انجاني حبها
المحتويات
ومش عارفه هو فعلا حلو اوي كده ولا انا ال شيفاه كده عشان بحبه
خلص وجاب مرهم عشان يحطه ع ايدي فسحبتها بسرعه
استغرب _ ف اي ي مريم هاتي هحطلك عشان تخف
عيطت تاني بعد م كنت بطلت من ساعه م مسك ايدي اتكلمت بتذمر وبنبره عارفه انها ڠصب عني هتبان طفوليه
هتوجعني ي يوسف
_ معلش ي قلب يوسف عشان تخف ي بابا
خطڤ قلوب للمره ال معرفش عددها معقول اكون فعلا قلبك ي يوسف ده يبقي ي فرحه قلبي بجد بقا
طيب متحطش كتير
اتكلم بحنيه وهو مازال مبتسم
_ حاضر ي بابا تعالي
وحقيقي عايزه اقول انه الخمس دقايق دول كانوا اكتر من كافيين انهم يزودوا حب يوسف ف قلبي اضعاف واكتر من كافيين انهم يشجعوني اني احارب عشان اوصل لقلبه ولحياه سعيده معاه
_ اهو ي ستي خلصنا
الحمدلله
هزر _ كنتي قولي انك بتدلعي عشان متحطيش الأكل
هزرت انا كمان وانا مقرره انه خلاص هتعامل معاه براحتي وبطبيعتي ههزم خۏفي عشان خاطره
_ عارفه ي ستي
أنا بني ادم اكسل منه انا تبع طائفه كتع كسح كسل
_ اااااه يعني اتدبست
ي بني مانا قولتلك كده من الاول
_ ابنك طب يلا ي ستي عشان ناكل
مانا مسخنتش الاكل
طب بالله العظيم م في اجمل منك هه
حطينا الأكل سوا وسط جو بنحاول احنا الإتنين نخليه مفرفش واقدر اقول اننا قدرنا نعمل ده فعلا
اكلنا وخلصنا اكل وقومنا عشان نصلي المغرب صلي بيا كالعاده وعايزه اقول انه صوته ف القرآن احلي حاجه بعد اسلامه غريبه انه يمتلك صوت جميل وخاشع كده بس هو ده يوسف اي حاجه فيه جميله.. ولطيفه
اتكلمت بتردد _ امممم بقولك ي يوسف
همم قولي
_ اي رايك لو نعمل شاي ونقعد ف البلكونه شويه
طب اي رأيك نعمل قهوه أحلي
_ بص خليها المرادي عليك والمره الجايه قهوه
ماشي ي ستي قومي البسي نقابك والچوانتي ع م اعملهم
_ خليك طيب انا هخلص واعملهم
لا لا قومي انا هعملهم
قومت لبست النقاب والچوانتي وبحكم ايدي اخدت وقت شويه خلصت وخرجت لقيته ظبط قعده لينا ف البلكونه ع الأرض وعايزه اقول ان دي اول حاجه اتمنيت اعملها مع يوسف نتشارك البلكونه وكوبايه الشاي والهاند فري والنظر للقمر وبحكم انه جمبي فهسمع صوته افضل من اي هاند فري وبحكم انه جمبي برضه فالنظر ليه الطف واجمل واحلي من النظر للقمر
اتكلم وهو بيبصلي بعيونه ال بيخطفوني
_ عندك امتحانات بكره
مادتك للأسف مانت عارف
_ نفسي اعرف بتكرهيها لي
والله م في احب لقلبي منها هي ودكتورها
رديت بهدوء من غير م اصرح بال جوايا
_ مش بكرهها بس صعبه
مريم انتي ف كليتنا دي متخيله انه ف حاجه هتبقي سهله
رديت وانا بمد ايدي من تحت النقاب عشان اشرب الشاي الشاي ال عامله بايده وال اثبتلي انه اي حاجه يوسف بيعملها بتبقى حلوه
_ لا بصراحه بس هي اصعب واحده
طب استغليني ي ستي
_ ازاي
لو ف حاجه واقفه معاكي هاتي اما اشرحهالك
رديت تلقائيا بفرحه وانا بحط الشاي عشان اقوم اجيب الكتب
_ أيوه كده هو ده قره عيني
اتكلم بهدوء وهو بيقرب عليا لحد م قعد جمبي
اي ده ! انتي اقتنعتي اني قره عينك
رديت بتوتر من قربه من عيونه من برفانه منه هو شخصيا
_ انا مقتنعه انك قره عيني لحد م ننفصل
رد وهو بيقرب اكتر من غير م يلمسني
ولو قولتلك اني مش عايز ننفصل!
قلبي بيطير بيرفرف زي طائر حر بعد مده طويله من الحبس
_اا.. يوسف
رد بسرحان وهو مازال باصص ف عيوني عيوني ال _ ڠصب عني _ رافضه تقطع التواصل البصري
متابعة القراءة
