عشقك قاسې سولييه نصار
سكريبت بقلم سولييه نصار
انا حقيقي زهقت وقر فت منك ومن غيرتك يا جايدا حقيقي مليت من ده كله وتعبت ...انتي ايه كل شوية نفس الموضوع مبتزهقيش !!!
قالها فارس وهو بيمسك ايدي بعد ما اخدني بعيد عن الحفلة ...كان متعصب وبيزعق لاني كبيت العصير في وش البنت التا فهة اللي اسمها ليان...
زقيته وزعقت فيه وقولت
انا اللي زهقت يا فارس ..زهقت من البنت المايعة دي اللي بتتلزق فيك دايما...أنا خطيبتك ومن حقي اتضايق وانا بشوفها بتحاول تسر قك مني ...مش كفاية انها هتمثل معاك وقريبة منك في الفيلم اللي هتصوروه ده ...
يا جايدا أنا ممثل طبيعي اكون مقرب من الممثلين زمايلي ...انتي عارفة الوسط بتاعنا وعارفة اني ممثل وان دي طبيعة شغلي اني أعمل اللي بيقولوا عليه المخرجين وليا معجبات وزميلات ...انتي عارفة كده كويس وانا مش ههد الكارير بتاعي اللي تعبت عشانه بسبب غيرتك التا فهة دي يا جايدا ...
الدموع بدأت تنزل من عينيا ..مش مصدقة ...ده مستحيل يبقي الشخص اللي حبيته ابدا ...الشخص اللي وقفت جمبه من أول ما كان لسه ممثل مبتدئ ...أنا كنت صحفية وليا معارف وحاولت كتير اني اشوفله فرصة عشان يمثل لانه فعلا موهوب ...بس لما كبر وبقا نجم كبير اتغير اووي ...أنا مش مصدقة ان ده هو فارس ...
عارف ان دلعها اوفر وعارف انها و قحة معاكي وبتستفزك بس أنا بحبك انتي...انتي خطيبتي وبعد ما يخلص الفيلم اللي جاي ده هتبقي مراتي ...انتي اللي في قلبي مش. هي وهي متهمنيش خالص يا جايدا ...بس افهميني ابوس ايديكي ...ليان تبقي بنت أكبر مخرج في مصر يا جايدا وده اللي هيخرجلي الفيلم اللي جاي...ده هيبقي أكبر فيلم في مسيرتي كلها وهيخلي اسمي يلمع اكتر ابوس ايديكي استحملي شوية يا حبيبتي وصدقيني بعد الفيلم هق طع علاقتي بيها خالص اتفقنا ...
روحني لو سمحت ...مصدعة ومحتاجة ارتاح ...
بصلي فارس بعجز بس مرضتش اتنازل المرة دي فكملت
لو حابب اقعد في الحفلة واعتذر من ليان هانم أنا هأخد تاكسي ...
ولسه همشي من قدامه مسك دراعي وقال
استنيني هنا هروح ابلغهم اني مروح...
......
وقفت عربية فارس قدام بيتنا وخرجت من العربية بهدوء ..
قالها فارس وهو بيطلع من عربيته وبيقف قدامي..
نعم ...
قولتها بتعب فابتسم ليا ..الابتسامة اللي بتقولي انه لسه فارس اللي بحبه موجود جواه ..لسه مما تش هو موجود ولو جزء بسيط منه ...
خرج من جيبة علبة شكلها شيك وفتحها عشان اشوف سلسلة دهب معلق فيها فراشة صغيرة ...كان تصميم السلسلة بسيط بس شيك اووي وافتكرت ان دي السلسلة اللي كنت هتج نن عليها لما شوفتها علي النت...ورغم اني حاولت ابين سعادتي بس ابتسامتي خرجت حزينة اووي ومك سورة ....
هتفضلي انتي بس اللي في قلبي يا جايدا مټخافيش عمري ما هبص لغيرك ..وده وعدي ليكي.
.......
مرت الايام وابتدت تجهيزات فيلم فارس الجديد كنا متفقين انه بعد ما يصور الفيلم ده هنتجوز علطول ...وطبعا ليان كانت هي البطلة وبالتالي اجتماعتهم مع بعض مكانتش بتخلص خالص وده كان مسببلي ضغط كبير بس مكنتش راضية اټخانق مع فارس كنت كل يوم ابكي في اوضتي من الغيرة والقه ر وانا شايفة اللي بحبه بيقضي كل وقته تقريبا مع واحدة تانية ....
....
رايحة فين يا جايدا ....
سألتني امي بحيرة لما شافتني خارجة من البيت الساعة عشرة بالليل فقولتلها بإختصار
رايحة ادي الورق ده لميار المسطولة زميلتي في الجريدة نسيته معايا ..
ماشي متتأخريش يا حبيبتي ..
هزيت راسي وخرجت .اتصلت علي فارس عشان اقوله كمان بس تليفونه مقفول ....
فتحت باب عربيتي الصغيرة وركبت فيها وانطلقت بيها لما ميار اتصلت بيا ..
ايوة يا ميمو اهو راكبة وجايالك ...نعم يا اختي مش هتقدري تقابليني...ليه كده يا ميار ده أنا نزلت عشانك وقربت اوصل كمان الله يسامحك يا ولية...طيب تمام يا حبيبتي هجيبلك الورق بكرة الجريدة ..يالا باي...
وقفت العربية
وقررت خلاص ارجع البيت ولسه هلف لقيت نفسي قريبة من بيت فارس...رغم ان غلط اروح له دلوقتي بس كنت محتاجة اشوفه بقالي يومين مشوفتهوش ومن الصبح مكلمنيش خالص ...سوقت عربيتي وروحت علي العمارة الراقية اللي هو ساكن فيها وطبعا طلعت من غير أي مشاكل لان البواب يعرفني كويس .. فجأة اتجمدت مكاني لما خرجت من الاسانسير ووقفت قدام شقته ولقيتها مفتوحة ..قلبي وقع في رجليا وخو فت يكون جراله حاجة دخلت بسرعة وشوفت اللي ك سر قلبي ...شوفته معاه ...مع ليان!!
يتبع
عشقك_قاسي
سولييه_نصار
عودة بعد انقطاع طووويل
الجزء التانيشكرا علي تفاعلكم السكربقلم سولييه نصار
جايدا!!!
قالها فارس ووشه شاحب ..كانت دموعي بتنزل وانا شايفة ليان لازقة فيه حسيت قلبي بيتع صر فجأة فارس زق ليان جامد وبدأ يعدل هدومه وهو بيقول برجاء
ممكن تسمعيني ...اسمعيني بس ...جايدا ...
كنت واقفة متجمدة والدموع بتنزل من عينيا فارس كان بيبصلي بأ لم وحزن ...كان مر عوب...كنت شايفة الخۏف في عينيه ...اللي قطع الصمت اللي سيطر علي المكان شوية هي كلام ليان وهي بتقول
طيب يا بيبي أنا همشي دلوقتي وهكلمك بكرة عشان نتقابل ...
لا استني كملوا اللي بتعملوه أنا اللي همشي...
قولتها وكان نفسي اتكلم وانا صوتي جامد وبارد بس للاسف نبرة صوتي طلعت بتترعش بسبب العياط ...
وبعدين بعدت عشان أخرج ...فارس قرب مني بسرعة...الدموع كانت بتلمع في عينيه ومسك ايديا وقال
اقسم بالله يا جايدا انتي فاهمة الموضوع غلط اسمعيني بس ...
مردتش عليه كل اللي عملته بعدته عني وطلعت بسرعة من الشقة ...الخيا نة بتق تل أي علاقة ودي كانت نهاية الطريق مع الإنسان الوحيد اللي حبيته ...كنت بنزل السلالم بسرعة وانا سامعة فارس بينده عليا جامد وبينزل ورايا ...سرعت اكتر لحد ما خرجت من باب العمارة ومهتمتش بالبواب اللي كان بيبصلي پصدمة كنت محتاجة اهرب من فارس بسرعة ...ركبت عربيتي وانطلقت بيها ...بعد لحظات بصيت في المرايا لقيت عربية فارس ورايا ...يارب لا مش عايزة اواجهه دلوقتي ...سرعت العربية اكتر عشان اوصل للبيت ...
بعد لحظات وصلت وطلعت من العربية وجريت علي عمارتي بسرعة ...
كنت بنهت وانا بحاول ادخل المفتاح في الباب عشان ادخل بس صر خت لما حسيت بحد بيمسك أيدي وكان فارس ..
ابعد عني ...ابعد ..
صړخت في وشه ...مهتمتش أن حد يسمعني الا لم اللي في قلبي كان قوي لدرجة اني مكنتش مهتمة بأي حاجة ...
والله العظيم فهمتي غلط ...جايدا ابوس ايديكي اسمعيني ...هي استغلت ...
اسكت اسكت مش عايزة اسمع ولا أفهم حاجة ...
صړخت وانا بحط ايديا علي ودني ودموعي بتنزل بعدين خبطت جامد علي الباب ....
جايدا ...
قالها ودموعه نزلت بعدين كمل
صدقيني معملتهاش ...صدقيني مخنتكيش...
بس انا كنت رافضة اسمع اي حاجة ...
اتفتح الباب وبصتلنا امي پصدمة وقالت
حصل ايه يا ولاد ...
مردتش عليها ودخلت اوضتي بسرعة وقفلت علي نفسي الباب ....مسحت دموعي بشراسة وروحت خرجت صندوق الهدايا الكبير اللي جابه قبل كده وبدأت الم حاجته
جايدا افتحي ابوس ايديكي ..افتحي ..
قالها فارس وهو بيخبط علي الباب جامد ...
ايه اللي حصل يا فارس ...عملتلها ايه ...
مردش فارس وهو واقف قدام الباب حاسس بالعجز ...كل حاجة كانت ضده ..هو بيخ سرها ولو خ سرها مش هيلوم الا نفسه !!!
فتحت الباب فجأة وانا شايلة الصندوق وقولت
الصندوق ده فيه الشبكة وكل الهدايا اللي جبتها يا فارس ...اتفضل كل اللي بيننا انتهي ومش هيرجع تاني ...انت خلفت بوعدك ليا انك عمرك ما هتك سرني ...بس ك سرتني ...وملكش عندي فرص تانية !!!
يتبع
عشقك_قاسي
سولييه_نصار
الجزء التالتشكرا علي تفاعلكم السكربقلم سولييه نصار
وشه شحب وانا بديله الصندوق بتاعه ....
جايدا ...جايدا مستحيل تعملي فينا كده..
قالها بأ لم وللحظات شكيت انه برئ ...بس لا أنا شوفته بعيني...مش هكد ب عيني ...ممكن لو حد قال انه بيخو ني مكنتش هصدق لكن الموضوع كان قدام عينيا ...
انت اللي عملت فينا كده يا فارس مش أنا ..
قولتها ببرود وبعدين دخلت اوضتي بسرعة وقفلت الباب وانا بتسند علي الباب ودموعي بتنزل لوحدها ...
فجأة اترعشت لما خبط علي الباب بقوة كبيرة وصړخ
مستحيل تنفصلي عني من غير ما تسمعي ...اديني فرصة واسمعيني ليه الظ لم ده ...أنا
مش هتخلي عنك يا جايدا ولا هرتاح الا لما تسمعيني الأول وبعدين قرري ...
شهقت ودموعي نزلت اكتر ...حطيت ايدي علي بوقي عشان ميسمعنيش ...فضل فترة يتكلم ويحاول يخليني اسمعه بس أنا مكنتش برد عليه ...أخيرا بعد دقايق فقد الامل ومشي ...وقتها ماما خبطت عليا وقالت
خلاص يا جايدا افتحي هو مشي ..
مسحت دموعي بسرعة وفتحت الباب وخرجت الصالة ولقيت الصندوق علي الأرض وقبل ما اسأل ماما قالت
ساب الصندوق هنا ...رفض ياخد الشبكة يعني من الاخر رافض الانفصال ...
دموعي نزلت تاني وبدأت ابكي بصوت عالي ..
أمي شدتني وحضنتني وقالت
قولي يا بنتي حصل ايه لده كله بس ...
بعدت عنها وبدأت اقولها كل اللي حصل ...
بعد ما خلصت قعدت علي الانتريه بتعب وغمضت عينيا اللي بدأت تو جعني بسبب العياط ...
اتنهدت ماما وقربت مني وهي بتمسك ايديا ..
مفكرتيش تسمعيه !
فتحت عيني وبصتلها پصدمة وقولت
اسمعه ...اسمعه ازاي بعد اللي شوفته يا ماما ...ده ده...
اللي شوفته انا ان فارس بيحبك اووي ومستحيل يعمل كده....ففكري فيها ...ممكن تكون ليان هي اللي قربت منه وانتي فهمتي الموضوع غلط ...انتي بتقولي ان الباب كان مفتوح...طيب مفكرتيش أن ده ممكن يكون فخ من البنت دي ...مفكرتيش أن فارس ممكن يكون برئ ...
كنت لسه هصرخ وازعق بس سكتت وانا بفتكر التفاصيل اللي حصلت...لما دخلت البيت كانت ليان هي اللي حاضنة فارس ...بس هو مكانش ابدا مبسوط ...
بصيت لماما ودموعي بتنزل ...ماما اتنهدت وقالت
انتي مدتلهوش أي فرصة يشرح يا جايدا ...رفضتي تسمعيه...أنا شوفت اليأس والحزن في عيون فارس بس مشوفتش الذ نب لأن واضح جدا أنه مظ لوم ...
كلام امي اثر فيا وخلاني اشوف الموضوع من منظور تاني خالص ...أنا فعلا مدتلهوش أي فرصة يشرح ...وكنت عارفة أن البنت ليان دي بتحاول دايما تتقرب منه وهو بيصدها ..
هروح اتكلم معاه .
قولتها بهدوء فباست امي علي راسي وقالت
هي دي بنتي العاقلة ...
....
في اوضتي كنت علي السرير بستعد للنوم وانا برتب في دماغي اللي هقوله بكرة ...حتي لو فارس مظ لوم أنا مش هقدر اتحمل الضغط ده ..عارفة أن هو ممثل وان دي طبيعة شغله لكن أنا مقدرش اتحمل ابدا الغيرة ...مقدرش اتحمل الضغط ده مش هقدر ....
............
في اليوم التاني ....
قبل ميعاد الشغل قومت وجهزت نفسي عشان اروحله واتكلم معاه كنت ناوية اواجهه...ضبطت نفسي ولسه هخرج لما جرس الباب رن وامي راحت تفتح وقالت
اهلا يا فارس يا بني ...
قلبي دق بسرعة اووي ووقفت مكاني وانا ببصله ...وشه كان شاحب وعينيه حمرا كان باين اووي أنه منمش من امبارح وان اول حاجة عملها لما النهار طلع أنه جه عندنا ..الساعة تمانية الصبح ...
جايدا أنا ....
اتفضل يا فارس علي الصالون عشان نقدر نتكلم
قولتها بهدوء ...
...
بعد خمس دقايق تقريبا كان قاعد علي الانتريه بييبصلي برجاء ...بصيت لعينه ...دايما كنت اعرف اقراه...امي كان عندها حق ...مكانش شعور الذ نب ابدا منهم ...
بلعت ريقي وقولت
انا محتاجة اعرف ايه اللي حصل امبارح يا فارس ...قولي الحقيقة لو سمحت ..
قرب مني ومسك أيدي وقال
والله يا جايدا ما حصل حاجة ...هي جاتلي فجأة من غير ميعاد واتحججت أنها عايزة تكلمني في موضوع الفيلم ..مكنتش عايز ادخلها بس هي ببجاحة دخلت رغم اني طر دتها تقريبا فسيبت الباب مفتوح وروحت فعلا عشان امسكها وأخرجها بس هي حضتنتني وجيتي انتي ...والله ده اللي حصل ...والله أنا ما ليا دعوة ...جايدا أنا مستحيل اخو نك ..مستحيل انتي حب حياتي مش خطيبتي وبس ..عمري ما هعمل فيكي كده ...أنا حتي منومتش من امبارح وانا خاېف انك تطر ديني من حياتك ..أنا .
انا مصدقاك ...
قولتها بهدوء فابتسم بسعادة وهو بيمسك أيدي وبيبوسها بعدت أيدي بكسوف والحزن احتل وشي وانا بقول
بس أنا مش هقدر اتحمل الضغط ده يا فارس ...عارف ان شغلتك كممثل بتفرض عليك حاجات كتير ...بس انا مقدرش استحملها يا فارس ...انا بغير عليك ...بمو ت من الغيرة بسبب قربك منهم لأنهم زميلاتك وبتمثل معاهم...أنا مقدرش استحمل ده كله مقدرش !!
بلع فارس ريقه وقال پصدمة
يعني انتي عايزاني اسيب التمثيل!!!اسيب حلمي يا جايدا ...حياتي كلها
عشانك !!!
والصدمة علي وشه مشوفتهاش قبل كده ..كان مصډوم مني ...ومجر وح كمان ...بس انا مكنتش ناوية ابدا أتنازل !
يتبع
عشقك_قاسي
سولييه_نصار
الجزء الرابعشكرا علي تفاعلكم السكربقلم سولييه نصار
انا حقي اغير عليك يا فارس ...
قولتها ودموعي بتنزل فهز رأسه ورد
اكيد حقك ...زي ما انا بغير عليكي ...بس انتي عارفة أن ده حلمي ...من صغري وانا بحلم اني ابقي نجم كبير ...وانتي عارفة كده كويس يا جايدا ...أنا مخد عتكيش ابدا ..بالعكس انتي اللي دعمتيني دايما ...
بكيت وانا بقول
بس مكنتش اعرف اني هتعذ ب كده ..أنا عايشة في ضغط كبير يا فارس ..انت مش حاسس بيا أنا بمو ت من الغيرة بسبب صداقتك مع الممثلات ...مش بتحمل لما بتلمسهم أو تمثل معاهم ...ليه مش حاسس بيا .. أنا مقهو رة اووي ومش قادرة أكمل بالوضع ده ...
مش قادرة تتحملي الضغط فتقومي تحرميني من حلمي..وانتي عارفة قد ايه التمثيل مهم بالنسبالي ...أنا مصډوم منك يا جايدا ...الكلام ده لو خرج من حد تاني مكنتش هتصدم كده ...لكن ده طالع منك انتي...انتي اللي عيشتي حلمي خطوة بخطوة ...كنتي شايفة قد ايه تعبت عشان اوصل ...اتحملت كتير وانتي بنفسك ساعدتيني ...أنا مش مصډوم وبس أنا مقهو ر كمان .. مقهو ر لاني مظنش انك بتحبيني ...
انا بغير عليك يبقي بحبك يا فارس ..
قولتها بإنهيا ر فرد هو
لو بتحبيني عمرك ما هتقدري تشوفيني تعي س يا جايدا...لو بتحبيني هتعرفي أن التمثيل حياتي ...وانتي عارفة كده كويس ..صح ولا غلط ...
مسحت دموعي وقولت
متتخلاش عن حلمك يا فارس ..عشان اي حد حتي لو انا...
كان بيبصلي بتوتر فابتسمت بحزن وقولت
وانا واثقة انك هتلاقي الاحسن مني ..ربنا هيكرمك بواحدة احسن مني بإذن الله ...
ولسه هقوم مسك ايديا وقربني منه وهو بيقول
انتي بتخر في تقولي ايه ..جايدا متتج ننيش ...ازاي عايزة تسيبني ...ازاي ...
انا اسفة ..اسفة المشكلة مش مشكلتك المشكلة مشكلتي انا بغير عليك وعارفة أن مواقف ليان هتتكرر دايما معاك لأنها ممثلة واكيد هتمثلوا مع بعض كتير وانا مش عايزة أقف في طريق نجاحك فخليني ابعد عشان مش هستحمل...أنا اسفة يا فارس كل اللي بيننا انتهي ده قرار نهائي ..
اتنهد ومسك ايديا وقال
طيب اهدي خلينا نتناقش ونوصل لحل يا جايدا...وانا هرضيكي لكن الانفصال ده انا مش موافق عليه ..
بعدت وقولت بحزن
للاسف يا فارس مفيش حل ...أنا مش هطالبك تسيب حلمك فلو سمحت متطالبنيش أني استحمل الغيرة ...
بعدين سيبته وجريت علي اوضتي وقفلت الباب واڼهارت علي سريري وانا ببكي بعن ف ....
بعد دقايق اتصلت بيهم علي الجريدة واتحججت اني تعبانة ومش هقدر اجي وبعدين قفلت وانا بعيط بصوت أعلي ...
الباب خبط ودخلت ماما وهي بتبصلي بدون رضا وقالت
انتي أ نانية اووي يا جايدا ...
بصتلها پصدمة فقربت مني وقالت
انا عمري ما كنت اتخيل انك تبقي بالأ نانية دي ..تطالبي فارس يتخلي عن حلمه عشانك ...وانتي عارفة قد ايه الحلم ده مهم بالنسباله!!!
ماما ..
قولتها بصوت مخنو ق فقربت مني وقالت
فارس عمره ما خد عك ولا كد ب عليكي ..انتي من البداية عارفة حلمه وعارفة أنه نفسه يبقي نجم كبير وانتي بنفسك ساعدتيه أنه يمثل وكنتي فرحانة بيه ايه اللي حصل فجأة اټصدمتي من الحقيقة...ده ممثل متوقعة ايه يعني !!
انا بغير بغير ...ليه محدش قادر يفهمني ...
ليه مفكرتيش في ده من البداية ...جاية تفكري دلوقتي في غيرتك ...جاية تطالبيه يتخلي عن حلمه اللي تعب فيه واللي كنتي بتشجعيه يحققه فكرته زرار هتدوسي عليه عشان يحقق طلبك...ده الراجل بيحاول يعمل اي حاجة عشان تبقي معاه وكان عايز يتناقش وانتي نهيتي كل حاجة !!ده غبا ء للاسف منك ولما تخسري فارس للابد هتند مي ...
بعدين امي سابتني ومشيت عشان اعيط بصوت أعلي ...
........
مر اسبوع وانا حا بسة نفسي في البيت اخدت إجازة مش شغلي ...وحتي من اوضتي مبخرجش في أول يومين فارس كان بيتصل بيا بس وقف فجأة ومبقاش يتصل ....
شهقت فجأة لما الباب اتفتح وماما بتبصلي بفز ع وقالت
جايدا فارس اتصا ب وهو بيصور !!!
يتبع
عشقك_قاسي
سولييه_نصار
الجزء الأخيرشكرا علي تفاعلكم السكربقلم سولييه نصار
فارس...
قولتها وقلبي بيدق جامد لما
دخلت اوضته في المستشفي .....من وقت ما ماما قالتلي علي الخبر وانا مفكرتش في أي حاجة الا اني اشوفه ...نسيت كل حاجة وجريت عليه وعرفت وقتها ان فارس كل حياتي مقدرش اخس ره...ممكن استحمل أي حاجة بس مستحملش انه اخس ره للأبد ...
دموعي نزلت وانا ببصله وهو متسطح علي السرير ..بصلي وعينيه التعبانة لمعت ليا وابتسم بتعب ...
سيبونا لحالنا لو سمحتوا ..
قالها فارس للناس اللي معاه في الاوضة وفعلا بهدوء بدؤا يمشوا واحد ورا التاني ...بصيت للاوضة اللي مليانة ورود وانا مستنية الاوضة تفضي....أول ما طلع آخر واحد جريت علي فارس وانا بعيط ويقول
فارس فارس انت كويس ايه اللي حصلك ...فيه أي مضاعفات او..
كنت بتكلم بسرعة وانا بفحصه بإيده ودموعي كانت بتنزل....
ششش اهدي الاصا بة بسيطة متقلقيش ...
قالها وهو بيمسك ايديا وبعدين بدأ يمسح دموعي ...بكيت اكتر فشد علي ايدي جامد وقال
اهدي خلاص يا جايدا والله أنا كويس ومحصليش حاجة ...
بعدين ابتسم اكتر وقال
انا مبسوط أنك خۏفتي عليا ..ده معناه اني لسه في قلبك ...
طبعا بحبك وبخاف عليك عندك ش ك..
قولتها بصوت مخڼوق وكملت
انا اسفة علي اللي عملته...اسفة اني كنت انانية وطلبت منك تتخلي عن حلمك...أنا اكتر واحدة عارفة ان التمثيل بالنسبالك ايه. ..عارفة ان ده حلمك اللي عشت عشانه...أنا مش هطلب منك تاني تتخلي عنه وانا هتصرف في موضوع الغيرة ده ...
ابتسم ابتسامة غريبة وبعدين شد ايدي وباسها وقال
انا لقيت حل افضل ...التمثيل حلمي صحيح ..بس انتي كل حياتي ..وانا مش هاجي عليكي عشان حلمي ...علي فكرة أنا كنت هسيب الفيلم وحصلت مشكلة كبيرة مع المخرج وعشان ارجع شرطت عليه يطلع بنته من الفيلم ..
مستحيل سمع كلامك وطلع بنته ..
ابتسم وقال
صحيح هو مخرج كبير بس متنسيش أنا أيه ..هو مش هيض حي بفش ل فيلم ضخم زي ده عشان بنته وخاصة انها ممثلة مبتدئة مش مشهورة ..لكن أنا ليا معجبيني اللي هيدخلوا الفيلم وينجحوه كمان ..وطبعا بعد ما قولتله علي عملة بنته المهب بة خرجها من الفيلم والحمدلله انها مكنتش صورت مشاهد كتير وقدرنا نلم الدنيا ونلحق نجيب ممثلة تاني مكانها وكنا النهاردة هنبتدي أول يوم تصوير لينا واديني اتصا بت ربنا يستر والمخرج ميح بسنيش ...
كنت ببصله پصدمة وقولت
عملت كده عشاني !
هز راسه وابتسم وقال
لا عشاني لاني معرفتش اعيش من غيرك ... لاني اكتشفت ان مقدرش اشوفك زعلانة...رغم ان قبل كده سكتت وانا بشوف ليان بتضايقك...سكتت في الأول وكنت غلطان عارف بس مقدرتش اسكت لما حسيت أنك هتض يعي مني ...كان قرار جرئ مني صحيح اني اقولهم اسيب الفيلم بس سبحان الله الموضوع جه في صفي ...
اتنهد وكمل وهو بيشد علي ايدي ويقول
انا مقدرش اتخلي عن حلمي في التمثيل يا جايدا ..صدقيني حاولت عشانك بس مقدرتش ...
هزيت راسي وقولت
وانا مش عايزاك تتخلي عن حلمك...أنا عايزاك تبقي سعيد ...
وانا عايزك برضه تبقي سعيدة واظن وصلت لحل يريحنا احنا الاتنين
ايه هو !
قولتها بحيرة فابتسم ليا بسعادة وعينيه بتلمع ..
...
بعد سنتين ....
كنت في اللوكيشن شايلة مريم بنتي اللي عندها تسع شهور وانا ببتسم لفارس اللي قرب مني وهو بيبتسم...باس راسي وقال
نورتي اللوكيشن يا ست الكل ...خلصت تصوير خلاص هغير ونمشي ...
ابتسمت وهزيت رأسي وبعدين قعدت مكاني وانا مستنياه ...كنت مبسوطة اووي بنجاح فارس في افلام الاكشن ..اختار النوع ده من الأفلام عشان يبعد عن الرومانسية ...احترم غيرتي فعلا ...صحيح احيانا بغير من الفانز بتوعه او الممثلة اللي بتمثل معاه في أي فيلم اكشن رغم ان مبيكونش بينهم أي مشاهد طويلة بس قررت اسيطر علي الغيرة دي واتنازل لانه اتنازل كتير عشاني عينيا لمعت وانا بشوفه بيقرب مني
يالا يا حبيبي .
قالها بإبتسامة وهو بيسحبني ويمشي بيا ..
.......
بالليل ....
بصيت لمريم النايمة وانا ببتسم..كانت زي الملاك شبه باباها بالضبط ...شهقت بصوت واطي لما حسيت بأيد علي كتفي
اهدي يا حبيبتي ده أنا ...
قرب وشدني ليه وهو بيبص لمريم بسعادة وقال
مريم وهي نايمةزي الملاك شبهك بالضبط ..
بصتله وقولت بذهول
تعرف ان ده اللي انا كنت بفكر فيه ان مريم شبه الملاك وشبهك بالضبط ...انت ملاكي يا
فارس
ابتسم وضمني ليه وقال
وانتي ملاكي ...بحبك يا جايدا
وانا كمان
مش مهم هيحصل ايه في المستقبل لاني عارفة أننا هنقدر نحل مشا كلنا أنا وفارس ...لاننا بيننا اقوي من أي مشاكل ...بيننا تفاهم ..بيننا حب ورغبة أننا نبقي مع بعض دايما
تمت
عشقك_قاسي
سولييه_نصار
