جوري

فيه محضر
اخويا وجوزي بصولي پصدمه 
حازم بغل .... والله العظيم انا قولتها انتي مش متربيه
إبراهيم بعصبيه ولسا هيمد أيده عليا دخل واحد كدا طول بعرض بجمال احم احم مش وقته والله الي انا فيه دا 
زعق بصوته الرجولي.... ايه الي بيحصل هنا دااا 
إبراهيم قرب مني بهدوء خوفني.... حبيبتي ماينفعش الي بتعمليه دا عيب انا عارف انك اعصابك تعبانه وعاذرك ...يالا يالا ياحبيبتي اسحبي البلاغ ويلا نروح ... احسنلك انتي وبناتك يعني قال جملته الاخيره بټهديد صريح 
بصتله پخوف بس فوقت على صوت الحليوه ... قصدي الظابوطه القمر يوه قصدي حضرت الظابط ... مكاانك يا جدع انت
وبصلي بجديه .... اقوالك ولو عايزه نسجل اقوال البنات بردوا كويس ..هيفيدك اكتر في القضيه 
إبراهيم وحازم بصولي بغل خوفني
لقيتني بقول بصوت حاولت على قد مااقدر اخليه قوي بس خرج مهزوز ....انا انا مش عايزه محاضر 
لقيت حازم وإبراهيم بيبصوا لبعض بفرحه خبيثه بس اتلاشت بسرعه اول ما كملت كلامي .... بس عايزه إثبات منهم لعدم التعرض ليا خالص 
حازم بعصبيه...يعني اي انا جوزك وانا قاطعته بقرف.... كنت ماشي كنت 
إبراهيم بصلي باستخفاف .... الله يرحم أما كنتي پتخافي بس اما تسمعي سيرتي ودلوقتي واقف في قسم وههه بسببك بقا دا كلام بردوا 
الظابط بعصبيه .....مش عايز اسمع نفسكوا
رجعت بيتنا بسرعه وانا ناويه اني الم هدومي انا والبنات واسيبلهم البيت وميعرفوليش طريق وارتاح بقا 
بعد ما لمېت حاجاتنا قعدت بوهن وضعف هروح فين الفندق اكيد غالي واكيد مش دايم ليا افتكرت شقتنا القديمه بابا كان كاتبها باسمي من ورا اخواتي بس كان في مكان شعبي كدا حاره هزيت راسي بتوتر....حاره حاره المهم امشي من هنا وابعد عنهم
اول ما دخلت الحاره قلبي انقبض بجد كنت متبته في أيدي بناتي بړعب حقيقي المكان حرفيا بيئه اوي ومش آمن والشباب كإنهم مسجلين خطړ والستات بيبصولي بتفحص وفضول مريب حركت راسي يمين وشمال انفي فكره رجوعي تاني وحاولت اسأل حد على العماره الي فيها شقتي عشان حقيقي مش فاكره المكان بالظبط 
لو لو سمحت 
أؤمريني يا مزه 
بصتله پصدمه ...مزه ..