قصه جديده

اللى استأمنتنى عليها يا عمى .. بس صدقنى مش هقدر اكمل اكتر من كدة .. و يشهد ربنا انى عملت اللى عليا و زيادة
انا عارف يبنى .. و عارف كويس اخلاقك العالية اللى خلتنى متمسك بيك و عايزك لبنتى لإنى مكنتش هلاقى احسن منك يحافظ عليها .. و المرة دى انا مش هقف فى صف بنتى زى كل مرة لإنى عارف انها غلطت غلط كبير .. و لو انه صعب عليا بس القرار قرارك .. اعمل اللى يريحك .. انا جيت عليك كتير و المرة دى مش هعمل كدة ..
عمى انت مكنش ينفع تفرض على يارا الجوازة دى من الأول .. انت استغليت كونك ابوها و انها مش هيهون عليها زعلك و هتبقى عايزة ترضيك عشان تضغط عليها و تجبرها توافق .. للأسف كل ده غلط و مش دايما بيجيب نتيجة كويسة .. حتى لو انت شايفنى مناسب ليها و هحافظ عليها بس بردو هى من حقها تختار لانها مش صغيرة ..

انا كنت خاېف عليها لاموت و تبقى لوحدها
يا عمى ربنا يديك الصحة بس معلش مين قال انها هتبقى لوحدها .. ربنا معاها أولا و معاها عيلتها كلهم حواليها بيحبوها و مش هيسيبوها .. ارجوك بلاش تغصبها على حاجة تانى بعد كدة و سيبها براحتها
هز راسه بصمت و بعدين قال 
شكرا يبنى .. القرار قرارك دلوقتى .. هقوم انادى يارا
هزيت راسى و فضلت مستنيها رفعت راسى لما حسيت بها دخلت الأوضة قعدت اودامى بهدوء و ملامحها كانت بهتانة و تعبانة فضلنا ساكتين لدقايق معرفش أد ايه بالظبط
انا اسفة
بصتلها كانت دموعها نازلة على خدها و عينيها بتبصلى بنظرة اول مرة اشوفها .. بندم !!
انا عارفة انى غلطت فى حقك كذا مرة و انت متستاهلش منى ده .. انت عاملتنى كويس جدا و عمرك ما زعلتنى و بالمقابل انا مقدرتش حاجة زى دى و اتماديت .. انت كنت تستحق احسن من كدة بكتير .. اسفة انى فهمت ده متأخر بس انا حقيقى ندمانة .. انا دايما كنت مترددة و خاېفة .. خاېفة من حاجة انا اصلا مديتش نفسى فرصة اجربها عشان احكم .. بس و الله مكنتش اعرف انى بظلمك اوى كدة
فضلت باصصلها بصمت .. للاسف كلامها متأخر اوى
هتسيبنى 
المرة دى كانت بتبصلى بترجى .. قاومت صراع كبير جوايا و انا بقول 
للأسف يا يارا انا مبقتش
عمى ميصحش ج الاخير
موقع أيام نيوز
قادر اكمل اكتر من كدة .. تعبت من كتر المحاولات اللى مبتجبش نتيجة
.. انتى استنفذتى طاقتى كلها .. انتى كسرتى حاجة جوايا من نحيتك مش هعرف ارجعها تانى .. كان نفسى بجد تدى نفسك فرصة تقربى منى .. استنيتك كتير لحد ما صبرى نفذ .. يارا انتى اهنتينى .. جيتى على كرامتى اودام صحابك و دى حاجة بالنسبة لى خط احمر .. صدقينى مش هقدر
ابتسمت و كملت بنبرة لينة اكتر 
بس عايز اقولك انى اسف لما كملت معاكى و انا عارف انك مش عايزانى .. عيشى حياتك يا يارا و انسى و ابدأى من جديد و متسيبيش حد يختار مكانك .. و ان شاء الله هتلاقى اللى قلبك يرتاحله و يرتاحلك و تتهنوا مع بعض .. زى ما قلتلك قبل كدة .. انتى تتحبى
عياطها زاد اكتر .. و انا قلبى وجعنى اكتر شوية و اخدت نفس عميق و هى بتمسح دموعها و بتهز راسها
تمام يا مراد .. تسمحلى بس بحاجة اخيرة
هزيت راسى فلقيتها قامت من مكانها .. اټصدمت فى الأول قربتها منى اكتر
انا مش هلاقى احسن منك
همست بيها و حسيت بدموعها بتنزل على قميصى دفنت راسى فى شعرها و انا بستمتع بقربها لأخر مرة .. كان نفسى اللحظة دى تكون فى وقت تانى و موقف تانى بس للأسف مش كل حاجة فى الدنيا دى بنبقى عايزينها بتحقق .. مش كل شخص بنبقى نفسنا نكون معاه لاخر العمر بيبقى لينا .. و مش دايما كل اللحظات الحلوة اللى بنبقى نفسنا تدوم بتكمل .. أد ايه قلبى واجعنى .. و أد ايه نفسى الزمن يقف بينا فى اللحظة دى .. بس للأسف مينفعش
انتى طالق
بعدت عنها و قمت من مكانى و انا بهرب من نظرة الانكسار اللى فى عينيها خرجت من الشقة و قفلت الباب و فضلت واقف اودامه و انا حاسس بقلبى هيطلع من مكانه صوت عياطها العالى وصل لحد عندى سامعها و هى بتقول لباباها انا خسرته و بتكررها وسط عياطها غمضت عينى و دموعى نزلت على خدى .. المقدم مراد عز الدين بيعيط و عشان واحدة ست !! دى حاجة لو صحابى شافوها عمرهم ما هيصدقوا عينيهم .. بس انا فعلا كنت تعبان بطريقة متخيلتهاش .. اول مرة احب و اول مرة اتوجع كدة .
بس متأكد إن كل ده هيعدى .. و إن اكيد لسة فى خير هشوفه اودام .. و إن اكيد زى ما فى حب بيكسر فى حب بيداوى و وبيعوض .. هيجى اليوم اللى انا و هى ننسى فيه و نقوم من جديد .. اكيد ربنا شايلنا حاجة احسن حتى لو بعيد عن بعض 
و بعدين يا بابا 
بس يا ستى .. و بعديها بكام سنة قابلت مامتك .. و كانت
هى العوض بالنسبة لى عن كل لحظة وحشة عشتها فى حياتى .. و لو عشت عمرى كله مش هعرف اوفيها حقها على كل لحظة حلوة عيشتهالى
يا سلام يا سلام .. طب و طنط يارا عملت ايه
اتنهدت و قلت 
طنط يارا يا ستى دخلت فى حالة نفسية مش كويسة كدة لفترة .. بس بعدين استجمعت نفسها من تانى و وقفت على رجليها و اشتغلت فى شركة أدوية كبيرة و اثبتت نفسها فيها و بقا ليها منصب حلو ..
عمى ميصحش ج الاخير
و مدير القسم اللى هى شغالة فيه اعجب بيها و اتجوزوا و الحمدلله عايشين مرتاحين مع بعض
امممم .. انت حكايتك طلعت حكاية
ملخص الحكاية بقا يا زئردة انتى و اللى هيبقى حكمة عيد ميلادك ال 18 .. فى اى علاقة تدخليها يا حبيبتى اوعى تدى اكتر ما بتاخدى .. لو خطيتى خطوة متخطيش التانية غير لما اللى اودامك هو كمان يخطيلك زيها .. اوعى تبقى مترددة و خاېفة .. الخۏف ده حاجة وحشة اوى فى كل حياتنا عامة و بيخلينا مش عارفين نقرب من حاجات كتير لو قربنا منها أصلا مش هتأذينا فى حاجة .. و اخر حاجة بقا .. متخليش حد يفرض عليكى حاجة انتى مش عايزاها و اوعى تفضلى مع حد مش مقدرك أو مش بيحترمك حتى لو بيحبك و بېموت فيكى .. الحب لوحده مش كفاية ماشى يا حبيبة بابا 
حاضر يا روح حبيبة بابا
باستنى من خدى فضحكت سيبتها بعد كدة و رجعت اوضتى قربت من نسمة اللى كانت قاعدة على طرف السرير و مندمجة مع المسلسل التركى اللى هيلحس دماغها 
مالك يا مراد 
مش عارف بس حاسس انى بحبك اوى النهاردة
النهاردة بس 
النهاردة و فى كل وقت و كل ثانية
ضحكت و قالت 
و انا كمان بحبك بعدد كل مسلسل تركى اتفرجت عليه فى حياتى
ياااه بتحبينى للدرجة دى !
ضحكتها تانى بصوت عالى فضحكت معاها و قعدت جمبها اتابع معاها المسلسل و انا شغال تريقة على الابطال و الحمدلله ربنا عوضنى .. و رزقنى بنسمة اللى نورتلى حياتى .. يارا تعبت فى حياتها فى الأول شوية بس بعدين ربنا عوضها بزوجها اللى معاها دلوقتى .. كنت متأكد إن اخر كل ده خير .. و إن ربنا لو مش رايدلنا نصيب فى حاجة فهو شايلنا حاجة احسن منها .. احنا بس نصبر
تمت .. 
كيف بدأت و كيف انتهت ..