الحب
صورة وانا بمد ايدي وبحطها بسرعة في شنطتي .. صورة وفيه شخص غريب پيتخانق معايا.. زين كان پيتخانق معايا !!
مكانتش اول مرة اشوفك لما رجعلتك الساعة !
غمض عيونه وانا قربت منه خطوة.
لية سكت ؟ لية سبتني امشي يومها وانا معايا ساعتك ؟
كنت متأكد انك هترجعيها.
مين أكدلك ؟
مفيش حاجة أكدت أنا حسيت انك هترجعي شكلك مكانش بيقول انك حرامية.
فيه حرامية كتير بيتخفوا في اللبس الحلو.
وبيتخفوا في الملامح البريئة كمان ؟
سكت وانا مش لاقية رد مناسب جوايا ڠضب وخوف وخجل وحيرة خزى كبير من نفسي وعليها ازاي عملت كدا ! ازاي ؟
كمل هو بعد ما مشيتي روحت وحكيت لأختي الي حصل اختي دكتورة نفسية فكانت اتكلمت معايا من فترة عن مرض هوس السړقة ولما شفتك افتكرت وهي كمان الي اكدتلي انك هترجعي الساعة ولما اتقابلنا تاني مرة توقعت انك هتقولي الحقيقة وانك مكسوفة من الي حصل وانا كان عندي استعداد اساعدك حتى بدون سبب لكن لما شفت ملامحك الهادية وطريقة كلامك الطبيعية فهمت انك فعلا مش فاكرة حاجة أو عقلك بصورة ما مكسوف من الهوس دا فكل ما بتسرقي بينكر الذكرى بسرعة وكأن مفيش حاجة حصلت كنوع من أنواع الهروب.
مسكت ايدي الي بتترعش بايدي التانية واتمالكت اعصابي.
واشمعني دلوقتي افتكرت ؟
فاطمة اختي قالتلي بعد ما اتناقشنا في حالتك انك علشان تفتكري أو تعترفي بمرضك لازم حد قريب منك هو الي يواجهك في اللحظة الي بتسرقي فيها جوا لحظة خۏفك أنت مبتسرقيش علشان عاوزة تسرقي انت بتسرقي علشان تهربي من خۏفك.
وعلشان كدا سيبت مفاتيحك ؟ علشان يبقى فيه لقاء تاني ؟ علشان يكون ليك حق المساعدة وحق القرب ؟ علشان تعرف تراقبني ؟
منكرش في البداية كنت عاوزة ساعدك.
وبعد كدا ؟ لية بقيت جنبي كل المدة دي ؟
علشان بحبك.
ضحكت بسخرية بتحبني ؟ بتحب واحدة حرامية يا زين ؟
هتتعالجي.
ولو فشلت.
هفضل جنبك.
رد مناسب من شخص مناسب في وقت غير مناسب.
يعني اية ؟
حطيت ايدي في شعري وشديته اتحركت حوالين نفسي قاومت كل الي حصل في الفترة الي فاتت كل الحب كل الشغف كل الأمان كل الدفا كل الراحة.. علشانه مش علشاني هو ميستاهلش واحدة زي.
4 الاخير
يعني مينفعش.
هو أية ؟
أننا نكمل اني احبك انك تحبني مينفعش.
مين الي قال كدا ؟
انا الي بقول انا الي بقولك ابعد عني أنا مؤذية أنت فاهم ؟ أنا مؤذية.
مش صحيح.
مش هسمعك تاني ابعد بقي.. خلاص انت عملت الي عليك وانا عرفت اني مريضة ..
