قسمتي بقلم اسماء سليمان
المحتويات
سنة وبدات سوسن تحكي ليها علي أ امال والحوار اللي تم معاها وان المناقصة هتتعاد من جديد بعد اللعب من تحت الترابيزة اللي تم وكانوا فاكرين ان سوسن سهلة وهتسكت وتعدي الموضوع
سحر بجدية معلش سيبينك لوحدك
سوسن لما ترجعوا انا اللي هاخد اجازة وانتم تشتغلوا
سحر يا ريت يا سوسن انت فعلا محتاجة تغيري جو
سوسن فعلا سيبك مني انت اخبارك ايه مبسوطة وعلي بيعاملك ازاي الجواز حلو
سحر وسوسن وعلي زماله وصداقه من سنين وعشرة طويله وبيحبوا الخير لبعض وكلهم لسند بعض في الازمات والافراح
في فيلا زهرة
بعد الزواج سوسن كانت بتخرج من الشركة علي بيت زهرة تطمن عليها بسرعة وبعدين تخرج تقابل ادم في ميعاد الباص امام شقة فوزيه وكانت قبل ما تدخل علي زهرة تلبس دبلة في صابعها وبعد ما تخرج من عندها تقلعها وتحطها في شنطتها سوسن اشترت دبله شبهة اللي حسام رماها وفي احد المرات اللي سوسن بتشوف فيها زهرة
سوسن بلا اهتمام كويس يا ماما
زهرة بهز راسها فعلا هو كويس تتصوري بيكلمني كل يوم
سوسن باستغراب فعلا
زهرة مفيش حاجة كدا ولا كدا
سوسن بعدم فهم حاجة ايه
زهرة بطلي لؤم مفيش حمل ولا بيبي جاي في السكة انت بقالك كام شهر متجوزة
سوسن شرقت وفضلت تكح وقالت في سرها هتظبط موضوع الحمل دا كمان ازاي وقالت كله بوقته
سوسن بتردد ايوة حسام وانا روحنا عند دكتور شاطر قوي وقال احنا الاتنين كويسين ومفيش موانع الموضوع محتاج وقت بس
زهرة براحة طيب الحمد لله طمنتيني انا عايزة ولد ويكون حلو كدا وعايزاه شبه صبري الله يرحمه
سوسن ربنا يسهل
زهرة بفرحة عندي ليكي 3 اخبار احلي من بعض
سوسن بلهفة خير يا ماما
سوسن قامت تتنطط في الارض وتقول الكلبه كنت بكلمها امبارح ومقلتش دي وحشاني قوووووووووي وعمر وبيدوا وكلهم وحشني جدا يعني بعد اسبوعين هشوفهم
زهرة ايوة اسبوعين وليد مش جاي كالعادة الخبر التاني بردوا حلو
سوسن بسرعة هو فيه احلي من نزول دعاء
زهرة وليد جاب عقد حلو قوي لمحمد في الشركة اللي شغال فيها في الامارات
زهرة الخبر التالت محمد قال بما ان هو مسافر يخطب رغد ويرجع بعد سنة ولا اتنين علي الجواز علي طول وبيقولك تروحي تخطبيها في اقرب وقت
عليك يا حبيب والديك ايوة بقه اخيرا الفرح هيدخل بيتنا خلاص لما دعاء تنزل من السفر نروح نخطبها سوا
زهرة باستغراب مالك بتتكلمي كدا ليه كأن مكنش عندنا فرح قريب
سوسن بعدم فهم فرح مين
زهرة بضربها علي كتفها فرحك انت نسيتي وبعدين ليه نستني دعاء ما حسام الخير والبركه احنا هنضيع الاجازة في نروح نخطب ولسه هيفكروا ويردوا علينا عايزين نخلص قبل دعاء ما تنزل يعني اختك تنزل علي الخطوبه علي طول
سوسن بمجرد ما زهرة قالت حسام فرحتها اختفت وحاولت تبان طبيعيه وقالت اصل حسام دايما مشغول يا ماما وانا بشوفه كل فين وفين خلاص ناخد عمو جمال ولا طارق
زهرة انا هكلم حسام وهو مش هيرفض ليا طلب ايه
دا سوسن دي
مش دبلتك
سوسن مسكت ايدها واتربكت ايوة اصل تاهت مني واشتريت بدلها من غير حسام ما يعرف
زهرة وهيا بتقرصها من جنبها ازاي حاجة زي دي تتوه منك
سوسن بالم اه يا ماما قرصتك دي ايه سم ضاعت مني واشتريت غيرها مش مشكلة كبيرة يعني
زهرة طيب يله روحي وقولي لحسام انها ضاعت علشان ميزعلش لو اكتشف
سوسن هتغدي معاكي يا ماما بقالي كتير مكلتش معاكي ومع محمد
زهرة بقولك قومي روحي وطمنيني
سوسن يووووه حاضر انا هرتب مع محمد وعم جمال نروح لرغد بعد بكرة يعني الاحد ماشي
زهرة ماشي وهكلم بردوا حسام وان شاء الله يجي معانا
سوسن اللي يريحك
في شقه حسام في اوضه ادم
ادم شكلك مبسوطة
سوسن بضحكة ايوه
ادم ممكن اعرف السبب
سوسن طبعا اصل عمر ابن اختي راجع من السفر بعد اسبوعين ومحمد اخويا هيخطب
ادم باقتضاب مبروك علي فكرة بابي لسه زعلان منك علشان موضوع الصور
سوسن انت عرفت منين
ادم لما رجعت من المدرسة تاني يوم لقيت الصور اتشالت قلت اكيد بابي اللي عمل كدا انا مش عارف هو مش بيتكلم معاكي ودايما مكشر في وشك انت حلوة وطيبة
سوسن في محاوله لتغيير الموضوع يله نعمل اللي اتعودنا نعمله كل يوم
ادم ماشي
سوسن بعد ما ادم نام نزلت تحت في الصاله اتصلت علي محمد بالتليفون وحطت التليفون علي الترابيزة بعد ما فتحت الاسبيكر ونامت علي الكنبة
محمد الووو سونونو
سوسن بفرحة قلب وعقل السنونو انا زعلانه منك
محمد مقدرش والنعمة علي زعلك
سوسن لما انت عايز تخطب رغد ليه مقلتليش وكمان معرفتش موضوع عقد الشركة في الامارات
محمد موضوع عقد الشركة دعاء قالت لماما وانا عرفت منها بعد ما قالت لك كمان يعني انت عرفتي قبلي
سوسن ورغد
محمد انا كنت لسه بكلم ماما وبفكر وبقول ليها لو وليد عرف يخلص العقد هخطب رغد قبل ما سافر يعني كل دا احلام لسه ولما دعاء قالت لماما فتحتك من قبل ما اعرف يعني انا اخر من يعلم
سوسن عامة مبروك كلم ابو رغد عمو عبد العزيز علشان نروح ليهم الاحد ان شاء الله
محمد علي فكرة انا كنت عندهم الاسبوع اللي فات وحكيت ليهم علي كل ظروفي وموضوع سفري والرجل بقي مستغرب اني عندي فلوس وكمان هسافر اكون نفسي واخد خبرة وبيقول ان مش كل الشباب بتفكر كدا وقال احنا بنتشرف بيكم
سوسن بفخر طبعا هما يطولوا هو فيه زيك يا قلبي وبعدين يعني الناس دي محترمة وعارفينهم من زمان كانوا مأجرين شقة في عمارتنا وبعد مۏت بابا مكلوش علينا الايجار زي كل السكان
محمد خلاص هكلمه واكلم عمي جمال يجي معانا تجي تتغدي معانا ونطلع سوا
سوسن عيوني مبروك يا محمد هات بوسه
محمد امووووه سلام
سوسن امووووووووووه سلام
سوسن قامت من علي الكنبة وهيا بتضحك لفت لقت حسام واقف وراها واتخضت
سوسن ايه يا عم انت قلت لك بتخض لو سمحت اعمل صوت قبل ما تدخل
حسام بهدوء اه وعندك شعر ابيض سوري نسيت
سوسن باستغراب مين سوري
حسام علي فكرة مامتك كلمتني النهاردة وقالت اجي معاكم وانتم بتخطبوا لمحمد بس للاسف انا عندي مهمة من بكرة
سوسن في سرها هو فيه ايه هو بيتكلم معايا كدا ليه من غير خناق او نرفزة وكمان سوري وللاسف اكيد الرجل دا مش طبيعي
حسام تصبحي علي خير
سوسن باندهاش وتصبحي علي خير كمان اكيد في حاجة الراجل دا تعبان وعنده مشكله ماثرة علي قواه العقليه
سوسن قالت فرصه انه كويس وموده حلو وهادي تكلمه في الموضوع اللي شاغلها من فترة سوسن طلعت الغرفة العنكبوت وخبطت الباب وكان حسام في الغرفة اللي فيها اجهزة رياضية وبيجري علي المشايه
سوسن واقفه علي باب الغرفة وشافت جسمه وعضلاته معندوش عضلات واضحة وبارزة وهو مش بيتمرين لكن لما بيتمرن بتظهر العضلات علي صدرة وفي ظهرة وكمان كل ضلوعه ظاهرة وممكن تتعد واحد ورا واحد وقالت يخربيتك فاقت علي صوته وهو بيقول
حسام عايزة حاجة
سوسن اتخضت تاني انه شافها رغم انه مديها ضهره اااااا
حسام بهدوء في حاجة
سوسن بعد ما دخلت كنت عايزة اكلمك في موضوع
حسام خير
سوسن في سرها شكلها بدايه مبشرة ان شاء الله والحمد لله انه مقلش برة زي المرة اللي فاتت وكملت
سوسن بكسوف وتردد كنت عايزة نتعامل زي اي زوجين بيحبوا بعض
حسام نط من علي المشايه وقال مش معني ان اتكلمت معاكي يبقي خلاص مش معني اني بتكلم مع اخوكي وامك يبقي الموضوع بقي عادي وممكن اقبلك كزوجة
حسام بعد خطوتين ورجع كمل كلامة وقال بس لو عايزة معنديش مانع هو علي نفسه بطريقة مشينه لنفسه اما سوسن مكنتش مصدقه نفسها وهيا بتسمع كل كلامه ولا عيونها وهيا تري ما يفعله بها دون كرامة او رحمة وسکينة كما قال الله ودموعها
نزلت ڠصب عنها وثارت نفسها
وڠضبها وصل الي منتهاه وقالت والعياط مفارقش كلامها
سوسن انت بني ادم ژبالة لا الزباله انظف منك بكتير بس انت عندك حق انا استاهل كل اللي يجري ليا انا اللي وافقت علي وضع زي دا واستحملت الاهانه والبهدله بس انا مجبرة اني استحمل الوضع دا علشان امي بټموت وللاسف معنديش اختيارغيره حسبي الله ونعم الوكيل فيك
حسام بنرفزة مش دا اللي انت عايزاه
سوسن وانت تعرف منين اللي انا عايزاة
حسام كلامك اهو زوجين بيحبوا بعض رغم انك عارفة شروطي من الاول وبعدين متعمليش نفسك برئية انت مش سجلتي علي مواقع للجواز من رقم غير رقمك الاساسي وقلت اريد رجلا باي مواصفات انت مش اتطلقي في قسم الشرطة انت مش هربت مع واحد وسبتي جوزك علشانه انا مش عارف ازاي لحد دلوقتي انا وافقت علي كلام ماما واتجوزتك
سوسن پصدمة للمرة التانية
حسام بأمل ورجاء الكلام دا صحيح هيا دي الحقيقة ولا في حاجة تانية مستخبية
سوسن قامت من مكانها وعدلت اسدالها وقالت ادم لاحظ ان علاقتنا مش طبيعية علشان مش بنتكلم مع بعض ودايما مكشر في وشي ولما سالني عن السبب معرفتش ارد عليه علشان كدا كنت جايه اقول لحضرتك ممكن نمثل اننا متجوزين ادام ادم ونتعامل ونتكلم كويس بس انت
فهمتني غلط وسابته مشيت لحد باب الغرفة وقالت
سوسن اما بقه حياتي السابقة مش من حقك تعرف عنها حاجة واذا كنت عايز تصدق الكلام دا صدقه وحضرتك وافقت علي الجواز لانك اتجوزت صافي وطنط فوزيه مكنتش موافقة عليها والموضوع مكملش فحبيت المرة دي توافق عليا علشان خاطرها وكمان لانك مش خسران حاجة جوازة محدش يعرف عنها حاجة وانت كنت مرتب لكدا ومخطط ليه كمان قلت تجرب وتشوف بتراقبني طول الوقت لان حضرتك مش واثق فيا والكلام اللي سمعته رسم صوره زي الزفت ليا في عقلك ومش مقتنع اني كويسة زي ما طنط ومروان بيقولوا انا بقه كنت مقتنعة انك كويس وطيب بس لابس ماسك البرود والتناكة ولسانك
دبش بس بعد اللي انت عملته اكتشفت انك اژبل بني ادم عرفته ونزلت علي تحت وقعدت في الصاله تبكي
حسام في نفسه ايه اللي انت عملته دا وليه عملت كدا هو دا الوعد اللي اديته لوالدتها بص علي نفسه في المرايه وقال مالك في ايه ايه اللي بيجري لك انت مش طبيعي انت مش انت انت واحد تاني بلا قلب ولا مشاعر انت بارد ومش بتحس ازاي اتحولت كدا فين حسام الطيب اللي كان بيضحك ويهزر ويرحم الضعيف
وبعدين ليه زعلت قوي لما سوسن علقت صور صافي بجد خۏفت علي ادم ولا خۏفت كل ما تشوف الصور تفتكر أحزانك واللي عملته فيك هيا عقده صافي مش هتعرف تتخلص منها طيب هيا ذنبها ايه ليه بتحاسبها علي ذنب لم ترتكبه حسام نزل يدور عليها لقاها نايمه علي الكنبة وبتعيط وهيا نايمه جاب كوفترته وغطاها وقال اسف
في الشركة عند سوسن
وعدي الاسبوعين سريعا ومحمد خطب رغد ومنتظرين وصول دعاء بالسلامة علشان يلبسوا الدبل ويجمعوا كلهم يوم الثلاثاء صباحا في الشركه موبايل سوسن رن وكانت فوزية
سوسن الو ازيك يا طنط
فوزية الله يسلمك نسيت اقولك يا سوسن اننا هنسافر يوم السبت الجاي كلنا نقضي كام يوم في شرم هو احنا في العادة بنروح في شهر 9 بس هنسافر بدري شهرين علشان هاني زوج اماني نازل في 9 وعايزة تكون معاه
سوسن بحزم طيب ترحوا وتيجوا بالسلامه
فوزية بتاكيد انت هتيجي معانا
سوسن مش هينفع يا طنط دعاء اختي في الطريق وكمان شويه هروح اقابلها في المطار ويوم الجمعة الجايه هنقرا فاتحة محمد اخويا
فوزية تجي دعاء بالسلامه ومبروك لمحمد بس انا بقولك هنسافر السبت
سوسن اصل اجازة دعاء شهر وبعدين هتسافر هيا ومحمد فعايزة اقضي الشهر دا معاهم ومفوتش فيه ثانيه
فوزية انت مش هتعزيمنا علي خطوبه محمد ولا ايه
سوسن انتم طبعا تشرفوا بس العروسه عمها مټوفي ومكملش الاربعين وعلشان سفر محمد القريب قالوا هنقرا الفاتحة ونلبس الدبل في المحل من غير معازيم غيرنا بس
فوزية بس مش الخطوبه تمت بسرعة قوي انتم مش كنتم عندهم يوم الاحد قبل اللي فات لحقوا يقرروا ويوافقوا
سوسن عمي عبد العزيز والد رغد كان جارنا من زمان وعارفنا وعارفينه ومحمد ورغد بيحبوا بعض من صغرهم علشان كدا الموضوع تم بسرعة
فوزية مبروك بس علشان خاطري يا سوسن احنا هنقعد 5 ايام بس وبعدين لما نرجع روحي اقعدي عند اخواتك براحتك
سوسن بلاش يا طنط انت عارفة العلاقة بيني وبين الاستاذ حسام عامله ازي فلو روحت معاكم مش هتبقي رحله
فوزية طول منا موجودة مش هيقدر يزعلك علشان خاطري بقه
سوسن لقت سحر داخله الشركة فقالت حاضر سلام وهبقي اكلمك بعدين
سحر وسوسن كملوا شغل ودخل عليهم علي وقال مبرك يا قمرات المناقصة رسيت علينا
وهبندا التوريد علي من بكرة
سوسن الحمد لله
سحر
بمناسبة الخبر دا احنا هنتغدي مع بعض النهاردة
سوسن موافقه جدا بس مش النهاردة وبالمرة تعلميني كام اكله كدا
سحر باستغراب من امتي وانت بتحبي تتعلمي الاكل
سوسن بتوتر اصل دعاء جايه النهاردة وانت عارفة بتقعد تتريق عليا
علي اكل سحورتي لا يعلي عليه
سوسن منا عارفة يله سلام علشان الحق دعاء في المطار سلام
سحر سلمي عليها لحد ما اشوفها
سوسن حاضر
في شقة فوزية
يوم الجمعة بالليل ويوم خطوبه محمد فوزيه في بيتها في انتظار حسام اللي لسه واصل
حسام مساء الخير
فوزية حمد الله علي سلامتك اخبار شغلك ايه
حسام الله يسلمك يا حبيبتي الحمد لله كويس جهزتوا نفسكم للسفر بكرة
فوزية ايوه حتي أماني جت هيا وولادها ونايمين جوا وقالوا نطلع سواء
حسام كويس ومروان وادم فين
فوزية مروان نايم وادم فضل يلعب مع امير وشهد لحد ما ناموا مع بعض
حسام وست الكل صاحيه ليه لحد دلوقتي
فوزية اولا مستنياك كالعادة
حسام رفع حواجبه والتاني
فوزية بجدية هتروح تجيب سوسن من بيت مامتها
حسام ليه ان شاء الله
فوزية النهاردة خطوبه محمد ولازم حد يروح يجبها اصل الوقت اتاخر وكمان هنسافر بكرة الصبح فلازم تخرج من هنا معانا
حسام ابعتي كريم يجبها
فوزية كريم تعبان شويه وقلت له يروح
حسام خلي اخوها يجبها
فوزية العريس يا حسام
حسام لا انا اللي اروح اجيب الهانم
فوزية علشان خاطري يا حبيبي متزعلهاش
حسام مش هتكلم خاص بس كلميها وعرفيها اني جاي
فوزية يارب يهديك يا ابني ولما خرج قالت والله منا مكلماها ويارب تخبط فيها كمان بقه
في فيلا زهرة
حسام بعد اخر موقف بيتجنب الكلام مع سوسن وعلشان ميبينش انه ضعيف يتنرفز عليها لاي سبب حسام اول ما وصل لقي بوابه الفيلا مفتوحة ومليانه انوار وزينه ومزيكا عاليه وفيه دوشه كتير ركن عربيته ويدوب اتحرك ولسه واقف علي باب البوابه لقي ناس كتير واطفال بيغنوا ويرقصوا والجو كله مرح وحب
وفي وسط كل دول شاف سوسن بتجري وفيه طفل بيجري وراها وهيا كل شويه تغيطه وتطلع ليه لسانها وتقوله مش هتقدر تمسكني ودا وشاف زهرة قاعدة مع جمال وطارق في ركن بعيد ولسه هيدخل لقي تليفونه بيرن فلف بظهره علشان يرد علي فوزية وكانت بتطمن انه وصل وبتوصيه يتعامل كويس مع سوسن ادام زهرة والناس
حسام خلص معاها وبيلف لقي سوسن خبطت فيه ودخلت في حضنه وهيا مش واخده بالها لانها كانت بتبص علي الطفل اللي بيجري وراها وفي نفس الوقت الطفل اللي بيجري وراها نط ورفع نفسه من علي الارض ورمي نفسه في حضڼ حسام اللي اضطر ان يطوق سوسن بذراعة علشان يعرف يمسك الطفل ويمنعة من الوقوع والطفل اتعلق برقبته جامد وكانه عارفة وكان غايب عنه من فترة طويله
سوسن من اخر موقف مع حسام وهيا مش بتتصور تشوفه وكانت بتتحاشي الكلام معاه ولو دخل عليها مكان تخرج منه بسرعة بس دلوقتي هيا في حضنة ومش عارفه تخرج من دراعة القوية
الطفل بفرجة عمو حسام ازيك
حسام باستغراب الله يسلمك يا حبيبي انت مين
الطفل بسعادة اكبر انا عمر انت مش عارفني
سوسن بنرفزة انزل يا عمر
عمر حاضر وسوسن خرجت من دراع حسام بعد ما عمر نزل وحسام فك دراعة كانها كانت في مغارة كئيبه او بير مغلق ومصدقت انها خرجت
حسام نزل علي الارض لمستوي عمر ازيك يا عمر بس انت عرف ازاي اني حسام
عمر بثقة انا كل ما أسال خالتو علي صور
ليك تقول انك بتطلع وحش في الصور علشان كدا مش بتحب تتصور وكمان صور الفرح كنت ماسك ادم ابنك ومخبي وشك ومفيش صورة ليك واضحة
سوسن بعصبيه اكتر عمر
حسام اممم طيب يا بطل عرفت ازاي وانت مشفتش صورة ليا
عمر وهو بيص علي جسم حسام انت طويل وجسمك رياضي ولما نطيت انت مسكتني مع انك منتش في وضع الاستعداد فقلت اكيد انت عمو حسام
حسام منبهر بكلام عمر دا تفكير صح كفك
عمر انا بحبك قوي يا عمو ونفسي لما اكبر ابقي ظابط واقبض علي الحراميه
حسام بضحكة انت هتبقي احسن ظابط في الدنيا
عمر بجد طيب خد بقه
وبدا عمر يعمل حركات كارتيه ويضرب في حسام اللي عمال يتفادي الضربات ومبسوط بعمر وذكاءه وقوته ملاحظتة وسرعته في اداء الضربات
صوت من الخلف مش كفايا يا عمر بقه
عمر حرام عليكي يا ماما سيبي عمو حسام يدربني
حسام قام من علي الارض ازيك يا دكتوره وحمد الله علي السلامه
دعاء ازيك يا حسام
دعاء صبري مش طويله ومش قصيرة ومش تخينه ومش رفيعة بيضاء البشرة ولونها عيونها عسلي زي سوسن ومحمد
حسام الله يسلمك
دعاء مالك يا سوسن مش تقولي لجوزك يتفضل
حسام دخل وسلم علي زهرة وجمال وطارق وكل الموجودين ومن بينهم بنات عمها طارق رندا ورانيا ورباب ومامتهم زينب اما عمها جمال عنده دهب وفيروز بس مامتهم تعبانه وفضلوا معاها في البيت
حسام مبروك فين محمد علشان اسلم عليه واباركه له
دعاء
احنا لبسنا الدهب في محل الدهب وسوسن عزمتنا كلنا
علي العشاء وبعدين احنا جينا هنا ومحمد بيتفسح هو خطيبته
جمال سوسن هاتي لجوزك جاتو وحاجة ساقعة
سوسن في سرها جوزك جوزك بلا نيله حاضر
زهرة بتمثيل الزعل زعلانه منك يا حسام بقي اول طلب اطلبه منك تكسفني كدا
حسام بحنية حقك عليا انا مقدرش علي زعلك بس انا كنت في مهمة من يوم السبت ولسه واصل حالا
سوسن اتفضل وقالت في سرها حنين قوي بالسم الهاري
حسام قرا شفايها وعرف هيا بتقول ايه وقال شكرا
سوسن قالت العفو وراحت تقف مع بنات عمها رباب رندا رانيا
رانيا ايه الموز دا يا بختك يا سوسن
رباب عليا النعمة الواد ياخد العقل والقلب
سوسن حيلكم انتم هتجننوا علي ايه مش شايفاه يعني موز دي حاجة كدا استغفر الله العظيم
راندا انت اللي استغفر الله العظيم
سوسن بصت ليه وقالت اصل انتم بتاخدوا بالمظاهر وبس
راينا لا بقه دا مظاهر وبواطن قمر
حسام مش عارف ليه مركز مع سوسن وبقي مشدود ليها بعد اخر موقف رغم انه لحد دلوقتي بيظهر العكس وخاصة ادام الناس فركز في حوارها مع بنات عمها اللي بيتقال ووكمان بيعرف يتابع ناس كتير في وقت واحد واول ما رانيا قالت بواطن قال انت قديمه قوي مع انك صغيرة
دعاء انت بتقول حاجة يا حسام
حسام لا مفيش حاجة
زهرة بعصبية ايه حسام دي اسمها ابيه حسام انت فاهمة ولا علشان مسافرة وغايبه عيننا تنسي الاصول
دعاء في ايه يا ماما حضرتك كبرتي الموضوع ليه وبعدين انا مش عايزة اكبرة خلاص ولا يهمك ابيه ابيه ابيه
حسام سبيها براحتها وتقول اللي تقوله وفي نفس الوقت حسام رجع تاني يركز مع سوسن وبنات عمها
رباب حرام عليكي يا سوسن طيب هو يقبل يتجوزني زوجه تانيه
سوسن وتانيه ليه اتفضلي اصلكم مش عارفين وشايفين اللي انا شيفاه
راندا شيفاه قمر اخر حاجة صبح وظهر وعصر ومغرب
رباب طبعا
رانيا ويا سلام لو في نصف الاكل يبقي احلي دواء
سوسن بكل الغيط اللي في الدنيا القمر اللي عجيبكم دا صوت شخيره زي شكمان القطر
رنده دي كمنجات وبتعزف احلي لحن
سوسن بعصبية اكتر وجسمه كل حته فيه مليانه شعر تامر حسني ميجيش جنبه حاجة
رباب ما هيا دي الرجوله يا عبيطة
سوسن بنرفزة طيب خدوا الكبيرة بقا دا لابس كورسيه علشان يبان رفيع وجسمه حلو
حسام وهو بيشرب شرق جامد وفضل يكح ويقول كورسيه طيب اصبري عليا ان ما علمتك الادب مبقاش انا وقال لدعاء نادي لسوسن علشان نروح ورانا سفر الصبح
دعاء حاضر
سوسن خرجت بعد ما سلمت علي الجميع ووعدتهم خاصة عمر انهم علي ما يريحوا من السفر هتكون معاهم ويقضوا باقي الاجازة مع بعض ومش هتسيبه خالص
كفايا عليكم كدا
يا تري ايه اللي اتعود ادم وسوسن يعملوه كل يوم
تفتكروا ليه سوسن اتطلقت في قسم الشرطة
حسام لسه متلخبط
ومش عارف يعمل ايه وبيتصرف ازاي
كل هذا وما خفي كان اعظم واكثر في قسمتي
ليلتكم بعطر السوسن
رواية قسمتي بقلمي اسماء سليمان
الفصل الرابع عشر
سوسن خرجت من الفيلا بعد ما سلمت علي الجميع ووعدتهم خاصة عمر انهم علي ما يريحوا من السفر هتكون معاهم ويقضوا باقي الاجازة مع بعض ومش هتسيبه خالص
في العربية مروحين حسام ساكت طول الطريق وكل اللي في دماغة ازاي يضايقها بعد الكلام اللي قالته بقه هو لابس كورسيه وجسمه كل شعر وشعر صدر تامر حسني ميجيش جنبي حاجة ماشي يا سوسن في اللحظة دي تليفون سوسن رن وكان عمر بيكلمها فيديو
سوسن بضحكة ايه يا عمورة
عمر انت نسيتي دي ورفع الجذمه بتاعتها
سوسن بصت علي رجلها لقت نفسها خرجت بشبشب بيتي وكانت قلعت جزمتها علشان تعرف تلعب مع ولاد اختها
سوسن ههههه ماشي يا عمروه خليها
عمر بتاكيد تروحي وتيجي بسرعة انت عارفة اننا هنقعد شهر بس
سوسن حاضر عد 5 ايام وهكون عندك ونقضي باقي الايام مع بعض
عمر افتجي الاسبيكر يا خالتو عايز اكلم عمو حسام لانه بيسوق العربية ومش هيعرف يمسك التليفون
سوسن حاضر يا حضرة الظابط
عمر عمو حسام انا هستناك علشان نتدرب سوا
حسام حاضر جهز نفسك وهاخدك معايا النادي كمان
عمر بحماس ماشي وانا هستعد ليك من دلوقتي يله سلام وبوس خالتو سوسن
سوسن بسرعة قفلت التليفون بعد كلام عمر الاخير وبصت ناحية الشارع وقالت الحمد لله ان سحر وعلي مشيوا قبل وصول حسام والا كانت هتبقي مصېبة وكمان محدش جاب سيرته وهما موجودين لانهم عارفين انه في مهمة حسام عمال يكرر كلامها انا لابس كورسيه ماشي دا انت هتشوفي ايام سوداء
سوسن دخلت اوضتها وجهزت شنطتين شنطة فيها اللاب توب وارواق تخص شغلها لانها عارفة ان مع وجود لوح التلج حسام مش هتبقي رحله بالنسبة ليها والشنطة التانيه فيها هدومها وبعدين راحت في نوم عميق
تاني يوم الصبح فوزية صحت الجميع ولبسوا وفطروا سوسن خرجت شايله شنطة اللاب علي ضهرها والتانيه بتجرها في ايدها ونزلتها الي شقة
فوزية شافت أماني
موجودة سلموا علي بعض وباست امير وشهد اما ادم سلم عليها بإقتضاب ومسك في ايد حسام
حسام يله علشان ميعاد الطائرة
كريم ومروان وحسام شالوا الشنط وفوزية وأماني والاولاد نزلوا يجروا علي العربيات ومحدش شال شنطة سوسن ولا اهتم بيها
فوزية واقفه جنب العربية ولمحت سوسن نزله بالشنطة وقالت بصوت عالي
فوزية حسام
حسام نعم في حاجة يا ماما
فوزية بنظرة ڠضب هات الشنطة من مراتك
حسام بزهق مبلاش مراتك دي وبعدين ما هيا نازله بيها ومش محتاجة مساعدة
فوزية بعصبية قلت هات الشنطة من مراتك
في نفس الوقت كان كريم حط الشنط اللي في ايده وراح ياخد
منها الشنطة وقال
كريم عنك يا استاذه
سوسن برقة شكرا يا كريم مش تقيلة
كريم وهو عيونه في الارض بردوا عنك حضرتك كنتي سبيها وانا هطلع أجيبها
سوسن وهيا بتديله الشنطة قالت شكرا يا كريم كلك ذوق
فوزية أماني اركبي مع مروان انت والولاد وانا معاكم وانت يا سوسن اركبي مع حسام
سوسن بزهق انا هركب مع أماني وحشاني وكنت عايزة اتكلم معاها وحضرتك اركبي مع
فوزية قاطعتها كلامي يتسمع وبعدين لما نوصل ابقي اتكلمي معاها براحتك كريم ريح اليومين دول يا حبيبي
كريم شكرا تروحوا وتيجوا بالسلامة
مروان بهمس لفوزية بتعجبني وانت حمش يا فوفا
فوزية رغم انها رسمه التكشيرة التام الا ان كلام مروان ضحكها ڠصب عنها
حسام راكب عربيته ولقي سوسن جايه تركب بس في الكرسي اللي وراء
حسام بعصبيه من ڠضب فوزيه عليه هو انا سواق جنابك ولا ايه اتنيلي اركبي جنبي
سوسن في سرها ويمين الله منا ساكته ليك بعد كدا وقالت وانت تطول تبقي سواق جنابي
حسام بنرفزة من ردها مش عايز استفزار من الاول
سوسن بهدوء عامه متزعلش خلاص هشغلك عندي سواق ولا تزعل
حسام بدا يسوق العربية وقال استغفر الله العظيم هيا رحله زباله من الاول
في الطائرة
سوسن بعد وصلوا المطار وصعدوا الي الطائرة اكتشف انها ملك عائلة العاصي ومخصصة لرحالتهم الخاصة الكل قعد في المكان اللي عايزة وجنب الشخص اللي عايزة سوسن قعدت بعيد لوحدها وجنب الشباك فوزية أمرت حسام يقعد جنبها اللي اعترض في الاول بس اضطر يوافق لانه شكله بقي وحش امام اخواته لان الوحيدة اللي ميقدرش يرفض ليها امر هيا فوزية العاصي
سوسن فيها عادة قديمه انها بتنام في اي مكان تحط راسها فيه ممكن تنام علي كرسي او علي الارض او في المطبخ من كتر ان دماغها شغال وبتفكر في حاجات كتير ممكن تنام في اي مكان
اول ما الطايرة بدات تطير سوسن فكت حزام الامان ونامت علي الكرسي وحسام جنبها وبيقرا في كتاب بعد شويه بدات
حسام عمره ما خالف امر لولدته لانه عارف حتي مع الجدال هيوافق واضطر ان يسمع كلامها وفضل طول الرحله ماسك نفسه من الغيظ والهانم في سابع نومه
وقبل ما تهبط الطايرة سوسن فاقت لقت نفسها علي رجل حسام قامت بسرعة وبصت في الارض من الخجل وقالت
سوسن اسفة
حسام بشرار طالع من عينه حاولي تبعدي عني في الرحله دي احسن لك
نزلوا من الطايرة واتجهوا الي الفندق وناموا شوية من تعب الرحلة اما المفتش كورومبو فوزية هانم العاصي اكتشفت ان حسام نام مع مروان في اوضته فوزية راحت الاوضه وأمرت حسام يروح أوضه سوسن
حسام بعصبية في ايه يا ماما انت بتعملي كدا ليه
فوزية بهدوء وبتلقد ابنها في بروده عايزك تنام في أوضه مراتك
حسام بتاكيد حتي لو نمت معاها في نفس الاوضه اللي في دماغك مش هيحصل انا رافضها يا ماما
فوزية بأمر شيل شنطك وإمشي من هنا
حسام خرج من الاوضه بنرفزة وممكن يضرب اي حد دلوقتي ونزل في المطعم
مراون بعد ما خرج مش وخدة بالك يا فوفا انك مزودها شويه معاه
فوزية بعد ما قعدت علي كرسي انا عايزة يحصل بينهم مواقف ويتكلموا حتي لو هيتخانقوا هيا عنيدة وهو عنيد ومش عارفة ايه اللي حصل بينهم سوسن لو قاعدة معانا وحسام دخل تقوم تخرج وحسام لو موجود وسوسن دخلت علينا متقعدش معانا وتدخل اي مكان كانوا بيقعدوا معانا حتي لو مش بيتكلموا وكمان اخوك بقي عصبي معاها وبيتنرفز بسرعة يعني يارب يسيب البرود وتمسكة العصبية ودا خلاني متاكدة اني فيه حاجة كبيرة حصلت بينهم بس لا سوسن بتتكلم ولا حسام
مراون فعلا انا ملاحظ كدا بس حسام في عناده مش بيعرف ابوه ممكن يضربها قلم يكسرها نصين
فوزية بتاكيد لانها عارفة ابنها حسام هيغلط فيها دا أكيد هيقولها كلام جارح ودبش بردوا اكيد انما يضربها استحاله
يا ميرو
مروان طيب يله نتغدي
انا جعان
فوزية اسبقي علي ما انادي سوسن وأماني والولاد
في المطعم واثناء الغداء
فوزية عايز برنامج حلو السنه يا مروان
مروان وهو بياكل معلش حسام يظبط البرنامج المرة دي انا زمايلي في الطريق وهكون معاهم ومعاكم
أماني انا هنزل المولات اشتري هدوم ليا وللولاد وحاجات محتاجاها قبل هاني ما ينزل مصر وبعدين هفسح الولاد ونروح اكو بارك وهدلعهم الكام يوم دول
فوزية وانا كفايا عليا ان اقعد ادام البحر واسمع فيروز
سوسن في نفسها انا قلت ان الخروجة دي ملهاش ستين لزمه
حسام تمام يعني كل واحد براحته بس انا هحجز للكل اخر يومين هنقضيهم في البحر في باخرة حلوة قوي
مروان ممكن تحجز لزمايلي اسعد وفارس وعمار معانا يا حسام
حسام ماشي انا خارج سلام
فوزية علي فين
حسام عندي مشوار مهم
فوزية وانت هتعملي ايه يا سوسن
سوسن بتفكير هروح مع أماني اشتري معاها هدايا لعمر وبيدوا ونروح نلعب في اكوا بارك سوا
ادم في سرة كل شويه عمر عمر
بعد الغداء أماني وسوسن خرجوا هما والولاد واشتروا هدوم وهدايا واكلوا ايس كريم ورجعوا علي الفندق وكان الليل حل
سوسن دخلت اوضتها لقت حسام نايم علي السرير وكان بيتكلم في الموبايل ونهي المكالمة بكرة بالليل سوسن بصت عليه ومش عارفة هتنام فين او ازاي فتحت الدولاب لقت هدوم حسام مرصوصه بشكل مرتب وهدمها مرميه تحت في قاع الدولاب
حسام مبحش احط هدومي مع هدوم حد تاني
سوسن والڠضب وصل لمنتاها منه مفيش مشكله ودخلت الحمام
سوسن اخدت دش ولبست الاسدال بس وهيا خارجة شافت شامبو وكريم حلاقة وشاور جيل وبرفنات غير اللي كانت موجودة الصبح وقالت في سرها اكيد الحاجات دي تخص حسام وضحكت وقالت الاڼتقام بقي ترمي هدومي في قاع الدولاب وفاكر اني هسكت ماشي
سوسن اخدت هدومها من الدولاب وخرجت طلعت بره الاوضه علشان تنام مع أماني
تاني يوم سوسن وأماني وادم وشهد وامير صحيوا بدري وفطروا راحوا اكو بارك وفضلوا طول النهار بيعلبوا واليوم كان كله ضحك وهزار وسعادة بالنسبة لسوسن طالما بعيدة عن حسام
حسام قام من نومة دخل الحمام ياخد دوش رجله اتزحلقت وكان هيقع لولا انه رياضي كان زمانه مكسور وعلي كرسي متحرك بص علي الارض شاف الشارو جيل والشامبو وكل حاجته سوسن فرغتها علي الارض والبرفانات رمتها من شباك الحمام
حسام بعصبية وحياه امك اللي بټموت لاوريكي
حسام اخد شارو ونزل بسرعة يسال علي سوسن فوزية قالت له انهم في اكوا بارك وسالته هو بيسال عليها ليه
حسام بيرتب للاڼتقام تتصوري يا ماما دخلت امبارح الاوضه عليا وزعلت اني موجود وتقريبا شبه طردتني
فوزية حقها وتعمل اكتر من كدا كمان
حسام بغيظ من كلام فوزية قلت ليها نبدا من جديد يا بنت
الحلال ونتعرف علي بعض كاننا مخطوبين واتفضلي نامي علي السرير وانا هنام علي الكنبه تقوم تاخد هدومها وتروح تنام في اوضه أماني
فوزية انت بتقول ايه طيب تعال معايا قوم
فوزية دخلت اوضة اماني لمت هدوم سوسن ودخلتها تاني اوضه حسام الي صدقت كلامه او دا اللي نفسها انه يحصل بجد فصدقت حسام بسهوله وعرف يقنعها
حسام في سره اصبري عليا يا بنت صبري القاضي
في الاكوابارك
موبايل سوسن رن وكان عمر
عمر بضحكة وحشتيني جدا
سوسن بفرحة وانت كمان انا اشتريت حاجات تجنن ليك ولبيدوا وماما وتيته زهرة وخالو محمد ورغد كمان
عمر عمو حسام جنبك
سوسن باستغراب لا مش جنبي
عمر طيب كويس انا عايز اعرف نقضة الضعف اللي عنده انت اكيد شوفيته وهو بيتمرن
سوسن ليه بتسال يا عمورة
عمر علشان لما نتسابق مع بعض انا اللي اغلبه علشان كدا لازم أعرف
نقطة ضعفة
سوسن حبيبي عمو حسام ظابط وهو اللي هيمرنك الموضوع مش سباق يا عمر وانت مش ند ليه
عمر بثقة خالتو لو سمحتي انا كمان قوي وبتمرن من وانا عندي سنتين وانا عارف اني مش هقدر اغلبه بس لازم العب معاه كويس ويحترمني
سوسن حبيبي مش قصدي انا بس بفهمك
عمر انا عارف يا خالتو وكمان هعرف بطريقتي نقطة ضعفة سلام
سوسن ضحكت بصوت عالي واماني سالتها في ايه وحكت ليها علي كلام عمر اللي واخد الموضوع بجد وادم بيسمع كلامها ومراقب الحوار من بعيد
سوسن راحت لادم علي فكرة انا زعلانه منك
ادم بلف وشة للناحية التانية ليه
سوسن علشان من فترة وانت مش بتتكلم معايا ولا بنهزر مع بعض
ادم لا عادي
سوسن طيب انا عندي ليك مفاجاه تجنن
ادم بلهفة بجد ايه هيا
سوسن انا شفت في الفندق اعلان النهاردة بالليل لرحله سفاري في الصحراء وهنسمع اغاني وناكل خروف مشوي ونركب بيتش باجي ونهيص
ادم وهو بيحضنها هايل بس بشرط
سوسن خير
ادم انا وانت بس اللي نطلع
سوسن انا كنت مرتبه ان نطلع كلنا يا دومي وننبسط اكتر وبعدين مينفعش نطلع انا وانت بس
ادم that not my problems الترجمة دي مش مشكلتي
سوسن تاني انجليزي
ادم سوري قصدي عايز اخرج معاكي وبس انا وانت لوحدنا
سوسن طيب انا هشوف كدا
سوسن
فكرت كتير ازاي تسعد ادم وتحقق ليه
امنيته فكلمت مروان علي المويابل لانه مشغول مع اصحابه وحكت ليه
مروان دي بسيطة
سوسن ازاي بس انا وادم لوحدنا مش هينفع
مروان بصي يا سيتي انا هحجز ليكم واتفق مع سواق يوديكم لمكان التجمع وتنبسطوا هناك وفي اخر السهرة انا اجي اخدكم
سوسن حلو جدا شكرا يا مروان
سوسن واماني والاولاد رجعوا الفندق وسوسن عرفت من فوزية انها نقلت هدومها من اوضه أماني الي اوضة حسام وطلبت منها انه توافق علي كلام حسام وتديه فرصة تانية وتسامحه طبعا سوسن عرفت ان حسام بيرتب ليها مقلب محترم بديل الكلام اللي مش مقنع اللي قالته فوزية بخصوص الفرصة التانية
سوسن قررت تاخد حذرها كويس من افعال حسام ولازم عقلها يبقي في وسط راسها وقررت تحاول تبعد عنه باي طريقة وطول ما هيا بعيدة هيا في امان
سوسن لبست هيا وادم وركبت مع السواق اللي مروان اتفق معاه ووصلوا الي مكان تجمع الجروب الجو في الصحراء اكثر من رائع والهواء يدخل القلب قبل الرئتين ويغسل همومك وهو خارج مع الزفير اما النجوم كانت بتنور في السما ورسمة اشكال حلوة كأن النجوم بيلعبوا مع بعض في نظام بديع وريحة الشاي علي الفحم طعمه بياخد العقل الخروف وهو بيتشوي ريحته بتجوع الشبعان وادم مبسوط وعمال يصور كل اللي بيشوفه وبيتكلم مع الاجانب الموجودين ويطلب منهم يصوره هو وسوسن او يتصور هو معاهم
سوسن وادم وقفوا يتفرجوا علي فرقة بدوية بتغني اغاني قديمه وجميلة وعمالين يصقفوا ومبسوطين بس دائما السعادة وقتها قصير لمحت من بعيد حسام قاعد في وسط مجموعة من الشباب وقالت في سرها انت عامل زي عفريت العلبة في كل مكان تطلع فيه وانا اللي لسه بقول أبعد عنك هكون بأمان والنعمة انا لو بخطط اكون جنبك مش هتحصل كدا
سوسن مسكت ايد ادم وقالت يله نمشي من هنا
ادم لسه بدري مش عمو مروان هيجي ياخدنا
سوسن بتشد ادم وهو بيقاومها يله يا ادم هقولك بعدين
ادم عايز اقعد شويه
سوسن وهيا مستمرة في المشي السريع وادم مستمر في المقاومة شالته وجريت بيه
ادم بعصبية وصوت عالي انا مخصمك ومش هكلمك تاني ugly الترجمة انت وحشة
سوسن فضلت تجري لحد ما بعدت عن الجروب وبعد فترة وقفت ونزلت ادم وبصت حوليها لقت صحراء من كل الاتجاهات ومش عارفة هيا فين ومفيش اي علامه ومكنتش مركزة في الطريق وهيا بتهرب وشيله ادم علشان ترجع تاني
سوسن وهيا بتلف حواليها ادم احنا توهنا
ادم يعني ايه توهنا
سوسن lost
ادم what
سوسن عماله بتتحرك يمين في شمال يمكن تلاقي اي علامه او دليل وطلعت تليفونها علشان تكلم مروان بس سمعت صوت من الخلف بيقول
الليله دي قلبي كان حاسس انها هتبقي زي الفل
سوسن خدت ادم في حضنها والټفت الي مصدر الصوت وكان 6 من قطاعي الطريق او شباب مغيب عقله هيا في خطړ سواء كانوا كدا او كدا
بدا الشباب يقربوا من سوسن وادم ويقولوا
شاب 1 ليلتك زي الفل يا موزه
شاب 2 والنعمة احنا هندلعك اخر دلع
شاب 3 وكله بالحنيه بيفك
شاب 4 تحبي بقه واحد واحد ولا كله مع بعضه
سوسن واقفة في ثبات ومش خاېفة منهم وادم بدا يعيط ويقول
ادم بابي انت فين
سوسن طمنته وقالت ليه خليك ورايا ومتقلقش
شاب 1 بابي لو كان بابي موجود يا صغنن كان اتفرج علي اللي هيحصل للموزة
ادم وهو بيعط بابي هيضربكم كلكم بابي ظابط وعمو مروان ظابط وهيقبض عليكم
شاب 6 وانا بعشق الظباط ولسه هيمد ايده علي سوسن لقي ايد مسكت ايده وشدتها بقوة في عكس اتجاه العظم وانكسرت
ادم بفرحة بابي اضربهم جامد
3 شباب جريوا علي حسام واحد منهم حامل في ايده سکينة والتاني حته حديدة والتالت شايل جنزير حسام ضربهم ومخدوش في ايده غلوه وبضربه واحدة كان كل واحد بيطير ويقع علي الارض اما الاتنين التانين اختفوا وجريوا
حسام لف علي سوسن وادم اللي خده في حضنه ولسه هيزعق ويتعصب علي سوسن لقي سوسن بتجري عليه وهو مش فاهم هتعمل ايه
الشابين اللي اختفوا انتظروا لما حسام اداهم ضهرة علشان يضربوه من الخلف وسوسن اول ماشافتهم جريت عليهم وعدت من حسام وادم اللي التفتوا علشان يشوفوا هيا بتجري ليه حسام بحلق من صډمه اللي شافه
سوسن نطت لفوق وضړبت برجلها علي راس كل شاب وبعدين وقفت علي الارض في وسطهم وضربتهم بالكوع في اعلي الصدر وبعدين مالو الي الامام فضربتهم من علي الضهر وقعوا علي الارض وبعدين خبطت بكلتا يدها علي بعض تاكيدا لانتهاء المهمة
رجعت وقفت ادام حسام وادم اللي عمال يصقف ويقول وااااا هايل super sawsan
حسام بعصبية ايه اللي انت عمليه دا
سوسن بفخر انا انقذت حياتك
حسام علي اساس اني مش شايفهم
سوسن بتريقة ولا بقي فارق معاها وجود ادم ليه مركب عيون
في قفاك
حسام قرب منها قفاك حظك حلو ان ادم واقف
سوسن
بسخرية هيا دي شكرا
حسام بتجاهل شكرا دي تتقال ليا
انا اللي انقذتك وخد ادم ومشي
سوسن جريت وراه علي فكرة حضرتك انا مطلبتش مساعدتك انت كنت اقدر عليهم لوحدي
حسام بتريقة ټضربي 2 ماشي لكن لو السته كانوا مع بعض كان زمانك اتقرقشتي من زمان
سوسن في سرها انا اللي هقرقشك بايدي دول
حسام وصل لمكان المجموعة وركب البيتش باجي واخد ادم ادامه وبص لسوسن
حسام هتفضلي واقفه كتير
سوسن انا هركب فين
حسام شغلي مخك
طبعا مفيش اي مكان يسمح بركوبها غير انها تركب وراه وفعلا دا اللي حصل
سوسن بعد ما ركبت قالت علشان مضطرة بس
حسام طار في الصحراء وسوسن كل شويه تخبط فيه وكانت هتقع فمسكت في هدومه حسام عمال يزود السرعة ومن خۏفها لتقع حضنته جامد من وسطة
واول ما حسام وقف البيتش باجي عند وصوله للفندق فكت ايدها بسرعة وقالت
سوسن بعصبية انت كنت قاصد تسوق بسرعة علشان امسك فيك صح
حسام بتريقة ليه ان شاء الله انت فاكرة نفسك ست ولا نوعك دا يعجبني
حسام اخد ادم ودخل علي الفندق سوسن طلعت وراه وكلها غيظ منه ونفسها تضربه
سوسن دخلت الاوضه ودخلت الحمام وغيرت هدومها ولبست الاسدال وطلعت لقت حسام واقف وكالعادة حاطط ايده في جيبه
حسام بعصبية بصي بقه كله الا ادام
سوسن بهدوء تقصد ايه
حسام انت بتفكري ازاي معندكيش دماغ بتاخدي ادم وتروحي مكان زي دا لوحدكم من غير راجل
سوسن مر
حسام مش عايز اعذار طيب انت مش مشكله بس ابني لا انت فاهمة
حسام قال كلمته ودخل الحمام واخد شاور وطلع لقي سوسن نايمه في السرير دخل جنبها هو كمان ينام
سوسن قامت بسرعة انت بتعمل ايه قوم نام علي الكنبه
حسام بهدوء لو مش عجبك قومي انت نامي علي الكنبه
سوسن دا في احلامك اني انام معاك في سرير واحد او في اوضه واحدة
حسام بهدوء الباب اهو اتفضلي
سوسن قامت من علي السرير وقالت طبعا هتفضل ويمين الله منا نايمه في الاوضه دي معاك
حسام متكلميش كتير واتفضلي وطفي النور وبعدين دير وشه الي الاتجاه الاخر وضحك من كل قبله دون صوت
سوسن لسه هتخرج تنام مع اماني افتكرت ان فوزية عنفتها علشان نامت معها فبصت حوليها لقت البلكونه وقالت الحمد لله وقررت النوم فيها بس لقت فوزية قاعدة في بلكونه اوضتها وهتشوفها وهيا نايمة علي الكرسي دخلت تاني الاوضة ولم تجد امامها الا الحمام وفعلا نامت في البانيو
تاني يوم الصبح حسام دخل الحمام لقي سوسن نايمه في قلب البانيو زي الطفل في بطن امه وبعدين ضحك وقال انت قدمتي ليا فكرة تجنن علشان انتقم منك
حسام فتح الدوش علي الاخر وسوسن قامت مڤزوعة والميه غرقتها وكانت هتزحلق في البانيو مسكت في الحنفيه وقفلت الدوش وقالت
سوسن بعصبية انت مچنون
حسام بضحكة واحدة بواحدة علشان ترمي الحاجات اللي تخصني انت عارفة دي بكام ولا هتعرفي منين دي ماركات ويدوب تعرفي تنطقي اسمها بالعافية بره عايز اخد الدوش بتاعي
سوسن بتخرج من الباتيو وكلها مايه ومشيت خطوتين رجلها اتزحلقت في المياه اللي علي الارض او اتكعبلت في طرف الاسدال الطويل ومالت بضهرها لورا وكانت هتقع لولا ايد حسام مسكتها من كتفها واليد التانيه طوقتها من وسطها
سوسن لما پتخاف بغمض عيونها بشده وبعدين لما لقت نفسها متعلقه بين ذراعي حسام وموقعتش قالت
سوسن وهيا مغمضة الحمد لله
حسام وهو ماسك نفسه من الضحك ايه عجبتك مسكتي ليكي مش قلت بطلي مياعة وسهوكة
سوسن اوعي لو سمحت وخرجت بره الحمام
حسام مش عارف ليه مسكها ومنعها من الوقوع بس الغريب بقه انه كان مبسوط والاغرب انه بيستغل اي موقف يحصل بينهم علشان ينرفزها ويتخانق معاها وخاصة ادام الناس وكمان بقي متاكدا ان اي موقف بيحصل بيكون نيتها خير وقصدها كويس بس لسه بيداري ومش عايز يبين ضعفة او اي حد يكتشف التغيرات اللي حصلت ليه بس ليه اتغير وبقي كدا
يمكن يكون نظرته ليها بدات تتغير لما سمع مكالمتها وطريقتها في الشغل يمكن لما لقاها ضړبت قطاع الطرق يمكن عجبه عصبيتها ومناقرته يمكن حب امه واخوه ليها مش طبيعي ليه بدا يقارن الكلام اللي سمعة بشخصيتها ومواقفها مش عارف وقال في دماغة ياتري يا حسام حكايتك دي هتنتهي ازاي
سوسن بعد ما خرجت من الحمام ولسه بتفك هدومها خاڤت ان حسام يطلع عليها وهيا
متابعة القراءة
