غفران الماضي الفصل الثامن

تهز رأسها موافقه وهتفت بنبره مرتعشه حاضر هقولك علي كل حاجه ....
اخدت تفرك يديها بتوتر وهي تقص عليه كل شيء حدث معها منذ ان تعرض لها مازن في اول يوم في الجامعه وصدها ورفضها له وسعيه الدؤب خلفها واختفاؤه المفاجيء وظهوره لها اليوم من جديد...
هو ده كل اللي حصل والله العظيم ....
انهت حديثها وهي تنظر له تتفرس في ملامح وجهه تري اثر وقع كلماتها عليه!!!!!
حمقااااء!!!!!ان ظنت بحديثها ذلك قد هدأت من غضبه وثورته بل علي العكس زادت اضعاف مضاعفه !!
هدر من بين اسنانه المطبقه وانتي ازاي يحصل معاكي كل ده من غير ما يكون عندي خبر .. ازاي ما تقوليليش 
نظرت له بحزن وهتفت بشجن انت ما كنتش موجود علشان اقولك انت كنت مسافر وبعيد ومش عاوز تكلم اي حد مننا هقولك ازاي 
تغضن جبينه بآلم فهي محقه .. هو الذي ابتعد عن الكل واولهم هي رحل وترك الكل خلفه دون ان يهتم لامرهم ....
ابتلع غصه في حلقه وهتف بنفس الڠضب حتي لو..
كنتي ابعتيلي بلاش انا ..قولي لجدي وهو كان هيتصرف معاه بدل ما كان يتمادي اكتر معاكي او يتصوف تصرف يضيعك ويضيعنا معاه واضح من كلامك انه مچنون وسايق فيها ومحدش مالي عينه..
ثم اعتدل في وقفته ونظر امامه للبعيد وهو يضيف متوعدا اياه بس ملحوقه هو كده وقع ومحدش سما عليه انا بقي هعرفه ازاي يتجرأ علي حد من عيله الچارحي ..ما ابقاش عاصي الچارحي ان ما خليته يبوس جزمتي علشان ارحمه من اللي هعمله فيه...
ثم اخرج هاتفه واتصل علي مساعده وزراعه الايمن جسار ايوه جسار عاوزك تجيبلي كل حاجه عن اللي اسمه مازن الدالي ده هو عيلته من يوم ما اتولد لحد انهارده ويكون علي مكتبي بكره الصبح ...
ثم اغلق الهاتف معه دون ان يضيف حرفا اخر ...
ثم نظر لها مطولا نظره لم تستطيع تفسيرها واضاف احنا كلامنا لسه مخلصش في كلام كتير عاوز اعرفه وافهمه منك كويس اوي بس بعد ما اخلص من اللي اسمه مازن ده ....
ثم اختفي من امامها وخرج من الجناح بأكمله تاركها خلفه تعيد كلماته داخل عقلها وهي لا تعرف اي حديث يريد معرفته منها 
شهقت بتوتر عندما نمي لعلمها انه من الممكن ان يكون قد استمع لحديثها مع مازن عن عشقها له!!!!
...........................
دلف عاصي الي حجره مكتبه بعد ان انتهي من تضميد الجراح في يده ووجهه جلس علي الاريكه الجليديه يتنفس پغضب وصوره ذلك الحقېر لا تفارق خياله ....
اخذ يسترجع ما سمعه من حديثهم معا حتي توقف عند اعترافها بعشقها له !!!!!
لايزال لا يستوعب كيف ومتي حدث
ابتسم بسعاده اذا فهي لم تكن مجبره علي الزواج منه بل علي العكس هي موافقه وراغبه...!!!
شعر براحه تسكن روحه بعد اعترافها ذلك وكأنه كان بحاجه لسماعه منها ....
اذا فأحساسه الذي يشعر به في وجودها مختلف عن اي شعور اخر ...
شعور بالتملك والحمايه نحوها كما لو كانت جزء منه يخصه ملكه !!!!
وشعوره پالنار التي احرقت احشاؤه عندما كانت تتحدث مع آسر او ذلك الحقېر احساس صعب حارق لم يشعر به في حياته من قبل !!!
تسأل في سره هل هذه هي الغيره
مؤكد هي فهو كان سيذهق روح مازن وكان يود حړق آسر حيا لمجرد حديثه معها ...
وبعد تفكير طويل اعترف لنفسه انه بالفعل يهتم بها ولامرها يغير عليها يحبها ....
يحبها !!!! عند هذه الفكره هب واقفا من جلسته وهو غير مستوعب لما نطق به قلبه قبل لسانه ...
يحبها .. يحب غفران ... غفرانه ... زوجته ..ملكه ....
انكر باصرار مقنعا نفسه بانه بالفعل يحبها لانها ابنه عمه صغيرته ليس الا!!!!
مدد جسده علي الاريكه ولسان حاله يردد هذه الكلمات حتي غرق في النوم وكانت غفرانه هي بطله احلامه هذه الليله....
...................................
دلفت دريه الي حجره نومها وهي تدفع نسرين امامها بغيظ حتي انها كادت ان تسقط علي وجهها من شده الدفعه...
هتفت نسرين بعصبيه شديده في خالتها ايه يا انطي حاسبي هتوقعيني ...
وقفت تدلك مرفقها الذي تألم من قوه ضغطها عليه ...
هدرت دريه فيها پغضب ده مش بس هوقعك علي وشك ده ھموت بايديه