حب مجهول الهوية
المحتويات
وخلي مراتك هي اللي تكلم اختها وتقولها انك ضړبتها جامد عشان اختها تتحرك اسرع وتيجي هي او طارق يبعتلكم اللي ياخد مراتك من عندك.. عايزين نخلص الموضوع ده بسرعه مفيش وقت.
شاكر اتفقنا يا باشا بس الفلوس الزيادة هتوصل امتى
المجهول هتوصلك لحد بيتك بس لما نتأكد ان مراتك بتنفذ المطلوب منها.. سلام.
قفل الشخص المجهول المكالمة وبسمه بصت ل شاكر پصدمة وقالتله ايه اللي سمعته ده يا شاكر انت هتبيعنا انا وابنك وتدخلنا في موضوع الناس دول مع جوز احلام!!
بسمه بقلق لا يا شاكر انا بدأت اخاڤ وكنت فاكره ان اخرة الموضوع ده ان احلام تيجي هنا هي وجوزها وهما يتصرفوا مع جوزها واختي بعيد عن الموضوع كله.
شاكر بسخرية انتي عبيطه يا بسمه يعني الناس هيدفعوا الفلوس دي كلها عشان احلام وجوزها يجيو هنا وبس كده!!
شاكر بقولك ايه انا مش عارف الناس دول عايزين ايه بالظبط بس احنا بمزاجنا او ڠصب عننا هننفذ اللي يطلبوه مننا لان الراجل هددني انك لو منفذتيش كلامهم هيقتلونا انا وانتي وابنك.
شاكر بټهديد الناس دول شكلهم كبار ووصلين وفي حوار كبير بينهم وبين جوز اختك واحنا اللي هنضيع بينهم لو منفذناش المطلوب وشكل الناس دول اسهل حاجة عندهم القتل.. ف انتي تسمعي الكلام احسن بدل ما تخسري حياتك انتي وابنك.
بسمه پصدمة وانت هتسيبهم يؤذوني انا وابنك يا شاكر!
بسمه پخوف خلاص يا شاكر رجعلهم فلوس وقولهم احنا ملناش دعوه بالموضوع ده يتصرفوا مع جوز احلام بعيد عننا.
شاكر انتفض من مكانه فلوس ايه اللي ارجعهالهم انتي شكلك اټجننتي!! انتي عارفه الفلوس دي تعيشنا ملوك قد ايه!
شاكر بزعيق هو انتي هتفضلي طول عمرك غبيه كده! وفاكره اني لو قولتلهم خدو فلوسكم احنا مش هنعمل حاجة هيسبونا نعيش!! دا هيقتلونا قبل ما اخلص الكلمة عشان ڼموت وسرهم معانا.
بسمه پخوف انا مبقتش عارفه نعمل ايه انا خاېفه من الناس دول وكمان خاېفه على احلام وكمان جوزها احنا مشوفناش منه حاجة وحشه عشان نعمل كده.
بسمه بحيرة مش عارفه يا شاكر بس انا خاېفه.
شاكر خدي بس التليفون بتاعك اتصلي على اختك قوليلها ان انا ضربتك دلوقتي وطردتك برا البيت وجوزها لو اتصل بيا انا مش هرد عليه وطبعا اختك مش هتسكت وهيتصرفوا عشان تروحي هناك عندهم ولما توصلي هناك هيعرفوكي تعملي ايه بالظبط.
بسمه بصتله پخوف وهو هز راسه واخد تليفونه واتصل وقالها خدي كلمي اختك واعملي اللي اتفقنا عليه.. رواية حب مجهول الهوية بقلمي ملك إبراهيم.
داخل اوضتي في القصر كنت قاعده بعد خروج طارق بفكر في مشكلة بسمه وفجأة تليفوني رن برقم بسمه و رديت بلهفة.
احلام الو.. ايوا يا حبيبتي طمنيني انتي كويسه
سمعت صوتها الباكي وكانت بتتكلم برجفه شاكر ضړبني وطردني انا وابني في الشارع يا احلام.
انتفضت من مكاني بعصبيه ضړبك ازاي دا ليلة اهله سوده.. اطلعي على اقرب قسم اعمليله محضر تعدي وخلوهم يروحوا ياخدوه من قفاه ويعلموه الادب.
بسمه بصت ل شاكر جوزها پصدمة وهو كان سامع المكالمة كلها وبسمه قالت بتوتر ملوش لازمة يا احلام انا
متابعة القراءة
