ندم_العشق

وشامه ريحه البيتزا وهي متغاظه .. وفجأة باب اوضتها خبط ..
شوق قامت فتحت يا نعم ...
احمد عندي ليكي عرض هايل .. أنا جايب البيتزا حجم كبير وبطاطس وبيبسي .. تعالي كلي منها بس بشرط ..
شوق لا شكرا..
احمد ضحك وقرب منها خلصي بس انا عارف انك ھتموتي وتاكلي منها .. وشرطي الوحيد انك تعمليلي بكرا الباستا اللي انا بحبها نفسي اكلها من ايدك ..
شوق تصنعت التفكير و ربعت ايدها وقالت اممم مفيش مانع .. موافقه ..
احمد وشوق راحوا قعدوا على السفرة وبداو ياكلوا..
احمد طعمها حلو اوي ..
شوق تؤ اللي كلناها ف بورسعيد قبل كده كانت احلي ..
احمد ضحك وقال بتلقائية فاكره الموقف اللي حصل معانا هناك ..
شوق ضحكت الا فاكره .. دا انا كنت خاېفه اوي وعماله ابص حواليا يمين وشمال ل يطلع علينا حراميه ولا حاجة .. وانت عشان عارف ان انا عندي حساسيه من الناموس اديتني الجاكيت بتاعك احطه على شعري و دراعي وفضلت تعاني اسبوع بسبب قرص الناموس ..
احمد بصلها وقال وانتي فضلتي صاحيه جنبي تلاث ايام منمتيش حتى ربع ساعه على بعض عشان تحطي لي الكريم بانتظام وتبقي معايا ..
فضلوا مندمجين فترة ف الكلام والضحك ونسيوا كل مشاكلهم للحظه وكأن الزمن وقف بيهم .. وفجأة شوق بطنها وجعتها اوي وقامت جريت علي الحمام .. احمد قام وراها و ...
احمد_وشوق..
لو الاسكريبت جاب تفاعل هنزل الجزء التاني بالليل ..
ندم_العشق والأخير..
فضلوا مندمجين فترة ف الكلام والضحك ونسيوا كل مشاكلهم للحظه وكان الزمن وقف بيهم .. وفجأة شوق بطنها وجعتها اوي وقامت رجعت .. احمد قام وراها وقال ..
احمد مالك فيه ايه ..
شوق حاطه ايدها علي بطنها اااه بطني بتوجعني اوي اوي .. انت حطيت ايه في البيتزا يلا ..
احمد هحط ايه يعني ..
شوق مسكته من الجاكت لا لا اكيد حطيتلي سم عشان اموت وتخلص مني وتورث الشقه .. ما انا عرفاك واطي عايز تخلص مني ..
احمد مسكها اخرسي بقي .. حتي وانتي تعبانه لسانك طويل .. تعالي اديكي مسكن ..
شوق اااه مش عايزة منك حاجة .. الحقوني .. هيموتني ..
احمد هتموتك ايه يا عبيطه .. تعالي بس ..
شوق راحت معاه واحمد اداها مسكن لحد ما هديت شوية ..
شوق اه احسن .. كنت عايز تخلص مني يا احمد .. انا ياض تحاول تقتلني ..
احمد لا يا اختي ده بسبب الرمرمة اللي بتعمليها .. شوفي طفحتي ايه برا عمل فيكي كده ..
شوق امشي ياض من هنا ..
احمد بصلها بقرف وقال طيب خارج .. قال يعني خارج من الجنه .. انا هقوم اظبط حاجات ف الشغل ... وانتي اشربي اليانسون و بعدين نامي شوية ..
شوق طيب مش نايمه بقي واصلا عندي شغل مهم وعايزة اللاب علي فكرة يعني متفكرش تاخده ..
احمد پحده وانا كمان عندي شغل مهم عليه ومع اجانب كمان..
شوق مليش دعوه اللاب بتاعي وانت قولت كل واحد ليه حاجته وانا ورايا شغل ..
احمد وانتي قولتي كل حاجة بالمعاد... و ده معادي ..
احمد