ملاكي الصامت
المحتويات
أمامهم
سليم والله انا كل أما احاول اسيبكوا وأدور ليكوا على حاجة حلوة عملتوها مش لاقى وبعرف حاجات بتخلينى عايز ادفنكوا وانتوا صاحيين .....انا مش عارف انتوا ازاى أهل انتوا متستحقوش تخلفوا أساسا بس شوف ربك اداكوا ملاك وانتوا شياطين
الأب شوف انت عايز ايه واحنا نعمله بس ارجوك سيبنا
سليم هو انتوا أهل عشق الحقيقين
الأب ايه السؤال ده طبعا أهلها
سليم لأ الصراحة اصل انا عمرى ما شوفت أهل بيكرهوا بنتهم بالطريقة دى
الأب بتوتر ومين قال أن إحنا بنكرها
سليم يا راجل !! يعنى بعد كل التصرفات بتاعتكوا دى وعايزنى اقول انكوا بتعشقوها مثلا
سليم قصدى انكوا فى حاجة مخبينها وانا هعرفها بطريقتى ..... سلام
أحمد استنى احنا مكلناش ولا شربنا من تلت ايام
سليم وايه يعنى مش مهم
الام انت ايه مش انسان بنقولك ھنموت من قلة الاكل والمايه
سليم پخوف ايه اللى بيوجعك
عشق ايه ده هو انت كنت صاحى
سليم فين المكان اللى
سليم طب يلا نلبس ونصلى علشان هنخرج
عشق هنروح فين
سليم الملاهى
عشق بفرحة بجد هنروح الملاهى
سليم بجد يا قلب سليم
عشق بحزن لأ بلاش نبقى نروح فى وقت تانى
سليم وليه مش النهاردة
عشق عادى
سليم فى ايه يا عشق
عشق اصل الملاهى بتبقى مليانة ناس كتير وانا مش عايزة ادايق حد وانت عارف انى دلوقتى مش بشوف
سليم لأ والله ما بهزر ويلا علشان منتأخرش باليل ...يلا اساعدك علشان تتوضى ..
عشق سليم نزلنى قولتلك قبل كدة انى بمشى لوحدى
سليم وانا قولتلك قبل كدة انى بحب اشيلك
عشق انت قليل الادب على فكرة
سليم عارف على فكرة
ذهب سليم وعشق إلى الملاهى بعدما اطمئنوا على سميحة وحاول سليم أن ينسيها كل ما تعرضت له ويحسن من حالتها وجعلها تركب كل الالعاب فهو كان مثل عينها ولم تشعر أنها
لا ترى وعادوا فى المساء
عشق انا انبسط اوى يا سليم النهاردة كان احلى يوم فى حياتى
عشق تمام يلا ........سليم انت نمت
سليم اهلا فقرة أسئلة قبل النوم جت وانا عمال اقول هى اتأخرت ليه كدة
عشق انت بتدايق منى لما بسألك
سليم انا مستحيل ادايق منك يا روح قلب سليم
عشق وهو ده السؤال
سليم مش فاهم قصدك ايه
عشق انت ليه على طول بتقولى قلب سليم روح سليم عيون سليم كلية سليم فشة سليم هو انا اسمى مش عاجبك ولا ايه
اڼفجر سليم ضاحكا عليها وهى سرحت فى صوت ضحكته فهى لأول مرة تسمعه يضحك بهذه الطريقة
عشق ليه هو انا أرجوز علشان تضحك عليا
سليم وانتى يعنى مش بتحبى اناديكى كدة
عشق لأ مش قصدى ....اصل انت نادرا لما بتقول أسمى
سليم علشان انتى فعلا قلب وروح وعيون وكل حاجة فى سليم انتى ملكتى سليم
عشق انا فى حاجة عاوزة اعملها بس مكسوفة منك
سليم مكسوفة منى لأ يا حبيبتي اعملى اللى انتى عايزاه
عشق لأ خلاص مش مهم......يلا ننام
فهم سليم ماذا تريد أن تفعل ومسك يديها ومررها على وجهه كله على عينيه وخدوده وذقنه الخفيفة وشفتيه وشعره واذنه ....هو فهم أنها تريد أن تتخيل ملامحه ولكن محرجة منه ولكنه تفاجأ بها تقبل خده وتهمس فى أذنه وتقول ...
عشق بهمس شكرا ليك على كل اللى بتعملوه علشانى انا عارفة إنك هدية من ربنا ليا مهما عملت مش هعرف اوصفلك قد ايه انا فرحانة وعمرى ما فرحت بالطريقة دى ...تصبح على جنة
ستزيل الشاش من على عيونها بعد اسبوعين وكان سليم بجانبها طوال هذين الاسبوعين وخائڤ بشده عليها فهى تريد أن تسترجع بصرها وهو يريد أيضا ولكنها هى الأهم بالنسبة له فالطبيبة أخبرته أن نسبة نجاح العملية ضعيفة
جاء اليوم
الذى سوف تزيل فيه عشق الشاش من على عينيها وسليم جالس بجانبها يمسك يديها لكى يطمئنها ودادة سميحة معهم أيضا وظل يحدثها والطبيبة تزيل الشاش
سليم عشق حبيبتى انتى مؤمنة صح واكيد اللى هيجيبه ربنا حلو وانا الأهم عندى انتى
سميحة ربنا هيفرحك إن شاء الله يا بنتى
الطبيبة خلصنا اهو وشيلنا الشاش كله ودلوقتي فتحى عينك براحة وعلى مراحل
ظلت عشق تفتح عينيها عدة مرات وتغلقها لكى تتعود على اضائة الغرفة ووجدت الطبيبة وامرأة كبيرة فى حدود الأربعينات واقفة خلف الطبيبة وأشارت الطبيبة لها بيدها واصابعها وبالفعل نجحت العملية
الطبيبة مبروك يا جماعة العملية نجحت
جلس سليم أمام عشق ونظر إليها بدموع الفرح فى عينيه وهى سرحت فى ملامحه فهى رأته من قبل
قبل سليم يدها مبروك يا حبيبتى انا فرحان ليكى اوى ده احلى خبر فى حياتى
عشق ......
سليم ردى يا قلبى ....ساكتة ليه
عشق انا عارفاك
سليم باستغراب عارفانى !! عارفانى ازاى
عشق شوفت صورتك مع واحدة فى
متابعة القراءة
