زهره

منير لابس سروال فالنوار وشوميز بيضا معا أمو وأختو جامي شفتها في ديك الطاكسي جااب كل خير فاكية كوسميتيك كادوات بزاف حوايج حتى حارو تبان فاتحة ماشي خطبة وشوفة برك لا علينا دخلو هوما للصالو بابا وخاوتي وسي منير وباباه وحنا النسا فلاشومبر لخرا دخلت سلمت عليهم اختو اسمها ايمان زينة تهبلللل ومام عينيها زورق كيما يزن وامو زهية جايا فوق لقلب ومايش حاملتني طوول يزن فرحان ويلعب ويجري منا ومنا حتى وصل قالولي بغا يشوفك مالغري يعني انا سيفيليزي وموالف يشوفنا لا علينا دخلت للشمبرا تاعي وقعدت نستنا حتى طبطب ودخل والبارفا لي دايرها سبقاتو لاح السلام وجا قعد 
طبطب ودخل والبارفا لي دايرها سابقاتو لاح السلام وجا قعد انا بديت نستريسي شوي قالي وشراكي لباس الحمدلله ونتا الحمدلله ياربي يعني قصتي راهي تحطت قدامك وعلابالك واش صرا وواش كاين يزن راني نشوف فيه ماوش يخطيك طوول حتى كي نديه عندي يبقا يحكي عليك بون نعرفك بروحي وبحوايج ماكنتيش تعرفيهم عليا انا منير عمري 35 سنة مدير شركة نحكي شوي على عائلتي انا الراجل الوحيد فالدار ومعايا ختي نورمالمو راكي شفتيها ويما ياك شفتيها من قبل وبابا هادي هيا كاش شروط راني هنا لا مكانش ماغسي انا ني باغي نهز توتسويت ليوم راح ندفع الشرط وراح تدي حقك كيما أي عروسة او أكثر وبعد شهر نديرو عرس كبير اوك الفاتحة ماشني حاندير نديرو فالجامع برك ايه معليش اذا قابلة نتوكلو على ربي قابلة ايه حطلي دراهم في يدي وقالي تهلاي في روحك انا نروح ويزن تاني تهلايلي فيه نشالله خرج وانا مسحورة فيه وفي أناقتو جامي ثبتت في ملامحو كيما درك خرجت ليهم سمعو الموافقة ناضو يزغرتو لبسولي لخاتم لاتارت قسمناها وراحو ............
الحلقة 59
لاتارت قسمناها وراحو ونفس الهدرة لي قالهالي قالها لبابا سما تفاهموا في كلش لعشية دنيا مقلبا وهوما يفرزو انا ماخلاوني ندير والو قاعدة في شمبرتي ودخل يزن قالي صح نتي عروثة زعما عروسة هههه ايه ضحكت من قلبي كفاه جا سقساني منبعد قتلو وعلابالش شكون لعريس ثكون نتاااا وقعدت ندغدغ فيه ونحضن ونعض وهوا مېت بالضحك منبعد بدلتلو وغسلتلو ورقدتو معايا لأذن المغرب باش نضنا لقيناهم يوجدو فالعشا سارة روحت تعشينا كملنا رحنا للصالو تجملنا ومعانا يزن يدور فالصالو وسعات يتقابض معا أسيل بنت نسرين دارو فينا التير باباا بنتي المازوزية كبرت وراح تتزوج ايه ناضت نسرين وأنا كي حبيت نتزوج لاه ماقلتش هكا عليا في زوج راكم بناتي بصح زهرة راهي عينيا اشفا عليها بابا ماتزعفي موالو زهرة زهرة ونسرين نسرين نورمال شنفت وقاټلي مباعد ونهدر ماشي درك منبعد قالنا بابا مدام هكا مام الطفلة سارة نزيدو نخطبوها لأيوب وصاي أيوب حشم دار روحو يشوف فالتلفون وماوش لاتي يهااااه اأيوب مالا سارة ااه شاف عندي ويتحلف بابا راه حشم ماتخطبلو موالو حل عينيه وبلقهم فيا قتلو ماتشوف فيا مانشوف فيك خي حشمت لاه نخطبو اقعد هكاك خير بابا يضحك علينا منبعد هزيت يزن وقتلو هيا نروحو للشمبرا مابغاش حلاتلو معا مدام أسيل خليتو لثماك وقټلهم عينكم عليه رحت للشمبرا باش نعيط لسارة رحت معا عيطتلها هزت حكينا شوي سقساتني على سي منير وواش قالي فالشوفة حكيتلها ايا منبعد قټلها وجدي وجدي داركم لاه اذا كتب ربي جايين نخطبو شكون تخطبو مافهمتش اختك لأيوب كفاه هادا تخطبو اختي مزالت صغيرا .
الحلقة 60
كفاه هادا تخطبو اختي مزالت صغيرا راكي سيريو ولا تتمسخري والله صح نتي لاه عندك عرق مبوشي هكا ابنتي واش ندير بأختك جايين ليك سكتت حمارة دابة جحشة هادي يااااااا سما صاي راح تخطبوني هييييه ازهري درك نلصقوك معا الحشام تاعك وهانا قاعدين فرحتيني والله نقولك حاجة ايه قولي انا وأيوب رانا نحكيو فالتلفون وياااااااااهجالة وماقتيليش والله هوا لي قالي ماتقوليلهاش اسمحيلي ماشي نيتي نخبي عليك ياااو طوز علابالي بكلش كفاه علابالي راكم تهظرو معا بعض وعلابالي ليوم في فاتحتي راكم تلاقيتو والله صح كفاه عرفتي بااااينا روحي روحي خليني راح نكوبي هيا باي صحاااا كوبيت دخلت ختي قاټلي احكيلي شقالك حكيتلها ايا وبدأت تاكل في راسي اشري هادي وماتشريش هادي وراهم عندهم لازم تروحي كلاس ومنا قټلها علابالي خليني نتفرج شوي قبل مايجي يزن مايخلينيش نتفرج في عقلي يااااا سما تحاوزي فيا لالا قټلك روحي برك هاني رايحا راحت وانا قعدت نتفرج حتى وصلني ميساج فالنيميرو مكتوب فيه salut حرت وتشوكيت شكون هادا لي يبعثلي هكا فجأه نسيت طول سي منير ماريبونديتش تجاهلتو وبقيت نتفرج حتى تخرجلي آبال من نفس نيميرو الميساج هزيت وسكتت قالي معايا زهرة عرفت الصوت بيسك هدر معايا من قبل قتلو اااا سي منير ضحك بالصوت وشي هادي سي منير ياك ليوم فتحنا و لا نسيتي ااا اسمحلي ماعرفتش النيميرو عليها ماريبونديتش ماعليش هاهو عندك مالا وهاكي عرفتيه كي نعيط ولا نبعث ميساج نستحق مرتي تريبوندي سكتت ايه وشراكي وشړاه يزن راكم بخير الحمدلله ياربي رانا بخير دايمة نشالله ياك قتهالك انا باغي نهز ونتزوجو بعد شهر ولوكان نلقا قبل نورمال ومذابيك نتي تبداي توجدي روحك بيسك ماوش راح يكفيك الوقت لكلش لاه انا واش راح نشري كفاه واش راح تشري راح تشري كيما أي عروسة وانا راح نعاونك في أي وقت بغيتي نخرج معاك ني حاضر ايه ربي يعيشك كذبت عليه قتلو يزن راه يبكي راح نكوبي قالي معليش كوبيت وخليتو عدم الإحساس بأي حاجة يعني كأنو مانيش عروسة كيما قال هوا وانا لي كنت نقول مانخلي لبسا مانلبسهاش لراجلي ومانخلي مكياج نمتعو بكل الطرق مي في راسي درك رايحا على جال يزن وتزوجت على جال يزن ماتزوجتش باش نعيش معا راجلي ونتمتع معاه فكرتي كانت المهم يزن يكون فرحان وهادي غلطتي لبنات نتمنا ماديروهاش الزواج حاجة ماشي ساهلة وماشي على حاجة وحدا تغمضي عينيك على لحوايج لخرين وتاخذي قرارك من الضړبة لولا لا علينا جا يزن رقدنا لغدوا نوض على ختي تنوض فيا باش نروحو نخرجو بالضراع باش وافقت ورحنا 
لحجاب مقالي عليه حتى واحد مدة خطوبتي كامل وانا هكاك سيفيليزي بابا مد دراهم شرطي لماما وهيا مدتلنا قيس داك النهار برك خرجنا شريت لحوايج داخلية بالدوبل يعني ماشي اانا ختي هيا لي تشري انا كلي ماوش عرسي شرينا فوند روب قنادر وصابوات وبشامق المهم اللبسة تاع الرجلين حشاكم وروحنا نعتنا لماما كلش قاتلنا يهبلووو ختي قاټلي ياربي تلمي حوايج ارتاحي ذرك فليل نجي نلموهم وكيما قالت دارت حطتي لحوايج تاع لبسة رجليا وحدهم في سلة وكوفرتهم بالتول والورد لقنادر كيف كيف وخليناهم لغدوا خرجنا باش نحكمو رونديفو لتاع النيتواياج المهم حوايج تاع لوجه والترطيب ومنا ...........
انتظرونا في الجزء الثاني في قادم الايام 
زهرة 
تغدينا برا وكان معايا