العاصفه الثالثة
المحتويات
بالعافية وقف وشالها تاني ويمشي كل خطوة أصعب من الثانية وبيشيل كل رجل بالعافية لحد ما لمح عربيته اللي كل خطوة لها بميل .. أخيرا وصلها ودخل أمل جنبه وهو لف يدخل لمح عربيتهم فقرب منها وبالسکينة ضړب كاوتش ويدوب هيضرب الثاني لمح حمادة جاي عليهم فقام بسرعة ركب عربيته ودورها واتحرك بيها ناحية الطريق .. ساق بدون ما يشوف أى طريق قدامه .. بس سايق وخلاص في أى اتجاه لأي مكان وهو وحظه .. سايق وهو بياخد نفسه بالعافية وبعدها مقدرش يكمل فوقف وبص لأمل جنبه .. فتح التابلوه وخرج إزازة برفان رش علي وش أمل اللي بدأت تفوق وتبص حواليها مستغربة هي فين واتعدلت بسرعة مش عارفة ايه اللي حصل وهل اڠتص بوها ولا لأ .. بصت لنفسها بنطلونها مقفول بس من فوق بالتيشيرت بتاعها فحطت ايديها حواليها وفاقت علي صوت كريم بيتكلم بالعافية شنطتي وراكي فيها هدوم البسيها
كريم ابتسم ما تقلقيش عليا وقليلي أنتي حاسة بايه موجوعة
أمل بصتله وبعياط أنت پتنزف جامد
كريم بيتنفس بالعافية عارف .. موجود في الشنطة كوفية ممكن تلبسيها زي الطرحة وغطي شعرك
أمل بصتله مش مصدقة اهتمامه إنه يغطيها وهو لاحظ نظرتها فابتسم بضعف أنا مش هضحي بحياتي وفي الآخر هتمشي بشعرك مكشوف غطى شعرك
الطرحة وسط دموعها وحيرتها وخۏفها من اللي جاي وبصتله وحاولت تبتسم لبستها
كريم ابتسم ودلوقتي ركزي كويس .. ده الغيار اللي بيطلع العربية لقدام
قاطعته بدون فهم أنت بتقول ايه
كريم تجاهل سؤالها وكمل ده البنزين وده الفرامل .. رجلك علي البنزين بالراحة وكل ما هتدوسي العربية هتكون أسرع معاكي .. هتفضلي ماشية في الطريق ده ع طول ..
أمل بصتله برفض وعياط أنا مش بعرف أسوق ومش هعرف
كريم بصلها وابتسم أنا أنقذتك منهم ودلوقتي الدور عليكي .. ممكن يلحقونا ولو ده حصل مش هقدر أعملك حاجة فلازم تفضلي مكملة مسك ايدها لازم ترجعي لأبوكي وأمك واوعي تخليني أرجع في وعدي ليكي .. عمري ما وعدت وخلفت .. ارجعيلهم أرجوكي حاول يهزر وبلغي أبويا إنه يدفع للكافيتريا تمن الحاجات اللي أكلناها علشان ما تبقاش سړقة
أمل بعياط وفقدان أمل أرجوك مش هقدر .. أرجوك اوعى تسيبني
كريم بصلها أنا معاكي مش هسيبك تعالي بس مكاني وساعديني اجي مكانك أنتي .. أرجوكي بسرعة
كريم حاول يفك الحزام بس ايده متعورة والثانية مش قادر أصلا يرفعها بس حاول ومقدرش وايده وقعت جنبه أمل قربت وهي فكت حزامه واخدت تيشيرت من شنطته حطته علي جرحه وحطت الحزام عليه وربطته جامد لدرجة إنه صړخ من الألم وهي بټعيط وبتتأسف لازم أضغط عليه علشان يوقف نزيفك شوية .. أرجوك استحمل
افتكر الموبايل اللي في جيبه طلعه وللأسف لقاه هيفصل شحن وهز دماغه بأسف ودعى يعرف يكلم أى حد
اتصل علي رقم والده وانتظره يرد
حسن باستغراب الو مين !
كريم بتعب أيوة يا بابا
حسن بلهفة وفرحة كريم طمني عليك أنت فين
كريم بتعب وصوت موجوع جدا وبيتكلم بالعافية كلم أمي وقلها تبلغ حد ينتظرني علي الطريق السريع برا .. لو اتأخروا هيكون فات الأوان .. بابا بلغهم يستنوا عربيتي
حسن بتوتر كريم أنت مالك طمني عليك
كريم بتعب وبصوت بيتقطع خليهم ينتظروا عربيتي ويلحقوني بسرعة يا بابا بسرعة
حسن بلهفة طيب طمن
الخط قطع والموبايل فصل شحن وكريم رماه من ايده
أمل جنبه بړعب هنعمل ايه
كريم دوري العربية واتحركي
متابعة القراءة
