زهره

قاټلي نخطبك لخويا الصغير رفضت رفض قاااطع لأنو انا لازم سع نكمل قرايتي وساهل الزواج هاذا إذا عدت نأمن الرجال سع المهم كلما دوك اليومين جات ختي عندنا معا أسيل ضيافات مايخلاصوش أنا نعاون ونوجد غي صباح اما لعشية ني معا يزن مام واحد النهار قاټلي مدام دنيا ماتجيش غدوا جات هيا ويزن وكانت هاديك اول مرة يزن يجي عندنا كي شافوه خاوتي بغاو ياكلوه هوما يحبو لولاد صغار..............
الحلقة 51
يحبو لولاد صغار بزااف وخاصتا لي كيما يزن يقلق بالخف وهوما مرضوني بالقلقا ملي كنت صغيرا مدام دنيا ديما بتواضعها وأناقتها ماما قاټلي تهبللل تهبللل الله يبارك عجبتها بزاف 
لا علينا نمشييييو فلايامات شوي ماشي شوي بزاف ونحكي بالمختصر على عامي الدراسي الأول فالجامعة 
اول نهار باينا ستراس انا وسارة غي مقاودين بعضانا ونمشيو نكتاشفو فالخلق والجاميعة لقينا لحالة مرووونة بيسك كنا فاليسي كلش منظم ماشي كيما فالجامعة تخرج عليهم مقولة لي حج حج ولي عوق عوق هادي هيا ياماتي لي نقرا فيه لعشية مانروحش عند يزن ويدير مندبا لازم نحكي معاه فالتلفون أما نهار لي مانقراش فيه نروح عندو نلعبو انا ومدام دنيا علاقتنا طووورت بزاااف لدرجة نحكيلها كلش ومام حكيتلها على وش صرالي من قبل سما ولينا أعز الناس لبعضانا ...... تسقسي عليا نسقسي عليها ومام تعجبني روحها الخفيفة ولي نية ماتبان يتيمة لأنو يقولو على ليتيم صعيب وواعر لأنو ماتلقاش حنان الأم أما هيا نو عااااقلة بزاااف ونية المهم في نص العام صرات حاجة رجع عندي أشرف وبقا يحاول فيا نرجعو مي أنا ماشفتش فيه طووول ومام كي حكيت لمدام دنيا قاټلي ايه عندك لحق هوا فالضړب صحيح مالقيتيهش لاه ترجعيلو ماترجعي موالو قټلها ايه هاديك هيا واحد الشهر وهوا ورايا لدرجة جا خطبني من بابا بصح بابا قالو لوكان تبقا غي تا مانمدلكش بنتي مانقولكمش کرهتو لداخل في قلبي مازلت حاجة تقولي هاو خطبك اقبلي بيه بصح لاا مدام بابا مارضاش صاي مانخممش طوول فالموضوع لا علينا مدام دنيا حالتها تمشي وتنقص وانا شاقة قلبي عييت نتقبل بلي راهي تروح بالطرف يزن طورت شوي الأمور عاد يجي عندنا يبات كبر الستوت والنهار لي يجي الدار كامل مقلبا مام خاوتي يلعبو معاه 
المهم فوتت داك لعام طلعت جا الصيف درت بروقرام انا وسارة تاع لخريج والزهو والضحك بصح قبل هادا فاتحة اسلام قربت وانا عرضتها وقټلها نوجدو كلش معا بعض ختي كي سمعت غارت أسيل مام هيا كبرت وقبيحة كثر من يزن نهار يتلاقاو لآخرة تنوض فالدار ديما مدابزين حتى نفصلوهم المهم انا قررت نلبس روب ميني وضيقة عليا فالبيض معا سيرتات تاعها واختي خيطت قندورة مطروزة من لفوق للتحت هيا وماما وسارة كيفي بغينا نخرجو كيف كيف فالفاتحة مدام دنيا عرضتها بصح قاټلي مانقدرش للحس نبعثلك يزن اتهلاي فيه واسمحيلي بزاف قټلها سماح ماتخميش جات لفاتحة عرضنا ودرنا فاتحة كبيرة يزن جابو سي منير على الصباح وجاب لكادوات ماخلا والو يزن جاب كابتو معاه واش تحسابو هيه مام هوا يبدل كان لابس بانتاكور وتريكو والنظافة والشعر كفاه محفف وممشوط ايما خيتي قريب كليتو عيطتلي مدام دنيا قاټلي ني بعثتلك يزن وبعثت معاه كوستيم تاعو فالكابة كي تجيو رايحين لبسيهالو قټلها معليش ديتو فطرتو معايا وقتلو هيا بنا سارة نسيتها طول كي جا يزن مام هيا غارت رحت ماكييت لنسرين وزدت لسارة وماكييت لروحي ويزن قدامي هوا لي يعاون فيا ايه فحل ولدي انا ويعيطلي ماما كامل يسقسيو شكون هادا هوا يقولهم ودها زعما ولدها ههههه المهم كملنا كل وحدا واش دارت شعرها انا درتلو اوندولي وخليتو ودرتلو ديك سيرتات جيييت نهبللل سارة كيف كيف هيا شعرها شوي قصير على شعري ونسرين هزاتو يزن جبدلتو قشو لقيتو كوستيهم زرق كيما لاكولار تاع عينيه يااااعمري لبستهولو جااااه يهبلللل وزدت لقيت براسلي تاع حديد مكتوب فيها اسمو لبستهالو جا يهبللل وسشورتلو شعرو شوي كي خرج كامل يباكو ويقولولي يجيب لعين قټلهم في قلبي خليوه توما برك بالعين تاعكم مايصرالو والو  
رحنا عند مالين لعروسة فرحنا وزغرتنا وفوتناها toooop مام اسلام دخل وقصو لاتارت ولبسلها لخاتم المهم فات كلش يهبللل .........
.الحلقة
المهم فات كلش يهبلللل انا وسارة لي شوفنا يحسبنا خواتات كعاد لبسنا نفس اللبسة ومام خطبوني خطبوها ياختي خرجنا رووعة روحنا للدار باش نديرو لعشا ونوجدو للضياف وحنا هكاك نجريو من ومنا حتى يدخل علينا أيوب شاف سارة قعد غي يكيل فيها وهيا حشمت مالقات مادير شوي هكا خرج و عيطلي قالي وينهم ليقوبلي والماء وجديهملي للرجال باش نجي ندي ديراكت قتلو معليه رجعت لسارة قټلها ياحلوفة شبيييك حمرتي انا لا والو والو قوليها لي مايعرفكش ماشي ليا لاه وش كاين ايوب شبيه شاف فيك عجبتيه اهجالة باااينا اييي قولي والله هاوالله مالا نكذب عليك ماشفتيش كفاه شاف فيك منعرف ماتلعبيهاش برك جا يزن يجري عندي هزيتو نحضن فيه بغا قاطو مديتلو المهم فاتت روووعة رووعة غي ضحك وزهو عشينا لعباد وزدنا شطحنا شوي جوايه 11 عيطلي بابا قالي وجدي يزن راح يروح معا باباه وجدتو بعثت معاه لقاطو وراح سارة حكمتها عندي تبات قعدت ديك الليلة معايا يعني فالحق درتها بلعاني باش تقعد هيا وأيوب لا علينا كي تفرقو الناس عادت تمشي بالخيمار زعما حاشما وهوا والله مايفوت فرصة وصلت 1 كملنا شغال الدار غسلنا لماعن وطلعنا لشنابرنا انا وسارة ونسرين وزوج بنات عمي بدينا نقلعو فاللبسة ومشطنا شعورنا وديماكيينا المهم شغلات لبنات حتى جات ماما تسقسي فيهم على الفاتحة قالولها الله يبارك مليحة قټلها يبالي راهي تستنا فيه فاتحة خلاف وقرصت سارة وضحكت ماما مافهمتش تحساب عليا هداك ماخصك غي تتزوجي خليك في نيتك منبعد راحت المهم وحنا قعدنا قالي قټلك ياك تعرفو سهرة معا لبنات تفوت روعة شفنا ليفوطو درنا ليستوري رقدنا لغدوا ميناج للدار وكل حاجة في بلاصتها فات نهار تعبنا بزااف فيه لغدوا رحت نخدم عند مدام دنيا كانت شوي عيانة يزن كيما لعادة يفرح كي يشوفنا حتى قاټلي رايحا لتونس نداوي قټلها معليش قاټلي يزن اديه معاكم للدار درك ني نعرفك ونعرف عائلتك مكانش واحد ناثق فيه وعلابالي ولدي راه في أمان غي عندك نتي قټلها مكانش مشكل ماتقلقيش طووول روحك نروح سمانا بأذن الله ونرجع قټلها اوكي بصح وكتاه تروحي ايكزاكت غير غدوا طريق سلامة نشالله وبشفا نشالله زهرة حبوبتي كملت نهاري معاها روحت قلت لماما بلي رايحا داوي في تونس ويزن يقعد عندنا قاټلي معليش ياك تتفاهمي معاه هاديك لفايدة لغدوا كيف كيف رحت لقيتها تلعب معاه وحزن في عينيها قاټلي ادي معاك قشو ليوم باش غدوا يجيبو باباه عندك درت كيما قاټلي هزيت قشو لي يحتاجو درتو في كابة وخليتو باش نديه معايا يزن بغا