اسر

واحد يتجوزها وهي عارفه انه عمل كدا عشان وصيه ومش بيحبها لو كان عندك كرامه مكنتش قبلتي ب دا بعد اذنك
الكلام وقف ومعرفتش ارد عليها دموعي نزلت بطريقه مش طبيعيه خرجت بره خالص وانا بعيط رجعت الفيلا بسرعه جدا وهوا فضل يرن عليا ومردتش طلعت على اوضتي وفضلت اخد هدومي بسرعه وبعشوائية وسحبت الشنطه ورايا ونازله والداده بتحاول توقفني وانا خارجه
لحد ما لاقيته عند الباب وباين عليه القلق انتي كويسة!!
مردتش وكملت طريقي لحد ما مسك ايدي
انتي رايحه فين وبتعيطي ليه !
ورقه طلاقي تبقي عندي
انتي اجننتي 
ابعد عني
مش هسيبك! فهميني
بقولك سبني مش طيقاك
طب اهدي حصل اية لكل دا
ليه تعمل فيا كدا ليه تكلم عني مع حد وتشوه صورتي بالطريقه لو پتكرهني اوي كدا كنت سبتني احسن انا عمري مأذيتك
قرب ومسك كتفي عشان اقف عشان خاطري استني انا مش فاهم منك حاجه صدقيني بس والله عمري ما فكرت اجرحك
لو مش عايز تجرحني بجد ابعد عني وطلقني
مش هقدر
ووانا مش هقدر اقعد معاك مكملتش كلامي وحسيت بصداع رهيب ووقعت بين ايده
بعد ساعات 
فتحت عيني لاقيته ساند راسه على السرير وقاعد على كرسي وماسك ايدي
لاحظ حركتي فا قام انتي كويسة الدكتور قال انك ضغطك علي
انا كويسة لو سمحت عايزه امشي
بصلي واتكلم بضعف ونبره اول مره اسمعها ليلي
ليلي انا والله ما عملت حاجه ليكي وحشه
اسر لو سمحت
على الاقل اشرحيلي
مش عايزه
حصل اية من حقي اعرف
واحده جاتلي فالحفله وقالتلي انك پتكرهني متجوزني عشان وصيه جدو كنت فاكره اني هقدر اغير دا لما اعاملك كويس وهتتقبلني بس مقدرتش للاسف عشان كدا انا مش هفرض نفسي اكتر من كدا
انتي اټجننتي ازاي تصدقيها
امال عرفت منين بموضوع الوصيه
مش عارف ولا عارف مين دي بس انا عمري ما هعمل حاجه ڠصب عني
مش هتفرق
ليلي انا بحبك!
بصتله وفي عيوني دموع شدني لحضنه انا بحبك اوي متبعديش انتي كمان وتسبيني
مسكت في حضنه انا مش عايزه اسيبك بس
شششش متفكريش في اي كلام غير اني بحبك ومش هقدر اكمل من غيرك انا فى الاول كنت قافل قلبي ومقرر محبش لاني مش عايز اتعلق بحد ويبعد عني بس انتي غيرتي دا انا حبيتك انتي اتسللتي لاقلبي ومقدرتش امنعك..!!!
يتبع ..
اسر اسر اسر اسر
ايوا
بتحبني
اكيد بحبك
انا بكرهك
اية ده في اية!
انا عايزه اعرف بقي انتي مجبتليش حاجه حلوة ليه
مانا بجبلك كل يوم!
اقصد لما كنا لسه متجوزين وانت مش بطقني
مسك ايدي وباسها مكنتش بكرهك انا بس كنت خاېف اتعامل معاكي واقولك سر
قول
يومها جبتلك فعلا حاجه حلوة بس لما جيت لاقيتك واقفه تكلمي البودي جارد وتسأليه على سوبر ماركت اټجننت!
انت بتغير اوي
بص لعيوني اوي اوي اوي
خالص!!
ايوا
عشان كدا اتعصبت لما جتلك الشركه 
عشان وقفتي برضو تكلمي موظف فالشركه
كنت بسأله على مكتبك!
ولو برضو بغير
وانا بحبك انت!
برضو بغير
وعيوني مش شايفه غيرك
ابتسم بحب واية كمان
وكل الرجاله الي عالكوكب دا يع خالص
الا واحد
مين
آسر قلبي
منتي برضو وقعتيه على عينه
انا يبني!
دا انتي قلبتي حياتي
ليه بس
ضحك وبدء يفتكر اول يوم اتجوزنا فيه كنت نايم ومش عارف هنكمل سوا ازاي ولا هتستحملي ولا لاء وفي وسط تفكيري لقيتك جايه تتسحبي زي الاطفال قولت في حاجه لقيتك بتكلمي بكل براءه وبتقوليلي انك خاېفه تنامي لوحدك.!
ضحكت علي طريقته ايوا بصراحه البيت مرعب وهادي وانا دايما كنت مع جدو الله يرحمه كنت مكسوفه اوي وانا جايه بس هعمل اية خاېفه
امممم وكمان تلقائيتك وانتي بتتطلبي حاجه حلوة واهتمامك بيا ونظراتك الي بتخليني عايز اكلك وضحكتك المجنونه بدون سبب الي كانت بتخطفني
فضلت باصه لي وكأنه اخد كل الكلام ومكنتش عارفه ارد قد كدا بتحبني
واكتر انتي الوحيده الى قدرت تكسر الحواجز بتاعتي كنت خاېف احب لحسن علاقتنا تبوظ زي ابويا وامي واخد قرار اني حياتي للشغل وبس
لكن واضح ان لولي كان ليها قرار تاني
طبعا طبعا