زهره

ربي يسهل عليهم وزيد هربت عندو وغتاصبها وقالها قودي يوووووووووو صحححح والله كيما نحكيلك راهم كامل يحكيو عليهم يخااااه واش داها ليه ماشافتش كيفاه سمح فيا راحت عندو دبر راسها هيه خليها لا علينا والخبر تاني ماحبيتش نستشفا بيسك هيا خسړت شرفها كامل في جرتو انا حكيت كلش لسارة سما علابالها بحكايتي لخبر تاني هوا لقيتلك خدمة اااا هادي مليحا حتى لخرا مليحا هههه نن هادي كثر اوكي عندي فاميلتي متزوج وعندهم درااهم بغاو بيبيسيتينغ تعسلهم ولدهم صغير ويعطوك حقك وكثر فالدراهم امممم وكفاه نهارات والسوايع ماعلاباليش كي تروحي عندهم سقسيهم ايا اوكي درك نشوف كفاه نقنع بابا وخاوتي وساهلة اوكي حبي والله فرحتيني بهاد لخبر اوموا نعاون روحي هيه صح قعدنا نقصرو شوي وراحت لعشية جا بابا قتلو قالي نشوف السيد ونحكي معاه وساهلة قتلو معليش عيطت لسارة قټلها بلي لازم بابا يهدر معا هادا فاميلتك باش يقبل قاټلي معليش فاتو يامات رحت عندهم بيسك عطاتني سارة لادراس باش نحكي معا مرتو ........
الحلقة 35
لادراس باش نحكي معا مرتو لبست اونصونبل كلاسيك تاع فاست وسروال ومعاهم شوميز بيضا ولمېت شعري درت شوي ريسيل وغوج في شواربي وبارفا ورحت فالبيس هبطت ورحت دخلت لواحد الرود فيه غي الفيلات يهبلووو دخلت نحوس على الفيلا منهم ماعرفتهاش وصفتلي سارة مي نسيت عيطتلها قټلها ني فالرود مي ماعرفتش وشمن فيلا بدات تشرحلي قاټلي بلي راهي دوبل فاصات وفيها باب كحل تاع حديد برا يدخل للجنينة باش توصلي لباب الفيلا قعدت نحوس وندور حتى لقيتها رحت صونيت حلت عليا الخدامة كفاه عرفتها خدامة بيسك لابسا حوايج تاع خدمة وطبخ قاټلي تفضلي شكون معايا انا زهرة بعثتني سارة راهي من لافامي تاع الدار هادي ااا نتي البيبي سيتينغ ايه لا كتب ربي اوكي اتفضلي لمدام راهي لداخل يزيد فضلك ماغسي دخلت لقيت واحد الجنينة تهببببل وتدي لعقل كامل ورود بكل الأشكال والألوان ومام شجر وتاني كاينا ارجوحة كبيرا فالنواغ في وسط داك لحشېش والورد فكرتني فالارجوحة لي جابهالي اشرف فلانيفاغساغ تاعي منبعد قلت صاي لي فات فات نخمم على مستقبلي درك ودخلت معا ديك لخدامة كيشغل جاي هول كبييير عالدخلة بليفوتاي والدنيا قابلتني مرآة شعرها مقصوص كوب كاري وجاي فاللون القهوي لابسا بيجاما تاع ساتا لاطاي تاعها تهبللل طاي فخونساز وخارج عليها كلش فيها يدي لعقل يعني ميش زينة مي متهلية في روحها بالبزاف........
الحلقة 36
متهلية في روحها بالبزاف وكانت تشرب فالقهوة قاتلها الخدامة مدام دنيا هاهي جات البيبي سيتينغ شافت فيا بضحكة قاټلي تفضلي تفضلي ضحكت معاها قټلها يعيشك ورحت كيراكي cv والله الحمدلله ونتي مدام الحمدلله كشما نجيبولك تشربي ايه بغيت لما حفظك سهام جيبيلها لما حاضر مدام اهيه ياك نتي لي بعثاتك سارة ايه صحبتي ايا داكور علابالك لواش جيتي جوبونس لولدك صغير هاديكا هيا يزن هوا ولدي راه راقد درك كي ينوض نجيبولك تتعرفي عليه إذا قبلتي نشالله جات سهام جابتلي لما شكرتها وراحت درك نحكيلك شوي على أجواء الدار والعائلة انا منير راجلي في زوج نخدمو منير عندو شريكة وانا شريكة معاه فهادي الشريكة سما الوقت مكاااش خلاه باش نتهلو في يزن نتهلو فبعض هاكي فاهمة وي مدام دوك نحكيلك على يزن طاااير بزاف ومهراج وماياكسيبتيش ليها ليه سما فالفترة لولا راح تتعبي معاه شوي منبعد كي يوالفك صيبو معليش وكفاه سوايعي فالخدمة عندك من 9 حتى 1 ولا من 2 حتى 5
جوبريفار تجي لعشية بيسك انا خدمتي لعشية ويكون وحدو مانتهناش عليه اوك مالا خدمتي من 2 حتى 5 بصح حبيت نقولك حاجة لي هيا بابا شوي محافظ وقالي نهدر معا الراجل ايه معليش مكانش بروبلام لعشية نقولو يديرو موعد عادي عندو الحق بنتو وېخاف عليها ايه هادو هوما لوالدين وتبسمت عجبتني تبان مرآة تهبللل ومايش من الجور لي نافخ روحو حمدت ربي و قاټلي السلاك 4ملاين قابلة ايه مدام مالا خدمتك تبدأ من غدوا ومعريفة طيبة نشالله نشالله عيطت لسهام الخدامة قاتلها شوفي يزن ناض ولا مزال راحت شوي ورجعت قاتلها مزال راه راقد قاټلي معليش ارواحي شوفيه رحت خرجنا من لهول لكبير لي يبان صالة ودخلنا في هول صغير فيه زوج شنابر قاټلي وحدا تاع العابو وتاع يدير فيها رايو ووحدا تاع رقاد رحنا ديراكت تاع رقاد لقيتو لثماك راقد ......
الحلقة 37
لقيتو لثماك راقد في سرير تاع طاكسي تهبلللل تهبللل شمبرتو تدي لعقل ويكون في عمر 3 سنين ولا 4 قاټلي هاهو وعلى فكرة في عمرو 3 سنين ميي طاااير ويبان كثر من عمرو كلش يعرفو هههه ربي يبارك ربي يحفظهولك نشالله هيا نخرجو ماقتيليش اسمك اا ايه اسمي زهرة عمري 19 يبالي ديتي لباك معا سارة سنة ايه الله يبارك ربي يوفقك نشالله نشالله يعيشك منبعد قټلها انا لازم نروح مدام تفاهمنا في كلش ومديتلها نيميرو تاعي قټلها باش كي يدير الميسيو موعد نقول لبابا قاټلي معليه خليها عليا رحت وانا تايهة وفي نفس الوقت فرحااانة كي لقيت خدمة ومعا ناس متربيين كيما هوما روحت لدار سقساتني ماما واش درتي فيها صيبو تفاهمنا على كلش يماماااا لوكان تشوفي الفيلا لي ساكنين فيها تهبللللل ربي يعطينا منين عطاهم ابنتي ولا يعطيكم توما بناتي انا عمري ضاع صاي لكن الحمدالله هيه يعني صح وليتي عجوز شوف اسيدي هاوالله ارواحي هنا نعتلك لعجوز واش دير هربتلها ورحت نضحك عليها دخلت لشمبرتي بدلت قشي ديماكييت ولبست بيجامتي وقعدت هزيت تلفون عيطت ديراكت لسارة .......
زهر__ة 
الحلقة__ 3839404142
الحلقة 38
عيطت ديراكت لسارة وحكيتلها كلش قاټلي دنيا راهي بزاااف جونتي وعلى قد ماعطاها ربي على قد ماهي متواضعا قټلها هادا كامل في جرتك نتي ربي يخليك ليا بلا مزية كوبينا ورحت عاونت ماما للغدا منبعد شوي هكا وجا بابا تغدينا وراح للصالة قعدت قدامو بابا ني رحت للمرأة لي راح نخدم عندها كون تشوفها واش جونتي وواش مليحا ومتربية ومتواضعا تتشوكا مالغري دارها بحر وبالخدامة بلا اللبسة والحطة ربي يزيدهم ابنتي تفاهمتي معاها ايه ثيبو وقاټلي 4 ملاين سلاك فيها براكة مدام عجباتك لمراة درك نشوف راجلها واخدمي على روحك هيه اتخيل كي قټلها بابا بغا يحكي معا راجلك شقاتلي شقاتلك قاټلي هيه لعشية نهدر معاه باش يدير موعد عندو لحق باباك ېخاف عليك ربي يكثر من مثالها باينا مرآة وعليها لكلام ايه والله صح يا بابا لمراة هاديك تاع خير ورزق معليش كي تقولك قوليلي هزيتلو براسي ورحت لشمبرتي خاوتي معارضوش طول سيرتو كي سمعو بابا راح يحكي معا راجلها سما تهناو
لغدوا نهار جديد عيطتلي قاټلي درك نبعثلك لادراس تاع الشريكة باش يروح باباك عند منير ويحكيو ني قتلو قټلها اوكي قاټلي مالا ماتجيش ليوم خلي لغدوا وارواحي حتى يهدر باباك معا منير يعيشك مدام