ليله الډخله
قوليلي بقا يا مدام.. أنتي رفعتي قضية خلع على جوزك ليه
الأستاذ المحترم طلع مبيعرفش
نعم!!!!.. حضرتك بتقولي ايه
ايوا والله زي ما بقولك كدا.. انا لسة بنت
اكيد طبعا مستغرب من البداية دي.. بس خلي بالك انا مستغرب زيي زيك بالظبط لاني مكنتش اعرف انها هتوصل ل كدا.. انا كنت زي أغلب شباب اليومين دول خلصت الجامعة وطبعا قعدت في البيت لاني مش لاقي شغل.. سنة ورا سنة ورا سنة لحد ما كملت 4 سنين وانا قاعد في البيت او تحديدا بالظبط مكنتش قاعد بس كنت بشتغل شغل مش هيقدملي اي حاجة.. لحد ما كنت بكلم واحد صاحبي بالصدفة وحكيتله على ظروفي وقالي
والصراحة مكنش بيكدب لاني بعد 3 شهور بالظبط كنت مسافر في إحدى الدول الخليجية.. اشتغلت هناك بكل طاقتي لدرجة ان عدد ساعات شغلي كان ساعات بيوصل ل 16 و 17 ساعة في اليوم.. بشتغل ليل نهار عشان اقدر ابني نفسي والحمدلله ربنا مبيضيعش تعب حد وفي خلال 8 سنين عملت فلوس كويسة جدا جدا و ربنا كرمني وفتحت اول شركة استيراد وتصدير وبفضل الله برضو كانت الدنيا ماشية بشكل كويس جدا لحد ما قررت ارجع بلدي تاني وهنا بداية المشكلة.. اول ما رجعت طبعا و امي شافت اللي انا بقيت فيه.. زي اي ام مصرية قالتلي
وكأن سعادتهم وتغيير مسار الكون هيحصل بسبب جوازي.. بس أنا طبعا زي ابن مصري رديت عليها وقولت
مش دلوقتي يا ماما.. بعدين انا مش فاضي
وهنا بيحصل اختلاط في المشاعر متعرفش سببه ايه وتبدأ برضو زي ام مصرية ټعيط وتقول
حرام عليك يا ابني.. ليه عايز تحرمني من اللحظة دي.. انا نفسي اشوف عيالك قبل ما اموت.. نفسي افرح بيك
اتفضل العصير يا ياسين
ابتسمت ومديت ايدي وخدت الكوباية ولكن تحصل المفاجأة الغريبة الغير متوقعة بالمرة والعصير يقع على العروسة.. لما بصيت على العروسة لقيت وشها اتحول والابتسامة اختفت ولقيتها بتزعق وتقول
حيوان!!.. انا حيوان!!.. اهه يا بنت الكااالب
وفي اقل من ثانية كنت ضړبتها بالقلم وقومت من مكاني وقولت
يلا يا ماما.. انا مش هقعد في البيت دا دقيقة واحدة
اما بقا تاني عروسة كانت..
ايه يا ياسين اظن البت مفيهاش غلطة.. ادب وأخلاق لا واكلها تحكي عنه بلاد .. شوفت المحشي بتاعها عامل ازاي يا ولا.. دا ولا كأنه لسان عصفور ههههه
اما تالت عروسة كانت
والله يا ياسين انا قلبي حاسس ان البت دي هتبقا من حظك ونصيبك.. زي القمر ما شاء الله عليها ولا انت ايه رأيك
لا يا ماما لا مش هي دي.. ماما انا عايز واحدة كيرفي.. عايز واحدة بطل.. عايز واحدة تكون شفايفها محطوط عليها ليب استيك ميديام.. واهم حاجة يكون مشروم يا ماما.. فاهماني
بقولك ايه يا ياسين.. احنا هنروح نزور ناس بكرا جهز نفسك
من عنيا يا ست الكل
كنت متوقع اروح واعمل زي كل مرة بس اتفاجأت لما شوفتها.. قمر لا لا دا مش قمر دا قمرين تلاتة يا جماعة والله.. كانت اسمها أميرة.. مكنش فيها غلطة هادية جدا وقمر جدا جدا و رقيقة و جامدة.. جامدة اوي يعني أوي أوي اووف.. و دا اللي خلاني اتسرع اكتر و اطلب الجواز علطول لاني من أنصار التعارف وقت الجواز بمعنى اننا ممكن نتعرف على بعض واحنا متجوزين وساعتها الحياه هتبقا ممتعة أكتر وهنبقا عارفين نعمل اي حاجة براحتنا من غير اي قيود
وفعلا حصل واتجوزنا و دلوقتي جات اللحظة المناسبة.. اللحظة اللي بيحلم بيها أي راجل.. لحظة اننا اتقفل علينا باب واحد وبقينا لوحدنا.. وطبعا انت فاهم معنى كلمة لوحدنا دي..
ايه مش هتغيري الفستان دا
لا انا هنام بيه
قدام مرايتها عادي تتدلع براحتها.. لا بتكلم بجد قومي غيري الفستان دا بقا
انا مرتاحة فيه يا ياسين
يا حبيبة قلب ياسين عشان تبقي على راحتك بدل هو خاڼقك كدا
طب اطلع برا
اطلع برا!!.. اطلع برا ليه
هغير
لا هقلق عليكي أوي وانا برا .. ممكن تغيري وانا مش هبص
الله بقا يا ياسين ما تطلع خليني اعرف ااخد راحتي
طب براحة.. براحة شوية شوية علينا يا شيخة
يلا بقا اطلع
دا انا هطلع أوي.. هطلع خالص
لقيتها ابتسمت وبصت في الأرض
ايوا بقا.. ايوا بقا.. تعالى يا احمد تعالى اوعا تبعد
ايه اللي جاب مزاجنجي هنا في أوضة نومي
سوري يا أميرة الميكس دخل في بعضه
طب ايه
ب غمزة ايه
مش هتطلع بقا
هطلع اهو
خدت هدوم معايا من الدولاب وخرجت برا وهي قفلت الباب بالمفتاح.. وانا دخلت خدت دش.. خلصت و غسلت سناني وبدأت اظبط شعري و طبعا منستش البرفيوم .. خرجت من الحمام وخبطت عليها.. ردت عليا
ادخل
دخلت لقيتها... لقيتها نايمة تحت البطانية لا دي مش نايمة دي مدفونة تحتها
ايه اللي أنتي عاملاه دا يا أميرة
لون البطانية عجبك صح.. كان فيه منها أحمر و تيركواز.. جبت انا اللون الأحمر عشان انت بتحب التيركواز
جميل يا حبيبتى جميل اوي بس انا كنت عايز اشوف اللون الأحمر دا في قميص النوم مش في البطانية خالص
اتلم يا ياسين
طب هو الجو مش حر بالنسبالك
لا حر ايه دا تلج أوي
تلج أوي فعلا بأمارة انك مشغلة التكيف
بعملك جو حلو في الأوضة يا ياسين الله
بالشكل دا مكنش عندي اي حلول خالص.. دخلت نمت جنبها تحت البطانية واستسلمت للأمر الواقع بس وانا بعدل نفسي لقيت ايدي لمست جسمها بالصدفة.. شيلت البطانية بسرعة من عليها و اټصدمت من اللي انا شوفته.. كانت لابسة قميص اسود قصير جدا جدا.. ساعتها معرفتش اسيطر على نفسي وبدأت ابوس فيها.. وهي كانت نايمة ومستسلمة ليا تماما بل بدأت هي كمان تندمج معايا.. كنت مستمتع جدا.. مكنش في اي كلام يقدر يوصف اللي انا كنت فيه.. بعدها قلعت هدومي وكملت لحد ما هي كمان قلعت وبدأت جرعة المتعة تعلى أكتر واكتر لحد ما كل حاجة وقفت في ثانية لان تليفوني رن.. مكنتش مهتم بيه لكنه رن أكتر من 10 مرات.. قومت و رديت.. كان عبدالله المساعد بتاعي وكانت المفاجأة
ياسين انت لازم تيجي حالا
ااجي فين انت مچنون.. النهاردة ډخلتي
مينفعش يا ياسين الموضوع خطېر.. بضاعة المعلم عبدالغني ڠرقت يا ياسين
نهار ابوكو اسود.. ڠرقت ازاي
لازم تيجي حالا عشان نشوف حل في المصېبة دي
اتنفضت من على السرير وقومت بسرعة لبست
انت رايح فين يا ياسين
عندي مصېبة في الشغل ولازم الحقها
نعم!!.. انت هتسافر دلوقتي
مش وقتك خالص يا أميرة.. انا في کاړثة دلوقتي.. هسافر ولما ارجع نتكلم
خدت موبايلي ومفتاح العربية والباسبور و سوقت بأقصى سرعة للمطار..
فلاش باك
بص يا استاذ ياسين انا عايزك تنقل البضاعة بتاعتي من مصر ل كينيا
بس انت عارف يا معلم انها مش اختصاصي.. انا شركتي استيراد وتصدير فقط مليش علاقة بالشحن
لا لا شحن ايه بس البضاعة دي مينفعش اي حد يشوفها
ليه يا معلم هي ايه بالظبط
بودرة
اممم وجايلي انا اعملك ايه بقا
اسمعني بقا.. انا عايزك تحط البودرة جوا اي حاجة انت بتصدرها.. وهتبعتها للناس بتاعتي في كينيا وشكرا ليك على كدا وهتاخد مكافئتك كمان.. ايه رأيك
انت فاهم انت بتقول ايه يا معلم.. لو حد فتح البضاعة دي وشاف اللي جواها هنروح في داهية
ماهي دي بتاعتك بقا يا استاذ ياسين.. انت دورك انك تأمن البضاعة
وهاخد كام
2 مليون جنيه.. بس خلي بالك البضاعة دي تمنها 15 مليون يعني خلي بالك منها كويس اوي
باك
وصلت المطار واكتشفت ان لسة فاضل على الرحلة 3 ساعات.. حجزت وفضلت قاعد مستني لحد ما معاد الطيارة جه.. مكنتش
بفكر في اي حاجة غير اللي حصل واني ممكن اخسر كل اللي انا عملته بسبب البضاعة دي.. تعب السنين اللي فاتت كلها ممكن يروح في ثانية.. اخيرا وصلت هناك و دخلت مكتبي لقيت المعلم عبدالغني قاعد مستنيني
ايه اللي حصل يا معلم
حمدالله على سلامتك.. انا لما قالولي انك جاي من مصر مصدقتش والله.. قولت مش معقول هتسيب ليلة دخلتك وتيجي
سيبك من ډخلتي دلوقتي.. خلينا في المصېبة اللي احنا فيها دي.. البضاعة ڠرقت ازاي
متقولش كدا بعد الشړ.. البضاعة سليمة الحمدلله
سليمة!! سليمة ازاي
انا اقولك.. لما اتفقت معاك انك تنقل البضاعة بتاعتي كان لازم انا كمان اعمل احتياطاتي اصل أنا أحب احط التاتش بتاعي وخليت مركب من عندي تطلع ورا الكونتينر اللي في البضاعة بتاعتي لزوم الأمان مش أكتر.. بعدها عرفت ان الناس اللي انا متفق معاهم في كينيا ناويين ېغدرو بيا وانا خلاص معنديش حل تاني ولو البضاعة وصلت هناك محدش هيعرف يرجعها تاني وهنا جاتلي الفكرة.. رجالتي سيطرو على الكونتينر بتاعك ونقلوه ل المركب عندي وبس كدا الموضوع بسيط
امال ايه موضوع ڠرقت دا
ماهو بعد ما الرجالة خدت البضاعة.. واحد منهم ضړب طلقة في السفينة اللي محملة الكونتينر ف ڠرقت
والرجالة اللي كانو على السفينة
متقلقش بخير
طب ما كنت تقولي.. بتتصرف انت ليه من دماغك وحتى مقولتليش لا وكمان جايبني من مصر لحد هنا في يوم فرحي
هدي اعصابك بس.. كل شئ له تمن.. انت كنت هتاخد 2 مليون جنيه.. هزودلك عليهم 3 مليون نقطة فرحك وكله لاجل عيونك بس.. المهم ميبقاش في زعل بينا
خلصت مقابلتي معاه و روحت فندق قريب من الشركة عشان ارتاح شوية وقبلها كنت كلمت عبدالله عشان يحجزلي في طيارة بكرا.. اول ما استلمت الأوضة في الفندق دخلت نمت محستش بنفسي غير لما قلقت على صوت رنة التليفون.. كانت الساعة 6 الصبح.. قومت رديت
ايه يا عبدالله
الطيارة معادها الساعة 9.. قوم جهز نفسك
دخلت خدت دش.. خرجت لبست وفطرت لإني مكنتش كلت أي حاجة .. بعدها نزلت و روحت المطار قابلته هناك
التذكرة اهي.. خلي بالك من نفسك
خلي انت بالك من الشغل.. مش هوصيك يا عبدالله
ركبت الطيارة عشان ارجع ل بيتي و أحاول اصلح اللي انا عملته امبارح.. بعد 4 ساعات وصلت مطار القاهرة.. خرجت و ركبت عربيتي و رجعت البيت.. دخلت الشقة لقيت مفيش اي صوت.. لحد ما لمحتها واقفة في البلكونة.. اتمشيت براحة لحد ما وصلت عندها.. كانت قاعدة باصة على الشارع
انا رجعت
ملقتش منها أي رد
نزلت على رجلي وبقيت قريب منها ومسكت ايدها وبوستها
انا اسف
شدت ايدها مني وقامت دخلت جوا.. قومت انا كمان وراها
أميرة انا مكنش قصدي
مكنش قصدك ايه بالظبط.. انك تسيبني وتمشي ليلة فرحنا ولا الموقف اللي كنت فيه لما اهلك واهلي كانو هنا ويسألوني عنك وانا مش عارفة ارد اقول ايه.. ولا نظراتهم ليا ولا احساسي وانا عارفة هما ممكن يكونو شايفني ازاي دلوقتي ولا حتى لما انت سافرت مفكرتش تتصل بيا وتطمني حصل ايه.. مكنش قصدك انهي واحدة فيهم بقا
قربت منها وخدتها في حضني
بجد انا اسف.. أوعدك مش هتتكرر
كانت بټعيط وهي في حضني.. طبطبت عليها كمحاولة اني اخليها تهدا.. بعدها قعدنا على الكنبة وحكيتلها على اللي حصل كله ولكن طبعا مذكرتش موضوع البودرة
طب انا هقوم احضرلك الاكل
هو في عروسة زي القمر كدا تقوم تقف في المطبخ برضو
امال هنعمل ايه
هنخرج طبعا.. ادخلي البسي يلا هنتغدا برا
كان لازم برضو اصالحها للاخر.. وفعلا خرجنا واتغدينا برا و لفينا بالعربية و كلنا ايس كريم وحلويات كتير.. كنت حاسس فعلا اني مبسوط لانها كان باين عليها أنها مبسوطة و دا اهم حاجة عندي.. مش عايز اكلمكو على ضحكتها وجمال ضحكتها.. عليها ضحكة تسحر القلب وتدوبه كدا.. قضينا وقت لطيف جدا برا.. بعدها روحنا البيت اول ما دخلنا من باب الشقة وقفلنا.. مسكتها من رقبتها ومسكت شفايفها ب شفايفي و دوبنا في بوسة طويلة مفوقناش منها غير لما دخلنا اوضتنا وبدأنا نقلع هدومنا احنا الاتنين بعدها
نامت قدامي على السرير مكنتش عارف حتى اكون هادي من كتر جمالها.. بس واحنا مع بعض حصل حاجة غريبة جدا.. انا مكنتش قادر.. جسمي كان بيترعش أو حاسس ان اعصابي سايبة و طبعا دا أثر على الليلة بتاعتنا
انا فيا حاجة غلط
معلش يا حبيبي مش شرط النهاردة.. ماهو انت برضو مكنتش بتريح نفسك خالص الايام اللي فاتت.. لازم تهدا شوية يا ياسين
هو أنتي بتكلمي واحد عنده خمسين سنة.. في ايه يا أميرة
ايه يا حبيبي هدي نفسك محصلش حاجة.. عادي بتحصل
قومت من جنبها ونمت برا على الكنبة في اليوم دا.. انا مكنتش كدا.. انا حاسس بحاجة غريبة.. فضلت في اليوم دا صاحي لحد تاني يوم.. لقيتها صحيت وخرجت من الأوضة الساعة 2 الضهر
صباح الخير.. انت نمت هنا ولا ايه
اه
ليه يا ياسين.. ليه كل دا.. يا حبيبي قولتلك عادي و رجالة كتير بيحصل معاها كدا
بس انا مش كدا
نجرب تاني يا حبيبي عادي.. وأنا بقا هعملك اكلة تخليك اسد
قامت وسابتني وبدأت تحضر الاكل وفي خلال 3 ساعات كان الاكل جاهز و قعدنا ناكل
تسلم ايدك يا حبيبتي
عجبك الاكل
اي حاجة من ايدك هتبقا حلوة طبعا
طب ما تشرب العصير بقا وتقولي رأيك
بدأت اشربه
هاا حلو
احلى منك مستحيل
يوووه بقا بتكسف يا ياسين
بحبك
بقلم عمرو راشد
شيلتها و دخلت بيها على الأوضة.. كنت حاسس اني افضل شوية ولكن لسة في مشكلة.. خليني اوصفلكو الوضع بالظبط الليلة بدأت كويس ولكن معداش ربع ساعه وبدأت اتعب تاني والليلة باظت اتعدلت وقومت من جنبها
عادي يا حبيبي ولا يهمك
انتي فاكراني ايه.. انا كويس مفيش فيا حاجة
امال مالك
معرفش انا هتجنن
قومت من جنبها وغيرت هدومي ونزلت ركبت العربية وفضلت ماشي في الشوارع مش عارف انا رايح فين.. لفت انتباهي وانا ماشي إعلان في الشارع مكتوب عليه
فريد محمود اخصائي نفسي
نزلت من العربية و طلعت العمارة اللي فيها الإعلان.. العيادة كانت في الدور التالت.. الباب كان مفتوح دخلت جوا مكنش ف اي حد في العيادة.. وأنا داخل لقيت اللي بيفتح باب الأوضة وبيخرج وهو مبتسم وقال
مساء الخير
هي دي عيادة صح
انا معاك انها شكلها غريب شوية و طبعا هتستغرب ان مفيش سكرتيرة بس انا مش بحبهم عشان كدا انا فاتح العيادة دي لوحدي
انا مسألتش عن كل دا
لازم تعرف برضو ماهو انت مش غريب
هو انت الدكتور فريد
صح برافو عليك انا الدكتور فريد
طب بقولك ايه انا عندي مصېبة وانا مش لاقي غيرك قدامي
وانا معاك اهو.. احكيلي هو انت مش طول عمرك بتعتبرني اني زي اخوك الكبير
هو انا اعرفك يا عم انت.. انت عايز تجنني
اهدا طيب وتعالى اتفضل ادخل معايا على االأوضة
دخلت الأوضة وبعدها طلب مني انام كرسي الشيزلونج
احكيلي بقا يا استاذ..
ياسين
احكيلي يا ياسين و اسمحلي اقولك يا ياسين من غير استاذ.. احنا خلاص بقينا صحاب
قومت واتعدلت من مكاني
تاني هتقولي صحاب تاني
خلاص هدي نفسك.. واحكيلي بقا
انا متجوز من 4 ايام
يااااه بقا يااعم الف مبروك
مفيش اي حاجة تفرح.. انا لحد دلوقتي مش عارف اعمل حاجة
مش عارف تعمل حاجة ازاي.. ممكن تفهمني
في ايه يا دكتور.. احنا رجالة زي بعض ما تركز شوية بقولك مش عارف اعمل حاجة
خالص
خالص
انت بتشرب حاجة
لا
طب خدت حاجة من الحاجات إياها دي
مالك يا دكتور.. انا كويس مش محتاج حاجة
لو انت كويس كنت عرفت تعمل حاجة
هو انا جايلك ليه أصلا
عشان مفيش قدامك غيري.. انت نسيت ولا ايه
انا محتاج حل.. انا مش هعرف اعيش كدا
ولو انه مش اختصاصي بس انا هحاول اساعدك.. هسألك سؤال بس تجاوبني بصراحة
اتفضل
انت بتتفرج على حاجة كدا ولا كدا
لا خالص
طب انت جربت تقرأ كتاب مفصل عن ليلة الډخلة
كتاب عن ايه!!
كتاب بيشرح ليلة الډخلة واللي بيحصل فيها وبيفهمك تعمل ايه بالظبط
طبعا لا مجربتش اعمل حاجة زي دي
امال انت بتعمل ايه ماهو مفيش حد محترم كدا
هو في ايه يا دكتور هو انا جايلك عشان تعايرني
انا عندي ليك حل انا ممكن اكلمك وانت مع
مراتك
يعني ايه
يعني انا هكلمك وانت في الأوضة معاها وقبل ما تبدأ بينكو العلاقة هكون قايلك تعمل ايه بالظبط!!
عمرو_راشد
في_ليلة_الدخلة
يتبع
يعني انا هكلمك وانت في الأوضة معاها وقبل ما تبدأ بينكو العلاقة هكون قايلك تعمل ايه بالظبط
انت اټجننت ولا ايه.. عايز تسمع اللي بيني وبين مراتي
ماهو انت لو مسمعتش كلامي مش هتعرف تعمل حاجة
شوف اي حل غير دا
زي ايه مثلا.. مش ناقص غير اني ااجي واتفرج عليكو
لا دا انت قليل الادب بقا
اعملك ايه ماهو انت اللي مش عايز تفهم.. انا مفيش في ايدي حاجة اعملهالك تاني ف يإما تسمع كلامي أو تتفضل من هنا ومتضيعش وقتي ووقتك
انا فعلا شكلي غلطت لما جيت ل واحد مچنون زيك
ابقا طمني عملت ايه النهاردة في ليلتك يا عريس هااا
مشيت وتجاهلت كلامه المستفز وحلوله اللي مستحيلة تحصل طبعا.. انا مش هينفع اعمل كدا نزلت من عنده و ركبت عربيتي و روحت البيت.. دخلت الشقة بس لقيت النور مطفي.. دخلت الأوضة بتاعتنا لقيتها نايمة.. بوستها من راسها وغطيتها وخرجت.. الموضوع صعب جدا عليا اني اقبله لان دي مش حاجة سهلة دا موضوع حياه أو مۏت متخيل انك تعيش مع مراتك زي الأخوات متخيل هي هتبقا شايفاك ازاي وحتى لو هي قبلت ودا مستحيل طبعا طب تخيل شكلك قدام نفسك كل ما الفكرة بتيجي في دماغي بتجنن وببقا مش قادر حتى افكر فيها مش اشوفلها حل.. كنت عطشان جدا بصيت لقيت ازازة مية جنبي.. خدتها وشربت منها و حطيتها على جنب ونمت على الكنبة.. صحيت تاني يوم على صوتها وهي بتصحيني
صباح الخير يا احلى حاجة حصلتلي في حياتي
صباح النور
برضو نمت على الكنبة يا ياسين.. انا معرفش ليه مبتنامش جوا
انا برتاح هنا أكتر
طب يا حبيبي دا انا مراتك واحنا لسة عرسان جداد.. ينفع تسيبني انام لوحدي كدا
قربت مني وكانت لسة هتبوسني لكن بعدت عنها
معلش يا أميرة انا مش فايق دلوقتي
ياسين انا مش عايزة اللي حصل دا يعمل فيك كدا.. انسا واتعامل عندي انا مش زعلانة
برضو بتحسسيني اني عندي 70 سنة وان المفروض دي طبيعتي
لا مش قصدي بس الموضوع دا بيحصل عند ناس كتير.. ممكن يبقا بسبب التوتر والخۏف خصوصا لو انت معندكش علاقات قبل كدا
لا معنديش زفت قبل كدا
طب يا حبيبي يبقا متقلقش.. كل حاجة هتيجي بالهدوء بس انت متبقاش زعلان كدا
خلاص قومي وشوفي لو وراكي حاجة اعمليها
انا معنديش غيرك النهاردة.. انت النهاردة بتاعي انا لوحدي.. هنقضي اليوم كله مع بعض
ياادي المصېبة.. ياااادي الکاړثة
لا يا أميرة مش هينفع.. اصل انا عندي شغل النهاردة
تاني يا ياسين.. شغل تاني
معلش يا حبيبتي مش هتأخر
قومت بسرعة من جنبها و دخلت اغير هدومي ونزلت.. متخيلتش ان في يوم هييجي واهرب فيه من مراتي ومش اي هروب.. دا انا بهرب بدل ما اتفضح.. المشكلة اني معنديش حد اروحله ولا عارف احكي لمين واكيد طبعا مش هينفع احكي ل امي.. للاسف مضطر اقولها ان مكنش قدامي غيره.. روحتله العيادة تاني.. دخلت من الباب وبرضو كان مفتوح ومفيش أي مرضى.. روحت على الأوضة بتاعته وخبطت عليه.. رد عليا من جوا
ادخل
فتحت الباب و دخلت لقيته واقف بيعمل.. بيعمل اندومي
والله كنت عارف انك هترجع تاني
بذمتك في دكتور محترم ياكل اندومي
بس بالخضار
يعني ايه بالخضار يعني.. كدا بقت صحية يعني
لا بس بنتجنب الاضرار على قد ما نقدر.. المهم قولي ايه جابك.. أنتي مش قولت عليا امبارح اني مچنون
و لسة عند كلامي مغيرتوش
طيب ايه اللي جابك بقا ولا الهوا اللي رماك
دكتور انت ولا نباطشي ولا مهنتك ايه
هو الدكتور دا مش بني آدم ولا ايه
المفروض يبقا بني آدم راقي و عاقل و ذوق
شكلك مضايق عشان مقولتلكش اتفضل معايا وبعدين الصفات اللي انت بتقولها دي بتاعت واحدة اربعينية مطلقة عايزة واحد جاد للتعارف
حد قالك انك رغاي جدا
كتير بس وحياتك ما بهتم
طب دلوقتي انا عندي مشكلة.. انا مبقتش على طبيعتي.. انا بقيت اهرب من البيت متخيل.. النهاردة كانت ناوية على ليلة بس انا
هربت.. انا شكلي بقا وحش أوي قدامها
قولتلك على الحل وانت مش عايز تسمع كلامي
وانت برضو عارف ردي
خلاص انا معنديش حاجة تانية اقولها
يا فريد انا معنديش غيرك دلوقتي.. حاول تساعدني بأي طريقة واللي انت عايزه هتاخده بس ساعدني اتخلص من اللي انا فيه دا
انا مبيهمنيش الفلوس عشان تكون عارف بس انا هحاول اساعدك.. انا عايزك ترجع بيتك دلوقتي وتكمل الليلة اللي مراتك عايزاها
انت عارف اني مش هقدر
متقلقش انا هبقا معاك
معايا ازاي
يعني انا هكلمك وهقولك تعمل ايه في كل خطوة
بقلم عمرو راشد
نزلت و ركبت العربية بسرعة و رجعت البيت.. لقيتها قاعدة فاتحة التلفزيون ومش مركزة معاه اساسا.. قربت منها
القمر دا قاعد زعلان كدا ليه
انت ايه اللي جابك بدري.. مش قولت عندك شغل
لغيته عشانك.. ماهو مش معقول اشوفك زعلانة وامشي عادي كدا
بجد يا ياسين
بجد يا روح قلب ياسين
يعني النهاردة بتاعي
بتاعك لوحدك
طب انا هدخل ااخد دش وانت اطلبلنا دليفري عقبال ما اخلص
وفعلا دخلت وأنا طلبت الاكل بعدها دخلت اغير هدومي.. فضلت قاعد مستني ساعة لحد ما الدليفري وصل وهي كانت لسة جوا بتاخد دش.. وشكلها بتعمل استعدادات قوية اوي لليوم دا.. بعدها ب ربع ساعة خرجت من جوا و دخلت الأوضة بسرعة حتى مردتش عليا لما كلمتها.. استنيت تاني عشان تخرج ولكن مخرجتش لحد ما عدا نص ساعة وبعدها سمعت باب الأوضة اتفتح وندهت عليا وقالتلي
ياسين غمض عينيك
ليه
غمض يلا
غمضت
حسيت ب خطواتها بتقرب مني وسمعتها وهي بتقفل ستارة الشباك
أنتي بتعملي ايه
يومي بقا وانا حرة فيه
بعدها ب ثواني قالتلي
فتح عينك بقا
فتحت عيني لقيتها واقفة لابسة بدلة رقص و المكان مفيهوش غير إضاءة حمرا و زرقا كانو من ضمن الديكور اللي انا عامله في الشقة
انا النهاردة هنسيك اسمك
المزيكا اشتغلت وبدأت ترقص.. كانت من اكتر الحاجات اللي نفسي انها تكون في مراتي أنها تكون بتعرف ترقص و دي مش بتعرف ترقص بس.. دي عاملة في قلبي قلبان من اللي انا شايفه.. قلبي كان بيتنطط من فرط اللذة.. باين عليا اخترت صح ولا ايه.. دا انا اخترت صح أوي كمان.. فضلت ترقص تقريبا ربع ساعة وبعدها شاورتلي ااجي وراها.. قومت وراها زي المسحور لقيتها داخلة أوضة النوم.. دخلت وراها وقفلت الباب.. لقيتها نامت قدامي على السرير.. كنت لسة هقلع هدومي بس افتكرت.. انا لازم اكلم فريد
معلش بس يا حبيبتي ثواني
رايح فين
هجيب حاجة وجاي
اممم طب متاخدش أكتر من واحدة عشان متتعبش
قصدك على ايه
ولا حاجة
خرجت من الأوضة واتصلت بيه
ايوا يا دكتور انا حاليا خطوة واحدة بس قولي اعمل ايه
اسمع بقا و ركز.. انت دلوقتي هتدخل بهدوء خالص وتقرب منها وتحط ايدك على شعرها وتلعب فيه بس بحنية.. بعدها تروح على شفايفها وتبوسها
دخلت الأوضة وبدأت اعمل زي ما قالي بالظبط.. وبدأت ابوسها و ادوب في شفايفها.. كنا احنا الاتنين سرحانين في عالم تاني بعدها بشوية بعدت عنها وهنا كانت المشكلة اني معرفش هعمل ايه تاني
بعد اذنك يا حبيبتي هطلع بس ثواني و ارجع
جرا ايه هي كل خطوة ب حباية ولا ايه يا ياسين
حباية ايه انا مش بتاع الكلام دا
امال بتروح فين
بحب انفرد مع نفسي شوية
دلوقتي.. عايز تنفرد واحنا في الوضع دا
ماهو انا مش هتأخد.. هنفرد بسرعة و ارجع
خرجت قبل ما تكمل كلامها وتفتح معايا تحقيق.. اتصلت بيه تاني
طمني وقولي بقا ولد ولا بنت
يا دكتور دي بوسة و بعدين انت مقولتليش ليه على اللي هعمله بعدها
اصل انا بحب فترة التشويق دي أوي
يا دكتور ابوس ايدك مش وقته هزار دلوقتي
طب بص يا سيدي.. بعد كدا هتقولها كلمتين حلوين.. حسسها انها اجمل واحدة في الكون وانك مشوفتش واحدة زيها قبل كدا
رجعت الأوضة وقربت منها وبوستها وبدأت اهمس في ودنها بالكلام الحلو زي ما هو قالي وفعلا بدأت احس انها بقت تايهة و في عالم تاني وبقت جاهزة اني اعمل فيها اللي انا عايزه بس فجأه التليفون رن.. بعدت عنها
هو في ايه بقا النهاردة
مش عارف..
الناس دي بتتصل في اوقات غريبة
و دا مين اللي بيتصل بيك دلوقتي
معرفش مين
طبعا انا كنت عارف مين.. دكتور فريد مسكت التليفون وكنت لسة هخرج عشان اكلمه لانه فصل الاتصال لكن لقيتها قامت من على السرير
لو خرجت برا تاني يا ياسين هخليك تنام على الكنبة النهاردة
طب لو سمحتي ينفع بس تبعدي شوية
مالك يا ياسين فيك ايه
ابعدي بس شوية وانا هبقا كويس والله دلوقتي
بعدت و رجعت مكانها على السرير.. اما انا وقفت في ركن عند الحيطة.. وهو رجع يرن تاني.. رديت عليه
ايوا انا عملت كل حاجة تمام وكمان زودت من عندي على شوية الكلام الحلو و بوستها
ايوا يا اولعبان يا ثعلبان.. يا لئيم انت
يا دكتور دي مراتي.. والله العظيم مراتي
خلاص انا بهزر معاك المهم انا نسيت اقولك على المرحلة التالتة.. بعد ما تقولها الكلام الحلو هت.....
مش سامعك.. قول تاني
ركز معايا ابوس ايدك انا شاحن كارت فكة وقرب يخلص دا غير ان تليفوني 2
طب قول بسرعة
اول ما تخلص الكلام الحلو تبدأ تلعب في ودنها ب حنية برضو بعد كدا تقرب منها جدا جدا ميبقاش الهوا بينكو اساسا بعدها هتخليها تنام قدامك على السرير وتبدأ انت بحركاتك بقا تشيل الهدوم من عليها بس متستعجلش وتقرب دلوقتي.. بعد ما تشيل الهدوم هت....!!
هعمل ايه.. الو الو
المكالمة فصلت.. اتصلت عليه بسرعة لقيت واحدة ست طيبة أوي هي اللي بترد عليا وبتقول
الرقم المطلوب مغلق او غير متاح!!
عمرو_راشد
في_ليلة_الدخلة 2
يتبع
هل صحيح يا ياسين انك لسة ملمستش مراتك وأنها لسة عذراء
في الحقيقة كان عندي شوية مشاكل وضغوطات هي اللي وصلتني لكدا
وليه مفكرتش تعرض نفسك على دكتور
كنت ساكت مش عارف ارد اقول ايه
سكوتك دا مش كويس ليك يا ياسين.. اتكلم
ساعتها هي اللي ردت على القاضي وقالتله
هيتكلم يقول ايه.. الموضوع مش محتاج كلام.. البيه مبيعرفش يعني حضرتك هتستنا ايه اكتر من كدا
القاضي بص ليا وقال
ايه رأيك في كلامها يا ياسين.. هل فعلا مراتك السيدة أميرة حسن عبدالفتاح لسة عذراء على الرغم من جوازكو اللي تجاوز السنة
رديت وأنا باصص في الأرض
ايوا صحيح يا فندم
حكمت المحكمة ب قبول دعوة الخلع المقدمة من السيدة أميرة حسن عبدالفتاح
قومت مڤزوع من على السرير وانا بحاول ااخد نفسي.. كنت بتنفس بصعوبة.. قومت وخرجت من الأوضة و دخلت المطبخ شربت كوباية مية.. الحلم كان صعب أوي.. انا مش هستحمل اكون في موقف زي دا و لازم اشوف حل ايا كان ايه هو حتى لو هطلقها لكن انا مش هبقا في موقف زي اللي انا شوفته دا
فلاش باك
الرقم المطلوب مغلق او غير متاح
ينهار اسود.. دا تليفونه فصل ساعتها بصيت على أميرة اللي كانت قاعدة على السرير ونظراتها كلها شړ.. مكنش عندي غير حل واحد بس.. رميت التليفون من ايدي وحطيت ايدي على قلبي
اااه قلبي.. الحقيني يا أميرة
قامت جريت عليا
مالك يا ياسين.. فيك ايه
مش عارف.. بطني ۏجعاني أوي
مش انت قولت قلبك
ايوا قلبي.. ااااه انا حاسس اني ھموت
بعد الشړ عليك يا ياسين متقولش.. يلا هنروح المستشفى حالا
لا مستشفى ايه.. انا عايز ارتاح بس
طب اسند عليا
وفعلا سندت عليها لحد ونمت عليه
مية.. عايز مية
حاضر يا حبيبي.. ثانية واحدة
ولو في حاجة ساقعة هاتيها معاكي كمان
حاجة ساقعة!!
ااه قلبي.. المية بسرعة مش قادر اتنفس
حاضر حاضر.. ثواني
قامت تجري بسرعة عشان تجيب المية وبعد ثواني كانت جات وفي ايديها كوباية المية
اتفضل يا حبيبي
مدت ايدها وبتديني كوباية وقعدت جنبي
بالشفا يا حبيبي.. انا مش عارفة ليه انت مش عايز تروح ل دكتور
مبحبهمش ولا بطيق اشوفهم
طب ارتاح يا حبيبي
اااه يا رجلي اااه
رجلك ايه يا حبيبي دا قلبك
قلبي اه
بقلم عمرو راشد
مكنتش عارف اخرج ازاي من المشكلة دي.. حاولت اكمل واتظاهر ب اني تعبان فعلا ونمت وهي نامت جنبي.. لما صحيت تاني يوم لقيتها لسة نايمة جنبي
أميرة.. أميرة
فتحت عينها وقامت وهي مخضۏضة
انت كويس
كويس يا حبيبتي الحمدلله
بقيت احسن يعني
كنتي قلقانة عليا
جدا
و دا حب بقا
مثلا
امممم طب ايه
قولتها ب غمزة
ولكن افتكرت بسرعة اني عندي مصېبة لكن كانت المشكلة أنها ابتسمت و ردت عليا وقالت
ايه
انا لازم انزل
تنزل تروح فين وانت تعبان كدا
تعبان اه.. ماهو انا هروح للدكتور
طب تحب ااجي معاك
دا الدكتور هنا في اول الشارع مش هتأخر
لبست بسرعة ونزلت اروح العيادة بتاعته.. كنت رايح وانا متعصب ومش طايق نفسي بعد اللي هو عمله معايا امبارح.. وصلت العيادة و دخلت أوضة الكشف لقيته
ابن حلال يا ياسين والله.. لسة كنت بفكر فيك
انت ايه يااخي معندكش دم.. انت ازاي دكتور انت.. انت مينفعش تكون حتى سمكري عربيات
انا عايزك تهدا.. العصبية دي مش هتوصلك ل حاجة
بقا في دكتور محترم يبقا شاحن كارت فكة وبعدين انا نفسي اعرف فين الزباين.. انا كل مرة اجيلك بلاقي العيادة فاضية
عشان ب اختصار كدا انا لسة متخرج ف مش هتلاقي ناس كتير تعرفني
وحظي انا الاسود اني كنت اول زبون ليك
حظك الاسود يا ياسين!! بقا بعد كل الحلول دي كلها تقولي حظك اسود
حلول ايه انا كنت هتفضح بسببك
بس متنكرش ان الليلة كانت ماشية حلو
وهو انا هقسمها مثلا.. يعني النهاردة بوس وبكرا...
عيب يا ياسين دي عيادة محترمة.. ميصحش تقول فيها الكلام دا
انا تعبت يا فريد.. انا حياتي بتتدمر قدام عيني وانا واقف مش عارف اعمل حاجة
ومش هتعرف تعمل حاجة غير لما تشغل دماغك يا ياسين
اشغل دماغي ازاي يعني
تفتكر الحالة اللي انت فيها دي طبيعية
معرفش بس انا حاسس نفسي كويس.. انا لو حاسس ان فيا حاجة مكنتش اتجوزت اصلا
طيب يبقا ايه بقا
ايه
يبقا تلقائي كدا تفهم ان العيب مش فيك
امال فيك انت
طب مش ممكن يكون مراتك.. يعني مثلا...
قومت من مكاني
انت اټجننت ولا ايه.. سيرة مراتي متجيش على لسانك
مالك يا ياسين احنا بنفكر بصوت عالي
انا شكلي كنت غلطان لما جيتلك من الاول.. ازاي انا فكرت انك ممكن تساعدني أصلا وانت دكتور فاشل وعايز اللي يساعدك
نزلت من عنده وركبت العربية عشان ارجع البيت.. وانا في الطريق عديت على محل ورد.. كان لازم في وسط القرف دا كله يكون في حاجة واحدة كويسة على الاقل.. نزلت وجيبت بوكيه ورد مع شكولاتة كتير و رجعت البيت. فتحت باب الشقة ومشيت بهدوء عشان ادخل أوضة النوم لإني كنت متوقع الاقيها جوا ولكن لفت نظري صوت جاي من البلكونة.. قربت شوية عشان اسمع بوضوح وكانت هي اللي في البلكونة.. قربت أكتر وسمعتها وهي بتتكلم وتقول
بقولك انا مش هينفع اقعد هنا أكتر من كدا
ايوا بحطله الحبوب زي ما قولتلي بس لسة شوية عشان تجيب النتيجة اللي احنا عايزينها
طب حاول بقا بسرعة و خلص نفسك عشان انا زهقت من البني آدم دا
ماشي مستنياك.. ومتنساش تجيبلي كام شريط عشان اللي معايا قربو يخلصو يلا سلام
كانت باصة ناحية الشارع بعدها لفت وشها عشان تخرج من البلكونة بس انا كنت واقف قصادها.. ساعتها اټفزعت لما شافتني وقالت بصوت ممزوج بالخۏف
ياسين!!!
عمرو_راشد
في_ليلة_الدخلة 3
يتبع
