زهره

يزن لأنو ماطولناش بزاف حكاية 3 سوايع ايا كنا نمشيو فواحد لحديقة انا ويزن واختي حتى يتبلاني واحد يزن ماشتاش وغار هز الحجرة وضړبو بيها وانا ميتاا بالضحك وختي خاېفا كشما يديرلنا داك الجون حتى وحدو وحدو راح ومشافش وراه وانا نشجع في يزن ونقولو نتا هوا لبطل تاعي تا هوا الراجل تاعي هوا داها في روحو ينفخ ويعرض راه فيها طول ايا لعشية روحنا عيطلي سي منير مرا لولا لا ثانيا باش هزيت يسقسي عليا وعلى أحوال يزن حتى سمعو يزن جا يجري قالو بابا بابا زهلة انا حاميت عليها انا قوي ضحك سي منير وقالو لاه واش صرا زا عندها لازل يحكي معاها جا عندها راجل يحكي معاها وانا زربتو بالحزرة سكت سي منير مقال والو بابا ست انا قوي ايه ولدي قوي وكلي تقلق وماشتاش يزن راح قالي صح كاينا منها واش قال يزن ايه ومعامن خرجتي معا ختي لمرا لجاية يا معا مك يا معايا يا مكانش خلاص باش هكا نتفاداو المشاكل........
الحلقة 62
لمرا لجاية يا معا مك يا معايا يا مكانش خلاص باش هكا نتفاداو المشاكل ايه معليش كوبينا وانا رحت رتحت شوي إسلام ديما مهبلني ايا وبابا راح هدر معا أب سارة قالو بلي نكمل عرس بنتي ونجي نتقدمو نشالله سارة فرحت بزاف وأيوب حاشم زعما وأخيرا لقا حشامتو لا علينا فاتو دوك ليمات غي خرجات اشري هادي وحط هادي هاكم تعرفو يامات لعروسة منير شحال من خطړة يعرض عليا نخرجو مي مانقبلش يزن مام هوا هز طبايع إسلام ېموت عليه لحاجة لي يديرها يعاندو فيها مام التبهليل كيفو بقات سمانا لعرسي راح نحكي بإختصار كوموندينا لقاطو كانو عندي رونديفو معا تاع نتواياج دو بو وهادوك الصوالح تاني نروح الدار مقلبا ليوم السبت وجايين خالاتي وبنات خالاتي قالولي اصبغي شعرك أما أنا ماحبيتش خفت يفسد وزيد أنا شعري نواغ كوربو من عند ربي وخارج عليا بيسك بيضا خليتو هكاك نقصت شوي برك فالطول لأنو كان طوييل مام منير طلب مني مانقيسش شعري المهم خالاتي ياك تعرفو التزغريت اللمة جهازي ماتعبنيش لأنو كنت كل نهار نشري بزاف ونغلفهم في داك النهار بعد بابا وماما هداولي مقياس وسنسلة ومناقش تاع ذهب ربي يحفظهم ليا بابا هادي يدخلها وهادي يخرجها معا خاوتي يعاونو في ماما وصل نهار حنتي ........
الحلقة 63
بدلت لاكولاغ درتها غوج شعري درتو اوندولي وهزيت نصو معا تاج جيت نهبللل راح تقولو وكتاه كملنا انا وختي حتى 5 باش كملنا لأنو مساكن تعبو بزاااف معا شعري بالضراع باش كملوه وعرضت تاني لحفافة كانت وجدت روحها لثماك بعد وجات معانا جابنا اسلام تاني فات غي شطيح ورديح دخلت بالزغاريت لقيت بابا قدام لباب باسلي راسي وقالي ربي يحفظك من العين بنتي لعزيزة انا الدمعة طاحتلي كلش كلش غي بابا هوا دنيتي صح المهم دخلت لقيت ماما موجدتلي شمبرتي غي للتبدال وحاطتلي قفطان معا الاكسسوارات ولاغوب معا الاكسسوارات تاني تاعها المهم كلش منظم زادت جابتلي لغدا زعما باش ناكل ماقدرتش ذقت برك مالغري بعثولنا شوا وشغالات من برا عند الحفافة مي قاټلي لازم تذوقي الفال تاعك نسرين والحفافة كلاو اما أنا قعدت غي نقصر حتى دخل عندي يزن حبيبي كان لابس سروال دجينز وفاست موتارد وتريكو بيض لداخل يهبلللل يهبللل قاټلي ماما بلي اسلام لي شرالو جا عندي يضحك ويشطح ويقول ماما عروثة مام عروثة ونا نبوس فيه سقساتني لحفافة قاټلي منين جا ولدك حكاتلها ختي لحكاية قاټلي سبحان الله تباني نتي ماماه كفاه يعامل فيك وكفاه يحكي معاك سبحان الله ..........
الحلقة 64
كفاه يحكي معاك سبحان الله لا علينا عشاو الناس كملو وبدأت تحضيرات الحنة لي توجد فلاتاي ولي توجد فالقهوة ولي توجد فالقاطو ولي توجد فالجو ولي تحط فالصالو كلي درنا سهرة معا حنتي انا لبست قفطان كي كملو التحضيرات تاع سنيوة الحنة خرجت عندهم زغاريت الضحك الشطيح الزهو رووعة حناتلي خالتي لكبيرة على أغنية يالله يالبنات قولو لجيرانا....... يجيبو الزغراتات الليلة ليلة الحنة ...... حناتلي باركولي كامل نوضوني نشطح مباعد قعدت شوي وطلعت لبست روب سواري شوي قونفلي جايا فالغوز بب وبدلت الغوج درتو غوز فونصي وهبطت شطحنا شوي وجابولي لاطارت قسيتها كليت ووكلت العازبات لي حابين يتزوجو هادي سيرة عندنا ياكلو من مغرفتي ومني يدي باش يجيهم مام هوما مكتوبهم كملنا درنا الراي روبلناها يزن وصيت عليه اسلام مايخليهش وحدو النسا ياكلو حطينا كل خير مام المكسرات كامل حطيناهم معا لاتاي قسمو لاطارت ومدولهم كامل وصلت 12 غير ربع كملنا سهرتنا انا طلعت فكيت شعري وديماكييت وبدلت ورقدت ديراكت ماقدرتش نزيد دقيقة وهوما فرزو كلش وفرشو للعباد باش ترقد لغدوا لاربعا راحة ليا لخميس عرسي لاربعا درت آخر جلسة نتواياج للبشرة وهاكم تعرفو تقشير كامل الجسم والحمام رحت انا واختي وزوج بنات خالاتي برك تحممنا رووعة ورجعنا لحوايج لي باينين رجعوهم بيسك لعرس في دارنا محسوب خلص بقا لعرس تاع دار راجلي برك خلص داك اليوم رتحت فيه بيااا وصل عرسي لخميس ........
زهرة 
الحلقة__ 65
وصل عرسي لخميس نضت على صوت سارة تنوض فيا وتبوس وتحضن على فكرة كانت في بيت جداها بيسك مريضة وماحضرتش للحنة تاعي مي في عرسي حضرت حبي شتها فرحت بزااف قعدنا معنقين بعضانا كانت الساعة 7 جابتلنا ماما لفطور نضت سع غسل وجهي ورحت فطرت كليت داك النهار بزااف مام بابا ماخلا والو شوكولا كونفيتور حليب قاطوات فرماج مكسرات كلش كلش كملنا فطورنا انا وسارة ورحت لبست دارو فوقي برنوس ورحت غي معا سارة نسرين ختي مراحتش باش توجدلي تصديرتي رحنا معا أيوب عاد مايحشمش مام هوا زهانا هالغنا هالشطيح قلبناها فالطريق حتى وصلنا للحفافة دخلنا قعدت قاټلي نجيبلك تفطري قټلها لا يعيشك كليت حتى شبعت قاټلي اول مرة عروسة تقولي كليت زعما ماكيش مستريسيا لا ني عادي وبداتلي بشعري تسشوير واندولي ومكياج قټلها قسحيلي شوي فيه ظفاري خليت نفس لاكولاغ غوج وشعري درتو اوندولي وطلقتو معا هوا طويل جا يهبل مكياج ديما معا لايناغ وغليتر وايشادو غوز بب سما هادو البارزين شواربي تاني غوج تاع ليدام تحفتني ورسمتني جيت بوبية ومام سارة ماكيات ومشطت لحفافة مام هيا عرضتها مي مجاتش معانا قاټلي نتلاقاو فلاصال انا كملت على 4تاع لعشية عيطت لأيوب جا دانا كي شافني ماعرفنيش ومام حسيتو فرحان وفي نفس الوقت هاديك تاع ختي صاي كبرت وراح تتزوج راكم تعرفو احساس صعيب بزاف مين تخرج الصغيرا من دار باباها لا علينا وصلنا للدار دخلت على الزغاريت ماما توكل فيا فالسكر رحت لشمبرتي لقيت نسرين موجدتلي كلش مام فاليزتي تاع ليلتي قعدت شوي جابتلي ماما ناكل بيسك جعت بزااف كليت انا وسارة جا عندي بابا يسلم ويبارك ويحضن ويقول بنتي