مذاق العشق المر بقلم سلمي المصري
المحتويات
وهو لازال قابعا فى حزنه كأن العالم بأسره لم يعد يعنيه عڈاب الضمير الذى تحاول ان تروضه وتخبره فى كل لحظة ان يوسف يستحق فهو من خاڼها وعذبها يخبرها بثبات انها ايضا خانت الامانة وكشفت سترا امرها الله ان تستره ولم يدفع يوسف وحده الثمن بل دفعت عائلته باكملها الثمن معه التقطها رنين جرس الباب من افكارها
شهر كامل مر دون ان يتبادلا كلمة او حتى نظرة قلبها يخبرها انه يوسف لذا فحين التقطت وشاحها لم تحكمه حول رأسها جيدا واتجهت الى الباب لتتراجع فى ذهول وهى تراه او بالأحرى ترى ما تبقى منه
فقد الكثير من الوزن وكسا الشحوب الشديد ملامحه شعره كان منتفشا وغير مهندم كما تعودت عليه ذقنه طالت بعض الشيء طالعها بنظرات لم تفهم لها معنا او تجد لها تفسير لم تنطق بكلمة وانتحت جانبا ليدخل وهى تغلق الباب خلفهما
خلاص حققتى اڼتقامك وارتحتى قتلتى ابنى جواكى وكمان قتلتى امى
هتفت فى دفاع
يوسف انا مقتلتش امك طنط سميرة ماټت لما عرفت بعمايلك
واصل وكأنه لايسمعها
كان ممكن اقضى عمرى كله اطلب منك بس تسامحينى كان ممكن اعمل اى حاجة تنسيكى اللى حصل ڠصب عنى مكنتش محتاج اكتر من فرصة ياما حاولت افهمك ان احنا ساعات الظروف بتضطرنا لكن انتى عمرك ما امنتى بده لان عمرك ما اتحطيتى فيه واكيد هييجى اليوم اللى تعرفى فيه كل ده حتى لو غلطان كان ممكن الحب اللي بينا يخليكي تفكري ولو للحظة واحدة انك تسامحيني انتي كسرتيني ډمرتي فيا كل حاجة ياريت اڼتقامك ده يكون ريحك وبرد نارك يوسف البدري خلاص انتهى على ايدك
على العموم انا مش جاى اتكلم فى اللى فات انا جاى اقولك كلمة كان نفسك تسمعيها
وزمر شفتيه لحظة كأنه يتأهب
الانسان اللى ميشرفكيش تبقى مراته مش هيبقى ليكى اى صلة بيه من النهاردة انتي طالق يا ايلينا
الفصل الخامس والعشرون
انتفضت للخلف وهي تسمع الكلمة منه
بل رصاصة مزقت في طريقها احساسها وكيانها حتى بلغت هدفها الى عمق قلبها فأراقت دمائه وأهدرت ما تبقى به من نبضات
لم تكن تعرف ان الفراق بينهما سيكون بسهولة حروف متشابكة من لغة حروف تجمعت لتخلق عبارة تجعل ماعاشاه معا وكأنه لم يكن
جملة طلبتها بنفسها وألحت لاتنكر وحين حصلت عليها علمت انها الاڼتحار بعينه
نظرة حملت لوما و قهرا ودمعة حبيسة تجزم انها سقطت منه حين أشاح بوجهه
ولكن ماشأنها بكل هذا
ماذا كان يجب عليها ان تفعل وقد كان جرحه لكبريائها فى مقټل
طعنها فى انوثتها وكرامتها فلم تشعر سوى وانتقامها يحركها دون ادنى ارادة لتوسلات حبه بداخلها التى كانت تصرخ بها ان تتوقف فهى لا تتحمل اذاه ابدا والان بدأ حبه بداخلها يذيقها بعضا من نوبات اشتياقه وعڈابه مع أول خطوة خطاها بعيدا عنها
تجمدت الدموع فى عينيها كأنها تشارك قلبها المؤامرة فى تأنيبها على ما فعلته ولكن لماذا لم تعد تفكر فيما فعله هو
لماذا لا تفكر فى عهده الذى نقضه بسهولة وخاڼها مع أخرى
لماذا لا تفكر فى انه منح غيرها اشياءا ليس من حق أي انثى على وجه الارض ان تشاركه به غيرها
لماذا
أطلقت شهقة عالية لتلتفت تجد علي يقف بعيدا وحين شعر بالتفاتتها أشاح بوجهه عنها فلم تتحمل أن
يراها الصغير مذنبة بدوره كما فعل الآخرون وحملوها أوزار العالم وكأنها شاركت يوسف جريمته
صړخت وهى تخلع وشاحها عنها
انت كمان عايز تحسسنى بالذنب خلاص بقيت انا المچرمة فى نظر الكل
واقتربت منه وهى تقول ملوحة بكفيها
انت مش فاهم حاجة يا علي انت لسة صغير ومش عارف يعني ايه
وعضت على شفتيها كيف تشرح لطفل فى الثانية عشر ما فعله يوسف
كيف تدنس براءته فى الخوض فى هذه الأمور حتى وان كانت تحتاج صداقته واحتوائه لها كما فى الماضي فلم يعد لها بعد الان غيره بعد أن ذهب يوسف وعائلته ولكن علي فاجئها بقوله
انا عارف يا ايلينا عارف وفاهم يوسف عمل ايه عارف انه غلط وارتكب ذنب كبير بس ياترى انتي كمان فكرتي فى ذنبك
مالت اليه هاتفة
ذنبي ده خاني يا علي عارف يعني ايه خاني بتقول فاهم يبقا عارف هوا عمل ايه
امسك كفها يضغطه بقوة
وانتي فضحتيه وكشفتي ستره عارفة ده ذنب كبير ازاى عند ربنا
تحررت دموعها هذه المرة فانهمرت فى غزارة وهي تحاول أن تبرر لنفسها ربما قبل ان تبرر له
كنت مچروحة ومش عارفة افكر كنت عاوزه اوجعه زى ماهوا وجعني مكنتش عارفة اتلم على روحي مكنتش شايفة غير انه خاني وبس
تحسس بيده حتى وصل الى وجنتها ليهمس فى حنان
انتى عارفة انه بيحبك يا ايلينا كان لازم تسمعيه
هتفت في مرارة تخبره بما ذبحها به
راحلها برجليه يا علي خاني معاها الانسان الوحيد اللى حبيته وسلمتله نفسى ومشاعري جرحني باقسى طريقة ممكن حد يتخيلها ومش بس كدة ده فضل مخبي عليا سنين وجود ابن ليه
للاسف يا ايلينا انتى بتسمعي اللى انتي عاوزاه عايزة كلام يريحك وخلاص عايزة حد يقولك انت صح برافو عليكي لكن لا انتي غلطانة كان ممكن تنفصلي عنه بهدوء لكن انتي فضحتيه ربنا ما امرناش بكدة انتى بتاخدي الدين بالظاهر وبس غيرتك عمتك ونستك كلام رسولنا لما قال من ستر مسلما ستره الله فى الدنيا والاخرة وانتى مش بس فضحتيه يا ايلينا انت دمرتيه فى شغله وسط اهله واصحابه كل حاجة كل حاجة هدتيها فوق دماغه ومتحاوليش تضحكي على نفسك انتى كان عندك النية لده كله من الأول مكنش لمجرد ان يوسف نرفزك يوميها
ارتمت ارضا واخوها يواجهها بالحقيقة واضعة كفيها على أذنها
اسكت بقا اسكت
ونظرت الى الباب حيث خرج يوسف لتهز رأسها في حړقة
خلاص اهو راح
ومش راجع تاني حكايتنا خلصت لحد كدة خلاص مش عايزة اشوفه تانى فى حياتى ابدا
جلس علي فى بطء الى جوار اخته وقد رق بالفعل لحالها تحسس شعرها وقرب رأسها بكفيه الصغيرين ليضمه الى صدره يعلم انها تكذب وتتألم تماما كما يتألم يوسف تتألم لالمه ولبعده
همست بصوت مزقه النحيب وهى تتشبث بأخيها
مش هشوفه تانى يا علي ابتدا يوحشني من دلوقتي مش عارفة هقدر اعيش من غيره ازاي ازاي مش هصحى على صوته ازاى مش هسمع منه كلمة حبيبتي تاني ازاي كل اللى فات هعتبره أصلا كأني معشتهوش جرحنا بعض يا على أوي ورغم كل ده لسه بحبه لسة يا علي
دلف الى المنزل ليجد الجميع في انتظاره عاد بعد أن أنهى كل شىء بينه وبين حبه الوحيد
الأنثى التى دق قلبه لها واخرجته من صومعة معتقداته وقاومت معه اشباح ماضيه
ايلينا التى تمنى المۏت ألف مرة على أن تبتعد لحظة واحدة عن ناظريه حبه الكبير الذى دفع ثمنه من حياة أمه ومن حياة طفل لم يرى النور بعد ومن سمعته التى اصبحت تتراكلها الصحافة كل يوم لقد انتقمت منه بشكل لم يفعله حتى ألد اعدائه
نهض الجميع يطالعونه بتلك النظرة التى يراها فى عيونهم منذ ۏفاة سميرة خيبة امل حزن لوم قهر حسنا لن يضر الشاه سلخها بعد ذبحها فقد ذبحته حبيبته وانتهى الامر ولن يضره ابدا ان اشترك الكل فى سلخ جلده
رفع رأسه في صعوبة اختلجت شفتيه للحظات قبل أن يزمرهما في قوة ليسيطر على انهياره الوشيك
انا كلمت جينا وهتيجي تستقر هنا مع ادم ابني وهعلن جوازي منها قدام الكل
نظر الجميع الى بعضهم البعض كأن كل منهم يوكل مهمة الرد الى الاخر فتولت ايتن تلك المهمة عنهم قائلة
انت ناوى تجيبهم هنا بعد
كل اللى حصل
جلس على مقعد قريب كأنه لا يكترث بشىء مطلقا
ماتنسيش ان اللى بتتكلمي عنهم دول يبقو مراتي وابني
ردت وهي تلوى فمها في اعتراض
مراتك وابنك انت ازاي نسبته ليك اصلا وانت عارف انه
ضړب يد المقعد بقبضته يقاطعها هاتفا
ابني عارف انه ابني اتأكدت بدل المرة مليون الحړام اللي كلكو عايزين تنسبوه ليه ده انا اللي عملته مش هوا غلطة هوا ليه يتحملها ليه يكبر من غير اب ليه يواجه الناس ويسألوه انت جيت الدنيا ازاي كنتو عايزيني اسيبه لجينا تربيه زي ما هيا عايزة على اي دين واي اخلاق ده اصلا لو كانت احتفظت بيه ومرمتهوش في اي ملجأ تقدرو تقولولي هوا ذنبه ايه في كل ده غلطتي وكان لازم اتحملها ومرميهاش عليه هوا كنت عارف اني هخسر كتير بس اخترت اني اواجه وما اتخلاش عنه
نهض في بطء وأضاف وهو ينظر الى الجميع فى صرامة يحاول ان يستر بها وجعه وانكساره
اسمعوني كلكو أنا عارف انتو عاوزين تقولو ايه عاوزين توصلو لأني السبب فى كل اللي حصل صح انا فضحتكو ووطيت راسكو و
واشاح برأسه مضيفا بصوت بدأ يتهدج رغما عنه
بس ده ابني وحقيقة مقدرش انكرها لازم اعلن قدام الكل اني متجوز أمه والغي الوصمة اللى اتوصم بيها من غير ذنب
تمنى لو اشتبك معه احدهم أراد ان يلتهى بالدفاع عن نفسه معهم فلا يوجد مجال لأن يدافع عن نفسه امام نفسه التي يجلدها كل لحظة
شعر محمود بما يعانيه ولده
عڈاب ضميره مما حدث وعذاب فراقه لأمه وفراقه لحبيبته كان يعلم ان ولده يقاوم وأنه سيسقط حتما
غلبت شفقة الأب غضبه فقال وهو يحاول التماسك بدوره
ابنك يبقا ابننا يا يوسف ولازم ترجعه يتربى وسطينا
مسح يوسف وجهه في تعب واستغرق لحظات يبحث عن أي كلمة
كل حاجة فى الشغل هترجع لأصلها والخسارة هعوضها أوعدكو ان شاء الله
ربت محمود على كتفه فى حنان
كله فداك يا يوسف
دمعت عينا ايتن في تأثر عز عليها أن ترى أخاها هكذا لم يكن يوسف لها مجرد أخ بل أنه ظل لسنوات عمرها كله أبا ثانيا لها اغدق عليها من حنانه وعطفه اكثر من ابيها نفسه جابت ذكريات طفولتها معه في رأسها وتذكرت حين كان يحملها على كتفيه وحين كانت تختبيء خلفه اذ اخطأت لتفر من عقاپ والديها
مسحت دمعتها سريعا واقتربت تمسك بذراعه قائلة في حب
كله فداك يا أبيه المهم تكون بخير
نظر محمود الى زين ليقترب بدوره مربتا على ذراع اخيه قائلا
المهم انت يا يوسف
لم يحتمل يوسف كل هذا تمنى لو عڼفوه لينشغل بجلدهم له عن جلده لنفسه فليس هناك عڈاب
متابعة القراءة
