قصه كامله الخذلان
المحتويات
لو أكدوا عليا هنزل اشتري طلبات ليا انا و ادم
اسلام ... هتنزلي لوحدك
نرمين ... غالبا اه يا انا و ادم يا انا لوحدي
اسلام ... ينفع اشوفك
نرمين ... اسلام وبعدين معاك بقا انا مش عايزة مشاكل بليز ركز مع مراتك و عيالك انا غلطانة اصلا أن بتكلم كل دا غلط سلام
قفلت وانا مخنوقه و دموعي نزلت اسلام كان حقي انا كان بتاعي انا
وهي خدتة مني كانت معاه وهي عارفه أنه خاطب بس انا مش هكون زيها عشان أنا مش وحشه كدة
خرجت برة و لاقيتهم بيتفقو ع السفر و احنا قاعدين لاحظت أن بابا شكله مهموم و في حاجة شاغله باله
عبد الله ... مفيش يا حبيبتي
منال ... لا انت متغير من وقت ما رجعت من المكتب في ايه
عبد الله وهو بيبص ل نرمين بحذر ... حسين عايز يشوفني و اللي وصلي الرسالة بيقولي أنه تعبان اوي و اتنقل من فترة المستشفي والزعل وحش عشانة وانا مش عارف اعمل ايه
نرمين ببتسامة ... تتصل باخوك فورا و تطمن عليه و تبلغة انك بكرة الصبح هتكون عندة دا اخوك يا بابا لو سمحت كفاية مقاطعة معاه لحد كدة عشان خاطري انا
منال .. نرمين معاها حق الډم عمرة ما يبقي مية يا عبدة خلاص اللي فات ماټ و العيال اهي اتجوزت و خلفت و كل واحد فيهم بقاله حياة
نرمين .. لا يا حجيجة انت هتتصل بيه مش عشان دا رأينا انت هتتصل بيه عشان اخوك و حبيبك و وحشك اوي كمان
عبد الله ... ماشي يا بكاشة انتي يلا خدي ادم و اختك و امك و انزلو هاتو ال ناقصكم بس متنسيش تتصلي ب عمرو يشوف ادم قبل ما نسافر دا هو اللي بقيلو يا بنتي ربنا يصبرة ويعينه يارب
نرمين ... اللهم امين حاضر يا بابا
و فعلا خدت ماما واختي ونزلنا اشترينا حاجات و كنت بشوف تلفوني بيرن بنمرة غريبة لكني تجاهلتة تماما و بابا كلم عمي حسين و اتفق معاه يزورة تاني يوم و ماما قالت هتروح معاه و انا و ادم نزلنا نقابل عمرو في النادي
عمرو ... مساء النور لا ابدا انا يادوب جاي من عشر دقائق .. وطي علي ادم البطل بتاعي عامل ايه
ادم .. الحمد لله وحشتني يا عمو
عمرو ببتسامة ... انت اللي وحشتني اوي يا حبيبي
نرمين .. اخبارك ايه
عمرو ... اهو عايش الحمد لله
نرمين ... والشغل
عمرو ... ماشي كويس
الحمد لله انتي عامله ايه
نرمين ... عادي لا جديد بس بفكر لما نرجع من الساحل انزل مع بابا المكتب اشتغل اي حاجة بدل الزهق دا
عمرو ... فكرة كويسة لو حبة تيجي معايا المعرض ممكن اشوفلك حاجة اداريه خفيفة بردو
عمرو ... طيب انا هقوم العب مع ادم شوية وارجعلك
نرمين ... اوكي
عمرو خد ادم و راحو ع منطقة الألعاب و انا تلفوني رن تاني بنفس الرقم اللي من الصبح بيرن و اخيرا قررت ابطل هروب و رديت
نرمين ... الو
اسلام ... اخيرا رديتي ينفع كدة يعني نبقي بنتكلم و تقفلي و تعمليلي بلوك كمان ليه كل دا عشان طلبت اشوفك انتي في الاول والاخر بنت عمي عىفكرة و اصلا كنت هفاتحك في اني عايز ارجعلك بس انتي مدتنيش فرصه ل دة
نرمين بدهشه .. عايز ترجعلي يعني ايه
اسلام ... يعني نتجوز يا نرمين
نرمين ... نتجوز ! و منة
اسلام ... نرمين انا مشاكلي مع منة العيلة كلها عارفاها منة مهمله فيا و في ولادي جدا اهم حاجة عندها هي وبس شغل البيت خدامة بتعمله و العيال ماما اللي مراعياهم هي من نادي ل الكافيه ل للفون اللي مش بيسيب ايديها وانا مش موجود الا وقت ما تكون عايزة فلوس وبس انا محتاجك جمبي ندمت والله ندمت و عايز نرجع وهي حرة انا مش هظلمها وافقت وتفضل زي ماهي تمام موفقتش يبقي ننفصل وكل واحد يشوف حياتة انا مش هقدر اكمل كدة انا محتاجك يا نرمين
نرمين ....
اسلام ... هسيبك انهاردة تفكري وبكرة هكلمك وياريت تردي عليا و لو موافقه و اتمني فعلا دا هنتجوز فورا من غير اي تأجيل مني والله
نرمين بتردد ... بس بس بابا مش هيوافق دا يادوب إلى أنهاردة هيروح يشوف باباك بعد كل سنين المقاطعه دي هنرجع كدا المشاكل بينهم تاني
اسلام ... لو انتي
وافقتي انا هقنع الكل متقلقيش وافقي انتي بس وسيبي كل حاجة عليا اوكي
نرمين ... ماشي يا اسلام بس مش هرد عليك بكرة انا مسافرة بكرة معاهم سيبني افكر بهدوء ولما ارجع هرد عليك اوكي
اسلام ... اوكي بس هقولك حاجة واحدة بس قبل ما اقفل جوازنا دا هو الصح
متابعة القراءة
