زهره
المحتويات
عندي مانيش راح نروح نخدم نقعد ندير لعشا وقاټلي يزن هبلني عليك لبارح ليل كامل وهوا زهلة زهلة مام انا توحشتو ياقلبي جا يجري عندي زهللللة زهللللة رحت مام انا ليه وهزيتو نبوس ونحضن فيه وهيا تسبح تقول عندكم عوام ونتم تعرفو بعض وتضحك قټلها والله جامي حبيت طفل كيما هوا ربي يعيشك نديرو في عينيا وقليل هيا يزن هيا نروحو نلعبو جبتلك بزاااااف نفيخات وحلوة عاد يعيط ياااااي يااااااي نعبو نعبو رحت معاه لاشومبر تاعو وفرغت ديك الساشي لي فيها نفيخات طبطبت سهام قاټلي هاكي بعثتهالك لمدام نفخي بيها نفيخات بديت نفخ ونحط بهاديك ونحيت صباطي حطيتو قدام لباب وقعدت نلعب معاه ونطيشو فالنفيخات لفوق ومام علمتو الألوان وهوا بالخف يهز ودرنا لغنية تاع بابا جابلي بلون ياعيني ياعيني احمر واصفر اللون ياعيني ياعيني يعني انا من بكري نحب اللعب وزيد المازوزية تاع الدار مازلت حاطا روحي صغيرا طفولتي كامل رديتها معاه حتى حسيتو تعب وبغا يرقد حطيتو في حجري وبقيت نغنيلو حتى رقد حطيتو فلاشومبر تاع رقاد شفت ساعة لقيتها 4ونص قلت هداك هوا مدام رقد نروح نروح لبست صباطي ورحت نسمع في صوت تاع راجل وصوت مدام دنيا معا صوت عجوز دخلت عليهم ولقيت السلام عليهم ردولي قاټلي .......لقيت السلام عليهم ردولي قاټلي مدام دنيا اقعدي اقعدي قټلها يعيشك قعدت معاه قاټلي هادي هيا عجوزتي ودارت لعجوزتها قاټلي يما هاهي زهرة لي حكيتلك عليها يزن من النهار لول والفها مليح ابنتي ايه حسيتها تكيل فيا بنص عين منبعد قاټلي هادا منير راجلي متشرفين وبتاسمت هوا طلب الإذن وخرج قاټلي لعجوز ابنتي شحال في عمرك قټلها 19 الله يبارك وينو ولد ولدي يزن او راقد مدام معليش نروح مانديرونجيكش يزن راه راقد دركا ايه زهرة لا بغيتي روحي معليه اوك رحت لاشومبر تاع لعب هزيت ساكي ونظمت حوايج يزن ورحت لشمبرتو وين راقد بستو وخرجت نسمع فالعجوز تقول لدنيا عندكي منها هادي لي جاياتك هكا بالشعر لكحل الطويل طايح عليها وديك لاطاي وزيد صغيرا مكانش لي مايشوفش فيها ليوم والفها ولدك غدوا يوالفها راجلك لالا يما الطفلة باينا عاقلة خاطيها هاد الصوالح ومنير كيف كيف ماوش لاتي بيها ني وصيتك انا ودبري راسك هيا يما نروحو للكوزينة ناضت وانا درت روحي خرجت ومتشوكيا فيها منين تعرفني حتى تهدر عليا هكا السيد مامبا ماشفتش فيه قټلها ني نظمت حوايج يزن وني رايحا مدام تبقاي على خير لحاجة قاټلي بسلامة رحت خرجت وانا مېتا بالخلعة لاه تحرش فيها ياك مادرت والو هكا انا ديما ماعنديش الزهر درك تتبدل عليا مدام دنيا هادا اذا ما حاوزتنيش وتزيد تحاوز بابا ياااربي يااااربي منين جات المخلوقة هادي ........
منين جات المخلوقة هادي مروحة ومورالي تحت الزيرو والتخمام كامل خممتو وصلت للدار شافتني ماما قاټلي تباني ماكيش مليحا شاصرالك ماما ليوم جات عجوزة المرأة لي نخدم عندها وسمعتها بالتخبية قالتلها عندكي منها قصدها خافي على راجلك تخيلي أماما انا واش داني للراجل وانا نجري ونحوس باش نعاون روحي ومانكونش ثقيلا عليكم وهيا تخمملي في ولدها لا نسرقو بكيت خلاص زهرة بنتي غارت منك كي شافاتك زينة وصغيرا ماديريش عليها واش قاتلها لمرأة كي قاتلها عجوزتها هكاك لا يعني لحق قاتلها باينا طفلة عاقلة خاطيها لحوايج هادو ماسمعتش منها كلمة سيئة خلاص مالا نتي راح تقعدي معا لمراة وعجوزتها دبر راسها اما كشما قلقك ولا جاتك وبدأت تتكسل عليك بطلي وصاي بصح ماتقوليش لباباك تقلقيه ايه باينا مانقولوش روحي بنتي اتكلي على ربي هادا مانقولك هزيتلها براسي ورحت غسلت وبدلت وقعدت هزيت تلفون قعدت نتفرج حتى عيطتلي سارة قصرت معاها شوي وكوبينا شوي هكا رحت عند ماما نعاونها كملنا لعشا سمعت تلفوني يصوني رحت نشوف لقيتها مدام دنيا الفشلة حكمتني في ركابيا قلت صااي صايي جات عجوزتها باش تخربلي كلش ويزن ياعمري بغيت نبكي عييت نهز منبعد كوبات وعاودت هزيت قټلها وي مدام سمعت صوت لبكا تاع يزن قاټلي زهرة اهدري معا يزن هبلني عليك كي ناض ومالقاكش رتحت شوي منبعد قالي زهلة ياعمري لاه راك تبكي لوحتي زهلة ايه روحت بصح غدوا نجي والله وجد العابك باش غدوا نزيد نجي ولوكان تقعد تبكي مانزيدش نجي وانا نولي نبكي خلاث خلاث ماتزيدش تبكي ياك قالي امم هيا باي باي استناني غدوا باااي منبعد هدرت لمدام قاټلي ربي يعيشك يازهرة والله قريب هبلت معليش مدام ايا بسلامة صحا وكوبيت يااااشومي يزن صحصح والفني والله مام انا والفتو لعسل تاعي حبيتو تقول ولدي رجعت لماما قاټلي شكون قټلها لمدام لي نخدم عليها اييي ماتقوليليش.......اييي ماتقوليليش قاطعتها لالا يزن كي ناض ومالقانيش هبل ماماه عيطتلي قاټلي احكي معاه باش يحبس لبكا بيسك قلقها نحسب قاتلك ماتزيديش تجي والله مام انا رجليا فشلو كي شفتها هيا لي عيطتلي معليش بنتي وجدي طابلة دوك يجي باباك ايه وجدت جا بابا وخاوتي تعشينا غسلت لماعن ورحت للشومبرا رقدت ديراكت فاتو يامات وهوا نفس الروتين صباح نعاون ماما ولعشية نروح عند يزن كل يوم يبكي جا تسجيل تاع الجاميعة رحت نسجل وفي نفس الوقت تفاهمت معا المدام بلي نهار لي نقرا فيه مانخدمش قاټلي نورمال هاديك عجوزتها من هداك النهار مازدت شفتها تاني راجلها منير مازدتش شفتو ........
راجلها منير مازدتش شفتو يزن كل يوم يتعلق بيا كثر وكثر كي نلعب معاه ونضحكو ونغنيو مام عدت نعلمو سعات قرآن سمعا برك بيسك هوا صغير بالخف يهز وزدت قلت لمدام دنيا باش تجيبلي صوالح نقريه بيهم عطاتني صوارد وقاټلي جيبيلو واش يحتاج رحت على 1 شريت سبورة تاع لولاد صغار بالألوان وشريتلو تاني طابلة وكرسي صغيور كيفو مام الأقلام والألوان والعجينة وأوراق الرسم ماخليت والو حتى هزيت طاكسي وصلني للفيلا تاع لمدام هبطت دوك لحوايج ورحت انا دخلت بعد سمع صوتي جا يجري عندي حضنتو ونبوس فيها تقول ولدي مدام دنيا قاټلي شريتيلو قټلها ايه درك ندخلهم للشومبر تاع الألعاب ونظملو كلش معا بعض وهوا راح للساشيات يتوقب واش جبت رحت هزيت وهوا فرحان ودخلت بيهم لشمبرتو بديت نفرز هادي هنا هادي هنا حتى كملت وهوا يدور قدامي ويلعب منبعد لعبت معاه شوي وروحت وكيما لعادة لازم نوعدو بشي نجيبهولو غدوا باش يسكت روحت قعدت شوي منبعد عاونت ماما سمعت تلفون يصوني رحت لقيتها مدام دنيا قلت بلاك يزن راه يبكي انا هزيت سمعت صوت راجل ........
متابعة القراءة
