زهره

ولات مرا وراح تتزوج انا تأثرت بزاااف ماما من النوع لي ماتبينش المهم خرج وانا لثماك وين حسيت شوي بلي ني عروسة وحسيت بحاجة اسمها ستراس حتى يوصلني ميساج من عند منير لي خلاني ماشي غي نستريسي خلاني نرجف ............
زهرة 
الحلقة__ 66
وصلني ميساج من عند منير لي خلاني ماشي غي نستريسي خلاني نرجف مكتوب فيه وجدي عمري روحك اونفا راني جاي نديك عروسة لداري وزهرة حياتي انا بديت نرجف قلت لسارة راهم جايين لمت ديك الماكلة وعيطت لنسرين جبدولي لكراكو باش نلبسو معا اكسسواراتو لبست عدلت شعري رشيت لبارفا وخرجت لمالية فالصالو يزغرتو ويشطحو درنا حالة مبعد شوي هكا سمعنا لاصونات تاع الطاكسيات بدا قلبي يخبط رحت لشمبرتي عدلتلي ختي البرنوس هيا وسارة والدمعة في عينيهم عدلولي شعري وخرجت للصالة حتى دخلت ختو سلمت عليها قعدنا واحد ربع ساعة طولو شوي باش خرجوني خرجت تحت جناح بابا وقالي ربي يهنيك بنتي ويعطيك لي تتمناي انا بكيت وغي نرجف مدني لمنير وقالو تهلالي فيها راهي ممو العين قالو منير نديرها فوق راسي ونقول قليل عمي ماتخممش رحت معاه تحت بساط حمر والكاميرا مان مصورتني معاه حتى نوصلو للقوس معمر ورد احمر تاني وليجان هازين ليفيميجان والزرناجة مدايرين حااالة طلعني فالطاكسي والدمعة في خدي ويرقص وفرحان ويقول ديتك عمري ديتك فهمت بلي كان حابني ويهدر كلي كونا كوبل الصراحة كي شفتو هكاك وثبتت في كل حاجة كان لابسها وكل هدرتو عجبني وحسيت حاجة اسمها زواج وراجلي ...........
زهرة 
الحلقة__ 67
حسيت بحاجة اسمها زواج وراجلي وصلنا وكان دارلي في أكبر وأغلى أصال فالولاية تاعي الديكور برا روووعة وصلنا والزرناجة وصلو شوي قبلنا وجدو رواحهم وبداو قلبوها البارود حالة تاني ويزن كان مقود اسلام ولابسين نفس بعضاهم في زوج شوميز بيضا وبابيو وجيلي نواغ معا السروال نواغ وجايين عندي ويزن يمشي ويشطح فرحااان بزاااف جا قدام باب الطاكسي ويقول حلي عروسة حلي منير قالي هاااو جا عيون بابا ركبتو عندي نبوس فيه وهوا يرقص مبعد قالي هيا ننزلو نزلت يزن راح عند اسلام وهوا جا نزلني مدايرني تحت ضراعو ودخلني للاصال مع هزيت راسي تقابلني أمو زعما فرحانة بيا وسلمت عليا رحت نحيت عليا البرنوس و قعدت فالكرسي تاعي مديكوري بالرود والضواوي كلش واااو بداو يجيو الناس جات سارة سقساتني على حالتي وقاټلي كشما نجيبلك تشربي ولا حلوة قټلها لا مام اختو لينا جات سقساتني تبان طفلة سكرررر وعسلل زادت شوي ودخلت الحفافة تاعي بوركتلي ورحت معاها لاشومبر سبيسيال تاع العروسة عدلتلي المكياج وشعري ولبست الوهراني وخرجت شطحت شوي معا لبنات وقعدت جابو بنات سبيسيال للتسربية كلش منظم وعلى حطتو حطو كل خيير زدت دخلت لبست النايلي كيف كيف لبست الشاوي وزدت لقبايلي وأخرتها لاغوب بلونش كي كملو الناس لعشا لبستها وقاټلي الكاميرا مان اقعدي فلاشومبر حتى يجي راجلك تتصورو جا لقا السلام ويشوف فيا بفرحة انا حشمت سيرتو كي دارتنا ديبوز واعرين ياجدك تحسي قلبك في رجليك .........
زهرة
الحلقة__ 68 
تحسي قلبك في رجليك كملنا خرجت وخلاتنا وحدنا حكملي وجهي بزوج يديه وقالي عمري راكي شابة وديتيلي عقلي وباسني من خدي انا السخانة طلعتلي 200 شوي لا دخت قالي تهلايلي في روحك الليلة هوا خرج وانا خلاني تايهة حتى دخلت سارة شافتني في ديك الحالة قاټلي وشبيه وجهك حمر يخااه ماتقوليليش فريتوها درك قاعدا تتمسخر عليا شنفت عليها وقټلها اسكتي اسكتي برك كشغل نتي وأيوب مادرتو والو عادت تتهرب قاټلي واش راح نديرو مانديرو والو خليتها على نيتها وخرجت كانت ماما وختي في كتافي لبنات يزغرتو عليا ويحطو فالورد الأحمر شطحنا منبعد عيطولو قصينا لاتارت وتصورنا حنا لافامي معا بعض معا ماليه ومالية من بعد بداو يروحو وسارة ونسرين فوق راسي يوصيو فيا على ليلتي وانا غي هيه هيه وصل وقت الصح وقت فراقي معا عائلتي ماما تبكي وتبوس وتحضن نسرين كيف كيف خاوتي غي سارة نورمال تتمعشق معا ايوب ولا علبالها خااالص كيما يقول المصري لا علينا ركبت انا فطاكسي يزن دار فينا حالة كان باغي يروح معانا مي مخلاوهش داه أيوب ركبت فالطاكسي معاه ساكتة وهوا مداير لغنا ويرقص ويقولي ياعمري لاه حشمانة راكي معا راجلك لا علينا حتى وصلنا للدار نفسها لي كنت نخدم فيها وانا تحولت تفكرت مدام دنيا تفكرت بزاف حوايج خلاوني كي المهبولة دخلنا للدار لقيت الدنيا كامل حمرا بالشموع والورود وطابلة من لول لأخر الدار فيها كل خير قالي عمري جيعانا قتلو لا قالي معليش اقعدي كولي شوي قعدت غي نشوف هوا باين فرحان مي انا تبدلت نظرتي ليه كملنا قالي هيا نطلعو طلعنا قالي نعاونك نحيلك لاغوب قتلو ماتقيسنيش كشغل زعف مي راح غلق لباب وقالي معليش وجدي روحك في عقلك بديت نحي فلاغوب زدت فكيت شعري منبعد لمېتو طوماطيشة باش ندخل للدوش ندوش غي من لتحت...........