قصه مشوقه

جاوبني كنت بتعمل اي كل ده عندها.
رامي طب انا هخش اخد شاور واغير هدومي واول ما تتعلمي تتكلمي معايا ازاي نبقا نتكلم.
وجاي يمشي داليا مسكته وقلت پغضب انا بكلمك تقف وتكلمني زي ما بكلمك متسبنيش وتمشي.
رامي پغضب يبقا توطي صوتك وانتي بتتكلمي مفيش ست محترمة واهلها عرفوا يربوها بتعلي صوتها علي جوزها زي ما بتعملي دلوقت.

داليا وهي بتحاول تهدأ تمام وانا هادية اهو كنت بتعمل اي بقا لما ولادك مش موجودين.
رامي پغضب وقت اي ده الي اخدته انا مكملتش عشر دقايق اطمنت
عليها وسالت علي الولاد وملقتهمش جايين كمان شويه هبقا انزل اشوفهم يبقا فين الوقت ده اهدي ها اهدي واياكي تعلي صوتك عليا تاني فاهمة وبصوت عالي
ما تردي فاهمة ولا مش فاهمة.
داليا پخوف فاهمة فاهمة.
رامي تمام انا رايح اخد شاور واغير هدومي ولما يجوا الولاد هنزل اشوفهم.
داليا برقة رامي انا اسفه والله مش قصدي انا بس بغير عليك انا.....
رامي خلاص يا داليا خلاص بس لو عليتي صوتك تاني مش هيحصلك كويس انا عشت مع خديجة 7 سنين عمرها ما رفعت صوتها حتي عليا ف خالي بالك.
داليا بضيق من ذكره لخديجة حاضر حاضر يا رامي .
رامي سابها ومشي.
داليا لنفسها ماشي يا ست خديجة لما نشوف اخرتها معاكي اي.
وفعلا بعد ساعة ونص حسن اخو خديجة جاب الاولاد ليها.
حسن عامله اي با حبيبتي النهاردة كويسه
خديجة الحمد لله يا حبيبي انا زي الفل الحمد لله.
حسن طب عايزه اي حاجه ناقصك حاجة.
خديجة عايزه سلامتك يا قلبي ابدا انت مش مخليني محتاجة حاجة ربنا يخليك ليا.
حسن طب يا حبيبتي انا همشي بقا عشان ورايا شغل انتي هتعملي اي.
خديجة ولا حاجة رامي هينزل عشان يشوف الولاد عشان وحشوه.
حسن طيب انا هقعد معاكي لحد ما ينزل يشوفهم ويمشي.
خديجة متقلقش يا حسن مش هيكلني هيشوف الولاد بس.
حسن ايوا بس.....
خديجة من غير بس يا حبيبي روح انت علي شغلك ومتقلقش عليا ابدا هبقا كويسه يلا روح.
حسن طب خلي بالك من نفسك ها يلا سلام.
وحسن مشي وبعد ربع ساعه جرس الباب رن فعرفت انه رامي .
راحت عند الباب واخدت نفس عميق وتماسكت وفتحت الباب وفعلا كان رامي .
رامي السلام عليكم.
خديجة بابتسامة وعليكم السلام يا رامي اتفضل اتفضل الولاد جوه.
رامي دخل البيت وفضل يبص عليه البيت الي كان عايش فيه قبل 3 شهور قطع افكاره مالك وهو بيجري عليه وبيقول بابي بابي وحشتني اوي.
رامي شاله وباسه وانت كمان.... وانت كمان يا روح بابي وحشتني اوي.
وفضل يلعب ويهزر مع مالك لحد ما خديجة دخلت وهي شايلة مليكة فرحلها وخد منها مليكة وفضل يبوسها ويلعب معاهم لحد ما الاولاد تعبوا وناموا مالك نام جمبه ومليكة نامت علي زراعه.
خديجة يا حبايبي ناموا من التعب هات هات مليكة ادخلها تنام.
رامي خدي وانا هاخد مالك .
ودخلوا الولاد الاوضه واطمنوا عليهم وقفلوا الباب.
رامي وهو بيبص علي خديجة كانوا واحشني اوي.
خديجة وانت كمان كنت واحشهم مالك كان دايما يسال عليك وكنت بقوله انك مسافر عندك شغل.
رامي بص ف الارض وبعدين بصلها وطلع من جيبه فلوس وقال اتفضلي يا خديجة.
خديجةباستغراباي دول 
رامي دول نصيبك ف ارباح المكتب.
خديجة خلي فلوسك معاك يا رامي .
رامي بس دول نصيبك انتي صاحبة راس المال اصلا.
خديجة الفلوس فلوسك مش فلوسي ورجعتلك تاني المجوهرات انت الي جايبهم والفلوس انت الي مديهملي فهم فلوسك من الاول كل الي انا هخده منك هما مصاريف الاولاد وبس دول ولاد واجبك تصرف عليهم وحقهم عليك لكن انا لاء.
رامي طب وانتي انتي هتصرفي منين يا خديجة لما انا هصرف ع الولاد بس.
خديجة انا بشتغل وبصرف علي نفسي وعلي الولاد انا.....
رامي استني استني بتشتغلي
خديجة اه بشتغل.
رامي بضيق وبتشتغلي اي وفين بقا 
خديجة انت نسيت اني مهندسة ولا اي وبشتغل فين فنا بشتغل ف الشركة الي بتشتغل فيها رندة مهندسة ديكور.
رامي پغضب وانتي ازاي تشتغلي اصلا من غير ما تقوليلي وترجعيلي الاول.
خديجة بثبات وانا اقولك وارجعلك بصفتك اي ان شاء الله.
رامي پغضب يعني اي بصفتي اي 
خديجة بهدوء كلامي واضح يعني انا دلوقت مش مراتك عشان اقولك او ارجعلك ف اي حاجه انا حرة اشتغل مشتغلش انا حرة عاوزه اصرف علي نفسي لان انت ملكش الحق بردو انك تصرف عليا دلوقت ولادك اصرف عليهم براحتك هما ولادك وانت ابوهم لكن انا الي بيني وبينك انتهي ملكش حق تدخل ف اي حاجة تخصني.
رامي پصدمة اي يا خديجة مالك في اي ازاي تتكلمي معايا كدا من امتي 
خديجة بتكلم زي الناس ومن امتي ف من النهاردة ودلوقت لو معندكش مانع الوقت اتأخر وميصحش انك تفضل ف البيت هنا اكتر من كدا وميصحش بردو تسيب مراتك فوق وتفضل هنا تحاسبني ف حاجة متخصكش.
رامي متخصنيش ومن امتي والي يخصك ميخصنيش يا خديجة
خديجة ببرود من الساعه الي انا وانت مضينا فيها علي ورقه الطلاق يا رامي من ساعتها واي حاجة تخصني متخصكش والعكس صحيح كل واحد حر انت حر ف حياتك وانا حرة ف حياتي.
رامي اه بس انا قبل ما اكون كنت جوزك ف انا ابن عمك وابو ولادك.
خديجة ختي الصفتين دول ميدولكش الحق انك تحاسبني علي اي حاجة ولو سمحت الوقت اتاخر بعدين الناس تتكلم يلا اتفضل اطلع علي شقتك.
رامي انتي بتطرديني يا خديجة!!!
خديجة ابدا انا مش بطردك بس دي الاصول الي انت عارفها كويس وقت ما تحب تشوف ولادك انا تحت امرك ده حقك بس ولادك دلوقت ناموا يبقا ملوش لازمة وجودك هنا.
وراحت فتحتله الباب وقالت تصبح علي خير يا ابو مالك .
و رامي واقف مصډوم من خديجة وطلع من الباب وقال وانت من اهله يا خديجة.
خديجة عن اذنك.
وقفلت الباب واتنفست بعمق لان الي عملته ده كان ضغط كبير جدا علي اعصابها وقفلت الانوار وراحت عشان تنام. 
اما رامي ف لسه واقف قدام الباب مستغرب ومصډوم من الي حصل هي دي خديجة...خديجة الي كانت مبتقولوش غير حاضر ونعم خديجة الي عمرها ما ناقشته ف اي حاجه ابدا مهما يعمل بتقول حاضر وبس 3 شهور غيروها كل التغيير ده وشقلبوا حالها كدا.
وبعدين فاق وطلع ع السلم وهو بيفكر في خديجة وفي التغير الي حصلها شكلا وموضوعا.
البارت الثامن
وقفت اعاتب فيك الزمان
لماذا بخلت علي بهذا الحنان
عرفتك خوفا وليلا كئيبا 
وفي ظلمة اليأس جاء الامان 
حرام حرام وربي حرام 
اذا جاءنا الحب بعد فوات الاوان
تاني يوم الصبح خديجة صحيت من بدري تصلي الفجر وتدعي ربنا انه يقويها من غير رامي وتفضل قوية قدامه حتي لو كان جواها بيرتجف من مجرد ما بتشوفه بس ربنا يقويها ويثبتها.
وبعد كدا قامت نظفت البيت كله وغسلت الاطباق وغسلت هدومها هي والاولاد وطلعت علي الجنينة الي زرعت فيها كل انواع الورد عشان هي بتحبه اوي وسقت الزرع وبعد ما خلصت كل ده كانت الساعة 7 صحت الاولاد واكلتهم وجهزتهم عشان يروحوا لمامت رندة وجهزت نفسها عشان تروح الشغل وهي خارجة وبتقفل الباب استدارت لقت............
نروح عند رامي صحي لقا نفسه هيتأخر علي الشغل ومحدش صحاه بيبص جمبه لقا داليا نايمه مصحيتش ومصحتوش عشان شغله.
رامي داليا داليا قومي.
داليا بنوم اي اي في اي يا رامي سبني انام بقا.
رامي تنامي اي الساعه 7 ونص المفروض تقومي.
داليا لسه بدري اوي اوي يا رامي اقوم اعمل ايه.
رامي تقومي تعملي اي تقومي تفطريني تجهزيلي هدومي.
داليا بنوم يووووو بقا يا رامي ما تقوم تعمل لنفسك عندك بيتزا ف المطبخ سخنها وكل سبني انام بقا.
وحطت المخده علي وشها وكملت نوم.
رامي فضل باصصلها وبعدين قام خد دوش بسرعه ولبس هدومه ونزل المطبخ وسخن البيتزا وقعد ياكل لوحده وهو بياكل فضل يفتكر لما خديجة كانت بتصحى من قبله تنضف البيت وتصحيه ويطلع من الحمام يلاقي هدومه جاهزه والفطار جاهز كمان دلوقت هو الي بيصحى يسخن اكل بايت وياكله ولوحده كمان وابتسم باستهزاء واخد شنطته ونزل.
ولما نزل اتفاجئ بخديجة معاها الولاد وبتقفل باب البيت وقف وراها ولما استدارت اټصدمت بيه.
خديجة بخضه بسم الله الرحمن الرحيم.
رامي بسرعة انا اسف اسف مكنش قصدي اخضك والله.
خديجة بارتياح لا ولا يهمك صباح الخير.
رامي بابتسامه صباح النور يا خديجة وبص علي مالك ومليكة وشال كل واحد فيهم وباسه.
رامي رايحة فين 
خديجة رايحة اودي الولاد لمامت رندة واروح الشغل.
رامي بضيق من ذكرها للشغل والشغل ده فين.
خديجة باستغراب ليه بتسأل
رامي بضيق عشان هوصلك.
خديجة لا مفيش داعي توصلني الشركة مش بعيده.
رامي تعالي اوصل الولاد واوصلك يا خديجة مش هسبكوا تروحوا لوحدكوا.
خديجة بس........
رامي
من غير بس يلا يا خديجة يلا.
خديجة ملقتش فايده من المناقشه معاه فاخدت مليكة و مالك جري مع باباه قدامها وركبوا يوصلهم.
وطول الطريق خديجة كانت قاعدة تلعب مع مليكة الي مبطلتش لعب و مالك كان سرحان ف الطريق وراهم و رامي كل شوية يبص علي خديجة اد ايه هي جميله وبقت جميله اوي ازاي مكنش بياخد باله من جمالها كل السنين دي.
وبعد مده وصلوا لمامت رندة.
خديجة خليك انا هطلع اودي الولاد وهنزل علي طول ولو هتتاخر روح انت وانا هروح لوحدي.
رامي لا طلعيهم وانا مستنيكي.
خديجة طلعتهم لمامت رندة وبعد دقايق نزلت.
وكان لسه مستنيها.
خديجة اسفة لو اتاخرت.
رامي لا ابدا متاخرتيش خالص.
وشغل السيارة وطول الطريق خديجة متوترة لانها مع رامي لوحدها علي الاقل الولاد كانوا مش مخلينها مركزه معاه فخبت توترها انها تبص من شباك العربيه ومتبصلوش.... بس هو كان كل شويه يبصلها وكان طول الطريق محدش فيهم اتكلم لحد ما رامي قرر ينهي الصمت ده وقال انتي عامله اي النهارده يا خديجة.
خديجة بابتسامة انا انا تمام بخير الحمد لله.
رامي مرتاحة ف الشغل ولا تعبك.
خديجة بصدق ابدا الشغل حلو اوي وانا حباه جدا ومبسوطه منه اوي.
رامي مبسوط انك مبسوطه فيه.
خديجة بصتله وابتسامتله...وهو بصلها ولاحظ اد اي ابتسامتها جميله اوي.
رامي بس اي الي خلاكي تفكري تشتغلي.
خديجة ملل مش اكتر الولاد بيلهوني وبس لما بيناموا بحس بملل لكن دلوقت وقتي ملينا الولاد والبيت والشغل وبس.
رامي سرح لما كانوا متجوزين كان كل حياتها هو والاولاد بس دلوقت هو طلع من حياتها والاولاد بيناموا كتير اطفال فلازم تحس بملل قاعدة لوحدها ف البيت حتي ف كلامها طلعته من حياتها بقا كل الي ف حياتها دلوقت الولاد وشغلها وبس زي ما قالت.
خديجة بس بس هنا يا رامي .
رامي هي دي الشركة.
خديجة ايوا هي دي الشركة هي مش بعيده خالص.
وبصلتله وابتسمت