جواز صالونات

كاملة
جواز_صالونات
جوزي صدمني في ليلة الډخلة بعد ما دخلنا 
اوضتنا وقالي انه مبيعرفش
اتفاجأت من كلامه وانا لسه بفستان الفرح 
وقررت اني اعمل اللي في دماغي
ا وهحكيلكم قصتي
انا دعاء عمري 26 سنه خريجة ليسانس اداب جامعة عين شمس ..بنت جميلة. مدلله وعايشه حياتي على مزاجي
كنت حبيت شاب في الجامعه ووعدني انه ييجي يتقدم

وعشانه رفضت عرسان كتير وهو كان دايما يتحجج
بالظروف والأعذار ..وفي اخر قهرني واتجوز وحده غيري 
حسيت اني ضيعت سنين طويلة على حد ميستاهلش
وبقى عندي عقده من الجواز والأرتباط عموما
بس بعد فترة اتقدملي شاب كويس وابن ناس 
واهلي ضغطوا عليا عشان اوافق 
وقالوا انه مش كل مره نسيبك على مزاجك
وانتي مش عارفه مصلحتك وبلاش تضيعي العريس 
دا من إيدك لانه لقطع ومفيهوش غلطة
كان قاعد معايا في الصالون بعد ما طلب ايدي
وقال لماما لو تسمح انه يقعد معايا شوية لوحدنا
ابتسم وقالي 
على فكرة انا حابب انك تكوني على راحتك
وبلاش تبقي متوترة
وايه اللي هيوترني
يعني عشان الموقف وكدا وللعلم أنا متوتر شوية 
فبحاول الطف الجو ..بس شكلي عكيت
هو انتي ليه اخترتني
لأنك بنت ناس وجميلة وطيبة
وعرفت منين بقى اني طيبة
احساسي بيقول كدا
وهو دايما احساسك بيكون صح
مش دايما ..بس واثق انه المره دي صح وصح جدا كمان
عجباني اوي ثقتك في نفسك 
اللي حساها غرور
غرور لا أبدا ربنا يبعدنا عن الصفه دي 
بس انا عندي امل في ربنا تكوني من نصبيي
وساعتها ..
ساعتها ايه
هتندمي على الوقت اللي مكنتش فيه في حياتك
يا سلام !!
اومال دا انا رومانسي اوي وحنين جدا 
وصدقيني هعمل كل حاجه في الدنيا عشان بس 
اشوفك سعيده
وافقت واتخطبت من كام .. خطوبة صالونات .. كان طبيب اسنان .. عدت فتره الخطوبه عادي كان بيحاول يتعرف عليا .. لكن انا كنت رفضاه وبصد معاه في الكلام مكنتش بديلو فرصه لاي حاجه .. جابلي هدايا كتير غير المواسم والفلوس .. امي اجبرتني عليه دا طيب ومش هتلاقي زيه .. جريت الايام وجه يوم الفرح وكنت ھموت نفسي من القهر .. هو مفهوش عيب .. طوله معتدل شعره ناعم لبسه كلاسيكي هادي دايما .. لكن مكنتش عايزاه ..
جينا ليله 
الډخله اول دا دخل عليا الاوضه قولتو انا مش عايزاك تلمسني ولا تقرب مني خالص .. قالي ليه .. قولتو كدا انا مش جاهزه لسا .. قالي ماشي الي يريحك تعالي ناكل طيب .. قولتو مليش نفس .. قالي انتي مكلتيش من الصبح .. سكت .. سكت هو كمان وخرج برا الاوضه ورجع في ايديه صنيه عليها اكل .. وخد مخده وكفرته وطلع برا .. وقالي دا مفتاح الباب خلصي اكل وغيري وفي حمام في الاوضه
واقفلي على نفسك بالمفتاح عشان متبقيش خاېفه وانا هنام في اوضه الاطفال .. حسيت اني اطمنت واستريحت لما قال كدا .. قفلت على نفسي .. ونزلت على الاكل