قصه مشوقه
المحتويات
كده ..
مش عارف بحلم ولا ايه عنيا نص مفتوحة و الصوت عمال يزيد فتحت عنيا و ببص جنبي ناحية الباب لقيت الطفل واقف و بيبصلي ..
الجزء الثالث
.. المسخ ..
لقيت الطفل واقف و بيبصلي و الاكثر ړعبا في الموضوع إنه كان بيبتسم
ساعتها مقدرتش اصړخ صوتي مش عاوز يطلع اصلا .. عارف لما بتكون بتحلم بكابوس وحش جدا بس لا عارف تصرخ عشان حد يجي يصحيك و لا رجليك حتي عايزة تسمع كلامك و تهرب بيك بعيد ولا حتي عارف تصحي نفسك ..
دي حقيقة ألعن
من كل الكوابيس اللي شفتها قبل
كده ..
فضلت مكاني علي السرير و كأن جسمي كله متخشب ..
حتي عنيا نفسي اغمضها بس برضه مش عارف ..
نبضات قلبي زادت بصورة كبيرة ..حسيت إني هيجيلي سكتة قلبية ..
صحيت من النوم و اول ما افتكرت اللي حصل جسمي كله قعد يترعش و قعد اعيط بطريقة هستيرية كأن ردود الافعال بتاعتي اللي كانت المفروض تحصل في ساعتها بتحصل كلها دلوقتي
جالي هاتف في دماغي إني انزل اروح المستشفي ..
قمت نزلت فعلا و اول ما دخلت من بابها الرعشة رجعت مسكت جسمي كله تاني
روحت ادور علي اهل المسخ ده الناس اللي كانت جاية معاه .. دول المفروض كنت اول ناس اتكلم معاهم عشان افهم في ايه ..
جبت بياناتهم من الاستقبال بس لقيتهم من بعيد اوي من الصعيد فكرت شوية بس الفضول و الړعب اللي جوايا خلوني اكمل ..
سافرت و روحتلهم فعلا كانوا ساكنين في قرية و طلعوا معروفين فيها .. اول ما سئلت علي اسم الراجل الناس وصلتني علي طول بس كانوا مقلقين مني شوية مبقتش عارف بيقلقوا من الاغراب عامة و لا في حاجة ورا الناس دي ..
اول ما الباب اتفتح طلعلي راجل كبير في السن افتكرته كان معاهم في المستشفي
و الراجل اتخض اول ما شافني و قالي
انا كنت لسه هاجيلك المستشفي
بعد كده دخلني علي جوه و بدأ يحكي
انا منصور
عباد كبير عائلة عباد اكبر عائلة في البلد ..
كان عندنا ارض كتير جدا و هي دي شغلانتا الاساسية
و رأس مالنا برضه كنا
اكثر الناس في المحافظة رجالا و ارضا و كان بينضرب بينا المثل
متابعة القراءة
