عشق الزين الجزء الثاني

_ اصل اسمي غريب شويه.
عز بفضول : ايه بقا؟!.
_ اسمي نانا .
عز : الله اكبر نانا ، نانا وانتي نانا فعلا والله .
نانا ارتبكت منه : ها!!، مش فاهمه .
عز غمزلها : انتي ازاي دكتورة جراحه!!.
نانا بعد فهم : مش فاهمه ازاي يعني.
عز : مين ضحك عليكي ودخلك طب انتي ازاي بتقطعي في چثث انتي رقيق....
قاطعته بحدة : لو سمحت انا جايه هنا اشتغل وحقيقي انا كنت خاېفه منك من اللي سمعته عنك.

(عز قام مرة واحدة وراح عندها وميل على كرسيها وشه في وشها، وقتها قدرت تشوفه وتشوف ملامحه وقد ايه هو وسيم بمعني الكلمه ارتبكت جدا ونفسها قل )
عز : سمعتي ايه عني بقا .
نانا بتوتر : مسمعتش حاجه.
عز وطي اكتر عليها لدرجه انها نزلت في الكرسي من الخو.ف : انا ممكن افضل اوطي كدا لغايه ما الزق فيكي ولا يهمني على فكرة قوليلي بالذوق سمعتي ايه عني.
نانا : س..سمعت انك قليل الادب و مبتسبش واحدة الا لما تعا
عز بتمثيل : انا!!! فين دا دول بيتلزقوا فيا والله علشان انا اكمني حلو حبتين .
نانا : ولا حلو ولا حاجه انت شايف نفسك على ايه.
عز : مش عارف اساليهم يا نوني.

نانا زقته بعيد ووقفت تظبط طرحتها من الارتباك : انا لايمكن اشتغل معاك.

عز : في ظرف خمس دقايق ان ملقتكيش في العمليات انتي حرة .
نانا طلعت تجري بسرعه بارتباك ومقررة تهرب من المستشفى كلها
عز همس لنفسه : دا باينلها هاتبقا ايام زي الفل، نانا ډخلتي وعششتي والله يا نانا .
****************************
بليل كله بدا يتجمع والاجواء كانت سعيدة لحد ما زين لاحظ ان ادم مش موجود سال كل الموجودين محدش شافه ،مراد قلب البيت كله عليه ملاقوش الكل ارتبك ...
زين مسك التليفون وكلم الحراسه : ايوا يابني ادم بيه خرج من البرج .
_ لا يا فندم مخرجش.
زين بصرامه : انت متاكد انه مخرجش واقسم بالله لو عرفت انه سهاكوا وطلع لاموتكوا كلكوا .
_ يافندم مخرجش والله .
زين قفل معاه واتعصب والكل بدا يتوتر ويدور : يعني هايكون راح فين دوروا تاني دا..
ميرا قعدت ټعيط : ابني راح فين.....
الكل بدا يدور في الببيت كله وادم مالوش اثر
ليليان بخو.ف : يعني ايه الواد اتخطف.
زين : اهدي علشان متتعبيش هو اكيد هنا يمكن مستخبي تحت سرير او في اي حته.
ادهم : لا قلبت الدنيا مش موجود.
مراد كان واقف تايه وحس انه غلط مع ابنه وانه كان بعيد عنه قلبه وجعه عليه لغايه ما يحيى نطق :
يحيى : انا عرفت هو فين كنت شوفته مره في الروف اللي فوق بيطلع على السلم الصغير الحديد ويطلع يقعد لوحده.
مراد قلبه وقع في رجله من الخو.ف كلهم جريوا على الروف وطلع السلم بسرعه لقاه قاعد لوحده على سطح البرج بيرسم ودموعه نازلة بصمت مراد هتف باسمه بنبرة كلها خو.ف وقلق.
مراد : ادم .
ادم لف بسرعة لقى ابوه واقف وزين .
طبعا زين امر الكل يرجع مكانه ويطلع هو ومراد بس .
زين قرب منه بحنان : كدا توقع قلبنا يا ادم انت قاعد هنا وكنت ثانيه هانزل ندور عليك في الشارع .
ادم : انا فاكركوا عارفين ان على طول بقعد هنا.
مراد اتعصب : لا مش عارفين، هانعرف منين وبعدين ازاي تطلع السلم دا وتقعد على سطح البرج انت اټجننت .
ادم اڼفجر عياط : بحب اقعد هنا.
زين بص لمراد بعتاب وبعدها اتكلم لادم : حبيبي بابا خاېف عليك يا ادم انت مش عارف انت ايه بالنسبالنا حبيبي انت اغلى حاجه دنيتي ودنيا ابوك.
ادم : يعني انتوا بتحبوني بجد .
مراد اخده في حضنه بسرعة : انت ابني البكري، انت اول فرحة ليا صحيح انت ولي لي تؤام بس كل واحد له معزة في قلبي لوحدة انا مش بدلعك علشان عاوزك راجل زي ما ابويا كان بيربيني ابقا راجل وحامي لاخواتي ، انت اول فرحه لعيله الچارحي .
ادم : كل شويه قولي انك بتحبني .
زين غمض عينيه بالم على ۏجع حفيده وان كلام ليليان كله صح وحس انه غلط في حقه اخده من مراد وحضنه بحب وهمسله في ودانه : انا اللي كل شويه هاقولك بحبك ومش هابطل اقولهالك حتى لو كنت راجل وبشنبات.
( ادم ابتسم بسعادة ومراد شاله ونزل وكله قعد يبوس فيه ويحضنه وحس انهم فعلا بيحبوه ومش شرط يقولو له كلمه بحبك ... قضوا سهره حلوة مع بعض وعز اقترح انه يثبت الكاميرا ويتصوروا كلهم مع بعض صورة لذكرى ..كل واحد وقف جنب حبيبته واولاده مراد شال ادم في حضنه ولي لي وقفت قدامه وميرا شالت دنيا وجنبه ادهم شايل مازن ومالك وسيلا واقفه قدام كاميليا واسر واخد هنا في حضنه وكارما واقفه بطلع لسانها،عمر واخد ليان في حضنه بتملك وفيروز واقفه قدام وطبعا لارا جنب يحيى اللي واقف قدام مراد وسارة وزين شايل زين الصغير وبايدة تانيه محاوط بيها ليليان وعز ظبط وضع الكاميرا وقعد قدامهم والكاميرا لقطت اجمل صورة لاجمل عيله..وهمس زين لليليان بكلمه : بحبك.