اسر
المحتويات
كنت لسه هركب عربيتي لقيت طفل بيجري عليا وبيقولي ساعديني.. ارجوكي ساعديني هيقتولني مكنتش فاهمة حاجة كل اللي فهمته انه قالي ارجوكي امشي بسرعة هيقتلونا
وقتها ركبت العربية واخدته معايا ومشيت باقصي سرعة لحد ما بعدنا تماما عن المكان اللي كنا فيه... وقفت العربية.. وقلته فيه ايه.. مين دول اللي هيقتلوك !!!!
آسر اولا شكرا لمساعدتك ليا... ثانيا انا هشرحلك.. انا اسمي آسر عندي ١٤ سنة.. الناس دول قتلوا امي وابويا قدام عيني بسبب ان بابا كان مديون لهم بفلوس قتلوهم وكانوا لسه ھيقتلوني انا هربت وهما كانوا بيجروا ورايا لحد ما لقيتك كنتي نجدة من السماء ربنا بعتك ليا عشان تنقذيني واوعدك ان اليوم اللي هتندهي فيه اسمي لمساعدتك آسر صفوان م هيسيبك وهيكون عندك ف لمح البصر حتي لو كنت ف اخر الدنيا..
آسر شكرا مرة تانية. وزي ماوعدتك هفضل جنبك طول العمر
..... كان لسه هينزل من العربية.....
داليا استنى...
آسر نعم..
داليا انا م هسيبك دول ممكن ېقتلوك انت هتيجي معايا البيت
آسر شكرا جدا.. بس انا هقدر اخد بالي من نفسي كويس
داليا انا ساعدتك انك تعيش.. انت كمان لازم تساعدني!!
آسر انا تحت امرك!!! بس عاوز اعرف انا ممكن اساعدك ف ايه
داليا انا عايشة لوحدي اهلي متوفين زيك وانا بخاف انام لوحدي ف الشقة.. اعملي معروف وتعالي معايا البيت واهو نبق اخوات ونسلي بعض
آسر وهو يبتسم رغم اني عارف انك عاوزاني عشان مايقتلونيش وعارف انك بتكذبي بس طالما امرتي يبق آسر هينفذ
ابستمت واڼصدمت ف نفس الوقت.. انت ايه ي ابني ازاي واحد ف سنك يكون كده وقلتله
داليا ماشي ي سيدي.. يلا بينا نروح بق
داليا استنى هحضر العشاء عشان انا مېتة من الجوع تقدر تاخد جولة ف البيت عما اخلص
آسر ماشي شكرا
بعد ربع ساعة
داليا يلا ي آسورة عشان ناكل
آسر مين اسورة!!!!!
داليا بدلعك يواد.. وبعدين انا اختك الكبيرة من هنا ورايح ماشي
آسر اكيد
داليا ماشي .. انت عرفتتي عن نفسك انا كمان هعرفك عن نفسي... انا داليا منصور عندي ٢٥ سنة بشتغل في شركة اللي انت شوفاني خارجة منها لما اتقابلنا... معنديش لا ام ولا اب زيك وقصتنا متشابه شوية.. الي اعرفه ان ف ناس ودوني دار الايتام وانا عندي ٧ سنين بسبب حاډثة بابا وماما بالعربية بس لما كبرت وبق عندي ١٨ سنة
جه
واحد وقالي
متابعة القراءة
