازاى يعنى وبعدين ما عندك الدولاب مليان قمصان حبكت يعنى ده بالذات
فهد بعند اه عايز ده بالذات وبعد كده متلبسيش حاجه تانى من هدومى مش بحب البس مكان حد 
مليكه عااااااااا مستفز واخدت الشنط من ايده ودخلت الاوضه ورزعت الباب فى وشه 
فهد ههههههههه 
فى اوضت مليكه 
فتحت مليكه الشنط وعجبها زوق فهد اوى فى اللبس وبتفتح اخر شنطه اتكسفت ووشها احمر وقالت بنأدم قليل الادب د د ده طلبهم ازاى ده وقفلت الشنط وطلعت فستان ولبسته وطلع مظبوط عليها واخدت القميص بتاع فهد وخرجت من الاوضه وحدفته وقالت 
مليكه اتفضل قميصك اهو 
فهد عجبه شكل مليكه اوى وقال الفستان طلع مظبوط عليكى 
مليكه اه شكرآ وسابته ولسه هتدخل الاوضه 
فهد الحاجه طلعت مقاسك 
مليكه فهمت قصده على ايه وشها احمر بصت ليه بغيظ ودخلت وقفلت الباب وراها وهى بتبرطم 
فهد ههههههههههههه ومسك القميص اللى كانت لابسه وحطه عند مناخيره وشمه وكانت ريحة مليكه فيه قعد يشم فيه واخده معاه الاوضه وقفل الباب وراه 
فى فيلا فريد المنشاوى 
كانت مروه قعده فى الجنينه لوحدها ولفت انتباها تليفون واقع على الارض قامت واخدته وبصت عليه وقالت 
مروه بأستغراب تليفون مين ده وحاولت تفتحه بس مفتحش معاها حطته فى جيب البنطلون وقالت خليه ابقى اشحنه واشوف بتاع مين يمكن وقع من حد امبارح 
وفى الوقت ده جت سهير 
سهير قعده لوحدك ليه يا حبيبتى 
مروه مفيش يا طنط بس انا معرفش حد هنا ومعنديش حاجه اعملها
سهير تعالى معايه النادى هتتعرفى على ناس هتحبيهم اوى 
مروه اوك يا طنط بس شويه كده
سهير اوك وقعدت وقالت ندردش شويه واحكيلى عن اهلك وازاى اتعرفتى على فارس ابنى 
مروه ها مفيش انا بابا وماما ماټو من وانا صغيره عشت مع تيته لحد ما كبرت وسافرت اكمل تعليمى بره وهناك قابلت فارس بالصدفه فى المطعم اللى باكل فيه كل يوم واتعرفنا على بعض وحبينا بعض واتجوزنا
سهير اوك يا حبيبتى ربنا يسعدكم يارب
مروه طنط هو انا ممكن اسألك سؤال 
سهير اسألى يا حبيبتى 
مروه هو ليه فهد مش قاعد معاكم فى الفيلا
سهير انا اللى رفض ان مراته تدخل هنا الفيلا ولا تعيش فيها 
مروه بس مع احترامى لحضرتك اللى انتى عملتيه ده اكبر غلط اديتها الفرصه ان هى تاخد فهد منك والله اعلم تكون رسمه على فلوسه وتضحك عليه وتاخد اللى وراه واللى قدامه 
سهير قصدك ايه 
مروه قصدى كنتى قعديهم معاكى ويبقو تحت عينك وتقدرى كمان تخلى ابنك فى صفك وتكرهى فيها وسعتها ابنك هيرجعلك وهتكونى حفظتى عليه وفى نفس الوقت تخلصى منها بكل سهولا 
سهير امممم هى فكره بس افرضى طلعت سوسه وقدرت تخلى فهد فى صفها هى وتقلبه عليا انا 
مروه هقولك تعملى ايه 
سهير قولى 
مروه يتبع
فى الجامعه عند مها 
خلصت محاضرتها وخرجت من الباب الجامعه وكان اسر مستنيها 
مها اسر بتعمل ايه هنا 
اسر لا ولا حاجه بتشمس بس 
مها ده ايه الخفه دى 
اسر هكون بعمل ايه مستنى حضرتك 
مها وتعبت نفسك ليه ما انا كنت هركب تاكسى 
اسر ودى تيجى برضه تركبى تاكسى وابن عمك موجود اركبى يلا 
مها اممم مش عارفه اودى جمايلك فين الصراحه وركبت جمبه فى العربيه 
اسر عدى الجمايل بقى 
مها اساسآ لازم انت تشكرنى 
اسر ليه ان شاءالله بقى 
مها علشان بتواضع وبركب عربيتك 
اسر لا والله انزلى ابت مش هوصلك وروحى اركبى تاكسى بقى 
مها حبيبى ااسور 
اسر فرح بالكلمه دى وقال بجد 
مها اه طبعآ مش اخويه حبيبى 
اسر اټصدم وقال اخوكى 
مها اه اخويه 
اسر اتعصب وشغل العربيه ومشى من غير ولا كلمه 
مها استغربت من تغير حال اسر بس محاولتش تسألو عن السبب 
فى شقة فهد 
كانت مليكه قعده فى الاوضه لوحدها ومخرجتش منها نهائى 
فهد خبط على باب اوضتها وقال مليكه انتى نمتى 
مليكه من وراه الباب لا 
فهد طب ممكن تطلعى عايزك 
مليكه لا مش عايزه اشوف وشك 
فهد بلاش تعصبينى علشان ما اكسرش الباب وادخل وساعتها مش مسئول على اللى هيحصل 
مليكه فتحت الباب وربعت ايديها على صدرها وقالت نعم 
فهد اكلتى 
مليكه ملكش فيه 
فهد ردى عدل بدل ما اعدلك انا 
مليكه والله هو ده اللى عندى 
فهد اللهم يطولك يا روح 
مليكه لا بعد الشړ اللهى تقصر روحك علشان ارتاح منك بقى 
فهد مليككككككككه متعصبنيش 
مليكه عايز ايه منى سبنى فى حالى قعده فى اوضى 
فهد اكلتى 
مليكه مليش نفس 
فهد يلا علشان تاكلى 
مليكه قولتلك مش عايزه اطفح 
فهد قرب منها ومسكها من درعها وقال انتى ايه حكايتك شكلك عجبك اللى حصل امبارح بتحاولى تستفزينى علشان يحصل تانى صح 
مليكه ا ا
فهد الصراحه فى دى عندك حق وتعالى 
فهد هتتعدلى ولا انتى عارفه 
مليكه هزت راسها بمعنى اه 
فهد ايوه كده شطوره هتروحى تحضرى الاكل وهتاكلى معايه 
مليكه م م ماشى 
فهد ولو انى كنت بتمنى انك ترفضى علشان كنت عملت 
مليكه زقته وطلعت تجرى على المطبخ تحضر الاكل 
فهد ههههههههههههه وخرج من الاوضه وراح وراها المطبخ 
مليكه ا ا انت جاى ورايا ليه 
فهد براحتى اجى فى اى مكان انا عايزه 
مليكه هوف بقى وحضرت الاكل وهى مرتبكه 
فهد قعد يتفرج عليها ويضحك على ارتبكها
مليكه ممكن اعرف انت بتضحك على ايه بقى 
فهد الله انا حر اضحك زى ما انا عايز 
مليكه يووووه بقى ممكن تطلع من المطبخ 
فهد لا 
مليكه مسكت الاطباق وراحت تحطها على السفره بس اتكعبلت ووقعت على الارض والاطباق وقعت بالاكل على الارض 
فهد ده انتى طلعتى خيبه خالص 
مليكه مش انت اللى واقف ربكنى ومخلينى مش عارفه اعمل حاجه 
فهد دى حجه من واحده فاشله زيك 
مليكه والله العظيم انت اللى فاشل وستين فاشل مستفز 
فهد مد ايده وقال قومى 
مليكه لا شكرآ مش محتاجه مساعدتك وجت تقوم معرفتش بتقع تانى من الاكل اللى واقع على الارض 
فهد ههههههه ما قولتلك اساعدك 
ومد ايده تانى ليها 
مليكه مدت ايديها ليه 
فهد شدها ليه 
مليكه اتكسفت وحاولت تبعد عنه 
فهد شدها اكتر ليه 
مليكه زقته وقالت اياك تفكر تعملها تانى اوعى تكون مفكر علشان انا مراتك هيبقى مسموح ليك تلمسنى لا خلى بالك انا لما وافقت اتجوزك وافقت علشان خاطر جدتك واستاذ باسم مش اكتر من كده وزقته ومشيت على اوضتها 
فهد خبط بأيده على الحيطه وقال غبى غبى خليت واحده زى دى ترفضك انت واحد ضعيف وفى الوقت ده جرس الباب رن 
راح فهد عند الباب وفتحه وقال 
فهد مروه ماما خير فى ايه 
سهير جيت انا ومرات اخوك نبارك ليك فيها حاجه 
فهد اه فيها لما سهير هانم تتنازل وتيجى شقتى المتواضعه علشان تبارك ليا ولمراتى اللى هى بتقول عليها بيئه ولوكر يبقى فيها حاجات كتير اوى 
مروه جرى ايه يا فهد باشا مش ناوى تدخلنا ولا ايه 
فهد وسع ليهم الطريق ومنطقش ولا كلمه 
مروه وسهير دخلو وبصو على الشقه 
سهير امال فين مراتك 
فهد فى اوضتها
مروه هههههه شكلنا جينا فى وقت مش مناسب يا طنط 
فهد الصراحه اه 
سهير طب ايه الهانم مش هتتنازل وتيجى تسلم علينا 
فهد ثوانى هدخل ابلغها ودخل الاوضه وقفل الباب وراه 
مليكه ا ا انت داخل هنا ليه وقفلت الباب وراك ناوى تعمل ايه اياك تقرب منى 
فهد شششش ماما ومرات فارس بره جاين يباركو لينا مش عايزين يعرفو حاجه يعنى قدمهم احنا اسعد زوجين ماشى 
مليكه وهو فى حد يجى لحد من غير استأذان كده 
فهد اهو ده اللى حصل يلا اطلعى معايه وافردى وشك كده 
مليكه هووف على الشبكه السوده اللى الواحد فيها بقى يلا يا اخويه 
وخرجت مليكه مع فهد وهى بتحاول تضحك وحطه ايديها فى ايد فهد 
مليكه اذيك يا طنط وبصت لمروه وقالت اذيك يا سورى اسمك ايه 
مروه بغيظ اسمى مروه بس مالك كده وشك بهتان وباين عليه ان هو مرهق خالص 
فهد 
سهير بغيظ والله ربنا يهنيكم يا حبيبى بس ابقى اكلها احسن دى خلاص هتختفى خالص مفهاش جسم 
مليكه شكرآ ليكى يا طنط على اهتمام حضرتك بيا 
فهد قعد وقال تعالى يا ملوكه اقعدى جنبى 
مروه شدتها وقالت لا خليها قعده جمبنا ما هى قعده معاك علطول 
مليكه وجعتها شدت مروه ليها بس حاولت تدارى وضحكت وقالت م م منورنا والله 
فهد تعالى يا لوكه نحضر حاجه ليهم 
سهير ها لالا خليها جمبى قومى انتى يا مروه ما هو زى بيت اخوكى برضه ولا عندك مانع يا مليكه 
مليكه ل ل لاطبعآ البيت بيتها 
مروه ممكن بس يا فهد تيجى تورينى فين المطبخ 
فهد داس على سنانه وقال اه طبعآ 
وقام فهد ودخل مروه المطبخ 
مروه وقالت واحشتينى يا فهودى بقى هى دى اللى جبتها علشان تقدر تنسانى بيها 
فهد زقها وقال احترمى نفسك انتى دلوقتى مرات اخويه وام ابنه وانا الصراحه بحب مراتى اوى دى ضفرها برقبتك 
مروه قربت عليه تانى وقالت هههههههههه انت بتضحك على نفسك ولا بتضحك عليا انت لسه بتحبينى انا 
فهد زقها وقال متحلميش كتير انا دلوقتى راجل متجوز وبحب مراتى وانتى ياريت تكونى محترمه لو مره فى حياتك وحافظى على جوزك وابنك 
مروه لالا انا هطلق من