زهره

خيير زدت دخلت لبست النايلي كيف كيف لبست الشاوي وزدت لقبايلي وأخرتها لاغوب بلونش كي كملو الناس لعشا لبستها وقاټلي الكاميرا مان اقعدي فلاشومبر حتى يجي راجلك تتصورو جا لقا السلام ويشوف فيا بفرحة انا حشمت سيرتو كي دارتنا ديبوز واعرين ياجدك تحسي قلبك في رجليك .........
زهر___ة 
الحلقة__ 5657
الحلقة 56
نعيطلو يجيبلهولي هزيت التلفون نعيط لإسلام مايهزش مابغاش يهز تقريب 10 ابال والو بديت نخبط في روحي ونقول لما جيبيلي يزن ياماما جيبيهولي يزن يقعد معايا مانخليهش حتى عيطلي خويا هزيت ونا نرجف وينو يزن اسلام راه معايا لاه راكي تبكي صاي لي صرا صرا جيبهولي توحشتو لكان راكي تبكي غي مكلاه تخلعي الطفل لالا مانبكيش جيبهولي برك ني جاي ماطولش صحا 
ماما لازم نخليه مايحسش بغياب ماماه لازم نعوضو ياك بصح كفاه عاونيني قوليلي كفاه جبدتني عندها وحضنتني زهرة بنتي يزن راه يحبك كثر من ماماه لي جاباتو من حنانتك معاه اقعدي هكا راح تعوضيه على كلش ماتخافيش راح يحبك ايه ماما نشالله غفيت شوي في حضنها حتى طبطب لباب تخطفت جا خويا وفي يدو يزن هاز شوكولا وجو رحت ليه نجري نبوس فيه ونحضن بغيت ندخلو في صدري ونغلق عليه خاااايفا عليه لدرجة مايتصورها حتى واحد رحت لسرير حضنتو وهوا قعد يحكيلي كفاه شرالو اسلام شوكولا ومنا وانا نسمع اما عقلي ماوش معاه عقلي راح بعيييد شوي هكا رقدتو معايا لغدوا دفينة مخلاتنيش ماما نروح قاټلي ياك قلتي نقعد معاي يزن بابا وخاوتي راحو انا وماما قعدنا فالدار وسعا على ساعة طيح دمعة حزن ونخمم كفاه راح ياكسيبتي بلي ماماه ماټت ...........
الحلقة 57
ونخمم كفاه راح ياكسيبتي بلي ماماه ماټت فات نهار الدفينة بابا جاو ويحكيو على سي منير كفاه مغبون وحازن عندو لحق ماوش راح يلقا مرآة كيما مدام دنيا صبورة وحنينة ونية لا علينا الله يرحمها لغدوا جا خويا قالي لبسي ليزن نديه باباه باغي يشوفو مابغيتش بصح يروح ويجي باباه رحت لبستلو وديتو لخويا داه مانجا يرجعهولي حتى هبلت خاېفا غي كشما يصرالو وانا نروح فيها صح فاتو يمات على مۏت مدام دنيا انا نقعد نقعد نتفكرها نبقا نبكي حتى ينشفو دموعي يزن يبات معايا بيسك كي يروح لبابااه مايسكتش يبقا غي يبكي سما فليل يرقد معايا وصباح يجي يديه سي منير حالتو ولات حالة حتى فات شهر وحنا نفس الروتين واحد لعشية جا بابا قالي بنتي ارواحي نحكي معاك نتي ويماك عيطت لماما قعدنا فالطابلة تاع الكوزينة متجمعين حتي قالي زهرة راهم خطبوك يزن بابا مانقدرش نخليه وحدو لالا يابنتي اصبري درك تفهمي سي منير جا عندي قبيل وراه طالب لحلال اذا موافقة يجي ديرو خطبة وفاتحة ليه ليه كفاه نتزوج بسي منير مستحيييييل يابنتي ياك باغيا يزن يقعد معاك لاه راه عايش في زوج ديار روحي معاه وعيشو معا بعض ماشي معنتها لمرا لولا تاعو ماټت معنتها ينهي حياتو بصح بابا زهرة رايك هوا لي نمشي عليه مانسيفش بنتي على حاجة مابغاتهاش خممي معا روحك ليلة هادي وغدوا رجعيلي بالخبر هزيتلو براسي ونضت رحت للشمبرا عيطت لسارة قعدنا نحكيو حتى قاټلي فالۏفاة قعدت تحكي غي عليك ام سي منير وتقولهم هيا لي قټلتها راهي جربة ماديريش عليها قټلها نقولك اللخرة واه خطبني سي منير اااه قولي والله والله ونتي قبلتي مزال ماقررتش من جيهة يزن بغيت نكون معاه ومن جيهة سي منير كفاه وعلاه ماعلاباليش مانيش فاهما خلااه علاه انا بين هادو كامل صرالي هكا خربولي فالكبدة تاعي يزن كفاه ندير ياختي واش راح نقولك ربي يسهلك امورك نشالله سارة كوبينا جابولي يزن بدلتلو وعشيتو ورقدتو جا تعبان قعدت نشوف فيه ليل كامل حتى خرجت بقرار وصاي سنييت عليه ............
زهر___ة 
الحلقة__ 585960
الحلقة 58
خرجت بقرار وصاي سنييت عليه انو نقبل نتزوج بسي منير ونوفي بوعدي لمدام دنيا لأنو خلاتو أمانة في رقبتي مانجمش نخيبها وبلا وعد انا كونفيرميت من حاجة كو انا مانقدرش نعيش بلا يزن هوا ولدي وخويا الصغير وعمري وحبي حنانتي كامل مديها هوا ومام لوحيدة لي حبها من نهار لول هيا انا كفاه نخليه ونروح مدام بين لبنات كامل انا لي صرالي هكا معليش نتقبل كلش وربي راه معايا مالغري قصة ام سي منير مخوفتني شوي مي ديسيديت وصاي نضت غسلت وجهي صليت لقيت ماما وبابا نايضين على الصباح بيسك يصليو الا اذا ماما تكون مريضة ماتصليش موجدا لفطور ويقصرو حتى دخلت ليهم صبحت عليهم وقعدت قالي بابا وشړاها بنتي ني نحس فيك ماكيش مليحا ليامات هادو قتلو لا بابا ني مليحا الحمدلله كي نتوما معايا دنيا ومافيها وعلى لحكاية تاع لخطبة انا موافقة ااا خممتي مليح بنتي صايي ايه بابا صاي على جال يزن ندير كلش ماما زهرة بنتي اشرطي دارك وحدك بلا يماه لأنو مانتهناش لوكان تكون معاك هيا بابا لاه منين تعرفي امو حكاتلي عليها برك زهرة معليش مالا اليوم راهو الاثنين تنجمو توجدو رواحكم للخميس باش نقولو ايه بابا هداك هوا صحا مالا انا نروح الله يعاونك امين راح قعدت انا وماما قاټلي يابنتي والله ماني حابا نشغلك بالك بصح امو راهي صعيبة علابالي ماما ني رايحا على جال يزن بصح هادا اسمو زواج سما هدفك ماشي غي تقعدي معا يزن عندك راجل لازم تتهلاي فيه وتنسيه في مرتو المرحومة وتكسبيه راه راح يولي راجلك ماشي اب يزن برك راه راجلك فهمتي شاني نقول ايه ماما فاهمة زيدي خممي ليمات جايا نشالله نديرو بروقرام للميناج وعيطي لنسرين تجي تعاونا ايه مام سارة لازم تجي امعليش رحت للشمبرا فرزتها وبلعقل باش مانوضش أميري طبقت قشي ورتبت خزانتي وصلت 8 بدا يفطن ويحل في عينيه رحت ليه نبوس ونعض فيه وهوا يضحك عاجبو لحال زدت حليت الريدو دخلت الشمس وضړبت في عينيه الزروق يمااا خيتي تقول ناكلو ومانشبعش نشم في ريحتو والله ادمنتو صح نوضتو غسلتلو وديتو يفطر وبدلتلو مجاش سي منير داك النهار قعد معايا يزن ورايا غي يلعب عيطت لسارة ونسرين وقټلهم ارواحو ديرو معانا لميناج غدوا لغدوا درنا ميناج جات ختي باتت بصح سارة لعشية كي كملنا روحت نسرين قاټلي راكي سور بلي صاي راح تقبلي قټلها ايه سور ربي يهنيك مالا آمين
مانيش فرحاانة يعني جايتني حاجة عادي يقولو الطفلة كي تتخطب يجيها ستراس تفرح تزغرت انا ولا وحدا من هادو لحاجة لوحيدة لي تخليني نفرح كي نشوف يزن قدامي هادا مكان لا علينا وصل نهار لخميس دوشت جبدولي لبنات شعري بيسك طويل ويتعب لبست روب فالروج خفيفة ماكياج مابغيتش ندير سيفو عليا سارة ونسرين قالولي ضراع ديري خي درت شوي ماشي بزاف يزن لبستلو ومانخلي حتى واحد يقيسو انا نتكلف بكلشي فيه لعشية جوايه 4جاو وجا سي