لم يفت الاوان بعد الفصل الخامس

وانكسرت بس رجعت وقفت تاني وبقيت اقوى من الاول عرفت ان الضربه اللي ما موتتنيش طلعت مني جبروت علمت جوايا صحيح وثابت اثر چرح جامد ساب علامة جامده لكن الچرح طاب ثمان سنين وانا قاعده بشفي في الچرح ده لحد ما خلاص ما عادش ليه اثر
واخر مره يا نور اخر مره تسالني بتكلمي مين ولا مين معاكي على التليفون انت ما لكش حكم عليا انا حره نفسي 
وزي ما قطعت الورقه اللي بيننا زمان انت قطعت معاها كل حاجه تربطنا قطعت مع حياتنا وحبنا واي حاجه كانت بينا كل حاجه بينا نزلت في كل قصقوصه ورق وقعت على الارض وانا وطيت لمتها انا ما كنتش بلم الورق انا كنت بلم نفسي مع الورق اللي كان بيتقطع قدامي انت كنت بتقطعني انا مش بتقطع الورقه اللي بينا
ما لكش الحق بعد لما قطعت كل حاجه بينا انك تيجي تسالني بتكلمي مين ولا كنت فين ولا تعرفي مين انت استغنيت عن الحق ده بنفسك فما ترجعش تاني تدور عليه
وبقولها لك يا نور عمتي تخف وراجعه تاني مش قاعده لك عشان انا اصلا ما عادش ليا اي حاجه هنا وسكت سمعت كلامك ورجعت معاك على السرايا مش خوف منك لا ده عشان اثبت لنفسي ان انا بقيت قويه ما فيش حاجه هتكسرني تاني ويلا علشان عيله مهران بحالها مستنيه بنت الداده عشان تاكل
جز نور على اسنانه يحاول كتم غضبه وقال لها وهو يمسك ذراعيها بشده
اسيل ما تختبريش صبري اكتر من كده انت عارفه ڠضبي كويس انا ليا حد مش قادر امسك ڠضبي عنك اكثر من كده قولي لي كنت بتتكلمي مع مين انت سامعه ما انا هعرف كنت بتتكلمي مع مين ولا انت خلاص سافرتي وبقيتي مدوراها مع كل واحد شويه
تعبت يده بشده وقالت پغضب
انت اټجننت ولا شكلك كده حسك عينك اقسم بالله هتشوف وش عمرك في حياتك ما شفته فوق لنفسك يا نور واعرف بتتكلم ازاي وبتتكلم مع مين انا اسيل اللي ما عرفتش تلمس ضوفر مني الا بعد ما كتبت عليا صحيح عرفي كنت صغيره ومش فاهمه بس انت ما قدرتش تلمسني الا بعد ما بقيت مراتك في حين ان غيري كان بيتلزق فيك من غير حتى جواز ولا يحزنون
قطع كلامهم صوت طرقات اخرى على الباب وكانت احدى الخادمات تخبرهم بان الجميع ينتظرهم على سفره الطعام
نظرت له اسيل نظره تحذيريه اخرى وتركته وخرجت خرج خلفها وهو يشتاط غيظا منها ذهبا معا الى غرفه الطعام لتجد الجميع جالس تجلس كاميليا في كامل اناقتها كالعاده وبجوارها ابنتها الصغيره وتجلس على راس السفره والدته بنفس شموخها ولكن على كرسي عجل متحرك جلس
نور على الطرف