خېانه بالعلم بقلم لم هاجر نور الدين

شوية وبعدين قالت بتردد
ءء جوا في الأوضة يا حبيبي.
إتكلمت بهدوء وأنا بقول بعيون مركزة جدا
تمام إدخلي هاتيها.
رجعت إتوترت من تاني وسابت اللي في إيديها وقالت بقلق
بصراحة يا محمود صاحبتي ندى طلبته مني وفضلت تتحايل عليا أديهولها تروح بيه مناسبة ولما إديتهولها وراحت فعلا جيت أطلبه منها تاني قالتلي إنه وقع منها أنا والله فضلت أقنعها كتير تاخد آي حاجة تاني عشان إنت اللي جايبهولي بس هي مسكت في دا.
فضلت واقف مصډوم ومبلم مش فاهم اللي بيتقال رددت وراها بتركيز وحواجب مقفولة
ندى صاحبتك
هزت راسها وقالت بقلق
بالله عليك متزعلش مني أنا والله أكتر وةحدة متضايقة عشان ضيعت حاجة منك ليا.

شاورتها تسكت وطلعت الموبايل وريتها الصور والرسايل اللي جاتلي واللي هي لما شافتها لطمت وقالت بړعب
يا لهوي إوعى تكون صدقت الكلام دا يا محمود والله دي مش أنا أصلا وكمان خدت مني الطقم دا عشتن تروح بيه.
هديتها وقولت بهدوء وتفكير
إهدي أنا أكيد مصدقتش يا مروة قولتلك قبل كدا أنا واثق فيك.
فضلت ټعيط وسندت على الرخامة وهي بتقول
طيب وبعدين يا محمود أخرة اللي بيحصل دا إي
إتكلمت بكل أريحية وقولت
كدا كدا مفيش مشاكل بيننا الحمدلله أنا واحد مش بيدخل الشك حياته يا مروة عشان لو الشك دخل في علاقتنا يبقى خلاص مع السلامة العلاقة دي حتى لو كان الموضوع كدب هاجي بعد كدا هشط في كل حركة وكل كلمة وكل نفس بتتنفسيه الشك وحش أوي أوي يا مروة لو دخل في آي علاقة بيخربها حتى لو صحاب ما بالك بقى ب زوجين الحمدلله اللي شايل من قلبي الشك سبب خړاب بيوت كتير أوي أوي بجد دلوقتي إفتحي موبايلك وإتتصلي ب ندى قوليلها تيجي تقعد معاك شوية وإن إنت عايزاها في موضوع لإني إتخانقت معاك خناقة كبيرة أوي وملقيتيش حد غيرها تكلميه.
عملت فعلا نفس اللي قولتلها عليه واللي إسمها ندى جات فعلا بعد شوية وقت مش كتير دخلت ولما لقيتني إتصدمت قومت وقفت وإبتسمتلها وأنا بقول
أهلا يا ندى إتفضلي.
قعجت وهي بتبص لمروة بعدم فهم لوجودي بالهدوء دا بالرغم من خناقتنا اللي حكتلها مروة عليها دخلت مروة تعمل حاجة نشربها وأنا قدمت وقعدت جنب ندى وأنا بقول بتوتر مصتنع
ندى أنا عايزك في موضوع بما إنك صاحبة مروة الروح بالروح.
بصتلي بتساؤل وعدم فهم وقالت
أكيد يا محمود إنت زي أخويا قول.
رجعت إتكلمت بنفس نبرة الصعبنيات وقولت
بس بالله عليك تجاوبيني بصراحة هي مروة بټخونني يا
ندى أصل بيجيلي رسايل وحاجات غريبة أوي إنت صاحبتها وقاعدة معاها أكتر مني ويمكن كمان بتحكيلك أسرارها عن ما بتحكيلي إنت شايفة إي
لقيتها فجأة بصت في الأرض وإبتسمت إبتسامة جانبية وقالت
بص بصراحة يعني بما إن إنت سألتني وأنا كنت مخرجة نفسي برا المواضيع دي كلها بس