عشق

————–
. اما: محمد ونور.. عاشو اول يومين الاجازه وكانو يومين عسل.. محمد ماكنش بيخلى نور تقوم من السرير غير على قد الحمام والصلاه والشاور فقط.. وكان بياآكلها. ويبادلها الحب. وينيمها على صدره …
.. وبعد اليومين اخدها. وراحو. قعدو. عند مريم.
وكل يوم محمد بعد مايرجع من المستشفى يهتم بيها.. واخر اليوم ياخدها اوضتهم عند آدم ويبادلها الحب.. وعايشه احلى اسبوع.. لانه نور كانت بتنام كويس وفايقه طول الليل.. ومحمد كان عايز كده انها تكون فايقه وكويسه …

————-
. اما آدم ومريم: طول الاسبوع مشغولين بالاحفاد والتجهيزات.. وكل حاجه تمت على خير وجهزت.. وعزمو كل العيله والاصدقاء. والحفله بكره. واخيرا ادم اخد اميرته في حضنه.. وناموا علشان وراهم بكره يوم طويل …
——————-
في الوقت الحالي
——————–
الساعه ١ صباحا. كل واحد نايم في بيته..
مراد وفهد: خارجين من الجهاز بعد ما قدمه الادله.. وكانوا مستعجلين.. مراد كان مستعجل عايز يروح لفريحته وركبه عربيه من عربيات الشغل.وكان معاهم. ساندوتشات.ومراد بيتهم قبل شقه فهد..
مراد: وهما بياكلو فى العربيه … ولا يا فهد.
فهد: ايوه يا مراد.
مراد: بقولك ايه. انا هانزل الاول بس انت هتنزل معايا.
فهد: اشمعنى يعني.
مراد: علشان انت دماغك ناشفه. قلتلك تعالى نطلع على المستشفى.. ونشوف چرحك ده لانه شكله عايز خياطه ويتعقم
فهد: على اساس انت مش مجروح. وانت دماغك انشف منى.
مراد: يا عم مالكش دعوه بيا وبعدين ده چرح بسيط في رجلي.. انما انت في كتفك وكمان ضربه سکينه. وكنت هاسيبك في المستشفى واخلع انا.
فهد: ياعم حصل خير. وبعدين الچرح مش باين. مراد: انت هتقولي. وطلع منديل خد اكتم الډم اللي نازل من كتفك ده.. انا غلطان اني سمعت كلامك. اطلع يابني على فيلا العدودي. وارجع انت.
فهد: مش هينفع يا مراد. الوقت متأخر.
مراد: وعلشان كده. تقدر تقولي مين هيعقملك چرحك وانت رايح على شقتك. وما تقلقش احنا عندنا ٣ في البيت دكاتره. فريحه ونور ورينو.

فهد: قلبه دق واتنهد ايوه يا مراد الساعه ١ بليل مش حلوه.
مراد: وحلوه يعني لما دمك يتصفى..ولاد الكلب فجروا الاوضه بكل حاجه فيها.. الحمد لله اننا عدينا منها على.خير
فهد: الحمد لله.. كل ده بفضل ربنا. وانت. لانك شكيت في الظابط اللي كان معانا. ولو غير كده كان زمانا متفجرين..
مراد: انا شكيت فيه من اول مره.
فهد: صح ما قلتليش شكيت فيه ازاي..
مراد: ههههههههه. بيدخل الحمام كتير.
فهد: مش بهزر يا مراد.
مراد: ولا انا والله. انت مش ملاحظ انه كل شويه يقوم يدخل الحمام. وبعدها يقول انا طالع اجيب اكل. وباقي تصرفاته معجبتنيش. ولما حطيت في فونه جي بي اس وهو نايم.عرفنا تحركاته ….
..بس انت قلبك مېت ياض يا فهد. بقى لما تعرف ان في قنبله في الاوضه. وتعرف ان الظابط الل زرعها تقوم تكتفو تربطو وتقعدوا على القنبله. ههههههههه
فهد: واحنا هنحتاج من امه ايه تاني. كل المعلومات خدناها منه والفيديوهات والتسجيلات.
بس قولي.انت ليه قلت ل آدم اننا قبضنا على المجرمين..
مراد: اتنهد. خلي بالك ابويا ما بيعرفش ينام كويس. بسببنا.. وعلى طول قلقان … مش ابويا قلبه جامد.!؟ بس لحد عندنا قلبه بيكون احن من قلب امي نفسها.. انا قولتله كده علشان يتطمن.. ويطمن فريحه والعيله..
فهد: وافرض ما كناش قبضنا على المهرب. وموتنا.
مراد: اهوه هيكون ابويا. ارتاح.ونام كام يوم كويس..
..واتكلمو مع بعض. لحد ما وصلو فيلا العدوي.
مراد: انزل.
فهد: بلاش يا مراد.
مراد: ولا انا مش قادر اقف على رجلي انزل..
فهد: نزل والدم نازل من كتفه من الخلف..
ومراد اتحرك ورجله كلها ډم..ودخلو الفيلا بحرفيه.
ومراد قال.. فهد اقعد في الليفنج.. وانا هطلع لفريحه علشان ما حدش يصحى.. واخليها تنزل تشوفلك الچرح.
فهد: هات بس ازازة ميا قبل ما تطلع.
مراد: ماشي ياعم.ومراد داخل على المطبخ وشاف حد نازل من على السلم.. وكانت رينو..
ولابسه بيجامه جميله. وشعرها مفرود معدي ضهرها كله.. وكانت نايمه لكن فاقت من غير سبب ونزلت تعملها كابتشينو.وتطلع تذاكر شويه.
.مراد: شاف اخته نازله. ومش عايز يخضها. وكمان فهد هيشوف شعرها ولبسها.. يعمل ايه.. يعمل ايه!؟ نده بهمس رينو.. رينو..
رينو:سمعت همس وبصت وهي على السلم. ومش شايفه حد..
طبعا فهد: بخبرته. سمع همس مراد. ورفع عينه. وشاف. ملاكه الل نازله على السلم.. بالبيجامه وشعرها المفرود الطويل جدا واول مره يشوف شعرها من سنين وهي صغيره.. فهد نسي ۏجع كتفه وقام وقف.. وضربات قلبه عدت المعدل الطبيعي. وعينيه مفتوحه من جمال حبيبته. وهمس وقال رينو..!! …
مراد: رينو. بيس انتي يا بت انا مراد