منتهي القسۏه بقلم آيات الرحمن
بيتها
زيزيهي فتره مؤقته بس لحد ما اشوف ليها بيت إيجار او اي حاجه
هيثم ولي البيت الايجار وبيتنا مفتوح ليها هي يعني هتذود علينا اي ما ربنا ساترها معانا اهو والحمد لله وكله بفضل دعواتها مامتك تفضل هنا وكل طلباتها اوامر
اكلها وشربها وادويتها من عيوني واهي بالمره تفضل في البيت مع الاولاد بدل ما احنا بنحتار هيفضلوا فين لحد ما نرجع من شغلنا
زيزي بجد يا هيثم انت عايز ماما معانا
هيثم وجود الناس اللي زي مامتك معانا هنا معناه ان في خير وبركه ودعوه حلوه الناس الكبيره دي
وجودها في البيت نعمه كبيره من ربنا اطلعي دلوقتي جهزي لينا كلنا الغذاء لحد ماابدل لبسي وجاي وماتتكلميش معاها في اي حاجه من اللي حصلت عشان نفسيتها ما تتعبش
هيثمماما ست اد الدنيا كلها وقلبها مفيش اجمل ولا احن منه دي لو عرفت هتطلب تاخدها تعيش معاها يلا بقي اطلعي
خرجت زيزي وجهزت الغداء وهيثم طلع واستقبل والدتها بكل احترام وكمان كان بيأكلها بإيديه
مر اسبوع ومعاملة هيثم لوالدة زيزي مااتغيرتش واهله كانوا بيزوروهم علي طول ووالدته بتفضل تتكلم معاها بالساعات بيحكوا عن ايام زمان هيثم ما فرقش بين حماته وامه
بيعاملهم زي بعض وبيفرح اوي بدعواتهم لحد ما يوم الباب خبط وكان عمرو راجع من شغله وعرف باللي زوجة اخوه عملته في والدته ولما راح يعاتبها قالت ان هو عليها
قعد مع والدته وكلمها وقال ليها هينتظرها يوم زواجه في القاعه عشان يحقق ليها امنيتها
والدتهم كانت دايما تتمني وتقول ليهم ان لازم يوم زواجهم كلهم تطلع تتصور معاهم هما وزوجاتهم وتختم رسالتها بزواج عمرو وكدا تبقي ادت مهمتها ع الارض في زواج وسترة اولادها
ومشي عمرو وراح شغله وجه يوم زواجه جهزت الام نفسها وراحت مع زيزي وزوجها علي القاعه عشان تحضر حفل زفاف ابنها الصغير وتتصور معاه زي اخواته
لكن حصلت حاجه غير متوقعه ان العروسه هاي كلاس خالص واهلها من طبقه غنيه جدا فرفضت ان والدته تقف وتتصور معاها خوف من تنمر صديقاتها عليها
خيرته بينها هي ووالدته وفي الوقت دا جيت صديقه ليها تسلم عليها هي وعمرو فسألتها علي والدة عمرو هي مين دي
فردت وقالت ليها علي والدة عمرو دي بتشتغل خادمه في بيت عمرو وجيت تشوف لو انا محتاجه اي حاجه تعملها ولا لا
تفتكروا رد فعل عمرو هيكون زي رد فعل موسي كدا
بقلمي أيات الرحمن
