زهره

انا هزيت يزن ورحت بدلتلو قشو وانا رحت هكاك غي شعري هزيتو خرجت للصالو هازا يزن معايا مالقيتش سي منير منبعد شفتو هابط قالي واجدا قتلو ايه قالي هيا رحت خرجنا طاكسيتو الله يبارك ركبت من لور ومعايا يزن وهوا ركب لقدام ديمارا مشينا منبعد عيط تلفون مانعرف لمن بصح فهمت للطبيب قالو ني جايبلك ولدي دكتور وهداك يزقلو مرحبا بيك وووو 
وصلنا لكلينيك دخلنا ينعتلي وين نروح وصلنا عند سيكريتيرا قاټلو ادخل راه يستنا فيك رحنا دخلنا قاعد يسلم عليه ويسقسي فيه دار ليا قالي سلام عليكم مدام حطيلي الطفل فالسرير حطيتو قالي من وكتاه ولدك فهاد لحالة قتلو ماوش ولدي انا بيبي سيتينغ برك اااا جو سوي ديزولي كي جيتي معا سي منير نحسابك انتي مو منير حسيتو يشوف فيا مي مالهيتش بيه شافو تفحصو وانا قعدت مقابلة سي منير حسيتو تعبااااان ومهموم ايه عندو لحق مرتو باينا مريضا وزيد ولدو درت عند يزن لقيتو يفحص فيه وماوش فاطن بزاف خرج دكتور عيط للفرملية قالها جيبيلي ابرا .......
الحلقة 49 
قالها جيبيلي ابرا جابت دارلو بدا شوي يفطن وعيطلي زهلة رحت ليه نجري بستو وقعدت قدامو دار ليا دكتور قالي تباني نتي ماماه متعلق بيك بزاااف باباه قدامو ماعيطلوش وضحك مبتاسمت وقتلوا انا نشوف فيه ولدي ايه وحنانتي كامل مادتهالو ربي يخليكم لبعض نشالله راح لبيروه كتبلو دوا وقالو سخانة عادية تحكم لولاد فالفترة هادي ماتخممش خرجنا وانا هازا يزن رحنا للطاكسي حليت وركبت ومعايا يزن شوي هكا حبس راح جاب دوا سي منير منبعد زاد حبس راح للسوبيرات جاب قضية لولدو وروحنا للدار انا رحت معا يزن بدلتلو ومنبعد جا سي منير جابلي دواه وينعتلي كفاه نشربلو شربتلو في ديك الدقيقة وقتلوا بغيت نشوف مدام دنيا قالي خلي يزن عندك سهام وهيا نديك اطلعي عندها عيطت لسهام قعدت معاه وانا طلعت معاه وكانت اول مرة نشوف لفوق كانت حطة كثر من لتحت وخاصتا شمبرتهم شومبرا تاع الملوك صحصح مام الدوش فيها دخلت ليها رحت سلمت عليها لقيت حالتها كثر من كانت وجها اصفر مافيهش قطرة الډم لا علينا دعيتلها بالشفاء وسقساتني على يزن وتوصي وتعاود عليه وكانت تقول كشما يصرا يزن راه في رقبتك ماتسمحيش فيه انا نقولها بعيد الشړ مايصرا والو وديما تقعد تقعد وتقول كشما يصرا قاټلي روحي تروحي علابالي تعبتي بزاف واسمحيلي تطلب فالسماح وتعاود قټلها يزن راه كي ولدي ماتخميش خلاه ربي يعيشك معليش روحي تروحي درك وغدوا ارجعي فالوقت تاعك بغيت نقعد مي قاټلي مدام انا هنا خلاه قټلها معليش رحت لتحت عيطت لبابا قتلو ارواح اديني نروح جاب طاكسي وجا داني نروح يزن وصيت عليه سهام قټلها كشما يصرا عيطيلي وهوا قتلو غدوا نرجع رحت للدار حالتي حالة دوشت لبست روب تاع دار مشطت شعري ونشفتو شوي منبعد رحت للكوزينة قعدت معا ماما حطتلي ناكل كليت شوي وحكيتلها قاټلي معليش صدقة عليك حتى دخل بابا وفي يديه كل خير قالي هاه بعثهملنا سي منير وشكرك بزاف كي قعدتي معا ولدو قتلو كثر خيرو ورحت لشمبرتي رقدت طووول مازدتش نضت للغدوا على صوت الآذان رحت توضيت وصليت بابا راح للجامع ورحت للكوزينة وجدت فطور فطرت ناضت ماما قاټلي صباح الخير صباح النور ماماتي وشراكي الحمدلله لبارح رقدتي تقول مېتا زعما جيت باش نوضك مي شفيتيني خليتك ايه والله مافقت للفجر باش نضت ايا معليه نروح نفرز شمبرتي منهيه رحت فرزت طبقت قشي وخرجت لي راح يتغسل فرزت لاكوافاز تاعي مسحت لغبرا زدت رحت للصالو فرزتو بياااا ومسحتلو لغبرة تاعو وانا نقصر معا ماما منبعد كبيت لما سيقت كلللش غسلت دوش وتوالات خويا راقد بيسك يخدم فليل بقالي تنشاف ناض خرج من شمبرتو شنف وقالي على صباح ربي طرت فيه انا واااش واااش قالو على صباح ربي لقيتو لي تنظفلكم وتنقي وتزيد تشرط وكي نقعد علاه راكي قاعدا فهمو رواااحكم اوووو روفي تلمي فمك خيرتلك نكشتني ماما اسكتي زهرة لاه تعاندي فيه مانيش انااا معليش فوتي برك على جالك صحيتي ناض يعيط من الدوش مااااا وجديلي لفطور ني جاي قاټلو معليش راحت للكوزينة وجدتلو وانا قعدت نشف
نشفت كلش هوا دخل للكوزينة ومانعرف واش كان يحكي لماما كملت تنشاف غسلت يديا وحطيت نشافة ودخلت للكوزينة نسمع في خويا يقولها وانا واش دخلني في أيوب انا لقيت وني واجد وديجا مانيش راح ندير لعرس درك حتى توجد روحها استنا استنا ماتقوليش نتااا راح تخطب وقبلو بيك ولاه مانيش راجل انا لالا حاشا وااااي وااااي كرشي حانموت شبييييك تضحكي نتا راح تتزوج وتجيب ولاد وحالة اااااي ربي روحي روحي نتي راكي شوي شوي في عقلك غي مناش فايقيلك انا شوي شوي ونتا بزاف يزاف شو دصاااارة اهيه وشكون تعيسة لحظ لي قبلت زهرررررة والله نوضلك صاي صاي سيريو شكون الأميرة لي راح تدي أمير كيفك كي تروحو تشوفوها المهم ماا نعول عليك قولي لبابا ايه مايكون لا خاطرك يااا ماتقوليش حشمت منو اسلام !!! لالا نروح قدامو نرقص ونقولو بغيت نتزوج هيه واش فيها جيت راجل ديرها يماااا احكمي فيها زهرة خلي خوك صاي صاي اهيه وكتاه تجيبو لولاد سمعت تلفوني يصوني رحت نجري لقيتها سارة وي زين صباح الخير صباح النور زهرة ليوم تسجيلات تاع الجاميعة ياااا قولي والله والله انا ني رايحا اوك اوك درك نشوف بابا رحت لماما نجري قټلها عيطتلي سارة قاټلي ليوم تسجيلات لجاميعة هيه باباك علابالو راهو وجدلك دوصيك يكثر خير سي منير فرزلك كلش فالجامعة اااا تهنيييت لمزية خلي غدوا وهزي دوصيك وروحي نشالله ناضت دير فالعشا وانا ورا خويا ايييي اسلام كبر وراح يتزوج ويجيب لولاد ايييي خويا عاد راجل اييي خويا كذا هبلتووو مسكين حتى حكمني من الشعر قالي اخطيني صينو تدي طريحة قتلو اطلقني برك من لي طلقني مازدتش درت بيه خاېفا على روحي لعشية رحت لدار مدام دنيا لقيت يزن نفس الروتين مدام دنيا لقيتها شوي شوي حالتها
ماشي كيما كانت وماشي مكانش خلاه كملت نهاري معا يزن عاد متعلق بيا فوق الازم ومام يعيطلي ماماتي وانا نذوووب حسسني بالأمومة صحصح لغدوا صباح نضت بكري لبست سروال عريض معا تريكو وفاست كوير بيسك لحال بدا يبرد شوي ورحت معا بابا للجاميعة بالخف كملنا سلامة معارف سي منير روحت بدلت قشي وقعدت نقصر معا ماما فاتو يامات معدودة وكنت نقصر معا خاوتي ونتمسخر معاهم حتى دخل بابا قالي وجدي روحك نروحو عند يزن لمرا تاع سي منير راهي غلبانة وفالسبيطار رحت نجري لبست سروال ومعاه تريكو طويل تاع صوف هزيت شعري ورحت معا بابا جاب طاكسي وصلنا لقيت كي لعادة يزن فااحم بالبكا .......هزيتو ورحت نمشي بيه نسكت فيه حتى