غفران الماضي الفصل الرابع والعشرون الجزء الأول
المحتويات
الفصل الرابع والعشرون الجزء الأول
مع شروق شمس يوم جديد فتحت غفران عينيها تتطلع حولها لثواني حتي ادركت اين هي...
انها هنا في غرفتها القديمه التي تركتها قبل عام ونصف ...
اعتدلت تتطلع في الغرفه حولها والتي كان بها كل شيء كما تركته ولكن شتان بين غفران التي تركت هذه الغرفه من قبل وبين غفران التي عادت اليها من جديد...!!!!
نهضت بتكاسل ودلفت الي حمام غرفتها الخاص تاخد حماما دافئ تستعيد به نشاطها...
بعد قليل كانت تحمل صغيرها الذي استيقظ هو الاخر فحممته وبدلت له ملابسه باخري نظيفه وخرجت من غرفتها قاصده جناح جدها فهي تعلم انه يستيقظ مبكرا لصلاه الفجر وبعدها يظل جالسا يقرأ في مصحفه حتي موعد الافطار ...
ابتسمت باشراق وهي تراه يقرأ في مصحفه كعادته هاتفه بمحبه صباح الخير يا جدو ...
اغلق الجد مصحفه واشرفت ملامحه المجهده بابتسامه فرحه لرؤيته حفيدته الغاليه وصغيرها الغالي صباح الفل والورد والياسمين علي حبايب قلب جدو من جوه ..قالها وهو يقبلها علي وجنتيها ثم حمل منها الرضيع يهدهده بحنان ...
بادلته الابتسامه هاتفه بحنو ربنا يخاليك لينا يا حبيبي وتعيش لحد ما تجوزه ان شاء الله...
ضحك الجد بخفه قائلا اجوزه كمان .. ربنا يبارك في عمر ابوه هو بقي اللي يجوزه ...
اومأت غفران برأسها دون رد ...
سألها الجد وهو يتفرس في ملامح وجهها الصبوح ايه اللي مصحيكي بدري كده ولا الواد الشقي ده هو اللي صحاكي ما تلاقيه طالع عصبي ومزعج زي ابوه....
سألها الجد بمكر مين فيهم هو ولا ابوه
نظرت له غفران واجابته بنبره قاطعه وهي تعتدل في جلستها ابني طبعا .. انا ماليش غيره وعايشه علشانه وبس ...
نظر لها الجد مطولا عله ينفذ الي داخل عقلها ويقرأ افكارها ثم سألها بوضوح دون مراوغه وعاصي
ثم تابعت تضيف وهي تؤكد علي كل حرف تنطق به
عاصي ابن عمي وابوابني وبس ...
ضغط عليها الجد اكثر بسؤاله ولما هو كده .. ايه اللي خالاكي ترجعي القصر امبارح وانتي عارفه ان خطوبته كانت امبارح علي نسرين وآدم اكد عليكي انك ماتجيش!!!
اجابته ببعض الحده وقد بدأت تفقد هدؤها انا مش فاهمه يعني اصراركم علي عدم رجوعي يوم خطوبته ولا جوازه حتي ...
كده كده ده بقي امر واقع هو
متابعة القراءة
