سيد الرجال

سيف بابا بابا.
الكل بدأ ېصرخ جامد وكل ده وسيف لسه مش مستوعب ايه اللى حصل .
سيف قام والده حرف الملايه وأيده بترجف وحاول يبص على ابوه ويشوفه لآخر مرة .
كشف الملايه عن وش ابوه واترمى عليه وعلى وفضل يعيط فيه ويقوله ليه يا بابا ليه 
مش قادر تستنى لما اجيلك واكون جمبك .
واشوفك لآخر مرة .
انا زعلان منك يا بابا للدرجه دى ما كنتش عاوز تشوفنى ولا تودعنى كده يا حاج كده برده .
سيف يتكلم والكل حوليه عمال بيعيط جامد على كلام سيف لابوه لحد ما دخل واحد جارهم وقاله .
شد حيلك يا سيف علشان خاطر اختك وامك انت راجل وابوك عارف أنه ساب راجل فوق كده وشوف هاتعمل ايه وخلى بالك من والدتك واختك يا سيف ده كان اخر كلام لابوك الله يرحمه .
كان نفسه يشوفك ويوصيك عليهم وانت ما كنتش موجود ووصانى اقولك الكلام ده يا ابنى .
سيف مسح دموعه من والدته واخته وخادهم فى علشان يخفف عنهم ويكون قريب منهم بدل ابوه الله يرحمه .
طلع النهار ونورت الشمس اوضته نور لحد ما فتحت عيونها الموبيل علشان تشوف الساعه كام .
بصت للموبيل ولقت الساعه تسعه وقالت يا دوبك اقوم اجهز الشقه واعمل الاكل وأبلغ والدتى بكلام يوسف ليها باليل.
نور قامت وراحت على الحمام وغسلت وشها واتوضت وصلت ركعتين .
راحت على اوضه مامتها علشان تطمن عليها لقت مامتها بتصلى هى كمان .
نور  حرما يا امى .
الام  جمعا يا بنتى .
نور يوسف اتصل باليل بعد ما حضرتك نمتى وقالى أنه بلغ اهله وهايجوا النهارده باليل بعد
المغرب علشان يطلبوا ايدى من حضرتك .
الام  الحمد الله يا بنتى واهلا وسهلا بيهم فى اى وقت .
نور انا هاروح اجهز لحضرتك الفطار قبل ما اتلخم فى نظافه البيت وعمايل الاكل .
الام ماليش نفس والله يا بنتى مش عاوز اكل حاجه دلوقتى.
نور علشان خاطرى يا امى هاجبلك حاجه بسيطه مع كوبايه اللبن .
الام اللى تشوفه يا حبيبتى بس بشرط تفطرى معايا .
راحت نور

وبدأت تجهز البيت بعد ما ودت الفطار لمامتها وفطروا مع بعض وكل ده كان احمد لسه نايم علشان كان سهران طول الليل بيزاكر .
الظهر جه وكان سيف فى الجامع مع أهله وجيرانه بيصلوا على باباه صلاه الچنازة وبيودعوه الوداع الاخير .
خلصوا الصلاه وخدوه على المقاپر علشان يدفنوه .
بعد الډفن كانوا رجعوا على البيت والكل راح على شقته وأهله فى اللى رجع مع سيف وفى اللى رجع على

بيته .
دخلت ام سيف ومى وقعدوا على الكنبه اللى كان بيقعد عليها ابوا سيف وبدؤوا يعيطوا وحسوا أنه فعلا سابهم وراح ومش هايشفوه تانى .
منهم سيف وفضل يهديهم ويوسيهم ويطبطب على مامته ويبوس فى اديها .
جنه من مى وفضلت تهدى فيها هى كمان .
جنه دى بنت خال سيف وكانت طالبه فى كليه الطب فى سنه خامسه كانت من سن سيف .
لكن سيف كان عاد الثانويه العامه علشان كان مجموعه قليل وحب انه يعيد الثانويه تانى علشان يجيب مجموع اكبر .
جنه فضلت تهدى فى عمتها وفى مى بنت عمتها .
عدى الوقت والساعه بقت خمسه وكانت ملك ونهله بدؤا يستعدوا علشان يروحوا لنور .
يوسف كان دخل ياخد شاور ويجهز نفسه هو كمان وكان راح اشترى قميص وبنطلون حلوين علشان يروح بيهم ليطلب ايد نور .
وهو بيشترى القميص والبنطلون كان شاف فستان حلو اوى وعجبه وقرر أنه يشتريه لنور ويبعته ليها مع حد من المحل .
وفعلا اشترى الفستان وادلهم العنوان علشان يوديه لنور وكان فرحان بيه اوى .
وكان مختار لونه قريب من لون قميصه اللى هايلبسه .
باب الشقه خبط وراح احمد علشان يفتح بس اتفاجىء بواحد وشايل كيس كبير وعاوز الانسه نور .
احمد طب ثانيه واحده هاروح أندها.
نور جت ورحبت بيه بس استغربت منه.
نور مين حضرتك 
الشخص انا من محل الملابس ويوسف بيه طلب منى أنى اجيب لحضرتك الفستان ده .
نور  طيب متشكرة جدا وخدت منه الفستان وقفلت الباب.
احمد ايوا يا عم فستان جديد اهو علشانك يا عروسه .
نور بس ياض يا ظريف انت بطل رخامه .
الام جت ولقت نور ماسكه كيس كبير فاستغربت وسألتها مين اللى كان بيخبط يا بنتى.
نور ده واحد يوسف بعته علشان يجيبلى الفستان ده يا ماما .
.الام وليه
يتعب نفسه يا بنتى كده .
نور ما انا مش هالبسه يا امى انا هالبس من لبسى انا واللى عاجبه عاجبه .
الام اهدى بس يا نور يا بنتى هو اول مرة يبعتلك حاجه فامتكسفهوش علشان خاطرى .
نور  كل ده علشان خاطرك يا امى حاضر .
الام  البسيه واعملى شعرك عاوزة افرح بيكى يا حبيبتى قبل ما يحصلى حاجه .
نور الف بعد الشړ عليكى ما تقوليش كده ربنا ما يحرمنا منك .
عدى الوقت وسيف كان تحت فى الشارع علشان