الحب
جميلة دي! دي جميلة! من أي اتجاه شفتها جميلة اصلا ؟ ها ؟
عيونها واسعة مثلا.
والله العيون الواسعة مخلصوش من الدنيا مش معجزة يعني.
رفيعة.
قصدك شبه عود القصب حاجة كدا شبة العيانين.
ملامحها هادية.
ششش دي صفرا دي أنت مش عارف حاجة.
اومال أنت الي عارفة ؟
طبعا.
مش صح أنت مش عارفة حاجة.
أية هي الحاجة الي أنا مش عارفاها. ؟
إني مش عاوز أكون بتاع سهى.
اومال عاوز تكون بتاع أية ؟ أه ياني أنت مبتعتقش ؟ خلاص الستات بقوا يجروا في دمك ؟ بتتنفس ستات ؟ أنت أية يا اخي ؟
أنا بحبك ودي الحاجة الوحيدة الي عاوزاك تعرفيها.
ها !
حكايات الحب بتكون هادية طول ما الضعف الي جوانا مستخبي أول لما يظهر.. أول لما الجانب المظلم الي جوايا ياخد البطولة.. قصص الحب بټموت.
رجعي السلسلة على التربيزة تاني.
مفهمتش بيقول أية ولا ظهر أمتى ولا سلسلة أية الي بيتكلم عنها رفعت عينيا ليه بتوهان وانا مش فاهمه
سلسلة أية ؟
الي في ايدك.
استغربت وفتحت ايدي لقيت فيها سلسلة غريبة مش بتاعتي ولا اعرف ازاي بقت على أيدي.
أية دا !
ششش مش وقت كلام هاتيها وانا حطها على التربيزة ونروح سوا.
حطيتها في أيده بهدوء وشفته وهو بيتحرك لحد ترابيزة كانت قريبة من التربيزة بتاعتي كانت قاعدة عليها ست بس هي دلوقتي في الحمام طلع السلسلة وحطها على جنب بشكل خفي ورجع ليا و... هو قصده اني انا الي سړقت السلسلة ؟ _
زين أنا.. أنا..
احنا لازم نتكلم تعالي.
قعدنا على رصيف ساكتين بحاول افكر احلل استوعب والصداع مش سايب راسي قطعت الصمت بنبرة خاېفة
يعني أية الي.. الي حصل دا ؟
اتنهدت بدون مقدمات انت عندك هوس السړقة.
الصداع اختفى سړقة ! أنا حرامية ؟
وقفت واتحركت راحة جاية بفتكر كل لحظات حياتي كام مرة سړقت أو كام مرة اخدت حاجة مش بتاعتي والإجابة اني.. مش عارفة !
ازاي وانا مش فاكرة.. أنا مش فاكرة اني كنت بسرق حتى!
وقف هفهمك بس الاول عاوزك تهدي وتستوعي أنه في الاول وفي الاخر دا مرض.
قول يا زين بدون مقدمات أنا مش هشد الكلام منك و.. انت ازاي عارف اصلا اني مريضة سړقة ؟
مسح وشه بايده وحاول يتكلم فمعرفش.
ما تنطق ساكت لية ؟
لانك سرقتيني.. سړقتي ساعتي.
سرقتك!!
الدنيا مش واقفة الدنيا بتتحرك صور غريبة بتمر على عقلي لاول مرة صورة وانا واقفة ببص حواليا في الكافية الي بروحه دايما .. صورة وانا شايفة ساعة شكلها حلوة على تربيزة جنبي ..
