قسمتي بقلم اسماء سليمان
المحتويات
ليلتكم بعطر السوسن
بقلمي اسماء سليمان
الجزء الاول
تذهب سوسن يوميا الي شركتها الصغيرة في تمام الساعة التاسعة صباحا ومعاها في الشركة أصحابها سحر ليسانس حقوق
علي بكالوريوس طب
ومعاهم عم مسعد العامل
سحر بضحكة خفيفة صباح الفل يا مدير
سوسن اثناء فحص بعض الملفات صباح الورد مدير ايه بقي في مدير يجي قبل الموظفين
سحر بضحكة اكبر انا مش عارفة بتجي بدري ليه هو احنا بنشتغل في الحكومة
سحر خلاص خلاص مش عايزين نبدأ اليوم بمحاضرة عن النظام والانضباط
سوسن هههه عمرك ما هتتغيري من ايام ما كنا في ابتدائي مع بعض دايما بتخلطي الامور جد مع هزار لعب مع شغل افصلي شويه
سحر يا بنتي احنا شركة توريد مستلزمات للمستشفيات مش هيئة حكومية بنفتح الساعة 8 30 صباحا شغلنا بيبدا بعد 10 صباحا يبقي ايه لزمة انك تكوني هنا من قبل 9 صباحا وبعدين افصل ليه طالما انا مرتاحة ومبسوطة كدا يبقي خلاص والشغل بيتم زي ما انت عايزة واحسن شوية يبقي اخلصة جد مع لعب وحب براحتي
سحر براحة اه كانت ايام وعدت بقه
سوسن وبعدين هعمل ايه في الموظفين زمايلي واحدة بتيجي متاخرة وواحد بيجي يوم ويغيب عشرة هو علي باشا فين ولا مش جاي كالعادة طبعا
سوسن انتم قدري وقسمتي هروح منكم فين علي فين بجد بقالي كام يوم مشفتش وشه
سحر هيجي اخر النهار استلم شغله في المستشفي الخاص اللي كان نفسه يشتغل فيها من زمان والنهاردة اول يوم له
سوسن بفرحة بجد مش تقولي مبروووك احنا اصلا مش محتاجينه وشغله احنا خلاص فهمناه وبنفهم فيه اكتر واحسن منه كمان
سوسن بس يا بت بنكسف احنا طول عمرنا اخوات وبدانا من سنين مع بعض تشربي نسكافية
سحر اشرب وهقول لعم مسعد وقالت بصوت عالي عم مسعد اعمل لينا نسكافية لو سمحت وكتر ليا السكر
مسعد محروس عامل الشركة سنة فوق الخمسين قصير ورفيع اسمر لون البشرة والعين ودايما پيتخانق مع سحر يوميا
سحر پغضب وانت مالك يا عم مسعد هيا سناني وصحتي اشتكت لك
مسعد ببرود اكتر اعملي زي أ سوسن بتشرب الحاجة من غير سكر خالص
سحر بعصبية دي واحدة پتخاف علي صحتها ومش عايزة تتخن وبعدين انت مالك مش انا اللي بجيب السكر انت بتدفع حاجة من جيبك
مسعد بضحكة صفراء انا خاېف عليكي احسن يجيلك سكر
سوسن بس انتم ليه ناقر ونقير اعمل النسكافية بسرعة يا عم مسعد علشان خارجة الله يخليك
مسعد حاضر علشان خاطرك بس هعديها المرة دي
سحر كدا يا عم مسعد ماشي علي فين يا سوسن
سوسن رايحة مستشفي سالم التخصصي استلم اخر دفعة من فلوسنا بعد ما سلمنا ليهم الماسكات وانابيب التشفيط اخر صنفين في المناقصة
سحر بعدم فهم ما يعملوا تحويل بنكي زي كل مرة
سوسن عندهم مشكلة في النظام علشان كدا اتصلوا بيا امبارح اجي استلم الفلوس باليد مش عايزين يخسرونا وبيحافظوا علي عملائهم
سحر بتحريك شفايفها علي جنب اه لما انت عارفة من امبارح كنت البسي فستان بدل ام البدلة دي وقلت لك مليون مرة ركبي عدسات حد لسه بيلبس نظارة في الزمن دا انا اعرف بنات نظرهم ستة علي ستة وبتركب عدسات علشان تبان حلوة وموزة وزي القمر
سوسن ومالها البدلة يا ست سحر ودلوقتي نظارتي كمان مش عجباكي
سحر بعصبية وحشة وزي الزفت البسي فستان يبين الحلاوة والجمال دا واخلعي النظارة اللي مغطية احلي عيون عسلي في الدنيا حرام عليكي المستشفي مليانه مزز عايزين يتعرفوا عليكي وانت بتطنشي
سوسن بحزن بدا يظهر علي ملامح وجهها وبتحاول جاهدة تخفيه احنا مش قفلنا الكلام في موضوع الجواز بتكلمي تاني ليه
سحر تاني وتالت ورابع وعاشر ومليون انت لسه صغيرة و الجوازة اللي فاتت متتحسبش عليكي
سوسن وهيا بتلم بعض الملفات علشان تبعد عيونها عن سحر انا جربت حظي خلاص ولو سمحتي غيري الموضوع ومتئفليش اليوم من اولة
سحر ماشي انا مش هستسلم وهحاول تاني وتالت هتيجي علي هنا تاني بعد ما تستلمي الفلوس
سوسن ايوه راجعي ملفات المناقصات اللي دخلينها قريب علي ما اجي
سحر ماشي بس هطمن علي علوة الاول
سوسن بضحكة خفيفة ماشي الحب الحب مقدرش اتكلم وبلغيه سلامي لحد ما اكلمة وابارك له
سحر عيوني
سحر وعلي مخطوبين من سنتين وبيجهزوا نفسهم واحدة واحدة ومحدش من كلا الاهلين بيساعدهم هما قرروا يجيبوا الاساسيات
فقط والباقي يجي بعد الزواج سحر وعلي بيحبوا بعض من اول يوم اشتغلوا في الشركة مع سوسن
كل واحد في الشركة له دور سوسن مسئولة عن الماليات وشئون الادارة والتوريد والمناقصات وسحر مسئولة عن الشئون القانونية اما علي مسئول عن المستلزمات الطبية زي الماسكات والجوانتيات والقساطر والسرنجات وغيرها اللي بتحتاجها المستشفيات بيعرف يحدد المعايير والمواصفات النموذجية للمستلزمات الطبية علشان المناقصة تفوز بيها شركة سوسن اللي اسمها الزهرة علي اسم والدة سوسن وبردوا كناية عن اسم سوسن لانه سوسن معناه زهرة
سوسن عمرها ما حسست اصحابها ان الشركة بتاعتها وهما بيشتلغوا فيها بل عملت ليهم نصيب من الارباح ودايما بتقول ان دي شركتنا ومش هتنحج الا بشغلنا مع بعض اما علي وسحر فعلا عندهم امانة وقلبهم علي الشركة حتي مع غياب علي المتكرر لانه بيشتغل طبيب بس بيقدر يخلص شغله بالتليفون او يجي الشركة بعد مواعيدها يخلص شغلة
سوسن استلمت الفلوس من مستشفي سالم التخصصي واتاخرت شوية علشان بتسلم علي المدير والموظفين في قسم المشتريات لان جزء كبير من شغلها قائم علي العلاقات العامة
كمان معظم العاملين بيحبوا يقربوا منها ويتعرفوا عليها لانها شخصية قويه وزكية وكمان جميلة وشيك حتي في البدل اللي بتلبسها مع النظارة ذات الاطار الكحلي مع شكل مستطيل للعدسات يتناسب مع وجهها
سوسن 28 سنة جسمها صغير محجبة وبتلس حلو قوي وكمان محترم عيونها عسلي صافي رموشها طويله خمرية البشرة متوسطة الطول رغم انها مطلقة الا ان شكلها يبان انها لسه انسة وصغيرة
بعد استلام سوسن للفلوس من مستشفي سالم التخصصي اتجهت الي البنك لايداع المبلغ في حساب شركة الزهرة وبعد خروجها من البنك واثناء عبورها الطريق كان في عربية ماشية بسرعة وكانت هتخبطها بس السائق فرمل ووقف العربية التي كانت قريبة من سوسن وبالكاد لمستها ووقعتها علي الارض نزل من العربية بسرعة شاب صغير في السن 20 سنة وامراة مسنة
السائق انت بخير يا انسة
سوسن بعد ما قامت من علي الارض وسندت علي العربية انا اسفة انا كنت سرحانه مش واخدة بالي
من الطريق
المرأة العجوز بنتي انت كويسه معلش حقك علينا
سوسن الحمد لله يا طنط انا بخير
المرأة العجوز طيب امشي كدا ادامي
سوسن حاضر
بس لما سوسن حاولت تمشي مقدرتش تدوس علي رجلها لانها من الخضة رجلها اتلوت وقالت اه اه وسندت علي العربية بايدها الاتنين
المرأة العجوز قربت منها وسندتها شوفتي اركبي اوصلك للمستشفي
سوسن بالم تحاول تخفيه صدقيني انا بخير ومش محتاجة مستشفي دي حاجة بسيطة
السائق طيب حضرتك رايحة فين واحنا نوصلك
سوسن مش مستهله والله شكرا انا هاخد تاكسي
المرأة العجوز والله ابدا يله اركبي معانا هاتي ايدك
سوسن تحت اصرارهم وافقت وقالت للسائق علي عنوان الشركة
المرأة العجوز انا اسمي فوزية العاصي ودا كريم زي ابني بيوديني ويجبنيي ومش بيفارفني ابدا
سوسن فهمت انه السواق بتاعها بس من ذوقها قالت كدا علشان متجرحهوش
سوسن اهلا يا طنط ازيك يا ا كريم انا اسمي سوسن
فوزية بحنيه اسمك حلو وجميل زيك بس انت كنت سرحانه في ايه مش تاخدي بالك
سوسن ابتسمت ابتسامه خفيفة شكرا ياطنط حاضر هاخد بالي المرة الجاية
كريم وصل سوسن للشركة وطلبت منهم يدخلوا يشربوا حاجة
فوزية مرة تانية يا بنتي ان شاء الله وخدي بالك من نفسك
سوسن حاضر مع السلامة
سوسن دخلت الشركة وهيا بتعرج وقابلتها سحر اللي قلقت عليها ورمت الورق من ايديها وجريت عليها تسندها وتقعدها علي اقرب كرسي وسوسن حكت ليها كل حاجة حصلت
سحر بعصبية ونرفزة طبعا كنت سرحانة وانت بتعدي الشارع وعربيتك لسه في الصيانة
سوسن بتنهيده ايوه انت عارفة انا بكرهه المستشفي دي اد ايه
سحر بغيظ منا في كل مرة بقولك اروح انا وانت بترفضي لحد ما بطلت اطلب منك وزهقت
سوسن انت عارفة اني مش بحب الخۏف يسيطر عليا وبحب انتصر عليه واهزمه كمان
سحر بتحريك شفاتها الي اليمين دي لزمة عندها وخدنا ايه من عنادك غير الحزن والالم اللي علي وشك وذكرياتك واحزانك اللي مش عايزة تنسيها
سوسن الحمد لله واڼهارت في نوبة من البكاء
سحر حضنتها وعيطت معاها في صمت ودي احسن ميزة في علاقة سحر وسوسن لو واحدة بكت تبكي التانية معاها كنوع من المشاركة حتي في الحزن والدموع
سوسن وسحر اصحاب من ابتدائي وبعد الثانوية العامة كل واحدة دخلت الكليه اللي بتحبها ومع ذلك فضلوا أصحاب وأخوات وكل واحدة فيهم اسرارها مع التانية واول ما سوسن فكرت في تأسيس الشركة كلمت سحر علشان يكونوا سواء
سحر رائد السيد ليسانس حقوق 28 سنة طويلة بيضاء البشرة لون العين اسود من اسرة ذات مستوي مالي كبير بابها محامي كبير واسع الشهرة ومع ذلك قررت تعتمد علي نفسها ورفضت العمل في مكتب باباها وفضلت عنه العمل مع رفيقة عمرها سوسن
في عربية فوزية بعد ما نزلت سوسن مباشرة
فوزية اتصل بمروان يا كريم اصل مش لبسه النظارة
كريم حاضر وبعد الاتصال
كريم الو مروان
باشا فوزية هانم مع حضرتك
فوزية مروان ازيك في واحدة عايزاك تسأل عنها وتعرف كل اخبارها من يوم ما اتولدت لحد النهاردة
مروان بدلع حلوة
فوزية بقهقهة هههه قمر
مروان انا موافق
فوزية مش ليك لحسام
مروان بمكر حسام مش هيوافق ما احنا حاولنا كتير قبل كدا
فوزية المرة دي هيوافق ڠصب عنه
مروان اشمعني هو حسام باشا بيعمل حاجة ڠصب عنه
فوزية لما اجي هقولك علي الخطة خد عنوان شركتها من كريم وهيا اسمها سوسن نفذ وقولي الرد بالليل ماشي تلحق تخلص ولا محتاج وقت اكتر
مروان بثقة تمام بالليل كل التفاصيل هتكون عندك يا افندم اديني كريم
في بيت فوزية ليلا
مروان فوفا دلع فوزية من مروان ابنها ايه الخطة
فوزية سألت علي سوس الاول
مروان طبعا البيانات دي يعرف يجبها اصغر عسكري عندي مش رائد اد الدنيا زي
فوزية بدلع اخلص يا وله
مروان اخلص ووله كمان طيب مفيش معلومات يا فوفا
فوزية قول بقه يا قلب فوزية علشان خاطري
مروان بغمز عيونه احبك وانت حنين يا جميل بصي يا ستي اسمها سوسن صبري القاضي بكالوريس تجارة انجليزي عندها تقريبا 28 سنه كانت متزوجة وبعد تقريبا سنة وكام شهر اتطلقت باباها مټوفي من 20 سنة عندها اخ اسمه محمد في كلية هندسة واخت اسمها دعاء دكتورة متزوجة وزوجها اسمة وليد مستقرين في الامارات من كذا سنة وعندهم عمر وعبد الله عمر حبيب قلب سوسن من جوا وعبد الله الصغير حبيب محمد اخوها
فوزية بلهفة اتطلقت ليه
مروان في كلام كتير في موضوع الطلاق ناس بتقول انها مش وش نعمة لانها اتجوزت واحد من عائله غنية قوي اغني من عايلتنا كدا عشرة عشرين مرة وناس بتقول ان جوزها كان عايزها متشتغلش وهيا رفضت واتطلقوا وناس تالتة بتقول عندها مشاكل في الخلفة ومش هتخلف فجوزها عرض عليها يسافروا وتتعالج بس رفضت وطلبت الطلاق وناس رابعة بتقول بتحب واحد تاني وعايزة تتجوزة من الاخر مليون سبب وسبب لطلاقها بس السبب الحقيقي ايه محدش يعرف
فوزية بذهول مش معقول دا البنت ملاك ومؤدبه جدا
مروان بتصميم بحسي الامني كدا في سبب تاني بس مش معروف والكلام دا مش مظبوط
فوزية بتفكير ليه يعني بتقول كدا
مروان كل الكلام دا بيوضح انها ذباله والزوج ملاك حارس ودا عكس كل البيانات الكويسه عنها قبل جوازها كمان عائلة العريس غنية جدا جدا وليها سمعتها في البلد واكيد مش هتحب اي كلمة وحشة تتقال عنهم علشان كدا كتروا الكلام في اسباب طلاقها علشان يغطوا علي حاجة كبيرة او سر خطېر
فوزية انا كمان مش مصدقة الكلام دا انا معرفش انا ليه حبتها قوي لما شوفتها هيا تبان قوية وجامدة بس فيه لمحة حزن في عنيها مش عارفة تداريها بالقوة اللي بترسمها
مروان عارفة عاملة زي القضية اللي كل الأدلة مرتبة علشان تشارو علي متهم او شخص واحد بعينه وكمان علشان متلفتش الانتباه لحاجة تانية
فوزية طيب شغلها واصلها وعائلتها
مروان شغلها سمعتها فيه حلوة قوي وبيقولوا عليها زي السيف ومفيش مناقصة بتدخلها الا لما تكسبها عن جدارة اصلهم ناس كويسين ومستواهم المادي حلو عندهم فيلا صغيره ساكنين فيها وعمارتين ملك ومأجريين شققهم وشركتها في عماره منهم اسمها الزهرة علي اسم امها
فوزية قلت ابوها مټوفي
مروان باباها مټوفي وكان مدير بنك ووالدتها عندها القلب والسكر مستحملتش مۏته وتعبت جامد وتقريبا كل يوم في المستشفي او المستشفي عندها في البيت سوسن الكبيرة واهتمت باخواتها دعاء ومحمد وواخده بالها من الكل وكبرت املاك ابوها وحافظت عليها وضعفتها اضعاف
فوزية بتفكير طيب
مروان طيب ايه فين الخطة
فوزريه برتبها في دماغي الاول
مروان بتخمني يا فوفا ماشي
فوزية بدلع انا اقدر يا ميرو بس لازم اظبطها الاول بناءا علي المعلومات دي وبعدين هقولك انا يعني بخطط مع مين غيرك
مروان بناءا ماشي يا سيادة اللواء فوفا انا خارج مع اصحابي عايزة حاجة قبل ما اخرج
فوزية خد بالك من نفسك ومتتاخرش
مروان باس ايد والدته ومشي
مروان حمزة العاصي ظابط شرطة 27 سنة طويل ورشيق شعرة اسود ولونه قمحي اما العيون اخضر فاتح نفسه يبقي ظابط مخابرات زي اخوه حسام وهو مثله الاعلي واخوه الكبير
عائله حمزة العاصي تتكون من حمزة العاصي مټوفي فوزية الام حسام ابنها
الكبير 34 سنة مطلق وعنده ولد اسمة ادم 7 سنوات ثم اماني 30سنة متزوجة من هاني عبد الغفار يعمل ملحق بالسلك الدبلوماسي وعندها شهد وامير واخر العنقود المرواغ ابو ډم خفيف مروان العاصي 27سنة
فوزية ومروان ومعاهم اماني دايما بيخططوا مع بعض علشان يجوزا حسام اللي رافض موضوع الجواز تاني مرة ومكتفي ادم ابنه ودايما الخطط بتفشل وحسام بيقدر يكشفها وهما مش بيبطلوا او بيحرموا
ليه سوسن پتكره مستشفي سالم التخصصي
يا تري فوزية بتخطط لايه
يا تري كل اسباب طلاقك دي صح ولا
ليه يا سوسن دايما ذكرياتك واحزانك مش عايزة تنسيها او تسيبك
ليه فيه لمحة حزن في عيونك رغم انك بتظهري العكس
كل هذا
وما خفي كان اعظم واكثر في قسمتي
ليلتكم بعطر السوسن
رواية قسمتي بقلمي اسماء سليمان
الفصل الثالث
مروان بعد ما صعد حسام الي شقته انت بدائتي الخطة
فوزية بمكر انت رميت الطعم ودخلت معايا في الخط
مروان وهو بيرمي قبله في الهواء لفوفا معلمة وربنا وبعدين هتعملي ايه
فوزية انت عارف ان حسام مش هيجي بالضغط او اني امثل اني تعبانه وبموت عملت دا كتير وكشفني في ثانية
مروان وهو يضع يضع يده علي قفاه
علي يدي وباخد العقلة التمام لما بساعدك ومبنحرمش يا فوفا
فوزية المرة دي بقه هخليه يقول عايز اتجوز والنبي جوزوني
مروان وهو بيغمز بعيونه لفوفا ازاي يا كبير
فوزية بضحكة بس يا ولا متغمزليش بعينك الحلوة دي
مروان بعد ما قرب منها وحضنها ههههههه استني لما اغمز بالاتنين قولي صحيح انا جبت العيون الخضراء دي منين انت وبابا عيونكم بني وكمان اماني وحسام ولا انا مش ابنك يا فوفا انا ابن حرام ههههه
فوزية وهيا بتضربه علي كتفه جدك الله يرحمه كانت عيونه خضرة يا حمار ودي صفة متنحية لم تظهر في الجيل الاول اللي هو انا واخواتي وظهرت في الجيل التاني اللي هو حضرتك
مروان بعدم فهم صفة متنحية وجيل اول وجيل تاني ايه حصة العلوم اللي دخلت فيها
فوزية باستنكار هههه امال ظابط ازاي يا ميرو
مروان انت قلتي اهو ظابط مش مدرس الكوكتيل دا كيمياء ولا احياء
فوزيه هههه وراثة يا ناصح ابوك الله يرحمة علمني كتير وكان بيقول علشان تبقي ظابط شاطر لازم تقرا كتير وفي كل المجالات
مروان اه علشان كدا حسام مش بيسيب الكتب من ايده بس انا مبحبش القراية المهم المهم خلينا في موضوع حسام هيقول جوزوني ازاي
فوزية يخيبك يا مروان دايما بتضحكني للصدفة ادم اليوم خدوا موضوع تعبير عن الام وجري في حضڼي وعيط لان المحروسة أمه مش بتتصل عليه ونام معيط وطبعا حسام لانه
مش موجود فمش بيشوف قلب ادم ودموعه واحتياجة لوجود ام جنبه وقبل ما حسام يجي حطيت كراسه ادم في حضنة علشان يعرف ادا ايه ابنه متأثر وتعبان
مروان وهو بيهرش في مقدمة راسة وبعدين
فوزية انا كل اللي هعمله اني هخليه يشوف ابنه بس بقلبه مش عقله وهحاول اخليه يتجوز بس من باب يجب ام لادم وبعدين انا عندي امل كبير بربنا ان اللي هيتجوزها تعرف تخليه يحب ويفتح قلبه تاني للدنيا
مروان بمكر واللي هيتجوزها دي اسمها سوسن صبري القاضي
فوزية ايوه مش عارفة ليه حبتها قوي ومش عارفة ليه كل ما ابعد تفكيري عنها ارجع افكر فيها تاني لدرجة اني حلمت بيها
مروان خطة حلوة بس سوسن لازم توافق علي اللعبة دي
فوزية لعبة
مروان ليها اسم تاني عندك
فوزية بنفاذ صبر سبها علي ربنا وربك يدبرها
مروان ونعمة بالله بس ايه الدماغ دي ماتيجي تشتغلي معانا
فوزية ابوك الله يرحمه علمني كتير وحسام وانت يا ميرو
مروان بكسرة وحزن انا خلي ابنك بس يديني فرصتي وانت تشوفي ميرو هيعمل ايه
فوزية بتعجب تقصد ايه
مروان بعد ما قام من جنب فوزية مفيش مقصدش
فوزية لا في حاجة انا ملاحظة انك من فترة واخد جنب ومش بتتكلم مع حسام زي الاول دا انت بتحبه حبين اخ واب مع بعض
مروان بطلي شغل المباحث يا فوفا وركزي مع حسام
فوزية ماشي ربنا يهديك ومسيري افوق ليك يا مروان
حسام دخل اوضته واخد شارو وبعدين دخل علي اوضه ادم لقاه نايم باسه من راسة ولقاه واخد كراسته في حضنه حسام قرأ في الكراسة مطلوب كتابة موضوع تعبيرعن فضل الام
حسام سند راسه الي جانب السرير وسرح في ذكرياته ورجع 10 سنين للوراء
فلاش باك من 10 سنين
فوزية بزعل مش كفايا حداد بابا الله يرحمه مټوفي من 5 سنين واختك مخطوبه من سنتين عايزة افرح بيها يا حسام والدك لو موجود مكنش يرضي باللي بيحصل دا
حسام بضحكة ماشي يا ماما هتصل علي هاني خطيب أماني في هذا الوقت واتفق معاه وليكي عليا هعمل ليها احسن فرح في الدنيا الناس تحكي عليه لسنين ادام بدل الخطوبه والشكبة اللي متعملتش
فوزية ربنا يسعدك يا حسام عايزة
متابعة القراءة
