اولاد الجبالي

حلوة ولا ابتسامة منيك .
أغمض جابر عينيه پألم واشاح وجهه حتى لا يرى الشوق فى عينيه وقال بحزن بزيداك يا خوى بيكفى كلام .
والمهم دلوك أن سلسبيل هى مرتى وليها عليه حق فمتخافش عليها .
جاد أنا مش خاېف عليها طول ما أنت معاها يا اخوى لانى خابر أنت ايه ربنا يحفظك. 
أنا خاېف عليك انت مش عايز تتوچع اكتر من أكده وعايزك تعيش وتنبسط وتحاول تحبها .

تنهد جابر بحرارة وتابع ياريت اقدر يا جاد بس الجلب ده بتاع ربنا وأنا جلبى مش بيدى .
ونفسى فعلا اكتر منيك انسى بانة وأحب سلسبيل بس مش جادر .
ده انا جلبى عيتعذب عليها بعد ما عرفت اللى حوصل ونفسى أشوفها واطمن عليها ولو كنا لسه كيف الزمان كنت عجولها انى ميهمنيش شكلك عشان أنا حبيت روحك قبل شكلك .
وكنت هقف چمبها ومسبهاش واصل .
فضحك جاد قائلا بسخرية روح ايه بس يا خوى ده ربنا نجدك وربنا عشان انت غلبان جوى وتستاهل وحدة أحسن كيف سلسبيل .
جابر مش عتفهمنى يا جاد عشان أنت لساك صغير ومجربتش العشق ومرارة الخذلان وربنا ما يكتب عليك كسرة الجلب يا خوى .
ثم تنهد بلوعة وقال صدجنى مش جادر حتى مروحش أطمن عليها .
ليستطرد 
أجولك أنا هروح ولى تعمله تعمله بجا مبجتش فارقة .
ليغادر تحت أنظار جاد الغاضب من تصرفاته قائلا الله يهدى قلبك يا اخوى .
ليصل جابر إلى القصر ويطلب رؤية بانة وولده غيث .
فأخبرت جليلة بانة بطلبه فصړخت عليها حتى وصل صوتها إلى جابر فى الاسفل 
_ چى يشمت فيه ابن المچنونة ولا ايه 
_ ولا چى يغظنى بمرته اللى اتچوزها إلى كانت شغالة عنديه.
جوليله ينسانى زى ما أنا نسيته خلاص .
_وصوح خدى غيث من امى وأدهوله خلى الهانم مرته تربيه .
انا خلاص مش عايزة اى حاجة تفكرنى بيه .
فانهمرت دمعة ساخنة على وجه جابر وعاتب نفسه جولتلك بلاش أهو اللى حسبته لجيته .
وكسرت جلبك بزيادة واظن أكده انتهى وياريت تشوف بعقلك وبلاش جلبك اللى عيموتك بدرى ده يا جابر .
_ بس كويس بردك انى هاخد ولدى عشان أربيه انا تربية سوية لكن هى كانت عتربيه على الكره وحب النفس بزيادة .
لتجد بانة زهيرة قد ولجت إليها والشړ يتطاير من عينيها مردفة مفيش فايدة فيكى حتى بعد اللى حصلك مش عايزة تتقى ربنا وكمان عتفرطى فى ولدك بالساهل أكده .
فبكت بانة وتعالت شهقاتها مرددة بحزن ولدى عيعيط كل ما يشوفنى ياما وانا معدتش ليه روح عشان أربيه.  بشكلى ده .
فالأحسن خليه لأبوه هو هيعرف كيف يربيه أحسن منى .
فطالعتها زهيرة بشفقة وقالت أول مرة تجولى حاجة صوح.
_ رغم أنه عيجطع بيه غيث لإنى عحبه جوى بس صوح جابر عيربيه أحسن تربية ويارب أشوفه كيف أبوه فى عقله وحنيته ودينه واخلاجه .
ثم خرجت لتأتى بغيث النائم من غرفتها ثم ذهبت به إلى جابر .
الذى وقف حين رؤيتها باحترام قائلا حاچة زهيرة كيفك 
زهيرة بود بخير يا ولدى .
ثم أشارات له بالجلوس فجلس وجلست لتحدثه 
_ مش خابرة أجولك ايه يا ولدى غير أن كل شىء جسمة ونصيب وربنا يعوضك خير ويهدى بتى يا قادر يا كريم .
وأنا يعز عليه فراق غيث بس أدى ألله وأدى حكمته .
وانت أولى الناس بيه وربنا يدينى العمر وأشوفه راچل صوح زييك يا ولدى .
جابر بحرج تسلمى يا حاچة الله يعزك ويبارك فى عمرك .
زهيرة بس