الحب
خلاص الحكاية خلصت.
وهو أنت بطلة الحكاية الوحيدة ؟
أنا أصل الحكاية.. أنا الکاړثة نفسها... انا مش عاوزاك.
رميتها في وشها واديته ضهري كنت على طرف دمعة دمعة واحدة وهنهار في حضنه والي يحصل يحصل.
لف ووقف قصادي أنت أنانية
عارفة.
أنا بحبك.
عارفة
وأنت بتحبيني.
عارفة .. عارفة.. عارفة بس مينفعش.
لية ؟
لانك أحسن أنا تحت أوي وأنت فوق أوي أنا.. أنا لا شيء جنبك أنا ولا حاجة.. أنا..
همدلك ايدي هتبقى جنبي هنبقى سوا.
افهم يا زين أنا هبقى السيئة الوحيدة في حياتك أنت انقى من انك تبقى مع واحدة زيي.
مسك وشي كفاية قسۏة.
دمعت كفاية حب الحياة مش وردي أوي كدا.
أنت مريضة والمړيض بيتعالج.
بعدت عنه أو بيتعزل وانا ميتفعنيش غير العزلة.
لا.
متنسنيش.
شهرين وانا في البيت خۏفي زادت وحدتي وسعت وقلبي تعب. مكنتش متخيلة اني بحبه بالصورة دي بالطاقة دي بالشغف دا مجرد ما غاب من حياتي حياتي غابت معاه.
وفي لحظة جنون بعتله مسدج ونزلت اقابله على نفس الرصيف في نفس المكان الي شهد على كل حاجة حلوة ومؤلمة ما بينا.
شفته جاي من بعيد نفس الطلة نفس دقة القلب نفس التوهان نفس احساس الأمان اللذيذ في قربه.
ازيك ؟
عايشة.
مبصناش لبعض سؤال وإجابة بصورة روتينية متعودناش عليها دايما كان لكلامنا نغمة مختلفة نغمة دافية حد الألم.
عملت أية في بعدي ؟
اتخانقت مع الوقت الفاضي.
شهقت زين !
العيون نقطة وصال.
العيون طريق للقلوب
العيون نقطة رجوع.
ولا مكالمة واحدة يا زين ؟
ولا رسالة واحدة يا رحمة ؟
كنت فكراك مش هتمشي.
كنت مستنيكي ترجعي.
أنا اسفة.
وحشتيني
التعافي محتاج دافع سند قوة صبر وقلب فاهم يعني أية حب. كان جنبي من أول جلسة مع أخته في العيادة كان بيحفزني بالكلام بالأحلام بإني أفضل بإني أجمل بإني أنجح والأهم بإني هقدر.. هقدر اتعالج هقدر أكون نفسي من جديد مش مجرد هامش.
تعبت في الجلسة ؟
كنا في الشارع قدام النيل قاعدين ساكتين زي كل مرة بعد الجلسة لحد ما بياخد دور البطولة ويبدأ الكلام.
مش أوي.
مسك إيدي أحسن دلوقتي ؟
جوانب لطيفة في الحب مثلا.. لمسة الأيد ..
احساس شقي في لحظة مشاركة احساس أمان وقت خوف احساس مسكر مع دفا نظرة و حلاوة ابتسامة.
احسن بكتير.
خرج وردة صغيرة من جنبه مكنتش شايفاها من ساعة ما قعدنا وحطها على أيدي.
أو مثلا الوردة .. لطيفة كهدية مريحة كأعتذار مذهلة كأعتراف حب أو تكراره.
عاوزة تنامي شوية ؟ تحبي نروح ؟
لا عاوزة أسند راسي على كتفك.
اتحرك بهدوء وقرب الكرسي بتاعه مني فمالت
راسي على كتفه ووقف الوقت.
وأخيرا سندة الراس على الكتف.. شعور ملوش وصف لحظة خارجة من حسابات العقل والمنطق خليظ ما بين الإحساس بالأمان والحب الحزن والألم الهدوء والسکينة.
وهنا احنا ممكن نلخص معنى الحب في سندة كتف.
وكأن الحبيب بيقول لحبيبته أنا هنا مټخافيش أنا هنا
أنا تعبانه.
وأنا هنا مټخافيش.
الحب دافع الحب أمل الحب نور.
الحب دافع الحب أمل الحب نور.
الحب دافع الحب أمل الحب نور.
على مدار حكايتنا من حب لألم لتعافي لجواز لحياة كاملة وأنا بردد العبارة دي يوميا علشان مخافش تاني علشان أنا مش هامش علشان أنا أقدر.. علشان أنا رحمة.
فين المفاتيح يا رحمة ؟ هتأخر على الشغل.
سرقتها.
بتعترفي!
معنديش حاجة أخاف منها.
ابتسم ويا ترى سړقتي مفاتيحي لية ؟
علشان أشرب معاك فنجان قهوة بريحة الحب.
